فزاعيه للسيده زينب عليها السلام
========


يمغسله اعلى بختچ

لا تعوريها

تراهي ناحله والظيم گاظيها

========

هاي اخت البطل چن ماعرفتيها

اخوها حسين وهل الزود اهاليها

نار اخوانها لليوم تچويها

تسعر ناري/يحسين اگعد

♦️♦️♦️

تراهي امتونها ليهسه نحلانه

من سياط الشمر والظيم وجعانه

من راح الكفلها وگطع ذرعانه

ذب ذرعانه / يم جرف الشط

♦️♦️♦️♦️

علتها صفت من فرگه واليها

يلماتت غريبه ولا اجو ليها

راح الجان خيمه يفيي عليها

الحك ليها /عباس اختك

♦️♦️♦️

ظيم الشافته مامر على الوادم

جسدها من الضرب مابي كتر سالم

عذبها الشمر بسياطه الظالم

من اسياطه / ورمن لمتون

♦️♦️♦️

لتخافين منها من تغسليها

تراهي مو مريضه كلشي مابيها

نحلت من مرار البين تدريها

يون عليها / والشايفها

========
خادمة ال البيت الحجيه ام علي البصره
المستهل لخادمة الحسين ملا ام ماهر

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018