فزاعيه فخر للسيده زينب عليها السلام
=========

هيبه  امكمله

والخدر  معناها

ثوره علطغاة حسين خلّاها

تسوه الكول لو زينب ذكرناها

وخلّاها / ثَوّره وبركان

=========

بت حيدر علي كل الفخر بيها

بلديوان ذلت كل طواغيها

بت الزاجيه المعروف ماضيها

ابطرواها / والوادم تحجي

⏺️⏺️⏺️⏺️

الج وكفات بلتاريخ مشهوده

وخدرج مَثل كلها تحجي ابزوده

اسمج بلسما من يوصل احدوده

وبلعالي / اسمج ويرفرف

⏺️⏺️⏺️⏺️

ذلته اليزيد ابين صحبانه

جنها حيدرا طبت ابديوانه

وديوان النذاله هزت اركانه

وبديوانه / ماهابت طاغي

⏺️⏺️⏺️⏺️

بت حيدر علي المعروف طرواها

فخر للنسه رب العرش خلاها

بعفتها وخدرها وزود ولياها

شالت رايه/ وبيوم الطف

⏺️⏺️⏺️⏺️

بت الزاجيه هيبه وعلم عالي

يهبوب الهوه لو هبت اشمالي

بيوم الموزمات اتصير زلزالي

وموزونه / يلتحجي معدل

⏺️⏺️⏺️⏺️

بنت المرتضى يلبيها الكفايه

ثوب أبيض مشت مابيها كشّايه

تستاهل عراضه وعزه وقرايه

الحره الراحت / مرفوعه الهامه

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018