قصيده ثقيله للزهراء عليها السلام
لسان حال ابنتها السيده زينب عليها السلام
============


ارد  اسولف  علحنينه

الزهره  يابضعة  نبينه

احچي اريدن قصتي
بلكي  تهده  حسرتي

ارد  اسولف  علحنينه

============

امي شجرة خير مليانه حنان

بأسم امي تسجلت كل الجنان

دوم للملهوف حضن امي امان

بلبرد حضنچ  دفه
امي  يابلسم  شفه

عليها مرجونه المدينه
ارد  اسولف  علحنينه

🌴🌴🌴🌴

مثل امي ماكو  بلدنيه بشر

للشفاعه توگف بيوم الحشر

تنجي شيعتها الزچيه من الخطر

توگف  الزهره  البتول
وي علي فحل الفحول

واليحبنه تصيح وينه 
ارد  اسولف  علحنينه

🌴🌴🌴🌴🌴

توگف بيوم الحشر محني ظلعها

وبيده چفوف بحزن يجري دمعها

تصيح ربي انتقم من كلمن گطعها

شايله چفوف الكرم
تصرخ بحرگه وألم

ليش مگطوعه ادينه
ارد اسولف علحنينه

🌴🌴🌴🌴🌴

تنزل وبيدينها ثياب الحسين

والقميص مخصب بدم الوتين

تبچي علمذبوح بسيوف اللعين

تصيح چاشنو الذنب
يذبحونه  بلا  سبب

علولد  تنزل  حزينه
ارد اسولف علحنينه

🌴🌴🌴🌴🌴

امي وسفه من وكت ضمها گبرها

بيوم بلباب النذل هد  وعصرها

راحت تون من ظلعها ومن كسرها

ماتت بكسر الظلع
وخلت لبتها الدمع

وسفه راحت ماتجينه
ارد  اسولف  علحنينه

🌴🌴🌴🌴🌴

امي ذبلت من وكت ذبل الورد

للنزل  ماضن  بعد امي ترد

راحت وفرگاها  ماردني مرد

الفرگه مردت چبدتي
بعيني جمدت دمعتي

متانيه المهدي يجينه
ارد اسولف علحنينه


=============
خادمة ال البيت وخادمتكم
الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018