قصيده ثقيله للزهراء عليها السلام
طور ملا باسم الكربلائي
راحو  والصبر  راح
===========


راحت  والعمر  راح

امي  وعافت  اجراح

نامت  بلگبر
نامت  بلگبر

===========

  امي يثرية محنه ايشع ضواها

ابد مايعجبني بلدنيا سواها

ياهوه وللمختنك يشتم هواها

وسفه ظايع ياعزيزتنه دواها

لاهي  شده  وتهون
وانطر من يرجعون

وبگلبي  جمر
نامت  بلگبر

✍✍✍✍

امي اعز من الهوى منها احرمتني

اه  منك  يازماني  عذبتني

بلحنينه الغاليه ليش افجعتني

من زغر سني المصايب شيبتني

حزني يهد الاجبال
دمعي علوجن سال

ماضلي صبر
نامت  بلگبر

✍✍✍✍

اه  ياام المحنه شگد بچينه

بلدمع ورد الحزن يمه سكينه

يم طبايع حلوه منچ تربينا

يوم رحتي للمنيه تعذبينه

دهري  شعنده  وياي
بأمي استعجل هواي

ردناكم  ذخر
نامت  بلگبر

✍✍✍✍

حلوه ياذيچ الليالي الچنه بلبيت

انه وخواني وخواتي البي تربيت

لليام  الماضيه  يايمه  حنيت

وصوتچ الدافي ينادي بذني سمعيت

صوتچ  والحياطين
هظمي ودمعت العين

والهم  والسهر
نامت  بلگبر

✍✍✍✍

ويه امي الغاليه يحلالي العتاب

والعتب مسموح يمه بين الاحباب

يمه شفتچ من وگعتي بعتبة الباب

بحرگه ناديتي يفضه ودمعي سچاب

طحتي والطفل طاح
فاطمه والهظم  لاح

والظلع  انكسر
  نامت بلگبر


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018ز