قصيده للزهراء عليها السلام
الطور  الموكبي ٣ دكات
يبن امي علتربان عفتك رميه
===========


مشايه  كون  نروح

گبر  الزچيه

نقيم  اللطم  والنوح

ننصب  عزيه

===========

مشايه كون نروح
گبر ام الحسين

ونجدد  الاحزان
عند ام البنين

ونعازي  المختار
واهله  الميامين

ننصب  عزانه  هناك
وبهل  الرزيه

🏴🏴🏴🏴🏴

مشايه لم حسين
لرض  المدينه

وكون البيارغ سود
نرفع  بدينه

ونعازي  المختار
  طه  نبينه

بنت النبي ياحيف
جتها  المنيه

🏴🏴🏴🏴🏴

مشايه نمشي هناك
ونداوي  الظلوع

يم الگبر  ونوح
ونرشه  بدموع

نصرخ بعالي الصوت
خل صوتي مسموع

عاصرها بين الباب
ابن  الدعيه

🏴🏴🏴🏴🏴

ضلت تون وتنوح
من هم كسرها

ماكفته  لظلوع
رد  و سطرها

ذبلت الورده بساع
خلّص  عمرها

گطعوها من بستان
  ورده  نديه

🏴🏴🏴🏴🏴

نقيم العزه والنوح
ويه  العقيله

والدمع  لم  حسين
من  دم  نسيله 

نعازي الحسن وحسين
  واخته العقيله

عاشت حزن ودموع
  سوده  عليه

🏴🏴🏴🏴🏴

من النجف مشاي
  لرض  البقيعي

والمهدي يمشي وياي
هوه  شفيعي

ومحزم  بألالام 
تجري  دموعي

عصروها الملاعين عصره رديه


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018