څه چې کیږي ای رهبره زړه دي مه خوره
ځـوبه ځو آن تر خـیبره زړه دي مه خوره

تر اټکه مې خـپل ټـک ده خــپلوم به یې
وه یـعقوب ابن عـمره زړه دي مه خوره

داده غـرونو شازلمي چې لا ژونــدی وي
دابه ځې مشره په نره زړه دي مه خوره

تــورپـټکۍ دي ښه په ټنډه ورته کیږده
راته مخته شه دلبره زړه دي مه خوره

تورلینګۍ خو تور پټکي پخوا مات کړي
تــاریخ ګــوره برادره زړه دي مه خوره

زه زاهـد نیازی دي سرپه سـترګو ساتم
وه تورغره وسپین غره زړه دي مه خوره