په زړه رنځور په زړه ناتوان یم چې خبریو سره
جانانه دومــره ســــرګردان یم چې خبریو سره

ستا تصویرونه مې په اوښکو تل مینځلي اشنا
زه بیـچاره تل لوندګیروان یم چې خبریو سره

ډیر راته لاره کې ازغي اوډیر ګلان شیندي اوس
چاته رقـــیب چــاته جانان یم چې خبریو سره

نه کړم غرور نه تکبُر اونه به وکړم په ژوند
ملنګ فقیر غوندي انسان یم چې خبریو سره

چایم پرېښي خوبیا چا زه یم په زړه نیولي
په ډیرو ډیرو بیازه ګران یم چې خبریوسره

دنازک وخــت ده دچا زړه زه ماتــولي نشم
دهر انسان زړه ته درمان یم چې خبریو سره

زه لیونی زاهد نیازی دي له زړه نه باسمه
زه له تاځار له تا قربان یم چې خبریو سره