(للبعض) مو الكل مرات نحجي شيء واحنه مو حاسين بي سواء #طلاب او #طالبات من تورط زميلك وتضل تلح على زميلك حتى يعزمكم على ريوك او غده سواء داخل الكلية او بمطعم خارج الكلية مو صحيح تسولف هالشيء وتضلون كدام كل طلاب القسم تداعون بعزيمه اذا انت متمكن فمو كل الناس مثلكم
اكو هواي ناس ترى تجي للدوام ماعنده غير 5 او 10 هي اكل وهي كروة وهي يشتري بيها ملزمة وهلشي مو عيب بالعكس هذا انسان مثابر ومقاوم ومن كولت اهلنا (كلمن يمدد رجليه على كد غطاه) نتمنى تنمحي هاي الاحراجات لزميلكم لان اذا حرجت زميلك قد يعبرها الك لكن راح يضل بخاطره