غانگنگالئنگ اۇیوندا تجنده غالدئ
منینگ ییگیت واغتئم، سنینگ غئز واغتئنگ
اۇق‌گچمز یئلغئنلانگ ایچینده غالدئ
منینگ ییگیت واغتئم سنینگ غئز واغتئنگ
بیر یاندان اوروش‌دئ، بیر یاندان حاسرات
حاسرات بۇلچولئقدئ، هزیل‌لیک غاهات
شۇل یۇووز یئللارا گلیپدی غابات
منینگ ییگیت واغتئم سنینگ غئز واغتئنگ
دأریلر یانیاردئ ائس کؤپلدیأردی
گیدیأنلر، گلیأندن خاص کؤپلیأردی
تۇیلار آزال‌یاردئ یاس، کؤپلیأردی
منینگ ییگیت واغتئم سنینگ غئز واغتئنگ
سؤیۆشمک دۆشمک یالئ‌دئ یادا
امّا سؤیگی دیین جادئلئ زادا
حؤکؤم اتمز اکن هیچ هیلی قادا
هنیز ییگیت واغتئنگ، هنیز غئز واغتئنگ
دییردیم گرگیم چن بۇلدئ اۇیلان
أهلی بۇیداشلارئنگ باشلارئ بۇغلان
سن دییردینگ غارراپ باریامئنگ اۇغلان
أومأنگ اؤز واغتئ بار، صابرئنگ اؤز واغتئ
بۇینونگدان گلردی جنگنگلینگ ائسئ
غۇینونگدان اورادئ تۆممۆلینگ ائسئ
دمینگدن کۆکأردی مۆنگ گۆلۆنگ ائسئ
منینگ ییگیت واغتئم، سنینگ غئز واغتئنگ
کم−کمدن غۇلایلاپ لبینه لبیم
چابراپ باشلاندا دمینه دمیم
نأز بیلن ایتردینگ، هانئ ادبینگ
سؤیگی بولاشمازمئ، ادب آز واغتئ
اۇنگوشمالئ بۇردوم ساچلارئنگ ائسغاپ
لب غاداغان واغتئ اۇلام بیر حاساپ
یؤنه بیله حاساپ دۆشمزدی آنگسات
حاساپ ییتیأن اکن، دئزبا−دئز واغتئنگ
چئقارمئ یادئمدان شۇل تأسین پورصات
چئقجاق بۇلایسادا برمن روغصات
غورساغمئنگ اۆستۆنده غۆرشۆلدأپ غورساق
کتنینگ ایچینده غئزئل کؤز واغتئنگ
ساغاتلار تیز گچدی، تیز گچدی شیله
یانجادا غوشلوقدئ، بۇلوپدئر اؤیله
سن دییدینگ، پئلانجان، غایدالئ اؤیه
ییگیدینگ اؤز واغتئ بار، غئز اؤز واغتئ
شۇ ماحال یۇقاردان گلدی بیر اۇواز
سراتسم، تۇرانگنگی اوروپ دور پرواز
عاشئقلار ینه‌ده صابئر ادینگ بیراز
گؤرمأندیم سایامئنگ بیله یاز واغتئنگ
دریادا سسلندی: اتمأنگ أحتییاچ
سیزه کاست اتجگه تاپارئنگ عالاچ
سیزینگ کیمین بیرک−بیرگه مأتأچ
گؤرۆپدیم نه دریا نه تکیز
آسماندا پل−پللأب بیر غۇجا بۆرگۆت
غئغئردئ: سیز جودا مئناسئب جۆبۆت
یؤنه ولین غئشا غالایما ییگیت
میوه یتیشدیمی یئغنا گۆیز واغتئ
تۇقای بۆرگۆدیندن غالئپ آق پاتا
غئشا غالمازلئغئ ادیپدیک واعدا
یا، سن سادا بۇلدونگ، یادا من سادا
بیردن توپان غۇپدئ، دۆنیأنگ یاز واغتئ
بیلمه‌دیم نأمأنینگ حسیری بۇلدئ
انه‌نگ بیر ساوچئنئنگ یسیری بۇلدئ
شیتدی−ده اؤزگأنینگ نصیبی بۇلدئ
منینگ ییگیت واغتئم سنینگ غئز واغتئنگ
آتدئلار ماشئنا سس اتدینگ آغلاپ
تۇپولدئم، چکدیلر غۇلومدان تۇولاپ
بیر منزیله گیتدیم ائزئنگدان ائلغاپ
گؤک کۆرتلم بۇلسانگ، هنیز غئز واغتئنگ
بیر غوجاق آلئنگ ساچ، بیر غوجاق چۇقول
اۆچ غوجاق اؤرۆم ساچ، اۇن غوجاق عاقئل
شۇنچا خازئنانئ بیر کۆرتأ بۇقوپ
ییگیدینگ گؤزلریمدن دانگئنگ ساز واغتئ
دۇغرئ، آی یارئمدان دۇلاندئنگ سن سۇنگ
اؤنگ منگکیدینگ ولین، منگکی دأل اۇنسۇنگ
سۇندا من دیییپدیم: سن باغتلئ بۇلسانگ
همأ منینگ باغتئم، همم اؤز باغتئنگ
شۇبادا یۆزۆنگده گؤرۆندی اۆنجی
گؤزلرینگدن غاچدئ اۆچ سانئ هۆنجی
سۇنگ غاچدئ دؤردۆنجی، اۇنسۇنگ بأشینجی
شۇنگدا اینگ مرد واغتئم، اینگ عجیز واغتئنگ
ایچرده اۇتورسام یۆرگیم غئسار
داشا چئقسام، آسمان دپمأدن باسیار
شۇل غۇشغئنگ هنیزم باغرئمئ کسیأر
تاس شاهئر بۇلوپدئنگ، چووال غئز واغتئنگ
تاس شاهئر بۇلوپدئنگ، بۇردونگام بلکم
شاهئرلئق، یانغئندان باشلانیان اکن
ینه غایدئپ گیتدینگ سۇواشدئم کم−کم
شۇنگدا−دا قوّوات سن، هر یالنگئز واغتئم
کیم بۇلسادل سانگا ساتاشان کیشی
چاغالانگ باغتئندا ساغ بۇلسون باشئ
یؤنه سنگ باشئنگا سالایسا غئشئ
گیجأ اؤورۆلمزمی، اۇنگ گۆندیز واغتئ
چۆمدۆرسه الینگ یکجه تیکن
شۇل تیکن مۆنگ بۇلوپ باغرئما چؤکر
سئغرئما دۆشۆنر عئشق یۆکۆن چکن
چکمدیک ییتیرر، اؤز واغتئنگ
ینه شونئ بیلسین اۇل باغتلئ اۇغلان
بیله غئز دۇغماندئ، ایندی−ده دۇغماز
دۇغسادا، یۆز یئلدان بیر گزک دۇغلار
اۇندا−دا شهرینگ اینگ تأمیز واغتئ
آرادا آیلاندئم تجن یرلرینه
یاشلئق یئللارئمئزئنگ گچن یرلرینه
سرادیپ گؤزیاشئنگ سچن یرلرینگه
گچیردیم بیر گیجه، بیر گۆندیز واغتئم
غانگنگالئدا اۇتئر اؤنگکی یرینده
تۇرانگنگئدا اۇتئر اؤنگکی یرینده
شۇل دریادا یاتئر اؤنگکی یرینده
بیر تاپمادئق زادئم اؤنگکی یریندن
منینگ ییگیت واغتئم، سنینگ غئز واغتئنگ
🌷☔️🌷☔️🌷☔️🌷
غۇشغئ آدئ: تجنده غالدئ
Tejende galdy
غۇشغئ: خالیپا باغشئ رحیم خیوه‌لی
یازغا گچیرن:
رسول
#phoenix
جهت #دانلود آهنگ ترکمنی ، کلیپ ترکمنی ، ساز ترکمنی ، پاپ ترکمنی ، دوتار ترکمنی میتونین به کانال یا سایتمون مراجعه نمایید.
🧨
@Turkmen_muzik🔜
Www.TurkmenMusic.ir
