Statues WhatsApp

فكرة التخطي مُبهرة..
تخيل حالك بتفيق الصبح ما بتشتاق، ما بتتلهف لتفتح حساب حدا وتشوف أخبارو، مافي موقف بنغص عليك فرحتك بالـ ولاشي
إنك تمشي بكل الشوارع، وتسمع كل الأغاني، وتبطل تربط هالقصص بشي مُحدد، أو حتى تضل تعيش أحلام يقظة مع كلمة "لو" و "ياريت"
فكرة إنك تتخيل حالك فارغ من جوا، وناطر شي جديد وحلو، وأمل كبير ببكرا.
بتستحق المحاولة وبجدارة!
نحاول بكل الطرق لحتى نبعد عن الشي المزعج لسلامنا الداخلي، ونعطي حالنا حق شرف التخطي.

_آليسار المقداد

لن أعد القلوب التي أحبها بعد الآن.
مَن يحبني بصدق لن يجعنلي أتفقده، سأكون واثقة بأن الله زرعني داخله، وبحنينهِ سأنبت، سأكون أنا كما أحب، وليس كما يتوجب، يتغير مذاق الحياة و أرى للسماء لونٍ مختلف برفقتهِ، وأن قلبي صائم عن العداوة وفاطراً بذكر الله والحب سوياً، وأن ابتسامتي كفيلة بمسح العثرات، واسمي وحدهُ كلمة السر لِكُل ما أرغب، وأن يُبقيني هذا الحب دافئة لا أعرف البرد، وكأنه ينسج بِعظامهٓ شال الطمأنينة المخصص لي!
_آليسار المقداد

أنا حدا من الناس يلي ما بعطي للحب تبرير أبداً..
بمعنى أدق يعني أنا بحبك لما بتخليني مبسوطة أكتر، بتأمن فيني أكتر، بتدعمني بنقاط ضعفي، ما بتختبر صبري، ما بتستنفذ طاقتي مشان تحس بأهميتك ومدى مقياس حبي إلك، بتشدني للطريق الصح لو في يوم بعدت عنو، بتكون معي ع الحياة، بتعطيني دافع كبير لحتى شوف العالم بصورة أحسن وأفضل وإنو أي في أمل..
بس كمان بالمقابل أنا رح قدم نفس التفاصيل، أكيد مش رح كون الحدا الجاحد يلي بيبلع وبس، مشان نحصل ع التوازن بالعلاقة ونستمر، ونرجع نوثق بالحب أكتر ونحبو، ونحب حالنا لأن عايشين فيه.
منرجع لنقطة ما بعطي تبرير للحب
مش من المنطق إنو ضل معك وأنت عم تطفيني، عم تمحي مني روح الحماس وبطل اعمل كل الشغلات يلي كانت بتسعدني لأن ببساطة عم حاول دور ع السعادة ماعم لاقي من أثرها شي، لما بتكون أنت عم تمشي مع الحياة ضدي، لما اتحول لحُطام شخص، وإنو اطلع من هالعلاقة ناقصة كتير أجزاء مني مع الشغف والإيمان والثقة بحالي "يلي طبعاً بكونوا أهم منك لو كنت هيك"، تحرمني التفكير الإيجابي وإنو اي لسا بالدنيا في ناس حلوين وبقدروا القلب، ولا إنو صير اتخبط واتعلق بأيا حدا قادر يرمملي لو جزء بسيط من يلي دمرتو، ولا ادخل بفترة يكون التعافي منها أكبر أمنية..
تذكروا دائماً إنو الحب أبداً مش كرت الدخول بعقاب نفسي وجلد الذات، بالعكس هو شي بيشبه حضن الأم...

_آليسار المقداد

بالأغنية التركية |ختم|
"Duydum ki biri yar olmuş sana"
اترددت هالجملة كتير من المغني والمغنية يلي هي بمعنى "سمعت أن شخصاً ما أصبح حبيباً لك"
هالجملة لخصت كل علاقاتنا، بمعنى أنو نحنا لما بتنقطع علاقتنا الودية بالحبيب، منصير نسمع كتير حكي بس نحنا منلخصو بإنو لقى البديل، أو من البداية كان عم يخون، رغم إنو هالشي بكون غير هيك تماماً، بكتير مرات ممكن نبعد لأن اكتفينا وجع، اكتفينا نكد، اكتفينا شك، اكتفينا تحكم مراهقين وغيرة مجنونة، أو ممكن نكون ضيعنا راحتنا وتعبنا، مش ضروري البعد يعني خيانة، بأغلب العلاقات الناس بتبعد لأن خلصت طاقتها للتحمل، بس بتضل تدور ورا الشخص يلي تركتو، بضل غرور الحب عامينا عن كتير شغلات، منها مثلاً أخطائنا يلي ما بتنحمل وهالناس اتحملوها مرة بعد مرة وبعدين قالوا خلص، بس نحنا ك طبيعة البشر مناخد السكوت والتمريق عن أغلاطنا حق مكتسب للأسف، ومنحب ناخد دور الضحية بكل شغلة، بس مع هيك ورغم كل شي بدنا نضل رقم واحد بحياة كل شخص تركناه، بدنا نضل محور اهتمام هالحدا حتى لو هو صار حدا عادي.
نحنا بضل معنا قائمة مسموحات محرمة ع غيرنا وغيرنا نفس الشي!
وبهي الأغنية بينولنا كمية الوجع لما منتخبى ورا حكي وهمي، ومنمشي ع مبدأ تركتني لأن لقت البديل، وتركني لأن لقى الحضن الدافي.

_آليسار المقداد

ينتصر المرء بأن لقلبهِ عائلة، فيستكين، ويَرفع شراع سفينته مُحلقاً، واثقاً بأنه القائد لِمنارتهُ دوما.
يجلس مُنتشياً، واضعاً قدم فوق الأُخرى، بعد صراع انكساراته السابقة، يتطلع بعينين تملؤهما الفخر، هُنا جيشي، أمام كُل شخص حاول مراراً هدم ما تبقى من رماده، وجابهه بِسُم داخلهِ"أنت لا تستحق الحُب"، ولم يُعظم انجازاتهِ، فَيُدرك أنه بعد الآن لا يحتاج لِمُصفقين، فجميع الأيادي باطلة بحضور مَن نَحبهم ويحبوننا بصدق لا تشوبهُ الشوائب.
أُؤمن كُل الإيمان بأن جيش المرء أحبتهُ.
ويبقى القلب مُحصناً أمام كُل المكائد والعداوات بٍوجود عائلتهُ، "وعائلة كل قلب ذخيرته من المُحبين"

المُحاط بأحبته ملكاً ليس أمناً فقط.

_آليسار المقداد

بما أنو بقولو : مافي فرحة بتكمل
رح قلكن : و مافي حزن بيبقى ع طول

خلي ثقتك بالله كبيرة بأنو كلشي جاي حلو و حلو كتير ❤️!

@Statues_WhatsApp.

البعض يرحلون بلا سبب والبعض يكرهك بلا سبب ..

بس أنت ما عليك أهم شي النت شغال والبراد فيو أكل ❤️

@Statues_WhatsApp

كلو مسموح... الا اهلك اصحك واوعك تزعلن
نحن عايشين عالقدرة و رضاهن

اكسبو الرضا منن ، الدنيا قصيرة ❤️!

@Statues_WhatsApp

هنيئا لمن يحافظ على لهجته العفوية .

ويبتعد عن المياعة وتشنج الوجه وشلل الفكين ❤

@Statues_WhatsApp.

ثم ماذا !
ثم ان الله يريدك أقوى فلا تضعف 🖤

@Statues_WhatsApp

والله اكتر شي بحقلك تشوف حالك فيه هو تربايه اهلك الك

لو عالشكل ، كلنا فينا نكون حلوين
خصوصا بهالوقت هون رح يبين تعب اهلك عليك 🖤

@Statues_WhatsApp.

صح أخوكي بضل يعذبك و يتغالظ عليكي بطلباتو وبضل يجاكرك ويقلك مانك حلوة ..

بس من جواتو بشوفك أحلى بنت بالكون وبيتمنى يلاقي بنت بحنيتك وبنت تحبو متلك وتخاف عليه متلك

هي حقيقة ولله ...

@Statues_WhatsApp.

أنا بعرف أنو طاقتك خلصت بس ربنا رح يجبر بخاطرك عن قريب كتير ❤

@Statues_WhatsApp.

اللي بيحكي عليك بالعاطل وانت مو غلطان بحق حدا ولا مقصر مع حدا ؛ والي بيأذيك بلا سبب لا تجي تسألو انا شو عملتلك ؟

قلو : فداك ذنوبي كلها وما بتغلى عليك ، أنا كريم وانت بتستاهل .. مافي شي من واجبك يعني ❤

@Statues_WhatsApp.

مو ذنبك :
- إنك نضيفة من جوا ..
- إنك عفوية ..
- إنك بتحبي كل الناس ..
- إنك بتشوفي الكل منيح ..
- إنك مابتحبي تشوفي حدا مدايق ..
- إنك مرباية وبنت أصل ..
- أنك حنونة وكتير ..
- أنو عطيتي الناس وخذلولك ..
- إذا الناس تفكيرها مريض وبشع ..

لاتلومي حالك ، ولاتزعلي إذا هالمنيح اللي قدمتيه ضاع عند البشر !

ضلّي متل ما انتي لانو انتي صح وعم تعملي بأصلك وتربايتك ..
وتذكري رب السما مابضيع عندو شي ..❤
@Statues_WhatsApp.

يُصبح المرء ثرثارًا حينما يأنس ويُؤنس
بِه🤍💭
@Statues_WhatsApp

نَحنُ الذينَ نُخَيطُ بالدُّعاءِ شُقوقَ أَفئِدتنا.🤍💭
@Statues_WhatsApp

ولأنني أستحق الكثير
أنا اليوم أُغادر كل الأماكن التي لا تستحقني وإن تركت بها جزءًا منّي
أكفّ عن المحاولات وأترك المعارك وأتخلى عن التنازلات
لا يهمني أبدًا أي شيء غيري بعد الآن🤍💭
@Statues_WhatsApp

- مايجعلك مختلفاً، يجعلك جميلاً.🤍💭
@Statues_WhatsApp