د سوریې د انتقالې حکومت مشر احمد الشرع او د دغه هېواد د دموکراتیکو ځواکونو مشر مظلوم عبدي یوه هوکړه لاسلیک کړې، چې له مخې به یې دموکراتیک ځواکونه د دې هېواد په ملکي او نظامي ادارو کې شامل شي.

د الجزیرې د راپور له مخې، دا هوکړه پرون (دوشنبه، د کب ۲۰مه) لاسلیک شوې، چې پکې د سوریې پر یووالي ټینګار شوی او ټاکل شوې چې د شمال‌ختیځې سیمې غیرنظامي او نظامي ادارې، بندري تاسیسات، هوایي ډګرونه او د نفتو او ګازو سرچینې د مرکزي حکومت تر کنټرول لاندې راشي.

یاده هوکړه کې د ټول هېواد پر کچه اوربند او د سوریې د دموکراتیکو ځواکونو له لوري د بشارالاسد د پلویانو پر ضد د مبارزې ملاتړ هم شامل دی.
#ملي‌تلویزیون