Type to search
Advanced channel search

Telegram Analytics

Subscribe to stay informed about TGStat news.
img
ad

TGAlertsBot

Monitoring of keywords in channels and chats
img
ad

SearcheeBot

Your guide in the world of telegram channels
img
ad

TGStat Bot

Bot to get channel statistics without leaving Telegram
img
ad

نتاوي

@Netaawy
Channel's geo and language: Iran, Persian
Category: Technologies

موقع نتاوى عبارة عن منصة تقنية نقدم من خلالها مقالات ومقاطع فيديو تقنية مميزة، بالإضافة إلى أحدث أخبار المجال.
▪️ رابط موقعنا الإلكتروني 👇
https://www.netaawy.com
▪️ صفحتنا على فيسبوك 👇
https://www.facebook.com/Netaawy

Related channels  |  Similar channels
Channel's geo and language
Iran, Persian
Category
Technologies
Statistics
Is this your channel? Confirm Канал в реестре блогеров РКН? Confirm Channel history
Posts filter

نتاوي

12 Mar, 01:59

Open in Telegram Share Report
شركة جوجل حدثت نظام الأندرويد بخاصية اسمها SafetyCore، والخاصية دي تم إضافتها بدون ما المستخدمين يعرفوا.

الأداة دورها فحص الصور اللي عندك على الجهاز عشان تكتشف أي محتوى "حساس".

المشكلة بقى إن جوجل ما قالتش للناس إنها نزلت التحديث ده، ودي نفس المشكلة اللي حصلت مع أبل قبل كده لما بدأت تمسح صور المستخدمين عشان تحدد المعالم في الصور بدون ما تبلغهم.

اللي زوّد الموضوع إن في ناس لقوا إن التطبيق الجديد بيستهلك مساحة كبيرة (حوالي 2 جيجا)، وبدأت التخوفات إنه ممكن يكون بيتجسس أو بيجمع بيانات.

جوجل حاولت تطمن الناس وقالت إن الميزة دي هدفها الأساسي حماية المستخدمين من المحتوى غير اللائق أو الخطر، وإنه مش بيبعت الصور لجوجل، لكن المستخدمين بقوا متشككين بسبب السرية اللي حصلت في الموضوع.

اللي عاوز يلغي الخاصية يقدر يروح للإعدادات > التطبيقات > تطبيقات النظام ويبحث عن SafetyCore ويوقفه أو يحذفه.
1.2k 0 28 19 39
نتاوي

8 Mar, 22:35

Open in Telegram Share Report
شركة Mozilla المشرفة على تطوير متصفح فايرفوكس، حذفت الوعد اللي كان موجود في سياسة الخصوصية بتاعتها وبيقول إنها "عمرها ما باعت ومش هتبيع بيانات المستخدمين الشخصية"!
الخطوة دي خلت ناس كتير تقلق وتتهم الشركة إنها ممكن تكون ناوية تبدأ تبيع بيانات المستخدمين.

موزيلا بتقول إن السبب إن تعريف "بيع البيانات" بقى واسع جدًا في بعض القوانين، فقرروا يشيلوا الجملة عشان يكونوا أكتر شفافية. بس هم أكدوا إنهم لسه مش بيبيعوا بيانات المستخدمين بالشكل اللي الناس متخيلة، وإن أي بيانات بتتشارك مع الشركاء بتكون مجهولة الهوية أو معمولة في شكل بيانات مجمعة.

فيه جزء تاني من سياسة الاستخدام الجديدة بيقول إن لما المستخدم يكتب أو يدخل أي حاجة في فايرفوكس، فهو بيدي ترخيص للشركة باستخدام المعلومات دي عشان تحسن تجربة التصفح. الناس شافوا إن الجملة دي غريبة ومبهمة، واتهموا الشركة إنها بتاخد صلاحيات واسعة جدًا على بياناتهم.
2.3k 0 6 4 48
نتاوي

1 Mar, 21:50

Open in Telegram Share Report
بعد أكثر من 23 سنة في الخدمة..

شركة مايكروسوفت تقرر إيقاف تطبيق Skype بشكل نهائي في 5 مايو 2025.
3.9k 0 5 6 74
نتاوي

28 Feb, 01:24

Open in Telegram Share Report
ينتهي دعم مايكروسوفت الرسمي لويندوز 10 هذا العام.

14 أكتوبر 2025.
4.2k 0 14 18 75
نتاوي

22 Feb, 22:23

Open in Telegram Share Report
شركة آبل قررت تشيل ميزة "الحماية المتقدمة للبيانات" (ADP) من الـ iCloud في المملكة المتحدة بسبب أمر حكومي بيطلب منها تعمل "باب خلفي" يسمح بالوصول لبيانات المستخدمين. الميزة دي كانت بتوفر تشفير كامل للبيانات بحيث حتى أبل نفسها مش تقدر تفك التشفير.

المستخدمين اللي كانوا مشغلين الميزة لازم يوقفوها يدويًا عشان يقدروا يكملوا استخدام iCloud.

القرار ده بيخلي الحكومة البريطانية تقدر تطلب بيانات المستخدمين بسهولة أكبر من الشركة، وده ممكن يشجع دول تانية إنها تضغط على آبل بنفس الطريقة. آبل بدل ما تمتثل للطلب الحكومي قررت تلغي الميزة تمامًا في بريطانيا، لكن لسه متاحة في بقية العالم.
5.3k 0 13 4 65
نتاوي

20 Feb, 01:45

Open in Telegram Share Report
مجموعة الهاكرز Massgrave طوّرت أداة جديدة اسمها TSforge Activation تقدر تفعل تقريبًا كل منتجات مايكروسوفت الحديثة زي ويندوز وأوفيس، وده بدون الحاجة لمفاتيح رسمية أو كراكات تقليدية.

الأداة بتشتغل عن طريق التلاعب بملفات التفعيل الرقمية الخاصة بويندوز، وبتجبر النظام على قبول مفاتيح وهمية كأنها حقيقية.

الأداة دي بتشتغل من ويندوز 7 لحد ويندوز 11، وأوفيس 2013 لحد أوفيس 2024، وحتى إصدارات ويندوز سيرفر.

المجموعة اللي ورا الأداة بتقول إنها مش بتسعى للربح، وإن مشروعها مفتوح المصدر ومتاح على GitHub، اللي بالمناسبة مملوك لمايكروسوفت نفسها!
5.1k 0 105 20 159
نتاوي

12 Feb, 01:16

Open in Telegram Share Report
شركة Zeekr الصينية كشفت عن بطارية كهربائية جديدة اسمها "Golden Battery" تعتبر الأسرع في العالم، لأنها بتشحن من 10% لـ 80% في أقل من 10 دقايق!

العربية اللي فيها البطارية دي هي Zeekr 7X SUV، وبتقدر تضيف أكتر من 300 ميل (حوالي 500 كم) من المدى في دقائق معدودة.
الصحفيين جربوها بنفسهم، وأكدوا إن البطارية مش مجرد تجربة مختبر، ولكن حاجة واقعية وبتشتغل بكفاءة.

البطارية الذهبية بتستخدم تكنولوجيا جديدة بتخليها تستحمل شحن فائق السرعة لحد 460kW، وده أسرع بكتير من أي عربية كهربائية موجودة دلوقتي، حتى من Tesla.
التجربة أثبتت إن الشحن من 0 لـ 100% بيتم في 19 دقيقة، بس أغلب الناس مش بتحتاج تشحن 100%، فـ شحنها لـ 80% بياخد 9 دقايق و45 ثانية بس، وده وقت قريب جدًا من مدة تفويل العربية البنزين.


الصين سبقت العالم في تكنولوجيا البطاريات بما فيهم أوروبا وأمريكا، اللي رد فعلهم المتوقع بفرض رسوم جمركية وصلت 100% على السيارات الصينية الكهربائية لتحجيم دخول السيارات الصينية أسواقهم، وحماية شركاتهم.
5.7k 0 24 4 163
نتاوي

7 Feb, 21:26

Open in Telegram Share Report
شركة Meta استخدمت التورنت لتحميل 81 تيرابايت من الكتب المقرصنة لتدريب نماذج الذكاء الاصطناعي الخاصة بيها ☠️

في قضية بين Meta وبين مجموعة كبيرة من المؤلفين بيتهموا فيها الشركة باستخدام مؤلفاتهم بدون إذن لتدريب نماذج الذكاء الاصطناعي الخاصة بيها، وخلال القضية اعترفت الشركة بتحميل مكتبة ضخمة من الكتب المقرصنة فيها ملايين الكتب معروفة باسم LibGen.

شركة Meta في الحالة دي مش بس حملت المكتبة المقرصنة دي واستفادت منها، لا دي كمان ساهمت في مشاركتها والسماح لمستخدمين آخرين بتحميل الكتب المقرصنة دي بسبب طبيعة عمل بروتوكول التورنت.
17.4k 0 58 5 129
نتاوي

5 Feb, 21:54

Open in Telegram Share Report
شركة جوجل حذفت تعهدها بعدم استخدام الذكاء الاصطناعي في تطوير أسلحة.

جوجل امبارح حدثت "مبادئها" المعلنة بخصوص تطوير تقنيات الذكاء الاصطناعي، وحذفت جزء من سياستها اللي كانت بتتعهد فيه إنها مش هتستخدم الذكاء الاصطناعي لتطوير أسلحة أو تقنيات للرقابة.

شركة جوجل ليها تاريخ في الشغل مع الجيش الأمريكي، زي مشروع "Maven" اللي كان مع البنتاجون لتحليل فيديوهات الطيارات بدون طيار، وكمان مشروع "Nimbus" واللي كانت بتقدم من خلاله خدمات سحابية متطورة لجيش الاحتلال، واللي مؤخرا تم استخدامها لعمليات قتـــل واغتـــيال لمدنيين مباشرة باستخدام الذكاء الاصطناعي بدون تدخل بشري.
5.5k 0 20 28 99
نتاوي

31 Jan, 23:04

Open in Telegram Share Report
قطاع الواقع الافتراضي في شركة Meta حقق خسارة للسنة الخامسة على التوالي، بقيمة 17.7 مليار دولار في 2024 🥽

إجمالي خسائر القطاع منذ عام 2020 وصلت إلى 60 مليار دولار 😬
5.8k 0 8 8 122
نتاوي

27 Jan, 21:15

Open in Telegram Share Report
فاكرين من كام يوم نشرت عن نموذج ذكاء اصطناعي صيني اسمه DeepSeek وازاي قدر يتفوق على النماذج الأمريكية بتكلفة لا تذكر؟

النهاردة تطبيق DeepSeek وصل للمرتبة الأولى على متجر التطبيقات في قسمه بالتفوق على ChatGPT، وده سبب حالة هلع وفزع في سوق الأسهم أدى لخسارة البورصة الأمريكية أكتر من 1 تريليون دولار من قيمتها.

حالة الفزع ده اختصارها إن فريق DeepSeek قدر يطور طريقة جديدة ممكن من خلالها تطوير نماذج AI بموارد حوسبة أقل بكتير من اللي كانت مطلوبة، وده طبعا معناه انخفاض في الطلب على شرائح الـ AI أحد أهم منتجات الصناعة الأمريكية حاليا، واللي عمالة تفرض في عقوبات على الدول، ومنها دول عربية زي الإمارات والسعودية بفضل تفوقها في المجال وامتلاكها شركة نيفيديا أهم شركة في الصناعة دي حاليا.. واللي بالمناسبة خسرت حوالي نصف تريليون دولار من قيمتها النهاردة.

النهاردة في ظل انهيار السوق الأمريكي فريق DeepSeek ينزل بموديل جديد اسمه Janus-Pro-7B، لكن المرة دي في توليد الصور وقدر إنه يتفوق على نموذج DALL-E 3 الخاص بشركة OpenAI ونموذج Stable Diffusion.

والجميل كمان إنه النموذج كالعادة مفتوح المصدر، متاح للتحميل والاستخدام مجانا.
6.2k 0 44 11 167
نتاوي

25 Jan, 23:46

Open in Telegram Share Report
الشهر الماضي تم الكشف عن حاسوب جديد أصبح حاليًا أقوى حاسوب فائق على وجه الأرض

حاسوب El Capitan بيوفر أداء يصل إلى 1.742 إكسا فلوبس، وفي أقصاه بيوصل لقوى 2,746 إكسا فلوبس.. يعني بيعمل 1.7 كوينتيليون عملية حسابية في الثانية، وده بيوازي عملية حسابية كل ثانية لمدة 54 مليار سنة!

الجهاز ده بيتفوق بنسبة 45% على الجهاز اللي كان أسرع منه (فرونتير)، واللي هو برضه شغال بمعالجات AMD زي El Capitan.

الجهاز ده طورته وزارة الأمن النووي الأمريكية (NNSA)، وهدفه الأساسي إنه يحاكي التفجيرات النووية بدل ما يعملوها على الأرض، وده عشان يطوروا الأسلحة ويضمنوا أمانها وكفاءتها من غير تجارب حقيقية. غير كده، الجهاز هيشتغل في تطبيقات الذكاء الاصطناعي (AI) وحل مشاكل علمية ضخمة زي المحاكاة والتعلم العميق.
5.3k 0 17 7 79
نتاوي

23 Jan, 00:54

Open in Telegram Share Report
صورة لروس أولبريخت مؤسس موقع طريق الحرير SilkRoad أكبر موقع لبيع المواد المخدرة على الدارك ويب، بعد خروجه من السجن اللي اتحبس فيه منذ عام 2013.

واحد من وعود دونالد ترامب أثناء حملته الانتخابية كانت إصدار عفو شامل عن روس، اللي كان محكوم عليه بالسجن مدى الحياة مرتين + 40 سنة.
6.8k 1 38 6 56
نتاوي

20 Jan, 23:21

Open in Telegram Share Report
عملوها الصينيين!

شركة DeepSeek أعلنت من شوية عن موديل AI جديد مفتوح المصدر اسمه DeepSeek-R1، بيستخدم تقنية التعلم بالتعزيز (Reinforcement Learning)، واللي بيميز النموذج ده هو إنه عنده القدرة على التفكير العقلاني، بمعنى إنه بياخد وقته في التفكير قبل الإجابة.. زي مين؟

أيوة النموذج ده منافس مباشر لنموذج o1 المدفوع الخاص بشركة OpenAI في حاجات زي الرياضيات، البرمجة، والتفكير المنطقي، وقدر يتفوق عليه في بعض المجالات دي، وكل ده بتكلفة أقل بنسبة 95%!

الشركة كمان وفرت نماذج أصغر من نموذج R1 زي Qwen-1.5B عشان الناس اللي مفيش عنده موارد لتشغيل النسخة الأعلى من النموذج، والنماذج دي أدت أداء أعلى من موديلات ضخمة زي GPT-4o وClaude 3.5.

الموديل متاح مجانا بشكل مفتوح المصدر على موقع Hugging Face برخصة MIT، ولو حابب تجرب، وتقدر تجرب النموذج مباشرة من رابط النموذج الموجودة في أول تعليق 👇
6.8k 1 61 15 105
نتاوي

17 Jan, 15:23

Open in Telegram Share Report
Video is unavailable for watching
Show in Telegram
شركة SpaceX حققت إنجاز تاريخي لما قدرت تمسك صاروخها العملاق ستارشيب باستخدام أذرع ميكانيكية اسمها "ميكازيلا Mechazilla" بمجرد رجوعه للمنصة بعد اختبار طيران.

دي أول مرة في العالم يتم فيها استخدام تقنية الأذرع الميكانيكية، خصوصا لصاروخ بحجم ستارشيب اللي بيصل طوله لـ 121 متر، وده جزء من خطة الشركة لتسريع إعادة استخدام الصواريخ.
5.4k 0 24 8 62
نتاوي

16 Jan, 22:04

Open in Telegram Share Report
يوم الأحد القادم تطبيق تيك تيك هيتم حظره بشكل رسمي في الولايات المتحدة، وهيفقد الوصول لحوالي 170 مليون من مستخدميه.

المحاولات الأمريكية لإجبار شركة Byte Dance لبيع التطبيق لأحد الشركات الأمريكية باءت بالفشل.

المضحك في القصة دي إن الحكومة الأمريكية كان هدفها "العلني" هو حماية مواطنيها من التجسس، على افتراض إن التطبيق بيجمع معلومات عن المستخدمين ويبعتها للحكومة الصينية.. فمع اقتراب حظر التطبيق المستخدمين الأمريكيان انتقلوا لتطبيق تاني اسمه RedNote، ودي شبكة اجتماعية صينية تشبه تيك توك، لكنها منصة صينية بحتة، حتى مش بتدعم غير اللغة الصينية.

حساب تطبيق تعلم اللغات Duolingo على تويتر قال في تغريدة بالأمس إن فيه زيادة بنسبة 216% لعدد الأمريكان اللي بدأو يتعلموا اللغة الصينية 🙂
5.6k 0 25 4 192
نتاوي

13 Jan, 07:15

Open in Telegram Share Report
أصبحنا وأصبح الملك لله

بفكركم بموقعنا الخاص فقط بإذاعة القرآن الكريم:
بث 24 ساعة
صوت فقط
بدون انقطاع
بدون إعلانات
بدون أي حاجة تانية..


الموقع بيشتغل على أي جهاز.. ادخل للرابط واحفظه في المفضلة على متصفحك لو حبيت تسمع الإذاعة في أي وقت ❤️


https://www.holyquranradio.com/
7.3k 1 49 13 166
نتاوي

10 Jan, 23:50

Open in Telegram Share Report
فريق مشغل الميديا الشهير VLC كشفوا عن ميزة جديدة ومهمة جدا، وهي إضافة ترجمة تلقائية للفيديوهات باستخدام الذكاء الاصطناعي بشكل أوفلاين على الجهاز ومن غير ما تحتاج إنترنت أو خدمات سحابية.

الميزة هتدعم أكتر من 100 لغة وهتشتغل مباشرة جوه البرنامج نفسه، من غير ما تعتمد على أي خدمات خارجية، ولكن هتعتمد على نماذج ذكاء اصطناعي مفتوحة المصدر.

الميزة هتكون جزء من التطبيق نفسه وبتقدر تترجم وتضيف الترجمة للفيديوهات في نفس الوقت.

لم يتم الإعلان عن امتى الميزة دي هتكون متاحة في البرنامج.
5.8k 0 23 12 207
نتاوي

8 Jan, 22:58

Open in Telegram Share Report
واحدة من أهم إعلانات شركة نيفيديا في مؤتمر CES 2025 كانت مشروع حاسوب مدمج فائق اسمه Digits، أقوى بحوالي 1,000 مرة من اللاب توب المتوسط.

مشروع Project DIGITS عبارة عن سوبر كمبيوتر AI شخصي، موجه لاستخدامات كتيرة أهمها تشغيل نماذج الذكاء الاصطناعي.

الجهاز بيشتغل بشريحة NVIDIA GB10 Grace Blackwell Superchip، اللي بتمنحك تقريبا قوة حوسبة بتوصل لـ1 بيتافلوب، وده رقم ضخم يخليك تشغل نماذج AI عملاقة حجمها يصل إلى 200 مليار بارامتر على جهاز واحد.

جهاز Project DIGITS جاي مع 128 جيجا رام موّحدة (Unified Memory) وما يصل لـ4 تيرابايت تخزين NVMe. ده معناه إنك تقدر تشغل وتبني وتختبر النماذج الكبيرة على جهازك من غير ما تحتاج سيرفر كبير. ولو وصلت جهازين مع بعض، ممكن توصل لاستخدام نماذج حتى 405 مليار بارامتر.

الجهاز ده هيبدأ طرحه في مايو بسعر يبدأ من 3000 دولار.
6.1k 0 16 8 45
نتاوي

7 Jan, 13:13

Open in Telegram Share Report
بشكل رسمي شركة نفيديا أعلنت عن الجيل الجديد من معالجات الرسوميات RTX 50XX.

الشركة في الإعلان قالت إن كارت RTX 5070 بيوفر نفس أداء RTX 4090 في أداء المهمات المرتبطة بالذكاء الاصطناعي. (5070 معاه VRAM حجمها 12 جيجابايت).

طبعا أقوى معالجات السلسة RTX 5090 بيأتي بعدد 21,760 CUDA cores وVRAM بحجم 32 جيجابايت واستهلاك طاقة 575 وات، بسعر 2,000$.


الكروت هتكون متاحة بداية من الشهر الحالي إن شاء الله.
4.9k 0 10 6 44
20 last posts shown.