على عمر 3 سنوات ... تحصل طفل يقرا كلمات باللغة الام، ويحچي جمل كاملة المعنى باللغة الام
يعرف لغة او اكثر من اللغات الاجنبية ويقرا كلمات بيها
يعرف الارقام (1-100 واكثر ) ويعرف يحل معادلات ويعرف علاقات الارقام ببعض
عنده مهارات حركية متقدمة
يكدر يرسم ويبدي يكتب
يعرف اساسيات الجغرافيا واماكن القارات والمحيطات واسمائها،
يعرف اساسيات الفلسفة واشهر الفلاسفة، يعرف بالتاريخ والمؤثرين
يعرف أجواء جسم الانسان من عضلات وعظام واعضاء
يعرف 100 كلمة ب10 لغات
يعرف بالفلك ومجاميع النجوم والكواكب
وبعد هواي امور معرفية ....
هذا منو شنو شلون؟ شوكت!!
كل هاي تصير اذا طبقنا منهج جلين دومان من الولادة!
معقوله؟ وليش شنو الي يفرق؟
قبل ما نسولف شلون ... خلي ناخذ امثلة حتى ماندخل بنقاش صدك وجذب
🔴الطفلة بيلا دفياتكينا، بعمر 4 سنوات، أتقنت 7 لغات: الروسية (لغتها الأم)، الإنجليزية، الألمانية، الإسبانية، الفرنسية، الصينية، والعربية.
((موجودة باليوتيوب ))
🔴الطفل حمزة ، تعلم يقرا بعمر سنتين جمل عربية (( موجود فديو على اليوتيوب))
🔴الطفلة ليلي جاسكن تعرف اماكن البلدان على الخريطة ((ظهرت على برنامج اوبرا))
هذوله يعتبرون مشاهير ومعروفين ... لكن مو همه الوحيدين ... من خلال متابعاتي بالمنهج قبل 5 سنوات ونص للآن ، مئات الحالات يراسلوني ع الخاص ويرفضون ان نشارك تجاربهم خوفا من العين او حبا بالخصوصية ...
ف النقاش هل هذا صدك لو خيال... قطعنا بالدليل
نرجع لرأس الموضوع
شلون ذوله هيج يتعلمون ؟ وهل همه مختلفين عن باقي الاطفال او الهم ميزات خاصة ولدوا بيها؟
الجواب لا
مو مختلفين ولا عدهم اي ميزه خاصة
همه اطفال عاديين مثل اي طفل يولد وعنده هدية ربانيه مثل الكنز الي هو الدماغ البشري في الطفولة
الدماغ البشري بالطفوله بي ميزه انه يتعلم لا اراديا ... يعني يتعلم غصب عليه ، لكن يقابل هاي الميزه ... ضعف في الحواس وضعف في التعبير
ضعف الحواس يخلي ما يستقبل المعلومات بوضوح ويحتاج معلومات بميزات خاصة حتى يستقبلهن ... وهذا هو اساس منهج جلين دومان
انه ينطي الطفل المعلومات بمواصفات تناسب حاله الحواس ...
يبقى ضعف التعبير، هذا يحتاج ايمان فقط ان طفلك ذكي وانه هو حيعبر بالوكت الي يكون بي مستعد وعليه التعليم يكون بالبداية من طرف واحد
فقط الاهل او المربي ينطي معلومات والطفل يخزن
هاي الامور على بساطتها .... تسوي فرق خيالي في هيكلية الدماغ
حجينا بمنشور سابق عن جلين دومان وانجازاته وفلسفته
اليوم نحجي عن البرامج الي ابتكرها خلال سنوات عمله في مؤسسة الامكانيات البشرية / فيلاديلفيا:
✨برامج تحفيز الحواس / سمعي وبصري وحسي
✨برامج تطوير القدرات البدنية
✨برنامج تطوير القدرات اليدوية
✨برنامج تعليم السباحة من الولادة
✨برنامج الحساب الكمي
✨برنامج تعليم القراءة (يناسب كل اللغات)
✨برنامج الموسوعة المعرفية
✨برنامج مضاعفة الذكاء
✨برنامج المصابين عقليا
كل برنامج من هاي البرامج هو علم ضخم وحصيلة سنوات من البحث والتجارب
كل برنامج يطور جزء من الدماغ ... وعليه الي يطبقون هاي البرامج كلها او جزء منها ... يحصلون النتائج الي ذكرتها بداية المنشور
اهم النصائح :
1. البدأ مبكرا
2. الاستمرار
3.تشجيع الطفل والايمان بقدرات الطفل
4.خلق اجواء مرحة وممتعة ومريحة اثناء تطبيق البرامج
نرجع لاول نقطة، البدأ مبكرا يعني مجرد تسمع بالبرنامج ومجرد ان انت مستعد ابدي، لاتنتظر الطفل يكبر لعمر معين
اذا هسه ولد الطفل ابدي... اذا هسه عمره سنه ابدي ،، اذا عمره سنتين ابدي
اذا 3 سنوات ابدي اذا 4 سنوات ابدي ... اذا 5 اذا 6 ابدي
لكن كلما يكبر الطفل ذكرنا تتراجع قدرة التعلم ال لااردية الي هي مرتكزه في الدماغ الايمن
لذلك فأن انتظار ان يكبر الطفل يعني ضياع فرصه استشمار قدرات الدماغ الايمن ...
يعني هسه اقصى عمر شكد؟ بعض الابحاث تذكر الى عمر 13 من الممكن تدريب الدماغ الايمن
لكن اذا نريد نرتب من الافضل ونزولا،،، خلي نستعير طريقة المداليات في الاولمبات مثلا نكدر نكول
العمر الألماسي :هو اول سنة
العمر الذهبي: 2-3 سنوات
العمر الفضي : 3_6 سنوات
العمر النحاسي : 6-9 سنوات
العمر الحديدي : 9-13 سنة
زين شنو السبب ؟ ليش تتراجع قدرات الدماغ من يكبر؟
الجواب هو ان الدماغ ينمو تنازلي
يعني اول مايولد يكون سرعة نمو الدماغ اعلى مستواياتها
والامهات اكيد يعرفون شلون بسرعة يكبر راس الطفل باول 3 شهور...يزداد حجمه حوالي 64% وراها يبدي يقل معدل النمو...
إذا استمر النمو بنفس المعدل، فان حجم الدماغ عند عمر 3 سنوات أكبر من 10,000 سم³، أي أكبر من دماغ الفيل (الذي يبلغ حوالي 5,000 سم³) وأكثر من 5 أضعاف دماغ الإنسان البالغ (الذي يبلغ حوالي 1,300-1,500 سم³) !!
وهذا الشي طبعا افتراضي وما ممكن ان يصير بيولوجيا....
المنشور القادم نحجي اكثر وتفاصيل اكثر ان شاء الله
يعرف لغة او اكثر من اللغات الاجنبية ويقرا كلمات بيها
يعرف الارقام (1-100 واكثر ) ويعرف يحل معادلات ويعرف علاقات الارقام ببعض
عنده مهارات حركية متقدمة
يكدر يرسم ويبدي يكتب
يعرف اساسيات الجغرافيا واماكن القارات والمحيطات واسمائها،
يعرف اساسيات الفلسفة واشهر الفلاسفة، يعرف بالتاريخ والمؤثرين
يعرف أجواء جسم الانسان من عضلات وعظام واعضاء
يعرف 100 كلمة ب10 لغات
يعرف بالفلك ومجاميع النجوم والكواكب
وبعد هواي امور معرفية ....
هذا منو شنو شلون؟ شوكت!!
كل هاي تصير اذا طبقنا منهج جلين دومان من الولادة!
معقوله؟ وليش شنو الي يفرق؟
قبل ما نسولف شلون ... خلي ناخذ امثلة حتى ماندخل بنقاش صدك وجذب
🔴الطفلة بيلا دفياتكينا، بعمر 4 سنوات، أتقنت 7 لغات: الروسية (لغتها الأم)، الإنجليزية، الألمانية، الإسبانية، الفرنسية، الصينية، والعربية.
((موجودة باليوتيوب ))
🔴الطفل حمزة ، تعلم يقرا بعمر سنتين جمل عربية (( موجود فديو على اليوتيوب))
🔴الطفلة ليلي جاسكن تعرف اماكن البلدان على الخريطة ((ظهرت على برنامج اوبرا))
هذوله يعتبرون مشاهير ومعروفين ... لكن مو همه الوحيدين ... من خلال متابعاتي بالمنهج قبل 5 سنوات ونص للآن ، مئات الحالات يراسلوني ع الخاص ويرفضون ان نشارك تجاربهم خوفا من العين او حبا بالخصوصية ...
ف النقاش هل هذا صدك لو خيال... قطعنا بالدليل
نرجع لرأس الموضوع
شلون ذوله هيج يتعلمون ؟ وهل همه مختلفين عن باقي الاطفال او الهم ميزات خاصة ولدوا بيها؟
الجواب لا
مو مختلفين ولا عدهم اي ميزه خاصة
همه اطفال عاديين مثل اي طفل يولد وعنده هدية ربانيه مثل الكنز الي هو الدماغ البشري في الطفولة
الدماغ البشري بالطفوله بي ميزه انه يتعلم لا اراديا ... يعني يتعلم غصب عليه ، لكن يقابل هاي الميزه ... ضعف في الحواس وضعف في التعبير
ضعف الحواس يخلي ما يستقبل المعلومات بوضوح ويحتاج معلومات بميزات خاصة حتى يستقبلهن ... وهذا هو اساس منهج جلين دومان
انه ينطي الطفل المعلومات بمواصفات تناسب حاله الحواس ...
يبقى ضعف التعبير، هذا يحتاج ايمان فقط ان طفلك ذكي وانه هو حيعبر بالوكت الي يكون بي مستعد وعليه التعليم يكون بالبداية من طرف واحد
فقط الاهل او المربي ينطي معلومات والطفل يخزن
هاي الامور على بساطتها .... تسوي فرق خيالي في هيكلية الدماغ
حجينا بمنشور سابق عن جلين دومان وانجازاته وفلسفته
اليوم نحجي عن البرامج الي ابتكرها خلال سنوات عمله في مؤسسة الامكانيات البشرية / فيلاديلفيا:
✨برامج تحفيز الحواس / سمعي وبصري وحسي
✨برامج تطوير القدرات البدنية
✨برنامج تطوير القدرات اليدوية
✨برنامج تعليم السباحة من الولادة
✨برنامج الحساب الكمي
✨برنامج تعليم القراءة (يناسب كل اللغات)
✨برنامج الموسوعة المعرفية
✨برنامج مضاعفة الذكاء
✨برنامج المصابين عقليا
كل برنامج من هاي البرامج هو علم ضخم وحصيلة سنوات من البحث والتجارب
كل برنامج يطور جزء من الدماغ ... وعليه الي يطبقون هاي البرامج كلها او جزء منها ... يحصلون النتائج الي ذكرتها بداية المنشور
اهم النصائح :
1. البدأ مبكرا
2. الاستمرار
3.تشجيع الطفل والايمان بقدرات الطفل
4.خلق اجواء مرحة وممتعة ومريحة اثناء تطبيق البرامج
نرجع لاول نقطة، البدأ مبكرا يعني مجرد تسمع بالبرنامج ومجرد ان انت مستعد ابدي، لاتنتظر الطفل يكبر لعمر معين
اذا هسه ولد الطفل ابدي... اذا هسه عمره سنه ابدي ،، اذا عمره سنتين ابدي
اذا 3 سنوات ابدي اذا 4 سنوات ابدي ... اذا 5 اذا 6 ابدي
لكن كلما يكبر الطفل ذكرنا تتراجع قدرة التعلم ال لااردية الي هي مرتكزه في الدماغ الايمن
لذلك فأن انتظار ان يكبر الطفل يعني ضياع فرصه استشمار قدرات الدماغ الايمن ...
يعني هسه اقصى عمر شكد؟ بعض الابحاث تذكر الى عمر 13 من الممكن تدريب الدماغ الايمن
لكن اذا نريد نرتب من الافضل ونزولا،،، خلي نستعير طريقة المداليات في الاولمبات مثلا نكدر نكول
العمر الألماسي :هو اول سنة
العمر الذهبي: 2-3 سنوات
العمر الفضي : 3_6 سنوات
العمر النحاسي : 6-9 سنوات
العمر الحديدي : 9-13 سنة
زين شنو السبب ؟ ليش تتراجع قدرات الدماغ من يكبر؟
الجواب هو ان الدماغ ينمو تنازلي
يعني اول مايولد يكون سرعة نمو الدماغ اعلى مستواياتها
والامهات اكيد يعرفون شلون بسرعة يكبر راس الطفل باول 3 شهور...يزداد حجمه حوالي 64% وراها يبدي يقل معدل النمو...
إذا استمر النمو بنفس المعدل، فان حجم الدماغ عند عمر 3 سنوات أكبر من 10,000 سم³، أي أكبر من دماغ الفيل (الذي يبلغ حوالي 5,000 سم³) وأكثر من 5 أضعاف دماغ الإنسان البالغ (الذي يبلغ حوالي 1,300-1,500 سم³) !!
وهذا الشي طبعا افتراضي وما ممكن ان يصير بيولوجيا....
المنشور القادم نحجي اكثر وتفاصيل اكثر ان شاء الله