و بيوم من الايام رحتي انت و حمودي للمحل القريب
و حمودي مثل الما شايف شاف الجبس و شاف الكندر و انصدم
و بدا يلم و يلم و يلم
هل تصرف حمودي طبيعي ؟
اي طبعا طبيعي
لان الطفل بأول ٥ سنوات يشوف انه كلشي اله و يحقله و ملكه
فهذا البوست ما راح يعلم حمودي
لا راح يجنب حمودي و ام حمودي و ابو حمودي الاحراج
.
اول شي و اهم شي كولي لا
و لا من هاي اللا
لا يا حبيبي مو النا هذا الجبس اسفه
و اهم شي خليك ع اللا
حتى لا يفوت بنوبه غضب
بس حمودي مو عيب ما يفوت بنوبه غضب ؟
انت هنا خليك على مبدأ اللا
و لو زاد بنوبه الغضب و لم الناس كلها عليك
انت وقفي تسوق و اخذي حمودي و طلعي حتى يعرف انه نوبه الغضب ما راح تجيب نتيجه
ام حمودي تعالي اكولك شي
قبل ما تطلعين كولي لحمودي انت وين رايحه و شنو راح تشترين و كوليله اني رايحه اشتري تمن و صابون ما رايحه اشتري جبس و لا عصير و لا ايس كريم
علميه على النظر و من تطلعون للسوق مو شرط تشترون فقط فرجه
و علميه على العطاء
و من تكافئيه كافئيه بعفيه و سبع و خلينا نروح للالعاب مو بالاشياء الماديه
ام حمودي اذا ما تدبريها و لازم تشترين للطفل من ترحين للمحل او السوق
روحي للسوق او المحل وحدك اريحلك و اريح لحمودي و الي
د. سيف سمير البياتي اخصائي طب الاطفال