أتمنى لما أوصل للحظة دي أكون بشتري الدبلة وأنا كلي فرحة ومبسوطة بالراجل اللي هكمل حياتي معاه!

أتمنى أن قلبي وعقلي وأهلي وكل الظروف تكون متفقة عليه!

ومافي حاجة تعكنن عليا فرحتي ولا أكون بتجوز علشان وصلت سن الزواج المناسب أو علشان كل اللي حواليا أتجوزوا!

أتمنى يكون حنين وجميل علشان الأشخاص القاسية لا يطاقوا!

يحاوط قلبي بحب ودبلته تكون دافية وقلبه فاهمني وحاسس بيا!

أتمنى أعيش معاه ليالي هادية حنينة ومليانة حب ورحمة!

يكون متزن نفسيًا مسئول شخصيته مستقلة عارف أمور الدين ويعاملني بما يرضي الله!

أتمنى نعيش حياة سوية جميلة بطعم السكر والحب!

أتمنى من كل قلبي يتحقق كوبليه الست:

((صالحت بيك أيامي سامحت بيك الزمن))

مش مهم يظهرلي قريب ولا حتى بعد فترة بس المهم أنه لما يجي يكون السلام لروحي وقلبي♥️