*د وصال غیږې ته ورسیږي/🍃خَاَلِدْأنَسَ🍃*

چي سړی ستر شي د کمال غیږې ته ورسيږي
چي خوارې وباسي د سیال غیږې ته ورسيږي

د خدای ورکړې شتمنې باندي غرور چي کوي
خدای یې را ړنګ کړي د زوال غیږې ته ورسيږي

پښتنه پیغله چي اویا ۷۰کالو بوډا ته ورکړي
دغه سړی به د دجال غیږې ته ورسيږي

له ماشومتوب تر بوډاتوبه یوار خامخا به
د ژوند په لاره د جنګجال غېږې ته ورسيږي

خواږه ملګري راته وېل په زړه داغلي عُشاق
خدای دی خبر چي د وصال غېږې ته ورسيږي

خَاَلِدْأنَسَه ګناهګاره توبه مه ځنډوه
د سږ توبه دي د بل کال غیږې ته ورسيږي