🌹حان موعدنا مع السلسلة الرائعه 🌹.

🎆 إصحي يا نااااايم 🎆

💌 الحلقه السادسه 💌

📢نكمل كلامنا ونعرف ايه هما الملاحظتين دول ومعناهم ايه..💎

📢📢وعندنا ملاحظتين لازم نركز فيهم:

▪أول حاجة: العبادة بتمر مع الانسان بـ 3 مراحل:
*المجــــــاهدة ثم الاعتيـــــاد ثم التــــــلذذ..*
▪ثانية : سياسة النفس..

💎 *الملاحظة الاولي : مراحل العبادة* ..💡

☺لو هنتكلم عن قيام الليل كمثال.. في الاول هجاهد نفسي عشان اقوم اصلي بالليل و يآآاه بقى لو قمت في الثلث الاخير...

👈دي اول حاجة، و هي مرحلة شـــــــــــآاقة و هجاهد فيها نفسي عشان اعمل الطاعة و هتعب فيها..

🌃 بس بعد فترة هتيجي مرحلة الاعتياد.. يعني تبقى عادة خلاص..
انا اتعودت لازم كل يوم اقوم اصلي ركعتين قيام..
مينفعش يومي يعدي من غيرهم..👌

😍بعدها تيجي مرحلة التلذذ بالطاعة..
أنا مستمتع بالعبادة و فرحـــــان اني بعملها..

♥ و دي بقى حاجة تانية خالص يعني هتقوم الليل بحب و بقلب مشتاق للقيام💙..
هتعب ربنا بحب و بقلب يقظ مدرك متعلق بالله عز وجل،
ودي بقى اللي بنقول عنها:
*"من ذاق عــرف، و من عــرف اغتــــرف"* 💡

♥ يعني بعد كده مش هتقدر تفوت ليلة واحدة من غير قيام..

📢كان احد السلف من التابعين بيقول: *"جاهدت نفسي في قيام الليل سنة، و تلذذت به عشرين سنة"*

يآآآآآآآآآاه.. الناس دي عرفت ربنا وعرفت يعني ايه قرب! سنة بيجاهد نفسه علشان يوصل مش احنا اللي مستكترين كام شهر قبل رمضان!!

💡دي كانت اول ملاحظة.. و الهدف منها ايه؟
*عايزين ندخل رمضان و احنا بنتلذذ بالطاعة، عايزين نتذوق القرآن و نتذوق الصلاة و نتذوق الصيام.*

*عايزين نصبر يا شباب، الموضوع مش بين يوم و ليلة..هنجاهد و هنتعود و ربنا شكور وهيرزقنا اللذة و احنا على يقين من كدة بفضله وكرمه عز وجل..*

👈💎 *الملاحظة الثانية: سياسية النفس*

✋عايزين نتعلم سياسة النفس!!
يعني ايـــــــه؟؟😳

*يعني الموضوع مش بييجي مرة واحدة!!*

*مش من اول يوم هأقوم 11 ركعة!!*

*مش هبدأ بورد 10 اجزاء يوميا!!*

*مش هبدأ بصيام كل يوم!!*

😳لا.. سياسة النفس يعني فن التعامل معاها..
يعني بالراحة.. هبدأ بركعتين قيام..

هتقولي ركعتين بس😅؟؟ آاه بس..
همشي عليهم لامتى؟؟ لحد ما تبقى روحي فيهم،

*بمعنى مش هسيبهم لو ايه حصل!! يومي مينفعش من غيرهم!!*

*لو فاتوني هقضيهم و أعاقب نفسي عليهم!*

💡 نقول مثلا اسبوع او 10 ايام.. وبعدها هلاقي نفسي
خلاص بقيت لازم اصلي تكعتين كل يوم، بعدها ابدأ ازود
اخليهم 4.. و امشي على كده اسبوع او 2، و بعدين ازود.. فاهم الكلام؟؟

♥ وبكدة أدخل رمضان و انا خلاص نفسي متهيأة انها
تزود و تشتغل، ويكون الـ 11 ركعة بتوع التراويح باذن الله ايسر ما يكون..

💡>> و كذلك في القرآن.. هنشتغل بنفس النظام لحد ما نوصل لمرادنا من الورد باذن الله.. و ده كله بحول الله وقوته.. ولا حول ولا قوة لنا الا بالله..
دا كله محض فضل من الكريم سبحانه وتعالى☺..

👈يبقى نستعين بالله، ونبدأ نشتغل، وبلاش الكسل و الشماعات.. و اللي عايز يتغير و صادق مع الله في كده.. و الله ربنا هيعينه و هيتغير.. و اللي هيدور على مبرر للتقاعس هيلاقي بدل المبرر 100!

☘و الناس اللي عندها امتحانات، الموضع ده مش هيأثر معاهم اطلاقا...
بل هيخليهم في نشاط دائم و يعلي همتهم باذن الله في المذاكرة كمان..

*💎شهر شعبان من اهم شهور السنة💎*

🌃 *بتترفع فيه اعمال السنة كلها لله عز وجل*

👌فرصة تتوب علشان يترفع عنك فيه تقرير مشرف منور بالتوبة و الاعمال الصالحة.. النبي صلى الله عليه وسلم
بيقول: ( *إنما الاعمال بالخواتيم*) متفق عليه..

*غدا لنا لقاء بأذن المولي دمتم علي طاعة الله☺*

💚 *رمضان قرب.. يلا بقلوبنا الي الله نقرب*💚
══════ ❁✿❁ ═════
#إصحي_يا_نايم
#حياتي_دعوة