🔥 اكبر ((مصيبة))
من يكون صاحب الشأن خالي من الذمة والضمير
💬 لا انت الي تكدر تعترض (لان انت مو صاحب السلطة وتتعرض للانتقاد وحتى الطرد...الخ)
💬 ولا انت الي تكدر تسكت ( لان تحس حقك انسلب منك وتحس اكو احد جاي يظلمك متعمد ويستخدم مكانه علمود يأذيك...الخ)
☯️ ماعرف ليش تعتبرون ((الطالب)) اسرائيلي او يهودي او صاحب جرائم لا يغفر لها...الخ
☯️ ما معقولة اغلبية الاساتذة كلهم غلط
وانتم الصح ( اغلبية الاساتذة جاي تواجه صعوبة بفهم الاسئلة وهو استاذ ومتمكن من المادة !!! شلون بحال الطالب؟؟؟؟)
☯️ ما تردون معدلات عالية بسبب ضيق المقاعد بالكليات او بسبب قلة فرص التعيين!؟
مو اعالجها بمحاربة الطالب بصعوبة الاسئلة!
واحطم نفسيته واخلي الناس تشمت بي وتستهزء بتعبه وباهله بسبب شيء فوك من طاقتة الطالب ومو يم مقدرته!!
اكو هواي طرق للمعالجة ، قسمًا بالله العظيم اكو هواي طرق ، وبما يرضي الله والضمير ، شنو ذنب الطالب اذا اكو تقصير من الحكومة!؟ شنو ذنب الطالب اذا فرص تعيين مفقودة بسبب سياستكم الي بلا ذمة وبلا ضمير!؟
🔴بس اريد اعرف شنوو شعوركم من تشوفون هاي الاف الطلاب تطلع تبجي ومقهورة بسبب محاربة من يسمى ولي امر الطالب والسند
🔴شنو شعوركم من الاف الطلاب تطلع تدعي عليكم؟؟
🔴شنو شعوركم من تشوفون ام او اب او اخ او اخت تدعي من كل كلبها عليكم؟؟
🔴شنو شعوركم من تشوفون سنة كاملة بمصاريفها وبتعبها وبظروفها وبضيمها
تروح علمود ظلم عينك عينك ومن وين؟
من الشخص الي هو يسمى ولي امر الطالب والسند والداعم الى!!!!!!
🔴شنو شعوركم من تشوفون طالب او ولي امر يشوفكم بالشارع او باي مكان ويتمنى المرض او الموت او المصيبة الكم؟؟
🔥 معقولة هاي الاعداد الي أجلت كلها ما دارسه؟!!!! معقولة
☯️كل يوم يمر بهل حياة ، تتأكد انت عايش بغابة ( قاتل ومقتول ، ضعيف وقوي)
الي عنده واسطة وامكانية يحصل الي يريده ويعيش مرتاح
والي عنده بس الله بهل دنيا ؟؟؟؟؟
☯️ بس راح نتواجه يم رب ماكو يمه واسطة ولا اكو يمه امكانية ولا اكو ضعيف وقوي
اكو فقط ((العدل)) ✅
دعاء كل طالب او كل ولي امر او كل استاذ
ما معقولة يروح يم رب العالمين
ما معقولة كل هل طلاب ما دارسة
ما معقولة كل هل طلاب ما تخاف الله
شكرًا على التعب وتنباس الايادي
حارب حتلو الكل ضدك
حارب لاخر لحظة
المشكلة يعرفون بيك كدها وبطل
لذلك استخدموا ضدك كل الاساليب المو صحيحة
