بينما مرافق مريض يضرب طبيب، هناك شخص آخر يبحث عن الدم 🥺

حدث من بضعة أيام بأحد مشافي دمشق:

كنا مجموعة من طلاب الفئة نزلنا عالإسعاف بعد ما خلص الستاج الصباحي.

فجأة منشوف رجال عم يصرخ بوش الدكاترة وماعد حدا قدر يهديه وآخر شي تهجم على طبيب مقيم ضربو على راسو.

لبين ما نحلت المشكلة وبوسوا شوارب بعض كان في رجال تاني عم يبكي ويركد ويدقدق تلفونات ومبين حايص كتير وفايت طالع.

صار عندي فضول اسألو شو بقدر ساعدو رغم اني طالبة طب متفرجة، رحت وحكيتو..

قلي انو ابنو زمرة دمو A ومحتاج دم ومافي بالمشفى وعم يدقدق للعالم ازا حدا بيساعدو وبيتبرع.

ما كان ببالي غير اني حط على مجموعة الفئة عالوتس.

بنفس الوقت حدا من زملائي "وبحب وجهلو تحية وابدي اعجابي بأخلائو" تبرع ومشي الحال.

اليوم كتير المشافي بحاجة لتبرع بالدم بسبب النقص الحاصل🥺🥺.

كتير مرضى بيحتاجوا الدم متل مرضى الرضوضو والحوادث وهنن الأخطر وممكن يموت المريض بدون تبرع، ومرضى فقر الدم المنجلي والتلاسيميا وحالات كتيرة تانية.

رجاءً تبرعوا بالدم نحنا بحاجة بعضنا اليوم رجاءً 🫶🙏