كانوا كلهم في الحفله وساره كانت بتدور علي امجد كانت بتراقبه بنظراتها وهي واقفه مع صحابها استأذنت منهم ودورت عليه ودخلت الفيلا وطلعت بهدوء وراحت ناحيه الاوض سمعت اصوات غريبه ضحك بنت بتضحك !!! مع مين مع امجد حبيبي دخلت عليهم بكل قوتها وغضبها بس من جواها قلبها بيصرخ من اللي شافته من الصدمه وقالت امجد!!! انت بتعمل اى هنا ومين دي .. امجد اتسمر في مكانه وبلع ريقه بتوتر وقال سساره..انتي فاهمه غلط خالص أنا افهمك ووو صرخت في وشه جامد وقالت انت انسان حقي'ر وزبا.له أنا غلطانه اني وثقت ف واحد زيك كتك ستين نيله وبعدين مشيت امجد لبس هدومه بلهوجه ساره ساره استني رايحه فين استني افهمك جريت علي السلالم بسرعه وخرجت بدموعها أسر بص عليها وهي بتجري جري وراها وقال بخوف مسك ايديها ووقفها بخوف مالك يا ساره بتعيطي لي مسحت دموعها وقالت مفيش أنا عايزه امشي حالا مشيني من هنا قرب منهم امجد بتوتر وقال ساره أنا ....صرخت في وقالت ولا كلمه مش عايزه اسمع حاجه وقالت بترجي لاخوها الله يخليك مشيني من هنا حست بااستفراغ واستفرغت علي الرمل وهي بتكح جامد وتاخد نفسها اخوها بص علي امجد بعصبيه وقال انت عملت فيها اى ياض مسك من قميصه وصرخ في انطق بقولك سكت امجد وهو باصص علي ساره اللي مش قادره تاخد نفسها من الاستفراغ وزعق في وقال معملتشش حاجه يا أسر قال باستغراب وضيق وحيات امك اومال اختي بتعيط كدا لوحدها من باب الفراغ هتستعبط يلا... بصت عليهم ساره وقربت منهم أسر سيبك منه يلا نمشي احنا بنضيع وقت علي الفاضي معاه يلا يا أسر سابه أسر وقال قصتك معايا مخلصتش...بعد ما مشيوا عدي يوم وطبعا امجد و ساره وأسر عايشين في بيت واحد امجد ابن عم ساره وأسر.. و ساره مخطوبه لامجد ..في يوم ساره كانت منهاره من اللي شافته خرجت برا الشارع بدون علم اخوها راحت المستشفي وطلبت دكتور نسا دخلت أوضته بس اتفاجت بسليم صاحب اخوها كانت بتحبه بس زمان كان معتبرها أخته الصغيره وهي كانت شايفه بمنظور مختلف كانت بتحبه حب مش أخوات..سليم ق.طع شرودها بابتسامه مستغربه وقال ساره !! هو أنا شايف صح انتي ساره اخت أسر ..اتوترت ساره وقالت ايوه ازيك يا سليم ..،! قام سليم من علي الكرسي و وقف قدامها وقال الحمدلله المستشفي نورت بيكي والله بس اتغيرتي اوي يا ساره أتأمل في ملامحها الجميله كانت زمان بيعتبرها أخته بس دلوقتي إحساسه اتغيرت لما شافها بعد سنين ساره حست بتوتر من نظراته ليها وقالت طيب عن اذنك جت تمشي مسك ايديها وقال ساره انتي جيتي هنا لي انتي كنتي جايه تكشفي مالك قال كدا بحنيه حست ساره بحنيته عليها اغراءها علي العياط استغرب سليم اكتر وقالها بفضول وقلق مالك يا ساره اهدي بس ..ساره بصت عليه بدموع وضعف مش هقدر اقول حاجه عن اذنك ...سليم قال بسرعه ساره انتي عارفه اني عمري ما هقول لاخوكي حاجه ودي كانت وعد ما بينا زمان لما كنتي بتحكيلي كل حاجه كنتي خايفه منها من اخوكي وانا عند وعدي وعمري ما هطلع سرك مهما كانت الظروف انتي عارفاني يا ساره ..ساره مسحت دموعها وقالت حتي لو الحاجه دي فيها قت'ل هتساعدني..سليم اتلجم في كلامه وقال مش فاهم وضحي اكتر ...عيطت ساره بقهره ووجع حصل ما بينا أنا وابن عمي تجا.وز غير شرعي وانا حامل منه اخويا لو عرف هيمو'تني يا سليم وانا عايزه أنزله دلوقتى سليم اتسمر في مكانه، قلبه بيدق بسرعة من الصدمة، وحاول يستوعب الكلام اللي سمعه.
بقلم رحيق عمران
سليم إنتي... إنتي بتقولي إيه يا سارة؟!
سارة رفعت عينيها ليه، نظرتها كلها رجاء وخوف، وكأنها بتتمسك بآخر خيط نجاة.
سارة بهمس مرتعش ساعدني يا سليم... بالله عليك.
سليم سكت لحظة، دماغه بتلف بأفكار كتير، بس قبل ما ينطق… الباب اتفتح فجأة بعنف!
سارة تجمدت في مكانها، وسليم لف بسرعة ناحيته وقال بارتباك أسر؟!...أسر دخل عليهم بكل غضبه وعصبيه وووووو
يتبع..................
https://darmsr.com/2025/02/01/%d8%b1%d9%88%d8%a7%d9%8a%d8%a9-%d8%b1%d9%87%d9%8a%d9%86%d8%a9-%d8%a7%d9%84%d8%b3%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7/