#قصائد_خروج_الحسين_ع

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خروج الامام الحسين من المدينه وشرح حالته

......

عله بيت النبوه اتحزم الكون

بين فراك وهموم ومصيبه

خطوتهم جرح لمن يشيلون

ودموع الوداع شكد عجيبه

قرءان ايترتل بين الظعون

بيه صوت اختنك من كد نحيبه

جلمات العتب صارت بالعيون

لحظات الوداع شكد رهيبه

منواهم صبح لازم يرحلون

وكلب حسين يم طه حبيبه

........

تركب هالظعن من اه من هم

زلم حته المنايه اتلوذ منهم

يهل تنشد تريد تكول منهم

هذوله اشبول هاشم والزجيه

.........

وي ام البنين اتوادع حسين

والدمعات صبن من العيون

تكله اتروح مني واني هنا

اخذني وياك يمه ويه اليرحلون

اموتن يابعد شيبات السنين

اخاف اتروح والنه ماترجعون

شلون اصبر واشوفك تارك الدار

وشكل للذي عنك ينشدون

اكولن راح مني وماخذ الروح

اخذني وياك يمه بهاي الظعون

.....

يمه ياعباس رايح راح اسلمنك امانه

زينب وياكم ظعنها خلي ظعنك يم مجانه

اختك وبالك عليها حره ماتعرف مهانه

يمه ماوصيك يمه كون مايوكع لوانه

.....

كلها عباس اعله كيفج يمه لاتوصين بيه

انه عد عينج يحره لو وصلت الغاظريه

انه يالحره وبنينج ماتهزنه كل منيه

كرت عيونج ييمه محد ايطب الثنيه

.....

سكنه والطفله رقيه توادعن وياها

شمت الطفله رقيه حته لاتنساها

بعدج زغيره  تكلها والدمع غطاها

منين ماتلتفت محنه اترادفت دنياها

......

اتمشت اعليها العقيله والدموع اتناثرت

اتكلها يمه شلون اودعج بيه نار اتوجرت

خاف من عدج ييمه روحي يوم الكصرت

انتي ابريني ييمه خاف شوفتج الم

عفيه ماكصرتي والله وهذا شيال العلم

كومي يالحره انتوادع انتي وي هاي الحرم

خاف مانرجع عليكم انتي ابرينه الذمم

......

الشاعر علي الحاج الصبيحاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA