​​غزل از مفتی محمد تقی عثمانی صاحب :
ــــــــــــــــــــــــــــــــــــــــــــــــــــــــــ

درد سے، یادوں سے، اشکوں سے شناسائی ہے
کتنا آباد مرا گوشۂ تنہائی ہے

خار تو خار ہیں، کچھ گل بھی خفا ہیں مجھ سے
میں نے کانٹوں سے الجھنے کی سزا پائی ہے

میرے پیچھے تو ہے ہر آن یہ خلقت کا ہجوم
اب خدا جانے یہ عزت ہے کہ رسوائی ہے

ہاتھ نیکی سے تہی، سر پر گناہوں کے پہاڑ
سب سہی، دل مگر اک تیرا ہی شیدائی ہے

پھونک کر ساری تمناؤں کے دفتر، یہ دل
اب تو بس تیری تمنّا کا تمنائی ہے

ان کا دیدار تقیؔ کیسا قیامت ہوگا
جب فقط انکے تصور میں یہ رعنائی ہے

ـــــــــــــــــــــــــــــــــــــــــــــــــــــــــــــــــ
کتاب : گـوشـئہ تنــہائی ( شـعری مجـموعہ)
( صفحہ نمبر 69-70)
تالیف : حضرت مفتی محمد تقی عثمانی صاحب
ناقل : عبدالرحمن
بسلسلہ: کتب سے اقتباسات ٹیلی گرام چینل

https://t.me/Eqtebaskb