روايات من وحى الخيال💕📚.

مياسين:صرخت وعيطت وباعدتهم وحاولت انهم يخلوها تفوت لكن بدون فايده
انتهى بيها الوضع طايحه على غدير المطر وعزام يشوفلها من روشن غرفته
شافلها بنضرات غريبه….كأنه يقلها ان شاء الله تكون الرساله وصلت!
واختفى من الروشن
اما مياسين ناضت وتلملم في نفسها وكانت مبلوله مع بعضها وصقع الليل يخبط فيها🌧
خشت للحوش وهيا حاسه نفسها طلعت من سجن كانت فيه اميره👌
وخشت لي سجن تاني بطعنه وغدره ورح تقعد فيه مُهانه عمرها كله🤌🏻

رفيده:بملامح اندهاش…..معقوله عمي يخلي عزام يتصرف معاها😨
بدريه:بضحكه انتصار…..صدق من قال العيله يلي ماعندها صايع
حقها ضايع 🔥

______

مريم:طلعت من الدوش وهيا حاسه بي انجاز كبير في علاقتها هيا وصدام❤️
طلعت تجفف في شعرها ومجهزه هلبا كلام حلو تقوله لي راجلها
راجلها يلي بدت تحبه وتكبد عليه رغم انه مش عاطيها اي وجه
ومقربهاش الا بعد4اسابيع من عرسهم ……

صابتها شوووية خيبة امل لما شفاته رقد!
كأنه دار معاها شي مفروض وواجب انه يصير وخلاص تم الموضوع
ومريم مكانش حابه الشي هاذا ابداً❤️
كانت حساسه وتحب كل شي يصير بي الحب لكن للاسف مكانش حضها مساعدها…

_______

بتول:مقعمزه في سريرها وسلطان غارق في النوم جنبها
كانت تشوفله بخوف
حطت يدها على يده وبدت تنوض فيه…..سلطان
سلطاااان نوض
سلطان:فتح عيونه ويتكسل …شني في!
بتول:تنفست بعمق وارتياح….كنت نطمن عايش ولا لا
سلطان:ضحك وهوا يحاول يفتح عيونه
بتول:عطاته بي الضهر ورقدت ✨

سلطان:قرب منها خطواته ….وكيف بيحضنها من الخلف
اذكر وعده لي خوه!
اذكر كلامه وتفاصيل زواجهم وليلة عرسهم
رجع مسافه بعيده وعطاها بي الضهر

الاثنين يمثلو انهم راقدين
لكن كل واحد في عالم بروحه✨

_________

مياسين:مقعمزه ع الكرسي وتهز في رجلها
ماسكه تالفونها وحدفاته اول ما قال ….الرقم المطلوب
مقفل
مسكت راسها بتوتر وهيا مش فاهمه كيف تتصرف!
كان كل شي مرتب ومتحكمه فيه لين طلع عزام !
حست بروحها مخدوعه !
لكن هل ماضي امها يتكرر معاها؟!
ولا رح تكون ذكيه اكتر من امها بألف مره!؟
كل ها الافكار قاطعها صوت ساره وهيا تقول ….

ساره:منعرفش شنو صاير ولا شن قصتك
بس نصيحه مني ….حاولي مترفضيش ولا طلب لي عزام
حاولي تسمعي كلامه في اي شي باش تعيشي مرتاحه هنايا
مياسين:ليش؟
من يكون هوا؟؟؟؟
مش جدك الكل في الكل ع اساس ومفيش حد يرفضله طلب!
ساره:ضحكت بهزوه ….اي جدي!
تسمعي بي صايع العيله يلي ميسمعوش في كلامه تقديراً ليه لا
يسمعو فيه من خوفهم
مياسين:هه….وعلاش يعني بيخافو من عيل زي هاذا
ساره:تعصبت…..انا نصحتك وانتي حره
مياسين:لا كملي كلااااامك علاش بيهافو من واحد حقير زي هكي
ساره:متحميش عليه هكي لان وربي قادر يخفيك من على وجه الارض زي مصار لي هدى

عم الهدوء بعد ما قالت كلمتها
ساره :حطت يدها على فمها وهيا مصدومه شن قالت !
ومياسين تشوفلها بصدمه ….يتبع

بتول:شني الحركات هيا عادي نفهم !
سلطان:والله هاذا يلي عندي عجبك باهي معجبكش الباب قدامك
بتول:سكتت وعضت شاربها…..تمام
عطاته بضهر وكملت ترتيب المطبخ
سلطان:ابتسم بنصر عليها وهوا يحاول يخفي ابتسامته….ترا وتيلي الحمام بنخش ندوش
بتول:خش تلقى الشامبو قدامك والميه تو تجيك من الشيشمه
ياسرك بلا جو اتراك
نوتيلك الحمام صار
سلطان:خشلها للمطبخ …..تحركي قدامي
سخنيلي الميه وعبيلي البانيو ووتيلي حوايجي
بتول:لا🙂
سلطان:حره بكفيك لو تبي ترعشي اماليك في ها الليل
مديريش يلي قتلك عليه
بتول:خدت نفس عميق وهيا بتتفجر…..الله ياخدك من كل قلبي
ومشت من قدامه متجها للحمام
سلطان:ضحك من شكلها المعصب كأنه مستمتع بي فوزه عليها في كل مره

بتول:ماشيه تخبط بغللل للحمام سمعت صوت وراها
صوت سلطان لكن المره هاذي بطريقه مختلفه!
تلفتت وشافت سلطان يتخبط يمين ويسار
كأنه دايخ ويتوجع من شي مش معروف!
لين طاح على الارض مهدود حيله!

______

صدام:سكر باب الحوش خش لي الصاله
كانت مريم مقعمزه على الكنبه وعيونها في التلفزيون
مريم:نديرلك شي تاكله؟
صدام:مخاطريش
وقعمز جنبها على الصالون ❤️
ناضت مريم دقايق للمطبخ
ورجعت بي سفره فيها شاهي خفيف وكيكة برتقال

مريم:صبت كوب شاهي ومدتها….هي تفضل
صدام:خداها بدون مايشكرها شرب الشاهي وكل الكيكه وهوا مقعمز في نفس المكان
الهدوء عم المكان ✨

صدام:مريم
مريم:قلبها طاح❤️….كانت اول مره ينادي اسمها
بدون ما تحس من فرحتها جاوباته ….عيوونها
صدام:بملامح جامده وقاسيه مفيهاش اي نوع من الغزل ….اسبقيني على دار النوم
مريم:جاوباته بكل برائه وغباء…..تبيني نوتيلك حوايجك!
صدام….وتيلي روحك شويه وجايك
ياسر قريب نسكرو 4اسابيع جواز وانتي قاعده بنت
مريم:وجها احمممممر لما فهمت وناضت والخجل معبي عيونها
لكن في نفس الوقت حست ان صدام بدي متغير
ناداها بي اسمها وطلب منها بأسلوب (على اساس)

________

بتول:قربت منه وهيا تبكي وتخبط…..لا ياربببببي مدعيتهاش من قلبي الدعوه لااا😭😭😭
ناضت وقعدت تلود في مكانها وهيا ترعش من الخوف والتوتر ومش عارفه شنو ادير؟
خدت اميه ونزلت عليه تحاول تصحيه بشويه وتنادي بي اسمه وجابت كل العطور يلي عندها لين بدي يحس على الدنيا
سلطان:فتح عيونه ببطئ…شش شن صار
بتول:حضانته بقوه…..الحمد الله ياربي الحمد الله مصار شي ❤️
سلطان:حني متعاركين متحضنينيش ….
بتول:ضحكت…. وضرباته على صدره….خوفتي عليك يادراه
سلطان:تأمل في عيونها شويه وهوا مش فاهم شنو قاعد يصيرله!
متفقش هكي هوا وخوه ليلة عرسهم
المفروض ان كلمة منه ببصاره متشوفهاش
ويعاملها بأقسى شي عنده من ضرب واهانات
لكن مصارش يلي اتفقو عليه!

______

رجب:تمام ياولدي الموضوع هادا دير رايك فيه معش تغيب عليا راهو الدنيا خشت بعضها
عزام:والم…..
مياسين:غرفة مرتك ليش مفيش حد بدي يفضي فيها؟!
عزام:شافلها من فوق لعند لوطه ….مني هيا!
رجب:وقف وهوا ساند يديه الاثنين على عصاته ….
شافلهم الزوز بعدين شاف لي عزام والثقه في عيونه….هاذي وحده من المشاكل يلي بتحلها وتعدلها امورها
عزام:تم
رجب:طلع من جنبهم والثقه مالياته ان عزام الوحيد يلي يقدر يتصرف معاها

مياسين:ضحكة بهزوه….والله!
جديات تحكي انت وياه
عزام:شافلها ونضراته كانت حاره!…..تكلم بصوته يلي فيه بحه غريبه…..ردي بالك
ردي بالك مزال نسمع تحكي بطريقه هيا معاه
ولا مع مرته يلي هيا حناك
مياسين:ابتسمت بثقه….لا والله!
متنساش بابا بيني وبين جدك اتفاق
ولو مخديتش كل شي نبيه في الحوش هاذا بكل بساطه نطلع ونخليه ومعش نبيه الاتفاق يلي تفاهمنا عليه
قامت صبعها ….ومفيش حد خاسر غيركم
عزام:شايف يمين ويسار بهدوء ومسك صبعها يلي قماته عليه ونزله…..وريني كيف بتطلعي منه الحوش يلي خشيتيله برجليك
ومن اليوم
انا يلي مسؤل عليك هنايا
مياسين:عقدت حواجبها وكل الثقه يلي كانت في عيونها راحت….شن تقصد؟
شن قصدك بي وريني كيف بتطلعي منه على شنو تحكي انت!
عزام؛ابتسم على جنب…..جربي تفهمي
ومتنسيش بكرا تكوني جاهزه على الساعه8ونص لان السيمستر متعك خريفي وبكرا اول يوم محاضرات
مياسين:نعم؟
عزام:يحكي وعيونه مش فيها …..اعرفي شن تلبسي
وموضوع نصر يلي سمعته قبل وطلع اليوم جهزي نفسك باش تحكي فيه بكرا
وسيبها ومشي

وقفت مياسين دقايق وهيا مش فاهمه!
كيف جدها تكلم كأنه عنده وجه تاني كل الدلال يلي حصلاته قبل لما طلع عزام فجآه راح!
وكيف يعني عزام مسؤل عليها من اليوم!
كيف معش تقدر تطلع من الحوش!!

ركبت بسرعه لي غرفة ساره فتحت الدولاب وخدت شنطتها يلي قاعده مطلعتش حوايجها منها ونزلت بسرعه وهيا قاعده شاكه في كلامه!
فاتت من قدام رفيده وبدريه

طلعت من باب الحوش الاول
لكن لما وصلت في باب الحوش الخارجي بكل بساطه
ردوها العمال ومخلوهاش تطلع
العمال يلي مكانوش موجودين لين وصلت للحوش

#مجرد_كارثه 6

كل توقعاتكم في ها الروايه رح تكون مش صح❤️
البدايه والنهايه والقصص وكيف تكمل!
زي حياتكم بزبط كل واحد يتوقع من الدنيا شي ويصير شي عكسه تماماً✨
كل شي يصير هوا مجرد كارثه وبس❤️

______

مريم:واقفه هيا وبتول يلبسو في عباياتهم في الممر قدام المرايا الصغيره يلي كانت معلقه على الحيط

مريم:بس انا منبيش هكي يا بتول !
منبيش نقعد معاه في حرب ونقعد ندير في مشاكل معاه زي الصغار ونعانده
نبي نعيش معاه مرتاحه بس!
نبيه يحبني ونحبه نجيبو صغار ونديرو عيله جميله❤️
نبي نفهم السبب يلي يعامل فيا بيه هكي ونصلحه!
بتول:تسكر في بطم عبايتها وهيا تضحك….وربي ضحكتيني يامريم اسفه😂😂😂
خدت نفس وحطت وشاحها على راسها…..بالك تسحابي روحك في روايه؟
ولا مسلسل رومانسي تبدا القصه بي البطل ميحبش البطله وفجآه يموت فيها ويعيشو حياة سعيده
فيقي على نفسك بنتي راهو هاذا كله وهم
مريم:بملامح كلها زعل💔….هكي تقولي!
بتول:لبست شنطتها…..اي هكي نقول وهيا كان بتروحي سلم بنتي
معش اطيحي روحك ليه ومعش تقيميه من ارضه تشوفيه كيف يجيك بروحه
مريم:شافت لي نفسها في المرايا بي استسلام وخدت تالفونها وطلعت ورا بتول

بتووووول….
نادتها ساره بصوت عالي شويه وهيا لاحقتها لعند الباب
بتول:تلفتت…نعم؟
ساره؛تساوي في الوشاح يلي لبساته بسرعه ….نسيتي تالفونك واصلا يشرين
بتول :صحيتي❤️

نصر:طلع من المربوعه بعد ما طلعو عمامه يلي اول مره يتلاقه معاهم✨
والواضح ان اليوم هاذا بدات تلاقى مع صاحب العيون يلي خلاه يسرح فيها لمده طووويله بدون ما يحس على نفسه❤️
الزعل والخوف يلي كان في عيونها لامس قلبه وملامحها خدت عقله من اول نضره✨

قاطع اللحضه الحلوه هاذي صوت سلطان وهوا يعيط عليهم✨
سلطان:تحركي انتي وياها من هنايا
وانتي خشي داخل ياساره الرجاله بيطلعو
نصر:تبعها بعيونه لين اختفت✨
وقلبه تعلق فيها بدون ما يعرف حتى اسمها!
سلم على جده وكل الحاضرين …وسحب نفسه بكل هدوء وطلع
لكن خشته للحوش ابدا مكانتش زي طلعته🫶🏻
خش بقلب بارد وطلع بقلب معبي مشاعر حلوه

صدام:كنا ناقصين حني!
سلطان:يدلك في راسه بتعب ….الباين هكي انه شابع الولد واموره طيبه هكي نحس
صدام:معش تحس وراس امك بنتفجر انا كل مره طالعلي فرخ جديد في ها العيله ال&@&@
تقول اتراك مره بنت جايتني من قعر الحبوس وتوا ذكر
مش عارف قرعة امه من وين
سلطان:خدي شهيق عميييق وشاف لي خوهم الثالث✨
وانت تكلم قول اي شي
عزام:لوح الدخان وعفس عليه ….انا اخطوني لان يوم بنتكلم في ها العيله بنقربعها كلها على بعضها
صدام:هاذا خليه في حاله وراس امك تربح مش ناقصين
عزام:شاف لي سلطان….اسمع كلام خوك

______

مياسين:خشت لغرفة ساره وعيونها في التالفون…
ساره:واقفه على الروشن وتبكي بعبرتها
مياسين:نزلت التالفون….هييي؟؟؟
ساره:تلفتت وهيا تمسح في دموعها …ااءء اها؟!
تبي شي ؟
مياسين:عقدت حواجبها …انتي خيرك!؟
ساره:شي مضايقه شويه
مياسين:اممم به لاباس عليك…
ساره:تبي شي نعطيك ؟
مياسين:تشوفلها بشك…سلامتك

اتجهت مياسين للباب واول ما وصلت تلفتت
مياسين:انتي كنتي صاحبتها هدى ؟!
ساره:تلكمست….للا نقصد اي
يعني يعني مش هلبا
مياسين:قامت حاجبها….كيف يعني مش هلبا هاذي!
ساره:يعني ان ….عادي مش نعرف في خصوصياتها
وهكي
نهدرز عليها عادي …
مياسين:سكرت الباب واتكت عليه …..شن صار هديك الليله؟!
ساره:تساوي في سريرها وادير في روحها لاهيه…..اي ليله تحكي !؟
مياسين:الليله يلي ماتت فيها هدى؟
يوم بيانها !
ساره:قربت على مياسين……مندكرش انا مكنتش موجوده
مياسين:وين كنتي؟
ساره:كنت مع ضرار خوي
ولو سمحتي حولي من قدامي بننزل لي ماما
مياسين:هدى في اخر ايامها منو كانت تخالط!
ساره:منعرفش وبعدي بالله عليك
مياسين:شن كنتي اديري مع ضرار خوك في الليل!؟
ساره؛خلااااااص مياسين وراسك نحي من قدامي
مياسين:بعدت من على الباب وهيا تبتسم بشر ..😈

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

سلطان:فتح باب الحوش وشم ريحه غريبه ردة فيه الروح🌸
خش للحوش وسكر الباب يسمع في بتول تحكي ع التالفون
قرب اكتر وشافها تحوس في المطبخ❤️
لابسه فستان قصير قطني لونه وردي فيه وردات صفر 🌸
وقايمه شعرها بطريقه عشوائية

بتول:وربي حتى انا استاحشتك ياقلبي لكن شوفة عينك معنديش وقت لي شي
نقام منها التالفون في لحضة غفله
سلطان:حط التالفون على ودنه وهوا يسمع في صوت بنت
بتول :خطفت منه التالفون …..تمام يقونه امالا نحكو بعدين باهي!
اوكي حبيبتي هي ….سكرت الخط وتلفتت لي سلطان

مريم:شافتله بصدمه من اسلوبه يلي يخليه ديمه يعيط على اتفه سبب بدون مبرر

في مشهد شبيه من فوق ❤️
في السياره:-
سلطان:مدرس على محل غدائية …شنو ناخد من المحل؟
بتول:متكيه على الباب وهيا منكده…..شنو يلي بيسدك يعني؟
عدد يلي في حوش جدك اكتر من ذنوب حناك مفيش شي يسدهم الا مقاعد جهنم
سلطان:مسكها من يدها بقوه….اقسم بالله متبطليش طولة لسانك ياوسخه الاما نقتلك
بتول:تتوجع وقاعده تقاوم….وسخخه صاررر؟؟؟؟
رد بالك مزال تجي وتقرب جيهتي يا سلطان ولا حتى ترقد جنبي
سلطان؛بعد يده من عليها …..مزال مزال يااااما جاييين ايامات معاي تو نربيك فيهم براحتي
بتول:جت بترد عليه لكن لوت راسها جيهت الروشن وسكتت

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

3سفر غدي من احسن ما يكون في الصاله❤️🤌🏻
كسكسي مسقي ريحة ومنضر يشهيييي
سلاطه وفواكه ومشروب وسط الصاله الدافيه 🫶🏻
مكانش فيه اروع من هكي

تلقطو الرجاله على سفره ❤️
وعزام وخوته العرسان ومعاهم ضرار على سفره❤️

ونساوين العيله على سفره يتغدو رالهدرزه والضحك طلع بعد ايام العزي والنكد❤️
لكن في المطبخ كلن في شي تاني…

ايات:قامت حاجبها….انتي شن قصدك؟
ساره:انا مش ناقصاتك انتي واختك اطلعو من راسي …جت بتطلع لكن فاطمه مسكتها وايات سكرت باب المطبخ
ساره؛نفضت يدها بقوه وبدت تتكلم بغللل….بالك تسحابو مفيش حد شافكم شنو درتو قبل ما تموت هدى؟
فاطمه:بدت نضرات الخوف بينها وبين اختها….شن قصدك انتي على شنو تحكي ؟
ساره:يومها كنت في الدار متخبيه من حاجه وشفت كل شي صار وكل شي درتوه
وانا عارفه كويس هدى المسكينه علاش لوحت نفسها هذاك اليوم
فاطمه:نضرات التوتر واضحه في صوتها ….اسمعيني ساره
انتي فاهمه غلط
هدى كان في شي تاني خلاها تنتحر مستحيل نحنا نكونو السبب
ايات:صح كلام فاطمه
كل يلي درناه كانت مزحه لا اكتر هدى كانت في شي مخبياته علينا كلنا ونتحرت بسببه
ساره:هه والله!
من امتى تحبوها انتم باش تبصرو معاها هكي!؟

خذت نفس عميق وتابعت كلامها ….بس نصيحه مني
البصاره متعكم هاذي ردو بالكم تحاولو اديروها مع مياسين
لاني امس شفت منها حجات لما مثلت اني راقده
صدقوني رح تتمنو انكم متعلقوش معاها لو عرفتوها ….وطلعت من المطبخ

فاطمه:شافت لي ايات…..شفتي يلي كنت نحكي عليه !
ايات:اهددددي ….خوافه متقدر ادير شي

_______

نقامو سفر الغدي وبدي الشاهي يرغي ❤️

مريم:وتحكي والفرحه والحشمه ماليتها….والله زي ما حكيتلك امس قرب يدير حاجه لكن راجلك جي ودق الباب
بتول:اي وانتي فرحانه وراضيه زي الدقن
مريم:اختفت ابتسامتها….يعني شنو تبيني ندير؟
بتول؛خليك غاليه عليييييه
زي ما يقولو الشراقه استعملي معاه اسلوب يحقه ومايطقه
مش بكيفه يعاملك وانتي مدللتيه لااااا اجبدي عليه الدراه هوا
مريم:سكتت وهيا تفكر في كلام بتول
بتول:علاش مفيش حد راضي يحكي قصة امها هاذي…واشرت على مياسين بعيونها
مريم:علمي علمك مش عارف
شفتي عزام ؟رجع امس اخيرا
بتول:اممم شفته….مقنينته يا وخيتي احلا واحد في خوته
مريم:ابتسمت …..صدامي احلا🥰
بتول:تشوفلها بتقزز….يستاهل يلي دايره فيك يا هبله اقسم بالله
________

مياسين:واقفه تغسل في يديها في المطبخ وخش عزام وراها
تلفتت وشافتله …..اءءء ممم
عزام:قام عاجبه وهوا مش فاهم
مياسين:امس كنت نسحابك حد تاني و….
عزام:فتح شيشة اميه شربها بدون اهتمام
مياسين:اففف….مهم مش بقصدي
عزام:شافلها من فوق لعند لوطه…..مش مذكر وميهمنيش …..وطلع
مياسين:حقارة العيله منتقله حتى لي احفادهم

______

سلطان:وقف قدام عمامه يلي كانو مقعمزين يشربو في الشاهي جنب امهم ….جدي يبيكم في المربوعه
جعفر:ناض وهوا يقول ….ان شاء الله خير
طلع ولحقوه خوته❤️

خشو للمربوعه وخشو وراهم شباب العيله كلهم❤️
سلمو على الضيف يلي كان مقعمز جنب جدهم✨
شاب كان عمره وسط العشرينات
ملامحه جميله تبارك الرحمن وانيق في لبسه واضح ان مستواه جدا مرموق

سلمو عليه بدون مايعرفوه وقعمزو🌸

رجب:اشر على الشاب يلي كان مقعمز جنبه …تقدرو تعزو في اخته هدى الله يرحمها
شافو لبعض كلهم بصدمه !!!!
وسلطان مقدرش يمسك نفسه من الصدمه…..اخته؟؟؟
من وين اخته!

رجب:عدل جرده وهوا مقعمز وسط ولاده ….بدون تفاصيل
عمكم ابراهيم الله يرحمه هوا ومرته وبنته هدى
كان متزوج قبل ومفيش حد عرف الا انا وهاذا ولده
لما سمع بي وفاة اخته جانا زياره اليوم

حل الهدوء شويه والصدمه كانت واضحه للكل
حب جعفر يغير الاجواء شويه سأل وابتسامته يلي تحاول اخفي صدمته واسعه….شن الاسم الكريم خلي انادوك بيه ونهدرزو

نصر …اسمي نصر …يتبع

انا متأكده رح يحققو ويعرفو ان نحنا يلي درنا هكي وربي💔
تحكي وبدي جسمها ينتفض اكتر من الرعاش ….بيشدوني
ويحبسوني زي عمتك
ضرار:مسكها من كتافها…اهدددي اهدددي نتكلم انا

مياسين:تشوفلهم الاثنين بنضره حاده…في شي!
ضرار:نزل يديه من على اخته وتلفت …ابتسم
لا مفي شي
ساره قاعده نفسيتها تاعبه من موت هدى جيت قلت نطمن عليها شوي
مياسين:تشوفله بنضرات شك…اختك كانت كويس وبدت حالتها هكي لما شفاتك !
ضرار:شن قصدك انتي؟
مياسين؛تشوف لي ساره وساره تحاول متشوفش لي مياسين في عيونها ….

مياسين:مدت يدها اتجاه الباب…تفضل تقدر تطلع
اختك مش عيله باش تجي تواسيها
تو تعرف بروحها ان كلنا بنموتو وتطلع من الحاله يلي هيا فيها
ابتسمت ابتسامة شر….احتمال حتى انت تموت ومتبكيش عليك وقتها خلاص تكون متعوده وفاهمه الحياة صح
ضرار:شافلها بنضرات هزوه….انتي اخر وحده تحكي ع البنات وشعورهم
لانك انتي بدات وفي المكان يلي عايشه فيه معتقدش تكوني بنت
مياسين:نزلت سريته التب متعها وبي ابتسامه شيطانيه…تحب تتأكد ؟
ضرار:شاف لي اخته بنضره اخيره وطلع وهوا معصب

______

ثاني يوم⛅️⛅️

تغير الطقس زي تغير هلبا ناس علينا بين يوم وليله❤️
طلعت الشمس والجو هدي وبان جمال جنان الحوش❤️
زي القلوب لما ينجبر كسرها ويبان جمالها✨

باقي شوية الاقارب روحو لي حياشهم وخفت الرجل والزحمة لكن الكناين مجبورين يجو كل يوم لحوش العيله❤️

الدفايه كانت وسط الصاله✨
وربيعه مقعمزه على العالة ومش عاجبها العجب ولا راضيه على حد🤷🏻‍♀️

الكناين زي العاده حاصلين في الغدي ويقرمو في عزوزتهم من تحت لتحت ويحكو على يلي صار امس✨

اما رجالتهم كانو زي الاطفال مقعمزين جنب امهم (ربيعه)يشربو في الشاهي ويهدرزو بكل حب ❤️

أجواء عائلة ليبيه هاديه ومعتاده وحلوه✨
لكن جي يلي كسرها بأسلوبه الغريب🌸

مياسين:نزلت من الدور الثاني لابسه سروال توته قطني لونه اسود وفيه شدة يستيك من تحت
وتوب واسع شوي لونه ابيض وفيه علامة بي الاسود
قايمه شعرها كعكه ولابسه شخشير ابيض❤️
صباح الخير قالتها وهيا واقفه وحاطه يديها في جيوبها وتشوفلهم

جعفر:بي ابتسامه عريضه….صباح النور كيف حالك اليوم
مياسين:قعمزت جنبهم تربعت …الحمد الله
مفتاح؛شنو ارتحتي في النومه مع ساره؟
مياسين:شافت لي ساره يلي كانت مقعمزه بعيد وسارحه …اي ماشي حالها
جهاد:جيتك خير علينا الباين 😅
جيتي انتي ولحقك عزام طول
ربيعه:حفيدي الغالي ربي يحفضه ويعوضه على يلي خسره والله حاله يقطع القلب
مياسين:شافت لي حناها…عندك قلب انتي باش يتقطع؟
ربيعه:احترمي نفسك على الصبح يابنت مش كلن سكتنالك امس خلاص سامعه؟
مياسين:ضحكت….مقلت شي انا
صبيلي شاهي صبي ….وغمزت
جعفر:تبصر عليك حفيدتك يما خيرك….وشاف لي خوته وضحكو

_______

سلطان:وقف على الباب وسند نفسه على الحيط يتأمل ويتفرج على الجمال يلي واقف قدامه!

كانت بتول لابسه سروال قماش اسود وبدي ضيق لونه اخضر داكن وفوق منه ماليه صوف سودا
قايمه شعرها قيمة خفيفه جدا وهلبا خصلات نازله وهاربه من التوكه🫢
واقفه على المرايا تحط في أحمر خدود على اللون الخوخي بعد ما كملت مكياجها البسيط جدا ❤️
بخت ريحتها واتجهت للاكسسوار

سلطان:كان هايم فيها يتفرج عليها ويستنشق في الريحه يلي وصلاته منها❤️
وفاق على نفسه لما كلماته بصوت مستفز

بتول:خيرك متنح هكي ع الصبح يا استاد!
سلطان:قال في خاطره….لو تقعدي ساكته بس لان جمالك يضيع لما تتكلمي
بتول:تلبس في ساعتها …الووو؟
سلطان؛نتفرج عليك كيف توتي في روحك وفي النهايه بتقعدي في الحوش !
بتول:تغيرت ملامحها …لا عااااد
قداش ليا مريتش امي من اول يوم العزي نبي نمشي حوش اهلي
سلطان:ابتسم ….به خلاص مش رح نكسرها فيك ونخليك تفعمزي بعد ما وتيتي روحك
بتول :ابتسمت…الله؟
سلطان:اي❤️….حطي حاجه ع راسك تو نرفعك حوش جدي
بتول:اختفت ابتسامتها…..مبرد وجهك انت وحوش جدك بيلي فيه مرزن دمكم عيله عايله دراهات كبد شن طيحني فيكم بسسس
سلطان:وزادت ابتسامته اكتر….هيا اطلعي خلي نلحقو ع الغدي
بتول:بصوت واطي…..هاذا وجهي كان مرديتهولكش يا سلطان🤌🏻

_______

صدام:طلع من الحمام وهوا يسكر في بطمة سرواله
قام عيونه في مريم ❤️
يلي كانت واقفه على المرايا لابسه عباية سوده ولافه وشاحها ووجها المدور باين زي البدر فيه🌸

لبست ذبلتها في يديها الناعمه وبخت ريحة ووجها مكانش فيه الا شوووية مسكره واحمر خدود وملمع فم بس لكن طالعه تهبل ❤️

سرح فيها صدام شويه وهوا يسأل في نفسه!
كأنها قنين وطيبه؟
لكن على طووووول كبريائه قالها هييي؟؟
صدام شن تحكي!

مريم:تلفتت وابتسمت بهدوء….انا واتيه
درت معاي كيكة وانت خود من الطريق مشروب
مش حلوه نخشو فاضيين
صدام:عقد حواجبه وكشر وجها فيها زي العاده
وكان درتي كيكة يعني شنو تبيني نديرلك على ها الانجاز
بالله اطلعي وانتي حشيشتك دوا متعييش بكل

#مجرد_كارثه 5

متنسوش لايك قبل ما تقرو خلي يقوا التفاعل ونبدو في التنزيل يومي يا بنات عاونوني🥹🫶🏻

زكيه:امتى صار الاتفاق يلي قلاته البنت؟
مفتاح:يمسح في وجها بي الفوطه …..حتى نحنا منعرفو شي زيكم
العزا والزحمة مخفتش الا اليوم وين نعلم
زكيه:شافتله بنضرات شك وحطت يدها في نفصها….مفتااااح
مش عليا انا الحركات هاذي ادوي ادوي نسمع فيك
مفتاح:ضحك ضحكة الاستسلام وخدي نفس عميق
زكيه:قامت حاجبها….نسمع
مفتاح:امس بس حكالنا الموضوع بتقعد البنت عنده لين تكبر وتشد حيلها
وفي المقابل امها يلي تصرف عليها ونص ثروتها بتعطيها لي بوي
زكيه:لكن!
بوك كيف سامحها بعد يلي دراته؟
ونذكر فيه عمي زمان كيف حلف انه رح يتبرى منها
مفتاح:يغير في ملابسه…..والله هاذا يلي صار توا
بوي مرفضش لان عارفتيه عليه هلبا ديون لو خدمنا عمرنا كله مستحيل نخصلوها
زكية:سارحه وهيا تردد بصوت خافت….اهااا فرصه ولقاها
صحصحت ع نفسها وتكلمت بنبره حاده….اسمعني مفتاح
منبيهاش تحتك بي بناتي ايواه وين نعلم بيها الفرخه كيف متربيه وبناتك صغار يتأثرو بكل شي
مفتاح:خليهم يقعمزو في حوشهم ميجيهم شي
ترا ديريلي قهيوه من تحت يدياتك هكي قنينه زيك
زكيه:😌ابتسمت بخجل ومشت للمطبخ
مفتاح:رددت في خاطره وهوا يبتسم…نساوين ساهل الضحك عليهم
_______

بدرية:قصدي مفهمتش كيف عمي رضي بي كلامها قدامنا وحركاتها
جهاد:هاذا يلي صار توا …ورقد على السرير
بدريه:تحكي وهيا متردده….يعني معقوله امك الواعره ترضي بيه الكلام هاذا من الفرخه هاذي وزياده تاخد دارها ؟
ولا غير فالحه فينا حني الكناين بس ماسحه بينا الارض
جهاد:فصل عليها بصوت عالي …..هي شنو انتي متبيش تسكري فمك وتفوتي الليله على خير ولا شني؟

رفيدة:انا مقلتش شي سألتك ومصدومه من ردة فعل بوك وامك بس انا وباقي سلفاتي بمجرد ما نحكو حتى كلمه على حسن نيه تقوم القيامه
جعفر:والله هاذا الموجود عجبك باهي معجبكش دوري شنو يعجبك

بدريه:تمام ياجهاد انا وجعني منضر امك وبوك بس قدامنا وفرخع زي هادي تهزب فيهم
جهاد:به مشكوره ياستي الهي في كناينك واسكتي من علياا

رفيده:تمام سكتت واهو بننخمد نرقد تصبح على خير
جعفر:نساوين اخر زمان والله

جهاد:هاذا حال يلي يتزوج الواحد كره النساوين وميجي منهم

_________

وهاذا فرق التعامل ✨
بين زكية وراجلها مفتاح
وباقي سلفات العيله✨🌸
كانت زكية على حسب رايهم مثال لمرت الخال يلي متحكمة في راجلها
لكن هيا كانت تشوف ان راجلها محترمها وياخدفي رايها في كل كبيره وصغيره ويحكيلها في كل شي 👌

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

مياسين:قلبها سبقها ❤️
طلعت من غرفة ساره تجرررري وهيا ماسكه صوتها يلي ممكن يطلع في اي لحضه
وصلت في بابا الحوش وفتحاته بكل قوتها رغم صعوبته وطلعت❤️

المطر تنزل بقوووة بدون توقف والريح والرعد زاد الجو تشويش
كل يلي كان واضح هوا راجل لابس جاكيت نايلو لونه بني ❤️ومغطي راسه بي المرنوص
نازل على الارض ويمسح على الكلب يلي كان مبلول من امية المطر ومكانش وجه الراجل واضح

مياسين :بصوت معبي فرح …نصر؟؟؟
قام راسه وهوا يشوفلها ومستغرب في خاطره من تكون هاذي !؟
مياسين:كانت الدنيا ضلام ووجه الولد مكانش واضح ابدا
عاودت من جديد بصوت عالي….نصر ولا!!!!
الولد مردش عليها ومكانش مهتم اصلا ….قام الكلب من على الارض وحطه في براكته وبدت المطر تخف شويه ❤️
اتجه لباب الحوش بدون كلام
مياسين كانت تسحابه سكوته تعني علامة الرضا !
وسكوته يدل على انه نصر❤️
قربت عليه بفرررح✨✨وهيا تقول

مياسين:حضناته ….واخيرااا جيت كنت نفكر كيف بنقعد هنايا بدون ما نعرف حد وربي
دفها بقوة والميه ماليه حوايجه
نزل البرنوص وهوا يشوفلها بتعجب وكأنه منقرف منها!
تحت ضي الحوش الخفيف بانت ملامحه❤️
عيونه العسليه ولحيته يلي كان ماليتها قطرات المطر🌧
تكلم وصوته كانت فيه بحه غريبه ✨

عزام…عزام اسمي مش نصر
غالطه مش انا يلي ادوري عليه ومعش تحضني اي حد تلقيه قدامك ….سيبها وخش للحوش وهوا ينحي في جاكيته بدون اي اهتمام ليها …من تكون ومنو يلي ادور عليه
مياسين:حطت يدها على راسها بتوتر ….غبيه 🤦🏻‍♀️
غمضت عيونها وخدت نفس عمممميق ورجعت خشت للحوش

_______

ساره:نشفت وجها من الميه واول ما فتحت باب الحمام قابلها خوها واقف يستنى فيها
نقزت في مكانها من خلعتها وبدت ترعش مع بعضهاا

ضرار:اهدي نبي ندوي معاك كلمتين
ساره:ترعش وتحكي بسرعه زايده….مقلت شي انا متكلمتش وربي ما حكيت
ضرار:عارف سكري فمك دقايق بنكلمك
ساره:توخر وهوا يقدم لين وصلت في الحيط
ضرار:انتي محكيتي شي لكن توضحي بي تصرفاتك هيا قدام العيله
الف مره قتلك انسي يلي صار وربي لو حد عرف يا ساره لما نقتلك زيه
ساره؛بدت تبكي….ضرار الراجل حتى مقدرناش ندفنوه😭

ودارت سلطه خفيفه وطلعت مشروب وتاكل وتتصفح في التالفون
سلطان:يغمس في الزيت ويشبحلها بحقد
وبتول تزيد تغيض فيه مع كل تقرميشه

بتول:في شي؟!
سلطان؛شي شن بيكون
بتول:اممم نسحابه ….ورجعت تاكل وتشوف لي تالفونها

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

مياسين:ادور في الغرفه وتتفرج
كانت غرفة ساره عاديه جدا❤️
فيها سرير لونه بني لوحي ودولاب ومكتب صغيرون ولون فرشها كان على اللون البيج❤️

مياسين:كلكم عايشين مع بعض؟!
ساره:اءء ل لا …حني بس
زكية وبديره نساوين عمامي يسكنو جنبنا
مياسين:…اهاااا
مزال معرفتش منو يلي توفى؟
ساره:بلعت ريقها ….بنت عمي الله يرحمه هدى
توفت يوم بيانها
مياسين:كيف توفت؟
ساره:اطلع في مخده وغطا من دولابها….لوحت نفسها من البلاكونا فجآه بدون سبب
تحبي غطا ثقيل او خفيف
مياسين:وقفت على الروشن وهيا سارحه…هاذي يلي بوها وامها توفو في حادث سياره؟
ساره:اي ربي يرحمهم
مياسين:ضحكت بهزوه وقالت بصوت واطي….قتلوها حتى هيا زي ماقتلو امها وبوها!
ساره:نعم؟
مياسين:شي …اطلعي بنغير حوايجي
ساره:خدت نفس …تمام
ابتسمت وتحاول تغير الجو…خودي راحتك😅❤️

مياسين :نحت جاكيتها ولمحت شي من الروشن
تحرك قلبها من مكانه وعيونها لمعو
نزلت تجررررري وقلبها بيطلع منها ….يتبع

ان شاء الله تكون حناكم توفت وريحتكم من هبالها ع الاقل ناخد غرفتها لان حجاتي هلبا ونحتاج غرفه كبيره
أيات&فاطمه:يشوفو لي بعض مصدومات
مياسين:تشوفلهم …همممم؟
بشروني من مات من العيله

_________

مريم:متكيه في سريرها والدار ضلام مولعه سهاره وضيها خفيف جنبها✨
فاتحه كتاب وتقرا منسجمه فيه ❤️
والكتاب كان بعنوان (ابقى قوياً)
كانت منسجمه في القرايه وصدام راقد جنبها او بمعنى اصح يمثل انه راقد

مريم:ابتسمت لما وصلت في سطرين ذكروها بي هلبا حاجات حلوه❤️
صدام:ناض من مكانه شويه وقرب منها
مريم:سكرت الكتاب بسرعه وحطاته جنبها وسكرت الضي ….نوضتك اسفه غير مجانيش نوم وقلت نقرا شوي و….
صدام:حط صبعه على فمها وسكتها على هلبا كلام رح تقوله بدون معنى
حاول يقرب منها ولو نجح رح تكون هاذي اول مره يلمس فيها عروسته بعد زواج دام اسبوعين وشوية ايام
مريم حاولت تهدا ومعطتش اي ردة فعل مقاومه ناسيه كل الاهانات ومدان اليد يلي تعرضتله الصبح ومن اول يوم تزوجت فيه
ولما خلاص قرب منها وقربت تصير مرته على حق ….قاطعهم جرس الباب

مريم:شهقة بي خلعه
صدام:ناض من على السرير وفتح الباب
مريم:غطت وجها بيديها دقايق وهيا تتنفس بسرعه وفي قلبها شويه فرحه
لان ببساطه شافت بصيص امل ان ممكن علاقتهم تكون زي اي اثنين متزوجين

صدام:شن جابك في ها الليل
سلطان:حسستني نسكن وين نسي عنتر شبشبه تي ماهو قدام وجهك …عطيني فرده خبزه ترا
صدام:خدي شهيق…غيره ريحتك بصل؟
سلطان:بلع ريقه….شي
اءءء ال المرا اطيب وانا نراقب فيها نشوف في نضافتها باش حاجه هكي ولا هكي تاكل ع راسها
صدام:يشوفله بنضرات شك……امممم به به

_____

الصاله واسعه ولمعت العيله كلها الا شوية ناس معينه ❤️
رجب:هاذا مكانك ومطرحك يابنتي من اليوم
ممكن نكون قصرنا معاك كل المده يلي فاتت ومزرناكش لكن انتي عارفه القصه ومفيش داعي نحكيها

رفيده&بدريه:يشوفو لبعض ومش فاهمين الحنان يلي نزل من رجب جد العيله لي مياسين رغم يلي دراته امها
اما زكية كانت تتبادل في النضرات مع بناتها
ساره:كانت مقعمزه في عالم تاني
اما جعفر ومفتاح وجهاد يشوفو لي بوهم وساكتين لان عارفين كويس علاش يعامل فيها هكي

اما ربيعه حناهم ✨
كانت مقعمزه جنب رجب وواضح ان يلي يصير كله فوق من نفسها
رجب:عندك ولد عمتك ضرار واخته ساره هادم ولاد عمك جعفر وامهم رفيده

ايات وفاطمه بنات عمك مفتاح امهم زكية
زكيه:ابتسمت بي نفاق وبناتها مصدومات جنبها

مزال ولا عمك العرسان الزوز سلطان وصدام مهناش
وعزام يلي مسخرلاش ربي الحال وعروسته توفقت ولاد عمك جهاد وامهم بديره

وطيبعا ال…..
مياسين:قاطعاته بي وقاحه واضحه…..محدش يهمني هنايا
لابنات لا ابهاتهم لا نساوينهم لاني مش رح اناسبهم 🙂
نبي نحط شنطي ونرتاح لاني جيت من مكان بعيد

الكل يشوف لي وقاحتها ومش قادر يحكي يراجو في ردت فعل رجب!!!

رجب:ضحك والكحه تبعت الضحكه متعه❤️….غير متعرفيهمش تو تتعودي عليهم وتبدي وحده من العيله
اركبي سلم بنتي حطي حوايجك عند ساره بنت عمك وشاركيها دارها قاعده بروحه تتونسو مع بعض

مياسين :دارت لفه بعيونها على الحوش يلي كان عادي زي اي حوش ليبي تصميم واثاث بسيط ❤️
لكن يلي كان يميزه انه كبيييييير….تمام
بنبات مع يلي اسمها ساره هاذي لعند تفضولي غرفة ربيعه لانها عاجبتني وكبيره
رفيده:ادخلت بخوف ….عيب حبيبتي لازم تقولي حناي يابنتي غلط تناديها بي اسمها هكي
مياسين :جاربت برد سريع….انتي محدش كلمك
وجهت نضراتها لي جدها وحناها….مفيش داعي نلف وندور ونعيش اجواء العيله المقرفه وتعرفوني ع بعض
ماما عطاتك نص تروتها باش نعيش هنايا
يعني يلي نبيه رح ناخده وانا نبي دار يلي مقعمزه جنبك ومنحتاجش ندكرك انك وقعت عليه الكلام هاذا ..تمينا

شافت لي ساره يلي كان فمها طايح في الارض من الصدمه …..انتي نوضي ارفعيني لدارك
ساره:ناضت وهيا تحاول تستوعب يلي صار

مشت ساره وتبعتها مياسين
مخليين العيله كللللللها مصدومين
الكناين مش مستوعبين ان فرخه زي هاذي مسخت الارض بي عزوزتهم الواعره بدون ما يحكو كلمه
الجد سكت وقعد خايف من منضره قدام كناينه وولاده لكن مش قادر يدير شي للبنت !
نكتفو بي وصف المجهد انه كان كتلة صدمه وسط هدووووء قاتل

✨لكل فعل ردة فعل✨
ومياسين مجتش حاقده من فراغ!
مفيش حد عارف قصة امها يلي نحكمة اعدام بعدين خف الحكم لي مؤبد!
ولا في حد وقف معاها !
وهاذا كله رح يبان مع الايام وحده وحده…..

_________

مريم:منو ع الباب في ها الليل ؟!
صدام:سكر الضي…خوي يبي خبزه هادا وين يتعشى
مريم:عطيته؟
صدام؛لالا بنخليه واقف ونخش …مش عارف الغباء يلي انتي فيه هوا ….ورقد وغطا نفسه بدون اي اهتمام ليها ..
كأنه مش نفسه يلي حاول يقرب منها قبل شويه✨

سلطان:قعمز على طاولة الأكل وحط صونيه صغيره فيها زيت زيتون وجبنه وقعمز ياكل
خشت بتول طلعت من الثلاجه كنتاكي مجمد قلاته

#مجرد_كارثه 4

مريم:واقفه على باب الدار وشابكة يديها في بعض بتوتر…نوتيلك حوايجك؟
صدام:طلع الدولاب وبدي يلبس في بجامته ومردش عليها
مريم:طيبت طاجين دجاج ورز بلاو …نحطلك تتعشى!
صدام؛كليت في العزي منبيش
مريم:سكتت لحضات وعيونها تلف يمين ويسار بتفكير…بااهي….به نديرلك قهوة!
صدام:منبي شي وانتي تنقي فوق راسي تبي اديري تمره سكري الضي واطلعي بنرقد بس
مريم :خذت نفس عميق …ت تمام
تصبح على خير…وسكرت الضي والباب وطلعت

طلعت من الغرفه ونفس الأسئلة أدور في راسها
أنا شينه؟
فيا شي مش مقبول !؟
أنا مقصره في شي!؟
وقعدت نفس الأسئله بزبط أدور في راسها بدون إجابه ..

✨محدش يقول على مريم انها مستفزه وغبيه وكيف مهتمه بي راجل يعامل فيها هكي لالا
يلي مخلي مريم هكي ترباية أمها❤️لان امها عودتها ديمه ان الراجل على حق مهما صار
وان انتي مفروض تخدميه عمرك كله وتتحمليه وانتي ساكته ✨
والشي هاذا عمره ما كان اسمه ترباية أصل لالا
المراءه يلي تقبل على نفسها معاملة زي هاذي تفكيرها محدود زي المجتمع يلي عايشين فيه بزبط ومقتنعه ديمه ان البنت وضيفتها تخدم راجلها وتجيب صغار وبس

لكن السؤال هوا …هل يحبها بعدين ويعيشو في سعاده زي اي قصه نسمعوها؟
ولا المره هادي بنطلعو بي شي جديد يبهرنا ؟

_________

بتول :مقعمزه في سريرها وماسكه تالفونها تكتب وتبتسم ❤️
سلطان:بتول
بتول :لاهيا في تالفونها…ها
سلطان:جعان نوضي ديريلي اي شي على السريع قبل ما نرقد
بتول:قامت حاجبها ونزلت التالفون من يدها….الشربه متع العزي مقصره معاك في حاجه لسمح الله؟
سلطان:وصلت ضيوف بوي للمطار ولما رجعت للعزي ملقيتش فيه عشي تم
بتول:ابتسمت ببرائه……اممممم به ؟…ولما كلمت امك قتلك روح عندك مرتك اطيبلك صح!
سلطان:اي نوضي
بتول:لالا ياروحي لا
انت متعود تسمع كلام امك ….ركز فيها شن قالتلك ركززز
سلطان:عقد حواجبه بي استغراب …شني!
بتول:امك قتلك عندك مرتك اطيبلك …مرررتك
وانت الحقيقه يعني متعاملش فيا هكي
تعامل فيا من اول يوم تقول خدامه عندك ديري هكي وحطي هكي
وانا هاذا كله معنديش فيه مشكله واجبات عليا ونديرهم
لكن انت متعاملش فيا ع اساس اني شريكة حياتك
سلطان:تعكرش وجها بملل….توا شنو يعني ؟
بتول:يعني تطلع من الدار كمل في الطويل خود يسار في يمين تلقى زي الغرفه اسمها مطبخ فيها حاجات اسمهم اماعين وهكي
تلقى عندك حاجات اسمهم يدين متستعملش فيهم الا في الضرب ولا حكان ودانك لين كبرو الله يبارك جرب اقلي بيهم دحيه ولا طيب شاهي
حاول تستطيع….وقامت تالفونها وكملت هدرزه
سلطان:سكت دقايق يشوفلها وهوا يحاول يكتم غضبه…تم امالا انتي يلي بديتي …وطلع

فرق العقليه وفرق التعامل كان واضح جداااا بين مريم وبتول ✨🫶🏻
بتول مكانش يهمها تطلق او لا
لانها ببساطه كانت مؤمنه بي شي اسمه احترام وتقدير لازم يعطيه الزوج لي مرته باش مرته تقدر تعطيه باقي حقوقه على اكمل وجه ❤️
كانت بتول عندها قناعات ثابته في راسها ومتتنازلش
عكس مريم يلي كانت تشوف انها لازم تعطي كللللل شي لي الراجل حتى لو ميستاهلاش ✨
بتول كانت جريئة ومتهليش كلمه في خاطرها مستحيل
تقول في كل شي حتى لو كان يجرح✨
اما مريم مكانش ليها صوت كانت تخاف تحكي اي شي وتنفهم غلط 🌸

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

وسط المطر يلي كانت خيط من السماء ✨
وريحة التراب المبلوله ….انفتح باب الحوش الكبير❤️

زكيه:تفحصت الشخص يلي واقف قدامها من فوق لعند لوطه
كانت مستغربه وخافت شوي
لكن ابتسمت وسألتها بلطف مصطنع…..تفضلي بنتي
مني انتي؟
ابتسمت بهزوه وبعيون نضرتها حاده ونبرة صوت ملياااااانه جمود جاوبتها
مياسن أنا ✨
زكية:اللحضات الاولى غابت عليها الفكره وقامت عيونها لسقف تحاول تذكر الاسم لان مار عليها قبل!
وأول ما رجعلها الوعي وذكرت الاسم تغيرو نلامحها لي صدمه
وبشهقه كبيييييره طلقتها من غير ما تقدر تتحكم في نفسها وهيا تتفحص فيها ومش مصدقه يلي تشوف فيه قدامها
مياسين:تحاول تشوف ورا زكيه وتتفحص بي عيونها ….وسعي شوي بعد اذنك يعني انتي شكلك معطله في الغيبوبه متعك

زكيه:تحاول تخفي صدمتها بي ضحكه طبيعيه لكن مزال صدمتها قاعده مسيطره عليها….هههه هه ل لل
بب بصراحه كبرتي مشاء الله معرفتكش ياحبيبتي تفضلي تفضلي داخل

مياسين:خشت وكانت لابسه سروال جلد اسود وفانيليا صوف سواداء لفوق الركبه بشوي
وفوق جاكيت وااااسع لونه اسود وفيه لهب نيران بي الاحمر
حاطها على ضهرها شنطة كتف ولابسه وشاح حاطاته حطان على شعرها
يديها كانو ناعمااات لكن مدايره مناكير أسود ولابسه اكتر من 3خواتم في اليد الوحده …

زكية:التوتر عامي عيونها وتحكي بصوت يرعشش….أيااااات فاطمه تعالو سلمو على بنت عمتكم
أيات:جت تشوف لي مياسين بصدمه ووراها بزبط اختها فاطمه
مياسين:شفت خيمه برا واضحه خيمة عزي

الرواية الجديده💕🌸🫀.

صدام:يشوفلها بنضرات بارده ….اقطعي علاقتك بيها من اليوم
مريم:شهقة البكي قاعده فيها…..ها؟
كك كيف يعني هيا في الشقه مقابلتني كيف م …..
صدام:يصوت يهز البدن…… كلاااااااامي واضح
معش تكلميها في التالفون وياويلك نسمعك مخالطيها في حوش العيله
مريم:سكرت عيونها وهيا تشهق بي البكي💔
صدام:جو الفاسدات هاذا ميمشيش معاي !
طول اللسان وقلة الادب متبيش اهو باب الحوش قدامك

مريم:عقدت حواجبها بي استغراب والدموع ماليين عيونها….باب الحوش!
رددت الكلمه بصوت هاذي ومستغرب
صدام:قرب منها وهيا مقعمزه….اي
متعنينيش
لا انتي ولا هيا ولا حد
وجودك وغيابك زي بعضه وفي الجديد لو قعدتي وجودك منبيش نحس بيه
ردي بالك تحاولي تقربي مني حتى سانتي واحد
مريم:زادت كسرة الخاطر عندها….ليش؟
بكت ثواني وتابعت كلامها…..أنا حتى متحمله معاملتك من اول يوم وساكته منضايقش فيك بي شي ليش!
صدام:طلع نفسه بي انفعال….مزاج
صعب نتقبل وحده كانت مع غيري قبل
مريم:وقفت والصدمه ماليه وجها وتكلمت من حرارت الحكي ….مع غيرك!
انا كانت فاتحتي مقريه على غيرك بي الحلال والنصيب ربي مش كاتبه لا درت شي عيب ولا حرام وغلط يلي قاعد ادير فيه معاي
صدام:بدون تردد عطاها كف مرتب👌
مريم:جت طايحه ع الصالون ومن صدمة الموقف مردتش بحتى كلمه !
صدام:قام صبعه بتهديد….هاذا باش مره تانيه تتعلمي مترفعيش صوتك عليا من جديد
مريم:جرت شعرها خلف ودانها ودموعها ينزلو بدون صوت …

ساره:وافقه على المرايا وتنشف في شعرها من الميه
سرحت شويه وهيا تسترجع في ذكرياتها بعد ما فاقت شويه من صدمة الراجل يلي قتلوه!
حطت المنشفه على السرير وهيا تحكي بنبره هاديه…هدي؟!
بس ليش انتح…رت وانا كنت معاها قبلها بي دقايق بس!
خطفتها الذكريات في هديك الليله ووجها بدي معش يتفسر من الصدمات المتتاليه!!

_________

الأبواب الزو يلي مقابل بعض انفتحو في وقت واحد
الاول طلع منه صدام
والثاني خوه سلطان والزوز شافو لي بعض بنضرة نصر!

صدام:ربيتها ولا شني !
سلطان:حتى عيب …سؤال هاذا
صدام:بغرور….ايواه هكي
نزلو في الدرج مع بعض وهما يحكو
سلطان:ميبوش الا هكي باش يتربو لازم منه مدان اليد زي البهايم
صدام:واقع👌

أولاد عائلة رجل وحتى شبابها كلهم ماشيين على نفس الخطوات✨
كلهم يعتبرو ان البنت او المراءه كائن خلقه ربي لي خدمتهم بس!
الزواج بنسبه ليهم عباره على شخص يخدمهم وميطالبش بي ابسط حقوقه
ومش مسموحله ابدا يكون عنده رأي او يدافع على نفسه
والحل الرحيد باش تتخلصي من هاذا الكابوس
(الطلاق)
وزي ما هافت بدريه ورفيده وزكيه السلفات الكبار
شي طبيعي رح يخافو الصغار من كلمة (مطلقه)

لكن لكل شي نهاية✨

______

بخطوات ثابته وناويه الشر قربت اكتر واكتر ✨
تعفس على كل شي قدامها ومهمهاش غدير الميه يلي ممكن يوسخها👌

سروالها الأسود وجاكيتها الأسود ونيران اللهب يلي مطبوعه عليه كانت خير دليل على جيتها!
شعرها الاسود المجعد ونضراتها الحاده يلي تربت في مكان يقولو عليه انه لي التريس✨

شافت للحوش بنضرة هزوه وللخيمه يلي مكانش فيها حد بسبب الريح القويه
قربت على الباب ونزلت برنوص الجاكيت يلي كانت لابساته
حطت يدها الناعمه يلي خطاها المناكير الاسود على الجرس
ودقت …..يتبع

جعفر:عقد حواجبه ….شن قصدك!!
مفتاح:غير اتجاه عيونه لي الناس….والله ولدك وانت أدرى مفروض تعرف علاش مدرس سيارته في حوش الجيران وجايب زوز عبيد يغسلو فيها!
علاش خطرله يلمع سيارته في عزاء بنت عمه اول يوم؟
جعفر:خبط على يدين الكرسي وناض وهوا متكنطي
مفتاح :ابتسم ع جنب
جهاد:كأنك زودتها عليه شوي !
مفتاح:نعرف يلي عنده ولاد يربيهم مش يخليهم هكي مدايرين شن يبو
جهاد:ان شاء الله خير

في مجتمعنا يلي عايشين فيه احيانا نلقو ناس اضايق فينا بدون سبب✨
بدون سبب بنسبة لينا هكي نشوفو …لكن الحقيقه في الف سبب وسبب يخليها تحقد علينا واضايقنا!

مفتاح حسد خوه جعفر في ولده❤️
لان ببساطه ضرار ولد جعفر كان شاطر هلبا في قرايته وحلمه وطموحه كبير هلباااا

اكبر من طموح عزام وسلطان وصدام ولاد جهاد
كل يلي داروه في حياتهم شويت حياش جنب حوش العيله
وكلهم تزوجو من نساوين مش راضيين عليهم ببساطه باش ياخدو الرضي من بوهم👌
وبوهم يزوج فيهم على كيفه باش ياخد الرضي من جد العيله ويكون عنده التوب 👌✨….

اما مفتاح مكانش عنده غير ايات وفاطمه وكانو الاثنين جن ع هيئة انس يمشو على الارض
رغم انهم كانو في سن صغير هلباا لكن الكوارث يلي داروها اكبر من راسهم🔥

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

سلطان:سكر الباب ولوح المفاتيح بقوه وغيط
بتول:سبقاته بخطواتها لغرفة النوم وكل اعصاب الدنيا فيها
نحت وشاحها لوحاته ع الارض وقعمزت ع السرير ماسكه راسها

سلطان:خش لغرفة النوم وع طول بدي فيها ….غبيه انتتتتتتي؟؟؟؟
حماره مش متربيه شنو نقدر نقول عليك بزبطططط؟!
الززفت الاحرف عروسه مكملتيش اسبوعين تتلفضي بي كلام زي هاذا على مرا جايه تعزي وسط عليتنا؟
بتول:ناضت من السرير وقامت حاجبها وهيا مبتسمه بي استفزاز….والله به عرفت اني عروسه
لان حضرة جنابك مش عاطيني وقتي في حتى حاجه تقول غاصبينك عليا
ثانيا التافها يلي في وسط عيلتكم الكريمه المشرفه كات الفاضها زي وجها بالك تبيني نسكتلها لا يابابا انا بتووول
بتول بنت البشير كان معندكش علم خليني نعلمك

سلطان:عقد حواجبه….انتي ترفعي صوتك عليا انا؟
بتول:اييي من وليت باش نسكتلك؟
سلطان:يقرب في خطواته….علموك تردي بطريقه هاذي ع راجلك؟
بتول:هه غير ابدا راجلي بعدين ساهل
سلطان:مسكها من شعرها وربي رفع مرا وحط مرا ✨

ع طول تغيرت ملامحها من حاده وقويه لي ملامح كيوت وكل خوف الدنيا فيها

بتول:ااءءه سلطان غير نحي نفهمك مش هكي
سلطان:زاد مسك شعرها اكتر….منخلقتش المرا يلي تكلمني بي الطريقه هيااا
اقسم بالله مزال تحكي معاي بي الطريقه هيا الاما نرمي يمين الطلاق عليك بي ال3وميهمنيش الناس شن بتحكي عليك فاهمه ولا لا؟
بتول:تتألم وساكته ….
سلطان:طلق شعرها بعنف لين وخرت بضع خطوات القدام…غضوا من الصبح نلقاك في حوش جدي وتتعذري منهم كلهم على اسلوبك العار يلي حكيتي بيه
بتول:معطتاش اي انتباه فتحت دولابها وطلعت حوايجها
سلطان:نحكي انا؟
بتول:مشت خطوات بسيطه وفتخت الدرج طلعت منه كريماتها ومنشفه وكانت متجها للحمام
سلطان:جبدها من يدها….نكلم فيك انا ولا جبدة الشعر متعك اثرت على ودانك !
بتول:سامعه ومنبيش نرد ومنبيش نمشي غضوا ويدك وما تعطي ….وكملت طريقها للحمام
سلطان :عطاها بضهر يحاول يتحكم في اعصابه ويشد نفسه بس مقدرش

خبط باب الحمام ونكسر القفل بسهوله
كانت بتول كيف منحيه تيشرتها وتجهز في نفسها لي الدوش
مسكها من رقبتها وخنقها
سلطان:شهاده من ديني مزال اطولي لسانك دقيقه معاد قاعدتيلي فيه الحوش شدي امممه لسانك خير ما نقصه ونوكلهولك
بتول :دفاته بكل قوتها …..احححو احوووو احووو
جبدت نفس عميق وسلطان خبط بقوه سطل الكناسه (حشاكم)الصغير يلي كان جنبه
بتول:خدت نفسها وردت عليه والقوه معبيه عيونها…طلق
طلق !
سلطان:بعصبيه زايده على حدها….اقلبي وجهك من قداااااااامي
بتول:زادت قربت منه اكتر واكتر …طلقني ارميه طلاقك عليا
نقولك شن بيصير؟
ضحكت ع جنب….ولا شي
تكمل العده متعي وناخد غيرك
وجلالة الرحمن لو مخليتش خوتي ينحكو منك يلي فوقك ويلي تحتك بعد ما اطلقني معاد نكون بتول بنت البشير 👌
سلطان؛عض فمه بغل…..مدامك هكي الطلاق مضايقتيه في حياتك كلها
ولو غرورك بي عيلتك هاذا مكسرتاش وعيشتك في ذل عمرك كله مريتيشي حتى انا معاد نكون سلطان ولد جهاد🤌🏻
بتول:ابتسمت ع جنب بي شطانه..حاجه والله بتيفوره
سلطان:قعد دقايق يشوفلها وساكت….قبل ما يطلع ضرب الرف يلي كان جنبها وطيح كل يلي فيه وطلع
بتول:خدت نفس عميق ….واطي

_________

مريم:دموعها ينزلو وجسمها يرعش وينتفض من مكانه كأنها شايفه موتها بعيونها تحكي والحروف يتقطعو داخل فمها
وو و و والله والله مقلت حتى كلمه معاها والله انا انتت ااءءء…..ونهارت بي البكي
انا حزيتهم بس من بعضهم مع امك بسس انا مدرت شي

#مجرد_كارثه 3
متنسوش اليوم السحب 🫶🏻🫶🏻 لايكاتكم وحركاتكم

تاني يوم🌥🌥✨

الشمس متعرفش فلان غاب على الدنيا وعلان معش موجود
الشمس ملزمة تطلع كل يوم ❤️
زي ما طلعت اليوم من الشرق وعبت الدنيا ضيها ✨
خيمة الدنيا اتعبت اكتر من امس....لكن الشي يلي يوجع مكانش في حد منهم واجعاته ويبكي عليها 💔
لان ببساطه امها وبوها توفو قبلها بي سنين ومعندهاش خوت ولا خوات 💔
كل يلي في الخيمه كانو يحكو في سيرتها وهمهم بس الغدي والعشي ...

زوز عرايس كان مصيرهم وسط خيمة العزي ...وحده منهم تفرق في التمر
ووحده منهم تفرق في اللبن
بتول:مدت سفرة اللبن لي بنت كانت مقعمزه عطتها ومشت على حالها
واول ما لفت ضهرها سمعتها تحكيي لي باقي النساوين وتقول ....ها العرايس الزوز عتبه خشو على العزاء طول
بتول:حدفت السفره على طول يدها وبدت تعلي في صوتها وسط الناس ...

انتي شن تنبحي ياماما ؟؟؟
شن قصدك بيها دوتك هيا !…ضمي فمك واعرفي نفسك على مني تتكلمي يا فالحه
وكان متعرفيش تو نعرفك انا من نكون وبنت منو عقاب وحده متشرده جايه ادور شن تاكل في حياش الناس
مريم والموجودين كلهم يشوفو لي بتول بصدمه من وقاحتها وجرئتها وهيا قاعده عروسه …
وقفت المرا وبدت تتعارك مع بتول ووصلت حتى لي مد يديهم وخشت بعضها الخيمه كلها عياط وضرب وعراكات

_______

أيات:واقفه على روشن الدار تتفرج على العراكات وسارحه
فاطمه:جتها من الخلف وهيا تتفرج …شن العار يلي صاير هاذا
أيات:كانين عمك الجدد هادم شوفي العار …أنا نازله بنقصقص نشوف شن فيه
فاطمه:امك قالت منهطلعوش برا الدار اليوم
أيات:مدوريهاش …وصلت اعند الباب ووقفها صوت فاطمه لما قالت
فاطمه:علاش حاسه ان انك تعلم بي الشي يلي درناه
وتحاول تحمينا وتعطي علينا الايام هاذي؟
أيات:قلبت عيونها وهيا متنرفزه…لا طبعا مش صح
والف مره نقولك يلي درناه انسيه معش نحكو فيه حتى بسن نفسنا
فاطمه:غيرت عيونها من الخيمه لي اختها ….في اخبار سمعتها من رفيده مرت عمي تقول ان مياسين جايه الايام هاذي
ايات:عقدت حواجبها بي استغراب ….من مياسين؟
فاطمه:ابتسمت بهزوه …بنت عمتك الوحيده
رجعت تشوف من الروشن وبنضره سارحه تفكر حكت ….عمتك المجرمه يعني تخيلي الانتاج متعها كيف بيطلع!
أيات:حطت يدها ع راسها بتوتر….الززح مكانش فاضل عندنا غير الغبيه ساره ومش شايله همها
من وين طلعت هيا !!
فاطمه:قاعده نتخايل فيها كيف بتكون!…انتي متخيله ان السنين هاذي كلها من يوم جابتها امها في الحبس معاها؟
ايات:قعمزت على السرير….كيف خلوها معاها ومطلعوهاش البنت لعند توا؟
فاطمه:نفود امها وسلطتها ياماما ولاناسيه عمتك والعار يلي كانت فيه!
ايات:سارحه تفكر وتردد بصوت واطي….هاذي شن بندير فيها انا!

______

في خيمة الرجاله:-

سلطان: قعمز على الكرسي بين الموجودين جنب خوه
صدام:طبس عليه بدون ما يوضح…خوك عزام وين؟
سلطان:بصوت واطي….علمي علمك
من يوم البيان معش ريت وجها وتالفونه مسكر
صدام:ان شاء الله خير
سلطان:يالله افتكا من الجوازه الخامره يلي كان بيتزوجها
شن عاجبك في وضعي انا وياك
يلي عندي لسانها اطول من برج خليفه يوم تاني وربي لما يسمعو بيا قاتلها على قلة الادب متعها
صدام:سرح شويه واذكر مرته مريم❤️✨
كيف هاديه ومستحيل تناقشه في شي ولا تعاي صوتها مهما جرحها❤️….
فاق على روحه …..هاذا ذوق بوك معندك ما ادير
سلطان:لا ذوق بوك لا شي بيرضي جدك بس
تحت اسم العيله
يمين بالله راسي وراسها لين تطلب الطلاق
صدام:ابتسم ع جنب وهوا عاقد حواجبه ✨
سلطان:يشوف لي بوه وعمامه مقعمزين جنب بعض …شوف بالله عليك شوف العيله كلها نفس دراه الكبد تقول خوت
صدام:ضحك ولما طلع صوته رجع عقدت حواجبه وحاول يخفي ابتسامته

صوت اهتزاز تالفون كان بين الموجودين في الخيمه ✨
سلطان:طلع تالفونه وتكلم بصوت هادي….ها امي؟
بديره:تعااااالا تعالى روحلي بمرتك معش تجيبها هنايه حشمتني الله يحشمها
سلطان:طلع من خيمة الرجاله والاتغراب معبي وجها

_______

جعفر:يلي داره ولدك غلط …مفروض توا مقعمز بين سلطان وصدام ويقبل في عزاء خطيبته وبنت عمه
جهاد:يحكي وهوا يحاول يخفي اعصابه يلي كانت بتتفجر ….مش تخليني نلقاه قبل
غير نطيح فيه بس الضايع هاذا
مفتاح:يعتبر ولدك مدار شي
دار يلي عليه مسكين وخطب بنت عمه ….اختفى بعد توفت معليشي مرات نفسيته تاعبه المهم تأكدو انه بخير ومش صايرله شي بس اهم حاجه
جعفر:دور شنو يستر مع الناس توا مش وقت دار شي ولا مدارش
مفتاح:انت غير الهى في ولدك ضرار يلي الله واعلم شنو مداير من مصيبه بعدين ساهل

قطرات مطر صغيره طاحت على الارض ..زادت اكتر واكتر لين تحولت لي مطر خيط من السماء بدون توقف ..
في الليله هادي بدات مفيش بالي متهني
كل حد ليه قصته وكل حد ضميره يأنب فيه ومش مخليه يرقد💔
نبدوها من ساره يلي كانت بتموت من رعبها وهيا تتفكر في احداث الحادث ...وكانت متأكده ان بمجرد ما تطلع الشمس رح يعتقلوها هيا وخوها ..


ايات وفاطمه في تسائل دائم ...هل يلي صار بسببنا ؟!
لكن مستحيل يسبب في موتها !...اكيد في شي تاني لكن شن هوا !؟
في خوف مستمر ...لو حد عرف حتى لو موتها مش بسببهم رح يكونو هما السبب الاول لي انت_'حارها

بتول يلي بتموت من الندم لانها تزوجت سلطان يلي مشافتاش من يوم دخولها
وسلفتها مريم يلي مش فاهمه ليش صدام يعامل فيها بكل القسوه هادي وطول الوقت خايفه حد يعرف قصتها
وخوهم عزام يلي من يوم عروسته انتح'ىرت معش بان !

والباين هكي ان مش الاحفاد بس يلي مرقدوش من تأنيب الضمير
حتى جد العيله مش قادر يرقد بسبب الغلطه يلي كلفاته تقطيع قلبه كل ليله !…يتبع

طبعا مطولتش لان كيف بديت نعرف فيكم على الشخصيات منبيكمش تتلخبطو🥲❤️🫶🏻
الحلقه الجايه كلها أحداث ❤️

مقعمز بين ولاده والهيبه واضحه عليه لابس جرد ابيض يلمع لمع كأنه فارس قديم من الفرسان الاصلييين 🔥
شعره محتله الشيب وملامحه جاده
من تقعميزته وولاده حواليه تفهم ان الكلام كلامه والسلام سلامه ويلي يديره ماشي ✨

خشت للمربوعه عزوزه بصحتها ملامحها صارمه اكتر منه بي الاف المرات
تمشي بخطوات ثابته وبكامل ثقتها وهيا واعيه كويس لكل شي يدور حوليها
مدتله جرت فخار معبيه اميه وطلعت......
شاف لي ولاده بنضره مطوله وبعدين بدي يحكي شوي شوي
رجب:عارف الوقت متأخر ....الساعه 2 وهادا وين فضت الزحمه باش نقوللكم ها الكلمتين
وافهوني كويس
هدى وحيدة ابني الله يرحمه توفت ولحقت امها وامها ربي يرحمهم اجمعين مفيش سبب ولا اي مبرر يخليها ادير يلي داراته
كانت تحب ولد عمها من صغرها ومش مصدقه امتى يطلبها ....علاش توفت يوم بيانها ؟؟
واستمر يراقب في ولاده بنضرات مرعبه ومحدش فيهم جاوب
كمل كلامه وهوا يحكي بملامح جديه صارمه ....ببساطه شوية ناس حسدوها ودارولها سحر
والسحر لقيناه في غرفتها
بانت علامات الذهول على وجه ولاده ....وقبل ما اي حد يفتح فمه بي كلمه سبقهم وهوا ياخد في كاست الشاهي
رجب:هادم الكلمتين يلي رح تحفضوهم لي بناتكم وولادكم وتطلعو بيهم لي الناس في العزاء بكرا
خدي رشفه من الشاهي وتابع كلامه بدون اهتمام ....وبعدين خلي الاوضاع تهدا وتو نحققو فيه الموضوع وكان في حاجه تو تبان مع الايام ...وتوا كل واحد على حوشه منبيش اي كلام جانبي منكم ونبهو الشي هادا على ولادكم ....
شافلهم بنضره اخيره وتكلم بنبرة هزوه ....(نبهو عليهم شباب العيله )

✨✨✨✨✨✨✨✨✨

رجب معروف من يوم يومه قاسي على ولاده ال4 حتى وهما كبار وبي احفادهم يسمعو في كلمة بوهم ومستحيل يرفضوله طلب مفيش حاجه تصير بدون علمه والحوش ينقلب لي جحيم لو صار شي من ورا ضهره .....الطريقته هادي خلت ولاده متربين احسن تربيه لكن السؤال يلي في بالنا كلنا ....هل الاحفاد رح يكونو على نفس الطريق؟
ولا بيجي حد يكسر قانون العيله وتنكشف بلاويه؟؟

كان رجب الجد الحكيم في العيله رغم وعارته لكن كل قراراته في مكانها طيب لأبعد حد لكن طيبته ميحبش يبينها لحد
ميدخلش في قرارات احفاده وولاده الخاصه لكن مستحيل يرضى بي شي غير مصلحة العيله ✨
ربي رزقه بي 4 اولاد وكانو خيرة الناس
ولاده نقص عددهم لي3 بعد ما توفى واحد منهم في حادث سير هوا وزوجته
اما البنت الوحيده يلي ربي رزقه بيها كانت عندها قصه برووووحهاااا تكشفها لينا الايام الجايه

_______

بدرية:تتكلم وهيا اطلع في المخاد من الدولاب ....اخخ ياربي وخلاص حض ولدي عزام ديمه هكي
شوفي خوته الزوز جوزتهم عرسان الله يبارك عليهم لما وصلت فيه هوا وخطبتله يلي ماتتسمى قتلت روحها
رفيده:تقيم في الفراشات ....احمدي ربك جت فيها ولافيه
مسكينه ع الاقل توفت لحقت بوها وامها وارتاحت باهي العين مجاتكش في ولدك
بدرية:بعيد السووو يا وخيتي ....خدت نفس عميق
شن رايك؟
رفيده:في شنو؟
بدريه:سكرت الدولاب ....حسب رايك علاش تكون انتحرت !؟
رفيده:بلعت ريقها ....سلم سلفتي مفيش داعي ليها الدوا هيا هيا في دار الحق توا
ترا خممي معاي توا في اغطا يلي بيسد الناس يلي بايتين في الصقع هادا ....ونحت عيونها بتوتر
نوضي ياساره يابنتي نووووضي نوضي خيرك منهاره هكي وحدي الله وادعيلها برحمة ياسرك بكي تعدبي فيها مسكينه
ساره:كانت راقده على السرير ومغطيه جسمها كله بي البطانية ومنهاره بكي
جسمها كلله يرعش مع بعضه ووجها اصفررر

بدريه:وهادم المخاد والبطاطين يلي في دار بنتك كلهم ....من وين بنجيب تاني
رفيده:تسكر في الرواشن ...انا هادا حد جهدي جبت كل شي من دار ولدي ضرار وهادي اهو شوفت عينك دار ساره
بدريه:قامت حاجبها ...نادي ع سلفتك اللفعه تجيب الباقي
رفيده :ضحكت حبيبتي سلفتي هيا سلفتك ناديها انتي ....وخدت المخاد وطلعت
بدريه:سرحت لحضات راكبها الشك في كم حاجه ...

________

في الدار الثانيه :_
زكيه:فاتحه دولابها واطلع في الطواسي الجدد وتتكلم بعصبيه ....تسمعي فيا انتي وياها ولا لا؟
منبيش مشاكل نساوين عمكم العقارب الزوزولا وحده فيكم تاكل منهم شي ولا يبخرو وتشمو ردو بالكم حتى فرخه ساره اقطعو علاقتكم بيها توا مفيش دعاي لنفاق
ايات وفاطمه ...يشوفو لبعض وعيونهم قريب يتكلمو من التوتر والخوف ✨
زكيه:ندوي معاكم انا خيرك انتي وياها مسبوهات شن في؟

ايات:تكلمت وهيا تبلع في ريقها ....كيف حتى تسألي فينا انتي مستوعبه المنضر يلي ريناه راهو قاعدين نرعشو
فاطمه :كملت الحديث عليها...صح يا امي كان منضر هدى يرعش الله يرحمها
زكيه:خدت نفس عميييق ...الله يرحمها
سكرت الدولاب ...المهم زي ما وصيتكم بزبط تباعدو عليهم ....وطلعت وسكرت الباب

فاطمه طاحت ع الارض منهااااره وهيا تجبد في نفسها بسيف
اما أيات وقفت ع الروشن سرحانه وتتفرج على قطرات المطر يلي بدت تنزل شوي شوي

_________

#مجرد_كارثه الحلقه الثانية

هدى:لو كنت نعرف عقاب الشخص يلي ينهي حياته بيده راهو درت الف حساب قبل مانديرها الخطوه هادي !
لكن مش بيدي ....القرار هادا خديته غصب عني 💔
مهما كان يلي بنحكيه توا مش رح يفيد .....هادي اول ليله ليا تحت التراب 💔
خليت كل اسراري بين عيلتي ورحلت ✨

ـــــــــــــــــــــــــــــــــــــــــــــــــــــــــــــــــــــــــــــــــــــــ
بتول: قداش حنتي طلعت تجنن مع الفيلو ❤️
وقداش طلعت قمر والكل واقف يصور فيا ✨
وقفت وسط القاعه ورقصت ويدي في يد سلفتي ونساعد فيها خايفتها اطيح هيا والفيلو متعها
كنا احلى عرايس الاثنين ❤️
كانت العين علينا والكل واقفين مبهورين بطلتنا ......بس فجأه
هدى:خشت للقاعه وبجامتها مغرقه بي د..م💔
ماسكه فستان بيانها ودبلتها وتشوف للعرايس وتبكي
بس مفيش حد من المعازيم ركز معاها الكل كانت عينهم على السلفات العرايس❤️...بتول ومريم
زاد ارتفع صوت عياط هدى لين بدي اقوى من صوت الموسيقى بي الالف المرات 🔥

بتول:ناضت من سريرها بشهقه عااااليه وملامح وجها كلها فزع عرقانه وداهشه كأن المشهد يلي شفاته كان حقيقة ...
حولت عيونها من على الساعه يلي كانت 1ونص في الليل وخدت تالفونها اتصلت بدون تردد

بتول:وهيا تتلمس في رقبتها بألم....الوو
مريم:اهلا بتول شن وضعك؟!
بتول:ضحكت من نبرة صوت مريم....الباين ان حتى انتي مقعمزه في الحوش ومخليك بروحك
ولاكأنك عروسه
مريم:ضحكت بيأس....ع اساس انتي حالك احسن من حالي ...ماهو زيني بزبط نسخ لصق
بتول:بلعت ريقها بتوتر....مريم متحسيش ان حني لازم نديرو حل!؟
تابعت كلامها بتوتر.....يعني لو تزوجنا الاثنين بي الغصب يقولو
ولا معيشت الكلاب هادي....مش معقوله يلي صاير اسبوع بس لينا متزوجين انتي لعند اليوم ممسكش وانا مريتاش من الدخول ومطلعتش من شقتي الا للعزي بس يعني حني بناويت عيله وناس انا مفهمتش شنو نضامهم العيله هادي
مريم:خدت نفس طوووويل .....نستاهل يلي يصير فيا 💔
بتول:والله🤨وعلاش ان شاء الله تستاهلي
مريم:خطفتها دكرياتها واختفى صوتها دقايق
رجعتها لي هلبا حاجات خلتها تبتسم وتتأثر في نفس الوقت
بتول:بتعصب......مريم تكلمي راني بنتفجر العيله هيا منعرفش فيها حد الا انتي كان متتكلميش معاي احتمال يلقوني يابسه في مكاني الصبح اقسم بالله
مريم:طلقتها ضحكه من وسط خاطرها ....هههههههههههههههههههه
خلي نزيدك من الشعر بيت .....اليوم في العزي سمعتهم يقولو علينا عتب
وحني السبب في انتحار هدى لان وجهنا نحس
بتول:اشحنيني عليهم زيدي اقسم بالله شكلي بنمشي لي حوش العيله غضوا بنعجنهم في بعض مالي ومال بنتهم يلي الله اعلم شنو مغبره ع راسها باش انتحرت
مريم:زادت ضحكتها ارتفعت اكتر واكتر لين قاطعها صوت من خلفها
صدام:في منو تكلمي الساعه 2؟
نخلعت وبدت عيونها ترمش بزياده والتوتر راكبها ....اءء هادي ب ب هادي
صدام:خطف من يدها التالفون ....ايوا ؟
بتول :ببرود …اهلا سلفي
صدام:شاف لي مريم بنضرات غريبه
بتول:به كويس روحت لي مرتك وقلتلهاكلمتين سمعتها بيهم صوتك العقبه ليا حتى انا يروحلي خوك ويسمعني صوته لان الحقيقه بديت نشك انه بكوش وخادعيني فيه
من كتر معش ريته لين بديت ندعي ان شاء الله نكون متزوجه انسان مش جن يختفي امتى ما يبي ويرجع بمزاجه
صدام :سكر الخط وعيونه على مريم .....ياسر منها مكالمات الليل هيا
بتول:سكر في وجهي التافه ....مرض يرفعك انت وخوك يلي مش عارف شن بلانا بيكم وجاب نصيبكم عندنا
وكملت كلامها بتحسر ....بنيات زي الورد يضيع شهر العسل متاعنا وسط الموتات
ياريتني قبلت بي ولد شريفه اهون وكان عشت بين المعيز والبقر يعني شن فيها ؟
اهون من شقه كامله مكمله بدون راجل 😠

مريم:بتوتر...ان شاء الله حاضر
نسخنلك العشاء؟
صدام:يفتح في بطم سوريته ....متعشي وكمل طريقه لين وصل لباب الحمام
تلفت وكلم مريم بلهجة تهديد ....فكيني من لسانها يلي كنتي تكلمي فيها ردي بالك تتعلمي منها طولة اللسان ميمشيش معاي ره راني مش زي خوي
مريم:هزت راسها بمعنى تمام من غير ما تحكي ......اما صدام سكر الباب الحمام ومعش في صوت غير صوت الميه

أنا مريم عروسة اسبوع بس خاشه معاي سلفه
بتول كانت من عيله تانيه يعني معرفتي فيها في العرس فقط ...تزوجت وانا تاركه وراي قصه طوووووويله عريضه محدش يعرف عليها شي ونتمنى ان محدش يكشفها في يوم من الايام هاربه من ماضي نتمنى يكون بابه تسكر

سلفتي بتول كانت مختلفه عني 180درجه ....هيا من عائله معروفه وحالتهم فوق الريح
والضروف هادي خلت شخصيتها قويه ولسانها طويل بشكل غير طبيعي ومتخافش من حد لانها عارفه كويس من وراها
اما انا كنت من عائله جدا بسيطه ومعندنا شي غير التعليم في عيلتنا
بابا وماما كانو من اكثر الناس المثقفين يلي ريتهم في حياتي وخديت منهم الشي هادا

🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥

فيها بنات العم يلي صحاب وكويسين لكن عركه وحده يطلعو عار بعضهم
فيها اللفعه يلي عندها السحر زي صباح الخير
وفيها عصافير الحب يلي متزوجين متفاهمين وقااو ساحراته ...وفي النهايه تجي عين اطربقهم 🤷🏻‍♀️
فيها الراجل يلي يمشي بكلام مرته
وفيها الراجل يلي كل همه الورث وبس حتى لو بوه حي
وفيها الطيب يلي ماشي على حاله لكن المشاكل تجيه لعنده ها وصغاره
وفيها الراجل يلي مداير روحه اسد على مرته وهوا برا عينه زايغه وبنت تمشيه وبنت تجيبه
فيها المرا وبناتها يلي كل مشكلتهم في الدنيا انهم نازكين ويعرفو الاوصول والشي هادا متعبهم
وفيها شاب العيله يلي يضربو بيه في المثل ❤️
وفيها صايع العيله يلي كلهم متبريين منه لكن وقت المشاكل ميلقوش الا فيه 🤷🏻‍♀️
فيها البنات يلي يديرو في عمايل اكبر من راسهم وغالبا امهاتهم ديمه يعجبو في بنات الناس
وفيها بنات الاصول يلي كاتره عليهم الدوه والتبلي لانهم جميلات لا أكتر
وكل هادا موجود في عائلة روايتنا ❤️..يتبع

#مجرد_كارثه الحلقه 1

كل التفاصيل كانت حلوه ❤️
تنسيق الورد الاحمر مع الكوشه البسيطه وكل الاكسسوار نفس اللون ومتناسب ❤️
الطاولات المستطيله باللون البيج وعليها تحف الورد كانت الاختيار الصح
كان أحلى بيان على الهواء الطلق ممكن تشوفه عينك ✨
العيون كلها كانت على العروسه بي فستانها الاحمر يلي اختاراته نفس الديكور باش تكتمل طلتها المتناسقه ❤️....ابتسمت لجميع الحضور بعد ما طلع العريس ولبسها الدبله
سلمت على الكل بعد ما خلاص بدت الدنيا تفضى والناس تروح وركبت دارها..سكرت الباب تاركه الحضور يلي خلاص شبه مقعدش منهم حد غيرت فستانها وشافت لي نفسها بنضره اخيره للمرايا وطلعت

هدى:خليت الأمر بسيط جدا وقلت هادي مجرد كارثه ..سكرت عيوني وخديت نفس نهدي بيه نبضات قلبي قدمت خطوه ورخيت نفسي
فتحت عيوني وانا نشوف في البلاكونا تبتعد اكتر واكتر مر عليا شريط حياتي كله 💔
لو ان الناس كانت معاي الطف من هكي !
لو اني مطحتش في مصيبه كبيره زي هكي ...
شفت لي يدي اليمين وكان اخر شي نشوفه دبلتي
ردتني الارض بخبطه قويه كسرتلي ضلوعي
شفت الدم ساح وحسيت بي حرارة الموت تطلع مني ومعش شفت شي بعدها ......

________

ساره :مهتميتش لحد!
لا للعروسه يلي طاحت من الدور الرابع بعد بيانها بساعات واكيد توفت
ولا لي الناس يلي تجري وتعيط وتقيم فيها
ولا لي الرجاله يلي خشو من الصدمه يجرو بدون ما اي بنت تغطي روحها وتلبس حجاب
نمشي مسيبتهم وراي كلهم وخطواتي ثقيله ...تعثرت في الدروج الف مره 💔

خشيت للحمام وسكرت الباب وانا نسمع في عياطهم لوطه 💔
طحت ع الارض وشفت لي يدي 💔
غمضت عيوني وانا ندكر كيف حفرت التراب 💔
كيف مسكت الراجل وطيحته في الحفره
كيف هربنا في اخر لحضة ..... يعني انا توا مجرمه !
قاطه تفكيري صوت الباب يلي كان بيتكسر من الخبط ....فتحته بدون ما نوقف وانا حاسه نفسي في عالم تاني

ضرار:خش وسكر الباب ....عيونه كانت ماليانه توتر بس تكلم بقوه وحزم ...مصار شي
انسي يلي صار ولو طلع منك حرف موتك على يدي
ساره :تشوفله بصدمه والدموع تنزل بدون تعابير وجه
ضرار :وراي سفره والف مشروع بنديره مش رح نخلي حادث تافه ينهيلي حياتي
ساره :تحكي بملامح جامده من اثر الصدمه .....تافه!
الراجل كبير اكيد عنده صغار 💔..قتلناه
ضرار: تكلم بعصبيه ....انتي بروحك قلتيها كبير يعني شباني وهادي ساعته خلاص
لف ضهره بيطلع بس رجع شافلهامش رح نخليك ادمريلي حياتي حتى لو كنتي اختي
الشي هادا ميعنيش اني بنسكتلك .....ديري بالك
وطلع وسكر الباب وراه
ساره:حطت يديها على راسها وسكرت عيونها .....انا شن درتتت شن درت
________
الصدمة كانت مسيطره على الموقف ...لان ببساطه كل الحاضرين قاعدين مستوعبوش الكارثه يلي صارت قبل دقايق
شويه شويه ويلي توصله الفكره يعلى صوت عياطه
ارتفع صوت البكي والعياط من قوة المشهد يلي صار قدامهم والتمو الجيران يلي كانو قبل ساعه موجودين في البيان ❤️
التساؤلات عبت المكان ....شنو يلي يخلي بنت جميله وعاقله زي هدى تنتحر!؟
وتحديدا تختار يوم بيانها 💔
يوم خطبتها على الانسان يلي كانت تموت فيه من وهيا صغيره ....شنو يلي صار !

________
بتاريخ 4/6وفي الليله هادي تحديدا ...
كانت ليلةصعبه جدا على كل حد في العيله رجاله كانو او نساوين وبي الاخص الصبايا !
فاتت عليهم ليله كلها دموع وبكي وعياط واصل لاخر الشارع
والشيوخ طالعين خاشين للحوش وامية الرقيه في كل مكان خايفين يكون يلي صار نتيجة السحر !
والخوف الاكبر يصير لي حد تاني في العيله هكي

كل الناس الموجوده منهااااره وفي عيونهم الف حزن وصدمه !
الا زوز عيون بسس ....
العيون هادم بدات كان ماليهم الخوف💔......يتبادلو في نضرات التوتر بين بعض كأن كل واحد يوصي في التاني ميحكي شي ويرد باله كويس
________

بعيد على الكوارث هادي كلها
....كان في شخص موجود في المكان الغلط ✨
كانت فيه ورده موجوده بين صخور ولان الصخور اثرو عليها تغير لونها وصار لونها رمادي
كائن لطيف من يوم ولادته وهوا موجود في اخطر مكان في البلاد متعايش معاه كأن حوشه
والحقيقه ان معتبره حوشه ❤️

وبدون مقدمات قرر الشخص هادا يبعد على المكان يلي تربي فيه وينضم للعائله
ويشوف للكوارث كلها انهم #مجرد كارثه 🔥

________

اهلين بيكم في وسط عائلة ليبيه فيها كل العناصر المطلوبه ❤️
فيها مرت الخال يلي كل جهدها تفرق العيله بس وتحتفض بي راجلها ليها
فيها المرا يلي عندها خيرات الله هيا وصغارها لكن تحسد غيرها على سنتوب برتقال

#اعلان_روايتي الجديده❤️

ساره:مفيش شي الموضوع كله #مجرد_كارثه بس !
الصبح كنت طالبة شهاده ثانويه وفي الليل لقيت روحي ندفن في جثة مع خوي 💔
حاسه نفسي في حلم؟!! نحفر معاه ونردد داخلي
مفيش شي #مجرد_كارثه بس💔

فاطمه:انا يلي درت روحي فالحة وكليته كف عمري ما نصحى منه🔥
خشيت على مربوعه بطولها بعرضها فيها اكتر من50راجل وهزبت الموجودين كلهم لان العروس يلي جاييين بيتمو فيها مش موافقه وغاصبينها خشيت وطلقت لساني ومحسبتش لي حد وببساطه حياتي انتهت في الخشه هاذي 🤝

أيات:مشيت على تعليمات السحاره بلحرف !
نبهتني الف مره مجرد شي بسيط كل شي ينقلب ضدي
رغم اني اتبعت تعليماتها وطبقت كل يلي قالاته لكن مش كل الشي انقلب بس
الدنيا كلها انقلبت فوقي لوطي ومعش قدرت نسيطر على شي💔

مياسين:انا يلي خشيت الحبس قبل منجي على الدنيا
خالطت كل المساجين بجميع كل الجرائم يلي تخطر في بالك قبل حتى ما يبدا عمري ✨
خشيت وانا في بطن امي بعد ما كانت محكومه اعدام
نخلقت على الدنيا وبسبب نفوذها ومنصبها قدرت تخليني معاها لين طق عمري 17السنه
كيف بنطلع نواجه الناس في عالم الحريه ؟!

وروني تفاعل الاعلان بنبدو في الروايه مع بعض❤️