زړګی که مې ټوټې ټوټې ډالۍ شي ستالپاره
زما دې په درُودو شونډې پولۍ شي ستالپاره

زما د زړګي کاڼي ستا د عشق ګزار خوړلی
ښکاره په کې کسری د غم ماڼۍ شي ستالپاره

غوڅ شوی دِ وای کاش ستاپه نظر وای لګېدلای
دا زړه دې لکه ۲ ټوټې سپوږمۍ شي ستالپاره

زما د زړه اُحد ستا د فراق لړزې اخیستی
قرار به شي دا خاورې به ژوندۍ شي ستالپاره

خوږیاد دِ ترمعراج پورې دخیال په بوراق یوسم
زُما هم له ژړا ډکې ځولۍ شي ستا لپاره

عزیره د وخت جبر یم په اور کې څملولی
بختي به یم که غوڅه مې غړۍ شي ستا لپاره

خببب به شم په دار که مې غړۍ شي ستا لپاره