𝖆𝖗𝖙•••𓆉︎

مميزات الفحم:

• يكون لونه غامق جدا اغمق من الرصاص

• لمعته طافية يعني مبي لمعه مثل الرصاص

• اذا ظللنه بالقلم مالت الفحم مايندمج بسهولة لذلك يفضل استخدام البودرة

• بي ٣ تدرجات فقط ( سوفت: يكون طري كلش وغامق كلش/ ميديم: يكون لونه افتح من السوفت / هارد: يكون صلب كلش)

• مينقط بالمقطه لان ينكسر وخااااصة السوفت لان طري ف ينقط بالشفرة


ماركاته: اكو نوع عادي لا تدرج ولا شي ولا ماركه وممكتوب عليه اي شي هذا نوعيته عادية ويشلع الكلب لان صلب

اني عن نفسي مجربة فابر كاستل ( سوفت ) كلللش رهيب ويجنن نوعيته ممتازة بي هواي انواع بس ممجربتهن ماريس هم زين هواي مجربينه وكالو زين ممجربته اني

مثل ما كلت التظليل صعب بالقلم ف الافضل انه نظلل ببودرة

بودرة الفحم:
تكدرون تشتروها وتكدرون تسووها بالبيت
راح اكلكم شلون تسووها

تجيبون كم قطعه فحم عادي وتجيبون هذا المصفي مالت الجاي معرف شسمه😂😂 المهم وتبرشون الفحم بيها ويصير بودرة

وطريقة ثانيه

بقلم الفحم تقطونه بالشفرة وتجيبون ورق جام وتحكون القلم بورق الجام ويتحول بودرة

والي يكول شلون ومنين اجيب ورق جام ومحد يجيبلي كلش عادي جيبوا مبرد اظافر وسوو بي اني استخدمه

التظليل :

ظللو بفرش مكياج او اي فرش شررررط انه تكون نااعمه مو خشنه حتى يصير التظليل ناعم وحلو

وظللوا بخفة ايدكم لتضغطون بالفرشة حيل لان يطكع وتصير بالرسمه طكع وتتشوه

ومن تظللون مو تجون كبل تملون الفرشة فحم وتظللون لا تاخذون ع الخفيف وتضلون تضيفون طبقات لمن توصلون للشي الي تقتنعون بي.

ووبس حجيت كل الي اعرفه عن الفحم
اتمنى استفاديتوا❤️❤️


وكل الي عندة سؤال يسألني او ينطي رأية بشي

بالبوت مالت ايوش @Ayaash_bot

بالتوفيق لطلاب السادس خليكم اقوياء ورب العالمين ما يضيع تعبكم وبكُل خطوة وياكم ﴿وَأَنَّ سَعْيَهُ سَوْفَ يُرَىٰ﴾ 🤍✨.