📚 જ્ઞાન કી દુનિયા 📚

*મોર્નિંગ મ્યુસિંગ્સ:*

વ્યવસાયિક અને અંગત સંબંધ બંને સહિયારી પ્રગતિ પર નભે છે.
હું જે કંપની/સંસ્થા માં કામ કરૂં છું, તે મારા ઉત્તમ પરફોર્મન્સના કારણે પ્રગતિ કરે છે, અને કંપની/સંસ્થા પ્રગતિ કરે તો હું પણ પ્રગતિ કરું છું. બંનેની પ્રગતિ એકબીજાની પૂરક છે. કંપની/સંસ્થા ની સફળતા માટે મારી સફળતા જરૂરી છે, અને હું સફળ થાઉં છું તે કંપની/સંસ્થા ની સફળતામાં ઉમેરો કરે છે. 

આવું જ અંગત સંબંધમાં હોય છે. બે વ્યક્તિ જો એકબીજાના જીવન અને વ્યક્તિત્વમાં ઉત્તમ યોગદાન આપવા સક્ષમ હોય, તો જ તે સંબંધ આગળ ચાલે.

અસલી સંબંધ પરિવર્તનકારી (transformative) હોય છે. તે જો તમારામાં (સકારાત્મક) પરિવર્તન ના લાવે, તો એનો અર્થ એ કે તમે ખોટી વ્યક્તિ સાથે છો.
બીજી વ્યક્તિ સૌથી શ્રેષ્ઠ શિક્ષક હોય છે. તે આપણી તાકાત અને ત્રુટિ બંને બતાવે છે. આપણામાં તે જોવાની દાનત હોવી જોઈએ.
ઉત્તમ સંબંધ એ છે જે તમને વૈચારિક રીતે, ભાવનાત્મક રીતે અને વ્યવહારની રીતે બહેતર ઇન્સાન બનાવે.
મશહૂર મનોશાસ્ત્રી, કાર્લ યુંગ આ ક્વોટમાં કહે છે તે પ્રમાણે, બે વ્યક્તિઓનું ભેગા થવું બે કેમિકલ પદાર્થનું ભેગા થવા જેવું છે; એમાં કોઈ રીએકશન પેદા થાય, તો બન્ને બદલાઇ જાય.

*Happy Monday Morning*

*મોર્નિંગ મ્યુસિંગ્સ (રવિવાર સ્પેશિયલ):*

સફળ, સુખી અને સંતોષી જિંદગી સાહસથી જીવાય છે, ડરથી નહીં. સાહસનો અર્થ બળ કે નીડરતા નથી, સાહસનો અર્થ છે ડર હોવા છતાં જીવનના અનુભવો કરવાની તૈયારી.

સાહસ એટલે વૈચારિક સહસ, ભાવનાત્મક સાહસ અને આચરણનું સાહસ. જે વ્યક્તિ સારા-ખોટા તમામ અનુભવો અને ગમે-ના ગમે તેવી લાગણીઓમાંથી પસાર થવા માટે તૈયાર હોય તેને સાહસિક કહેવાય.
"મને કેવું લાગશે?" એવા એક વિચારથી આપણે ઘણું બધું કરતા નથી.
ડર પ્રગતિમાં અવરોધક હોય છે, અને હકિકત એ છે કે ડરનો સામનો કરવાથી જ આપણી અંદરની સંભાવનાઓ અને ક્ષમતાને મોકળું મેદાન મળે છે.

ટેલેન્ટ અને સ્કિલ તો દરેકમાં હોય છે, પણ જ્યાં સુધી જોખમો લેવાનું અને અનિશ્ચિતતાને સ્વીકારવાનું સાહસ નથી આવતું ત્યાં સુધી પ્રગતિ નથી થતી.
સાહસમાં કોઈ સુરક્ષા કવચ નથી હોતું. તેમાં તમે દરેક પ્રકારની ચિંતા અને પીડામાંથી પસાર થવા માટે સજ્જ હો છો.

તમે જ્યારે કમજોરીને અવગણીને સાહસ કરો છો ત્યારે કમજોરી તાકાત બની જાય છે. જીવનનો વિસ્તાર ડરની પેલે પાર હોય છે. ડરથી જીવન સીમિત થઈ જાય છે.

“Only when we are brave enough to explore the darkness will we discover the infinite power of our light.”
-Brené Brown, Daring Greatly..

*Happy Morning*

કેન્દ્રીય મંત્રીમંડળે નવી શિક્ષણ નીતિને મંજૂરી આપી

૧૦મું બોર્ડ સમાપ્ત, એમફિલ પણ બંધ રહેશે

આજે કેન્દ્રીય મંત્રીમંડળે ભારત સરકારના શિક્ષણ મંત્રાલય દ્વારા પ્રસ્તાવિત નવી શિક્ષણ નીતિ ૨૦૨૦ ને મંજૂરી આપી. ૩૬ વર્ષ પછી, કેન્દ્ર સરકારના મંત્રીમંડળની મંજૂરી બાદ દેશમાં નવી શિક્ષણ નીતિ લાગુ કરવામાં આવી છે.

કેન્દ્રીય મંત્રીમંડળે નવી શિક્ષણ નીતિ ૨૦૨૦ ને લીલી ઝંડી આપી છે. ૩૪ વર્ષ પછી શિક્ષણ નીતિમાં ફેરફાર કરવામાં આવ્યો છે. નવી શિક્ષણ નીતિના મુખ્ય મુદ્દાઓ નીચે મુજબ છે:

શિક્ષણ માળખું (૫+૩+૩+૪ ફોર્મ્યુલા)

૫ વર્ષ - પાયાનું શિક્ષણ

૧. નર્સરી @ ૪ વર્ષ

૨. જુનિયર કેજી @ ૫ વર્ષ

૩. સિનિયર કેજી @ ૬ વર્ષ

૪. વર્ગ ૧ @ ૭ વર્ષ

૫. વર્ગ ૨ @ ૮ વર્ષ

૩ વર્ષ - પ્રિપેરેટરી શિક્ષણ

૬. વર્ગ ૩ @ ૯ વર્ષ

૭. વર્ગ ૪ @ ૧૦ વર્ષ

૮. વર્ગ ૫ @ ૧૧ વર્ષ

૩ વર્ષ - માધ્યમિક શિક્ષણ

૯. વર્ગ ૬ @ ૧૨ વર્ષ

૧૦. વર્ગ ૭ @ ૧૩ વર્ષ

૧૧. વર્ગ ૮ @ ૧૪ વર્ષ

૪ વર્ષ - ઉચ્ચતર માધ્યમિક શિક્ષણ

૧૨. વર્ગ ૯ @ ૧૫ વર્ષ

૧૩. વર્ગ ૧૦ (SSC) @ ૧૬ વર્ષ

૧૪. વર્ગ ૧૧ (FYJC) @ ૧૭ વર્ષ

૧૫. ધોરણ ૧૨ (SYJC) @ ૧૮ વર્ષ

ખાસ સુવિધાઓ:

✅ હવે ફક્ત ધોરણ ૧૨ માં બોર્ડ પરીક્ષા હશે.

✅ ૧૦ માં બોર્ડ પરીક્ષા ફરજિયાત રહેશે નહીં.

✅ એમફિલ નાબૂદ કરવામાં આવશે.

✅ કોલેજ ડિગ્રી ૪ વર્ષનો રહેશે.

✅ હવે ૫ માં ધોરણ સુધીનો અભ્યાસ માતૃભાષા, સ્થાનિક ભાષા અને રાષ્ટ્રીય ભાષામાં થશે. અંગ્રેજી ફક્ત એક વિષય તરીકે શીખવવામાં આવશે.

✅ ૯ થી ૧૨ માં ધોરણ સુધી સેમેસ્ટર સિસ્ટમ લાગુ કરવામાં આવશે.

✅ કોલેજ ડિગ્રી હવે ૩ કે ૪ વર્ષનો રહેશે.

૧ વર્ષ પછી પ્રમાણપત્ર

૨ વર્ષ પછી ડિપ્લોમા

૩ વર્ષ પછી ડિગ્રી

૪ વર્ષની ડિગ્રી કરનારા વિદ્યાર્થીઓ ૧ વર્ષમાં સીધા MA કરી શકશે.

✅ MA કરનારા વિદ્યાર્થીઓ હવે સીધા PhD કરી શકશે.
✅ જો કોઈ વિદ્યાર્થી કોર્ષની વચ્ચે બીજો કોર્ષ કરવા માંગે છે, તો તેને થોડો સમય વિરામ લઈને તે કરવાની મંજૂરી આપવામાં આવશે.

✅ 2035 સુધીમાં ઉચ્ચ શિક્ષણમાં પ્રવેશ દર (GER) વધારીને 50% કરવાનો લક્ષ્યાંક.

✅ ઉચ્ચ શિક્ષણમાં ઘણા સુધારા કરવામાં આવશે, જેમાં શૈક્ષણિક, વહીવટી અને નાણાકીય સ્વાયત્તતાનો સમાવેશ થશે.

✅ પ્રાદેશિક ભાષાઓમાં ઈ-કોર્ષ શરૂ કરવામાં આવશે.

✅ વર્ચ્યુઅલ લેબ્સ વિકસાવવામાં આવશે.

✅ રાષ્ટ્રીય શૈક્ષણિક ટેકનોલોજી મંચ (NETF) ની સ્થાપના કરવામાં આવશે.

✅ દેશભરમાં સરકારી, ખાનગી અને ડીમ્ડ સંસ્થાઓ માટે સમાન નિયમો લાગુ થશે.

#neweduactionpolicy

*મોર્નિંગ મ્યુસિંગ્સ:*

"સતત સકારાત્મક રહેવું, વિરોધ, દલીલ થી દૂર રહેવું, નોન જજમેન્ટલ બનવું, પરિસ્થિતિનો સ્વીકાર કરવો..

પોલેન્ડમાં, જર્સી નેયમન નામના, સ્ટેટિસ્ટિક વિષયના એક પ્રોફેસર થઈ ગયા. એક દિવસ, એક વિદ્યાર્થી તેમના ક્લાસમાં મોડો આવ્યો. તેણે બ્લેકબોર્ડ પર બે પ્રોબ્લેમ લખેલા જોયા. હોમવર્ક સમજીને તેણે તેની કોપી કરી લીધી.
થોડા દિવસ પછી, તેણે પ્રોફેસરને સોલ્યુશન સબમિટ કર્યું અને સમય લાગ્યો તે અંગે માફી પણ માંગી.
છ સપ્તાહ પછી, પ્રો. નેયમન તેના દરવાજે ઊભા હતા. તેમણે કહ્યું, "તારા સોલ્યુશન પરથી હું થીસીસ લખું છું, અને આ ઈન્ટ્રોડક્શન છે, વાંચી લે."

વિદ્યાર્થી મૂંઝવાઈ ગયો. તેણે એવું શું કામ કર્યું હતું? પ્રોફેસરે તેને સમજાવ્યું કે તેણે હોમવર્ક સમજીને જે કામ કર્યું હતું, તે તો એક એવો પ્રોબ્લેમ છે કે મહાન ગણિતજ્ઞો પણ હજુ સુધી ઉકેલી શક્યા નથી, અને તેં હોમવર્ક સમજીને ઉકેલી નાખ્યો!એક વર્ષ પછી, તેની થીસીસ બહાર પડી. એ વિદ્યાર્થીનું નામ જ્યોર્જ ડેન્ટઝિગ હતું, જેને દુનિયા લિનીયર પ્રોગ્રામિંગના પિતામહ તરીકે ઓળખે છે.
વર્ષો પછી, ડેન્ટઝિગે કહ્યું હતું, "મને જો ખબર હોત કે એ પ્રોબ્લેમ હોમવર્ક નથી, પણ સ્ટેટિસ્ટિકના ક્ષેત્રનો વણ ઉકેલ્યો કોયડો છે, તો મેં સકારાત્મક રીતે વિચાર્યું ના હોત, હું નાહિંમત થઈ ગયો હોત અને સોલ્યુશન શોધ્યું ના હોત."
૧૯૯૭માં, આ પ્રસંગ પરથી Good Will Hunting નામની એક સુંદર હોલિવુડ ફિલ્મ આવી હતી.
આનો ભાવાર્થ એ છે કે સકારાત્મક હોવું એટલે બધું સારું છે અને કોઈ સમસ્યા નથી તેવો અભિગમ નહીં, પરંતુ ગમે તેવી વિષમ પરિસ્થિતી હોય, હું એમાંથી રસ્તો કાઢી લઈશ તેવો આશાવાદ.
સકારાત્મકતા શાહમૃગવૃત્તિ નથી, જે સમસ્યા સામે રેતીમાં મ્હોં ખોસી દે. સકારાત્મકતા સિંહવૃત્તિ છે, જે સમસ્યાનું સમાધાન શોધે છે.

*Happy Morning*