اغلبكم شاف الصور هادي خاف ورعش بحكم ان من علامات قيام الساعة عودة جزيرة العرب مروجاً وانهاراً ..

باهي علاش نخافو لما نشوفو الحاجات هادي بس ..!

المفروض قيام الساعة الخوف منها يلازمنا طول عمرنا

عندكم علم ان الرسول الكريم المنزه بنفسه كان يخاف منها ..!

شن نجي اني ولا انت قدام الرسول عليه الصلاة والسلام
ولا شيء .. بس مع هذا كان اغلب الوقت يخمم وباله مش مرتاح فـ في مرة من المرات سألوه الصحابة عن سبب تفكيره وانشغاله قاللهم كيف تبو بالي يتهنى واسرافيل شاد قرن وحاطه في فمه ومطبس راسه للأرض وموجه وذنه للسماء يراجي في اذن من الله عز وجل بالنفخ ..

متخيلين شن يعنيي نفخ ؟

يعني لما يصير النفخ كلنا موتى يا احباب خلاص ..

ضروري جداً نحسبو حساب لليوم هذا ومهما تاخدنا الدنيا نخلوه في بالنا لإنه واقع حتمي ..!

ألا إِنَّ سِلْعَةَ اللَّهِ غَاليةٌ، أَلا إِنَّ سِلْعةَ اللَّهِ الجَنَّةُ