ففروا إلى الله 📚📚دروس المسجد

د.مروه حنفي🌹❤️🌷 على TikTok

@drmarwahanafy 93 متابع، تتابع 5، 222 تسجيلات إعجاب - شاهد مقاطع فيديو رائعة تم إنشاؤها بواسطة د.مروه حنفي🌹❤️🌷

56 0 0

ففروا إلى الله 📚📚دروس المسجد

12 Apr, 06:57

https://www.tiktok.com/@drmarwahanafy?_t=ZS-8tcARi6FZ5T&_r=1

د مروه حنفي

▪️ففروا إلى الله 🔴 3️⃣🔴

د.مروه حنفي🌹❤️🌷 على TikTok

@drmarwahanafy 82 متابع، تتابع 2، 214 تسجيلات إعجاب - شاهد مقاطع فيديو رائعة تم إنشاؤها بواسطة د.مروه حنفي🌹❤️🌷

661 0 1

ففروا إلى الله 📚📚دروس المسجد

10 Apr, 05:17

.🔴 حاجات لو حد عملها تخل بتوحيده بالله وتوقعه في المحظور🔴

✏️1- لبس الحلقة والخيط لرفع بلاء أو دفعه فهو من الشرك.

✏️2- الرقى البدعية والتمائم، و هي المشتملة على الطلاسم والكلام غير المفهوم والاستعانة بالجن في معرفة المرض أو فك السحر
أو وضع التمائم وهو ما يعلق على الإنسان والحيوان من خيط أو ربطة قال الرسول صلي الله عليه وسلم :
{ إن الرقى – أي الشركية – والتمائم والتولة شرك } [رواه احمد وأبو داود].

✏️ومن ذلك وضع قطعة على شكل كف أو مرسوم فيها عين فلا يجوز وضعه حيث يعتقد فيه دفع العين قال:{ من تعلق شيء وكل إليه [رواه أحمد والترمذي )

✏️3- ومما يخل بالتوحيد التبرك بالأشخاص والتمسح بهم أو التبرك بالأشجار والأحجار وغيرها
قال عمر بن الخطاب وهو يقبل الحجر الأسود: أني أعلم أنك حجر لا تضر ولا تنفع ولولا أني رأيت رسول الله يقبلك ما قبلتك.

✏️4- ومما ينافي التوحيد الذبح لغير الله كالأولياء والشياطين والجن لجلب نفعهم أو ضرهم فهذا من الشرك الأكبر،
وكما لا يجوز الذبح لغير الله، لا يجوز الذبح في مكان يذبح فيه لغير الله.

✏️5- النذر لغير الله
فالنذر عبادة لا يجوز أن تصرف لغير الله سبحانه وتعالى.

✏️6- الاستعانة والاستعاذة بغير الله، قال لابن عباس رضي الله عنهما:
{ وإذا استعنت فاستعن بالله وإذا سألت فسأل الله...}

✏️7- الغلو بالأولياء والصالحين، و رفع منزلتهم إلى منزلة الرسل أو ظن العصمة فيهم.

✏️10- السحر وإتيان السحرة والكهنة والمنجمين ونحوهم، فالسحرة كفار ولا يجوز الذهاب وسؤالهم، ونحو ذلك.

✏️11- الطيرة وهي التشائم بالطيور أو بيوم من الأيام أو بشهر أو بشخص، كل ذلك لا يجوز، فالطيرة شرك

✏️12- التعلق بالأسباب كالطبيب والعلاج وعدم التوكل على الله، والمشروع هو أن نبذل الأسباب كطلب العلاج والرزق ولكن مع تعلق القلب بالله .

✏️13- التنجيم واستعمال النجوم في غير ما خلقت له، فلا تستخدم في معرفة المستقبل والغيب وكل هذا لا يجوز.
✏️14- الاستسقاء بالنجوم والأنواء واعتقاد أن النجوم هي التي تقدم المطر أو تأخره، بل الذي ينزل المطر ويمنعه هو الله فقل: "مطرنا بفضل الله ورحمته".

✏️15- صرف شئ من أنواع العبادة القلبية لغير الله مثل صرف المحبة المطلقة أو الخوف المطلق للمخلوقات.

✏️16- عدم الصبر على أقدار الله والتجزع ومعارضة القدر بمثل قولهم "لماذا ياالله تفعل بي كذا أو بفلان كذا أو لماذا كل هذا يا الله". ونحو ذلك من النياحة، وشق الجيوب.

✏️17-الحلف بغير الله مثل الحلف بالنبي او الكعبة أو الأمانة او بالاباء والامهات قال النبي صلي الله عليه وسلم (من حلف بغير الله فقد اشرك )رواه الترمذي وحسنه . وكفارتها انك تقول بعدها فورا لا إله الا الله

✏️18- الرياء والسمعة وأن يريد الإنسان بعمله الدنيا.

✏️19- وضع الصلبان ورسمها أو تركها موجودة على الملابس

✏️20- قول "ما شاء الله وشئت" أو قول "لولا الله وفلان" أو "توكلت على الله وفلان"
فالواجب استعمال "ثم" في جميع ما سبق لأمره: : ما شاء الله ثم شئت } [رواه النسائي].

✏️21- سب الدهر والزمان والأيام والشهور.

✏️22- السخرية بالدين أو السنة، والسخرية بأهل الصلاح والعلم،

✏️23- ومنها التسمية بـ "عبد النبي" أو "عبد الكعبة" أو "عبد الحسين" وكل هذا لا يجوز

610 0 5

ففروا إلى الله 📚📚دروس المسجد

9 Apr, 02:57

انت عارف من الخطأ أن يشعر الناس باليأس والإحباط لما بيحصل لنا مشاكل ومش عارفين نحلها
مصيبة المصائب ألا نثق بوعد الله، قال تعالى:
﴿ وَعَدَ اللَّهُ الَّذِينَ آَمَنُوا مِنْكُمْ وَعَمِلُوا الصَّالِحَاتِ ليستخلفنهم فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً ﴾
( سورة النور )

* *العلماء قسموا الشرك إلى شرك جلي، وشرك خفي:*
الشرك الجلي يعني الظاهر اللي بيعبد بوذا أو الشمس والقمر اللي بيعبد الفئران .......الخ
والشرك الخفي هو الرياء
(( أَخْوَفَ مَا أَخَافُ عَلَيْكُمْ الشِّرْكُ الْأَصْغَرُ ))
. قَالُوا : وَمَا الشِّرْكُ الْأَصْغَرُ يَا رَسُولَ اللَّهِ ؟
قَالَ : الرِّيَاءُ )
رواه أحمد وصححه الألباني

ومن الشرك الخفي مثلا واحد تعرفه وبينفعك كتير فتخاف تنصحه مثلا ليزعل فيقطع عطاياه عنك
والشرك الخفي كتير جدا (وَمَا يُؤْمِنُ أَكْثَرُهُمْ بِاللَّهِ إِلَّا وَهُمْ مُشْرِكُونَ)( سورة يوسف )
علشان كده عكس الشرك التوحيد اللي بكلمكم عنه من فترة

عارف كأنك دخلت إلى
إدارة فيها ٤ أدوار في كل دور مئة موظف وعلى رأسهم مدير عام واحد
واحد قالك مشكلتك ديه محدش يقدر عليها من الموظفين إلا المدير العام
فهل معقول تتعب وتبهدل نفسك وتتذل للموظفين علشان يمضوا على ورقتك وتسيب المدير العام اللي هو هيخلص لك مشكلتك وهو اللي في أيده الحل

يبقى لما تؤمن أن الأمر كله بيد الله
*متروحش إلا لربنا*
لما تؤمن إن صحتك بيد الله زوجتك بيد الله اولادك بيده جيرانك اصدقائك من هو اقوى منك ومن هو أضعف
*يبقى تتعب نفسك ليه وتروح لغيره*
علشان كده اي إنسان يسقط في الكذب أو النفاق ده من ضعف توحيده بالله لانه شاف إن فلان ده اللي بيعطي أو يمنع
*وتعالو شوفوا قصة جميلة وعبرة كمان*
سيدنا الحسن البصري وهو من كبار التابعين وكان في عهد الحجاج، والحجاج مخيف زي ما احنا عارفين
الحسن البصري اتكلم عن الحجاج فوصل الكلام للحجاج
فغضب وهدد وقال لجلسائه: يا جبناء، والله لأورينّكم من دمه، يعني هقتله
وفعلا استعد السياف بالسيف
،🍀دخل الحسن البصري إلى مجلس الحجاج شاف السياف واقف فهِم كل شيء، ، فحرك شفتيه بكلمات، فإذا بالحجاج يقف له، ويقول:
أهلاً بأبي سعيد، أنت سيد العلماء، وأجلسه على سريره، وضيفه، وعطّره، وودّعه،
صُعق السياف ايه اللي حصل ?
👈فلما خرج الحسن البصري تبعه الحاجب
قال له: ماذا حدث و ماذا قلت لربك ؟‼️
قال: قلت له:
" يا ملاذي عند كربتي، يا مؤنسي في وحشتي، اجعل نقمته علي برداً وسلاماً كما جعلت النار برداً وسلاماً على إبراهيم
هو ده التوحيد

لو انت في نفس الموقف ده كنت هتفكر في ايه?
وهتدور على مين ينقذك ?
وهتكلم مين يقف معاك ?

WhatsApp Group Invite

484 0 2

ففروا إلى الله 📚📚دروس المسجد

9 Apr, 02:19

3️⃣
لو حد عينك مدير شركة وبعدين رجعك تاني موظف عادي ياترى هتشتغل وتؤدي اللي عليك ولا هتقول مش جايبه همها؟

ولو انت مدير مدرسة وبعدها لأي سبب من الأسباب رجعوك مدرس عادي هتتعامل ازاي ؟؟

طيب تخيلوا لما كان سيدنا خالد بن الوليد في أوج انتصاراته وهو دايما بيكون قائد الجيوش كلها
عزله سيدنا عمر، ورجعه جندي عادي

تصور إنسان رتبته لواء تسحب منه القيادة ويبقى جندي في الفرقة
ماذا يفعل ؟

جاء سيدنا خالد إلى سيدنا عمر فقال له: >،
خاف هذا الخليفة العملاق أن يتوهم الناس أن الذي ينتصر في المعارك هو خالد من شدة انتصاراته الدائم
خاف إن يربط الناس بين خالد والنصر فيعتمدوا على ذلك وينسوا
إن الذي ينصر هو رب خالد

فعزل عمر خالد، وبقي النصر مستمراً من أجل التوحيد،

وماذا فعل خالد؟
كان يجتهد أكثر وهو جندي وقال ليعلم عمر أني اقاتل لرب عمر لا لعمر

هذا هو توحيد القلب لله

415 0 2

ففروا إلى الله 📚📚دروس المسجد

9 Apr, 02:19

*ازاي تشوف ربنا بقلبك ؟؟؟؟؟*2️⃣

وبنكمل درس *توحيد القلب لله*

*ومع المشهد التاني*

لما نزلت براءة السيدة عائشة من حديث الإفك
وقتها تأخر الوحي ٤٠ يوم
وده دليل للمتشككين في الوحي
إنه لو كان بملك النبي زي ما بيقول أعداء الإسلام لقال آية بعد ساعة مثلا وبرّأها

لكن الوحي كيان مستقل عن النبي عليه الصلاة والسلام، لا يملك جلبه ولا دفعه،

المهم لما نزل الوحي ببراءة امنا عائشة رضي الله عنها

قال أبوها الصديق: قومي إلى رسول الله فاشكريه
قالت: لا والله لا أقوم إلا لله على مسمع النبي عليه الصلاة والسلام،
فتبسم عليه الصلاة والسلام وقال: عرفت الحق لأهله

شوفتوا التوحيد ؟

أما بقى *المشهد التالت* وده عجيب جدا
تتخيلوا إن النبي عليه الصلاة والسلام خطب امرأة فاعتذرت إنها تكون زوجة له
معقولة الكلام ده لا يصدق
امرأة يتاح لها أن تكون السيدة الأولى في مجتمع المسلمين زوجة خير الأنبياء والمرسلين، وتعتذر !!!
طبعاً موقف غريب وعجيب،
فسألها، قالت فيما معنى الحديث: يا رسول الله، لي خمسة أولاد أخاف إن قمت بحقهم أقصر في حقك، فالله لا يعذرني
وأخاف إن قمت بحقك أقصر بحقهم

هو ده التوحيد.

إن في كل علاقاتك تعاملاتك مش شايف إلا ربنا

*والمشهد الرابع* .....هل ممكن تصدق إن في حياة المسلمين إنسانين حبوا بعضهم حب كبير جدا ا كحب الصديق لرسول الله؟
ومع ذلك لما توفي النبي عليه الصلاة والسلام الصديق قال ايه؟
(( أَمَّا بَعْدُ ؛ فَمَنْ كَانَ مِنْكُمْ يَعْبُدُ مُحَمَّدًا صَلَّى اللَّهُ عَلَيْهِ وَسَلَّمَ ـ فَإِنَّ مُحَمَّدًا صَلَّى اللَّهُ عَلَيْهِ وَسَلَّمَ قَدْ مَاتَ، وَمَنْ كَانَ يَعْبُدُ اللَّهَ فَإِنَّ اللَّهَ حَيٌّ لَا يَمُوتُ ))
[ متفق عليه )
شفتوا التوحيد

507 0 1

ففروا إلى الله 📚📚دروس المسجد

26 Mar, 08:01

*توحيد القلب* 1️⃣

هكلمكم النهارده بإذن الله عن درس انا بحبه جدا
وعايزاكم تركزوا معايا فيه

*ازاي تشوف ربنا بقلبك ؟*

درسنا اليوم عن توحيد القلب لله وازاي يحصل ده؟؟؟؟

في الأول التوحيد يعني متشفش مع الله حد
إن في كل امورك تشوف إن فلان ده اللي أعطاه ربنا واللي منعه ربنا واللي رفعه ربنا واللي أبعده عن المكانة ديه ربنا...
التوحيد إن الله وحده يفعل ما يشاء وكيفما شاء
انا عارفه هتقولي ايوه التوحيد يعني إن ربنا هو الرزاق وهو خالق السموات والأرض.....
اقولك ده كلام المسلم وغير المسلم ....
*لكن اللي أقصده مش بس كده*
إنم تكون مؤمن(إِلَيْهِ يُرْجَعُ الْأَمْرُ كُلُّهُ) ﴾( هود)
أن تؤمن ﴿ لَهُ مَقَالِيدُ السَّمَاوَاتِ وَالْأَرْضِ﴾(الشورى)
أن تؤمن أنه:﴿ مَا يَفْتَحِ اللَّهُ لِلنَّاسِ مِنْ رَحْمَةٍ فَلَا مُمْسِكَ﴾( فاطر)

وعلشان اقرب لك المعنى اكتر تعال شوف *توحيد سيدنا كعب بن مالك*

زي ما احنا عارفين إنه تخلف عن غزوة تبوك من غير عذر ولما رجع الرسول للمدينه بعد الغزوة استقبل المنافقين اللي تخلفوا عن الغزوة منهم ٨٠ منافق كلهم قدموا اعذار الرسول والرسول استمع لهم
لحد ماجاء دور سيدنا كعب بن مالك وقال في نفسه
*(والله لقد أوتيت جدلا )* يعني عنده قوة إقناع كبيرة
*(ولكنني خشيت أنني إذا خرجت من سخطه بجدلي ليوشكن الله أن يسخطه علي )*
يعني خاف إنه يقدر يقنع الرسول بأي عذر علشان مجاش الغزوة فخاف إنه يخرج من زعل الرسول ل فيغضب ربنا عليه
*هنا في الموقف ده علاقته مع مين؟؟؟؟*

*مع الله*

*بإمكانه يقنع الرسول لكن رأي إن الأمر بيد الله*

فقال: *(فأجمعت أن أصدقه)،* فلما وصل إليه قال:
*(والله يا رسول الله ما كنت في يوم أقوى ولا أنشط من يوم تبوك فتخلفت عنك، لا عذر لي، فقال عليه الصلاة والسلام كلمة رائعة:*
*(( أمّا هذا فقدْ صَدَقَ )*) [ متفق عليه ]

شفتوا المشهد ده
عنده قوة إقناع بإمكانه إنه يخرج من سخط رسول الله
لكن أدرك أن الأمر بيد الله
فأجمع على أنه يقول الصدق
*هو ده توحيد القلب*
إن في كل امورك وتصرفاتك مع الناس وتعاملاتك معاهم لاترى إلا الله فقط

ونكمل لكم الدرس بإذن الله غدا

1.3k 0 4

ففروا إلى الله 📚📚دروس المسجد

11 Mar, 15:04

سؤال مهم علشان نختم درس السكينة

امتى بتتنزل السكينة ؟؟

١ ✍️ بتتنزل في حال الصلاة
قال النبي صلى الله عليه وسلم :
{إذا أقيمت الصلاة، فلا تأتوها وأنتم تسعون، وأتوها وأنتم تمشون وعليكم السكينة، فما أدركتم فصلوا وما فاتكم فأتموا}(البخاري )
👈 فنهى رسول الله صلى الله عليه وسلم عن أن يجري الإنسان إلى الصلاة، وأمر أن يذهب للصلاة وعليه السكينة، لأن العبادة ينبغي أن يقبل عليها العبد بهدوء وبسكينة وبطمأنينة نفس

٢✍️السكينة تتنزل في حال الذكر وفي مجالس العلم
كما قال النبي صلى الله عليه وسلم
أنه قال:
{وما اجتمع قوم في بيت من بيوت الله، يتلون كتاب الله ويتدارسونه بينهم؛ إلا نـزلت عليهم السكينة، وغشيتهم الرحمة، وحفتهم الملائكة، وذكرهم الله تعالى فيمن عنده}.

👈فإذا تجمعت على قراءة القرآن؛ نـزلت السكينة من السماء على وغشيتكم رحمة الله عز وجل، ونـزلت الملائكة فحفت بهم من بين أيديهم ومن خلفهم، وعن أيمانهم وعن شمائلهم، تأنس بالقرآن وتستمع إليه من أفواه المؤمنين

٣✍️السكينة تنزل عند قراءة القرآن،

👈كما في الصحيحين، في قصة أُسيد بن حضير رضي الله عنه - أنه كان ذات ليلة يصلي صلاة الليل فقرأ سورة البقرة -وفي رواية أخري أنه قرأ سورة الكهف- وكانت الخيل مربوطة قريباً منه،فقرأ ورفع صوته بالقرآن -👈فجالت الفرس (تقبل وتدبر)، حتى خشي أن تفك رباطها، وكان ولده يحيى إلى جنبه -وهو طفل صغير- فخشي عليه من الخيل، فسكت عن قراءة القرآن فسكنت الخيل،فعاود القراءة مرة أخرى فجالت الفرس
فسكت، فسكتت الخيل وهكذا
ثم صلى فرفع رأسه إلى السماء،
👈 فإذا مثل الظلة فوق رأسه، مثل المصابيح.
فلما أصبح ذهب لرسول الله صلى الله عليه وسلم،
👈 فقال له: يا رسول الله! إنه حصل البارحة كذا وكذا،
👈فقال له النبي صلى الله عليه وسلم:
{اقرأ يـا بن حضير اقرأ، قال: فقرأت يا رسول الله، فجالت الخيل حتى خشيت على ولدي يحيى فسكت، قال:
اقرأ أبا يحيى،
قال: قرأت يا رسول الله حتى خشيت على ولدي فسكت،
⬅️قال صلى الله عليه وسلم: تلك السكينة -وفي رواية: تلك الملائكة- تنـزلت لقراءة القرآن ولو قرأت؛ لأصبحت
ينظر الناس إليها، لا تتوارى عنهم}.

4⃣السكينة تتنزل في الإكثار من ذكر الله
(ألا بذكر الله تطمئن القلوب )

1.4k 0 8

ففروا إلى الله 📚📚دروس المسجد

11 Mar, 13:41

وبما إننا في شهر رمضان وبناكل كل يوم تمر على الفطار تعالو اذكركم قال رسولنا الكريم صلى الله عليه وسلم عنه في حديث في صحيح مسلم
(لا يجوع أهل بيت عندهم التمر)
وبلفظ أخر في حديث تاني
قال لأمنا عائشة (بيت لا تمر فيه جياع أهله) قالها مرتين تلاته

والتمر فصيلة من النخل اللي ورد ذكره في القران الكريم 20 مرة
ومن رحمة ربنا إن نخيل التمر على الرغم إنه ينمو في المناطق الحارة اساسا لكن يقدر ينمو كمان في المناطق القاحلة والجافة والمالحة يقدر يتحمل كل ده

ده غير إن عمر إنتاجه طويل يوصل لأربعين سنة ينتج فيها تمر كويس جدا

بيقدر يخزن المياه في النخلة وبيحافظ عليها كمان من الفقد

التمر يعتبر غذاء كامل سبحان الله لانه محتوي على اغلب العناصر اللي بيحتاجها الجسم
(و من ثَمَرَاتِ النَّخِيلِ وَالأَعْنَابِ تَتَّخِذُونَ مِنْهُ سَكَراً وَرِزْقاً حَسَناً إِنَّ فِي ذَلِكَ لآيَةً لِّقَوْمٍ يَعْقِلُونَ )النحل:67

فالتمر يحتوي علي مواد سكرية ، وكربوهيدرات وبروتينه ودهنية وفيتامينات ضرورية للجسم

يعني بيحتوي على 6 % من الكربوهيدرات ، 2.5 % من الدهون 1.32 من الأملاح المعدنية زي الكالسيوم، والحديد والفوسفات ، والمغنسيوم ، والبوتاسيوم، والنحاس، والمنجنيز ، والكوبلت والزنك وغيرها، 10% من الألياف ،و فيتامين 1، ب1 ، ب2 ، ج

وللتمر فوايد كتير... غداء للخلايا العصبية وطارد للسموم ،ومفيد في حالات الفشل الكلوي، والمرارة وارتفاع ضغط الدم، البواسير، والنقرس، وملين طبيعي ومقوي للسمع، ومنبة لحركة الرحم ومقوي لعضلات الولادة علشان كده ورد في القرآن للسيدة مريم وهي بتضع سيدنا عيسى
( وهزي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً فَكُلِي وَاشْرَبِي وَقَرِّي عَيْناً) مريم 25 ،

926 0 2

ففروا إلى الله 📚📚دروس المسجد

6 Mar, 04:59

كل مابفتكر قصة خبيب بن عدي لما حاوطه المشركين لقتله فطلب إنه يصلي ركعتين قبل مايقتلوه وبعد ما صلى ياترى لو انت مكانه ايه اللي هيكون همك وشاغلك
عارفين هو همه ايه?
رفع إيده وقال اللهم إني لا أرى حولي إلا وجه عدو ولا أرى وجها يُقرئ رسولك مني السلام، فأقرئه مني السلام،
ثم لما اتقتل وقع وهو يردد:
👈ولستُ أُبالي حين أُقتل مسلمًا .. ... .. على أي جنبٍ كان في الله مصرعي

شفتوا ايه اللي كل كان شاغله وقت وفاته ??
عارفين ايه سبب ده
لان السكينة تمكنت من قلبه فمخافش ولا قلق وأصبح كل همه إنه يقرأ النبي صلى الله عليه وسلم السلام

هي نفس السكينة لما تمكنت من قلب مصعب بن عمير ولما امتنعت أمه عن الطعام والشراب علشان يترك الاسلام وبعد ٣ أيام يروح لها ويقول لها بكل ثبات لو لكِ مئة نفسٍ فخرجتْ نَفسا نفْسًا ما تركتُ ديني .
فأكلت بعدها وشربت
وبعدها هاجر للمدينة علشان يعلمهم الدين وكان عايش في حياة صعبة راضي عن الله وبعدها يموت وهو بيردد. (ومَا مُحَمَّدٌ إِلاَّ رَسُولٌ قَدْ خَلَتْ مِن قَبْلِهِ الرُّسُلُ أَفَإِن مَّاتَ أَوْ قُتِلَ انقَلَبْتُمْ عَلَى أَعْقَابِكُمْ وَمَن يَنقَلِبْ عَلَىَ عَقِبَيْهِ فَلَن يَضُرَّ اللّهَ شَيْئًا وَسَيَجْزِي اللّهُ الشَّاكِرِينَ) [آل عمران:144]. قال كده بعد ما اتقطعت أيده اليمين والشمال بعد أن هجم عليه ابن قمئه بحربه

السكينة ديه وجدها سيدنا موسى لما لحق به فرعون وجنوده فخاف بنو إسرائيل وقالوا يا موسى إنا لمدركون، البحر من أمامنا، والعدو من ورائنا، فإلى أين المفر؟
👈قَالَ كَلَّا إِنَّ مَعِيَ رَبِّي سَيَهْدِينِ [الشعراء:62]

هي ديه السكينة اللي وجدها سيدنا ابراهيم لما وضع في فوهة المنجنيق وقُذف به إلى النار فوجد في قلبه السكينة والطمأنينة و اكتفى بس بقوله:حسبنا الله ونعم الوكيل
فقال الله (قلنَا يَا نَارُ كُونِي بَرْداً وَسَلاماً عَلَى إِبْرَاهِيمَ [الأنبياء:69].

939 0 5

ففروا إلى الله 📚📚دروس المسجد

5 Mar, 06:53

انتم عارفين السكينة ياأحباب النبي
لما ربنا يرزقك بها بيحصلك ايه?

يحصلك طمأنينةٌ في القلب وسكون في الجوارح من الداخل ومن الخارج

عارفين في ناس بتتقن التمثيل
يعني بيتحكم في أعصابه الخارجية وتلاقيه هادي كده وثابت لكن قلبه من جوه مضطرب وقلقان .....ده مش سكينة
*السكينة هي سكون داخلي وخارجي*
راحة قلبية وهدوء في الاعصاب والاعضاء
لانها لو نزلت على القلب اطمأن ولو نزلت علي الجوارح خشعت وبقيت فيها الوقار
ونزلت على اللسان فينطق بالصواب والحكمة.... ووقتها لسانه مش هيقول كلام فحش ولا باطل ولا لهو

⬅️ النبي صلى الله عليه وسلم في غزوة الخندق ، في وقت الشدة الإسلام في خطر ، النبي صلى الله عليه وسلم يحفر الخندق مع أصحابه ,وصل التراب إلى بطنه يرتجز بأبيات عبد الله بن رواحة .
اللَّهُمَّ لَوْلا أَنْتَ مَا اهْتَدَيْنَا وَلا تَصَدَّقْنَا وَلا صَلَّيْنَا,
فَأَنْزِلَنْ سَكِينَةً عَلَيْنَا,وَثَبِّتِ الأقْدَامَ إِنْ لاقَيْنَا,

🍃لاحظوا من الكلام ده ايه?🍃
المؤمن في سكينة،
المؤمن مفروض يكون زي الجبل الراسخ لا يفزع، لا ينهار، لا يخرج عن سيطرته على نفسه
يعني ميكسرش الاطباق لما يغضب
وميحطمش الابواب والشبابيك لما يغضب أو يضايق
لسانه لاينطق بالشتايم
المؤمن في سكينة يكون حليم كده زي اخلاق الرسول صلى الله عليه وسلم

*سبحان الله صاحب السكينة علشان تعرفه هتلاقي عنده كرامات منها...*
تلاقيه كده ينطق لسانه بالكلام الحق الجميل من غير تحضير ولا تخطيط
لان قلبه نزل عليه السكينه اصلا فلما يتكلم ينطق بكلام جميل يدخل القلب لدرجة هو نفسه يستغرب من نفسه
يقول الكلام اللي قلته مكنتش محضره خرج مني ازاي? ده كان فتح من الله
علشان كده فعلا نشوف ليه فلان يتكلم ولا يؤثر ?وفلان يتكلم و يؤثر على اللي حواليه بكل سهولة ومن غير زعيق ولا دوشة كلامه يدخل في القلب على طول
سبحان الله
وهو ده الفرق بين اللي بيتكلم بناء على دراسة وحفظ وذكاء لكنه غير مؤيد من الله
واللي تكلم بعلم قليل وأقل فصاحة لكنه مؤيد بروح الله فتلاقيه بيأثر في الآخرين اكتر منه
وهو ده أحد الأسرار اذا التقيت بمؤمن تأنس به وترتاح له في جلستك معاه
عارفين ليه?
لان ربنا قذف في قلبه السكينة فلما تتعامل معاه وتجلس معاه وتصاحبه تسري اليك السكينة اللي في قلبه
علشان كده قالوا الصاحب ساحب
لذلك قالوا:
لا تصاحب إلاّ من ينهض بك إلى الله حالك أو يدلك على الله مقاله،
👈وهذا سِر السعادة بينَ المؤمنين،

804 0 6

ففروا إلى الله 📚📚دروس المسجد

26 Feb, 13:29

معلش اتأخرت عليكم في تكملة الدرس

*عايزاكم تركزوا معايا في الدرس ده علشان تدعوا ربنا كتيرإنه يرزقنا بالسكينة*

*قلت لكم في الدرس اللي فات إن نعمة السكينة ديه من منازل المواهب مش من منازل المكاسب*

ف الذي يأتي من الله من المواهب
والذي يأتي من كسب العبد من المكاسب
مثلا استقامتك *من كسبك انت يعني
تحري الحلال ....من المكاسب
مجاهدة النفس من المكاسب
غض البصر ....من المكاسب
لكن السكينه من المواهب هبة من رب العالمين

*واجمل ماقرأت في معاني السكينة*

أنها (*محاسبة النفسِ, ومُلاطفةُ الخلقِ, ومراقبة الحق)*....

وهنا إشارة لكذه نقطه
الاولى انك تحاسب نفسك في كل صغيرة وكبيرة
مثلا لماذا قلت الكلام ده?
ليه عبست في وجه فلان ?
ليه سخرت واتريقت على فلان ?
لما أعطيت فلان كان نيتي ايه لله ولا علشان الناس ?
لما روحت ازور فلان هل حطيت نيه ?
ليه حرمت فلان من .....?

وهكذا....
وخدوا بالكم
(( من حاسبَ نفسه حِساباً عسيراً, كانَ حِسابه يومَ القيامة يسيراً
ومن حاسبَ نفسه حِساباً يسيراً, كانَ حِسابه يومَ القيامة عسيراً))

*والنقطة التانيه يعني ايه ملاطفة الخلق?*
يعني تعامل الناس كما تحب أن يعاملوك به
عامل زوجتك زي مابتحب يعامل زوج اختك لأختك
عامل الموظف اللي عندك زي مابتحب أن تعامل
عامل زوجة ابنك كما تحب أن تعامل ابنتك من حماتها
لازم تتعلم انك تكون شخصية لطيفة
تلاقي اب قاسي مع أولاده وفاكر إن ممكن ولاده تحبه
لا يمكن طبعا
ولادك هيخافوا منك اه هيحترموك اه
لكن يحبوك لآ
لو كنت قاسي معاهم بتوبخهم بتحرجهم بتهينهم تستعلي عليهم تخزيهم أمام زوجاتهم
لو كنت كده مش هيحبوك صدقني
مهما كان الاب والام مسيطرين لايمكن تمتلك قلب حد من اولادك
القلب لايمتلك الا باللطف والحنية

*والنقطة التالتة مراقبة الحق*
يعني اعبد الله كأنكَ تراه, فإن لم تكن تراه فإنه يراك.

*ومن معاني السكينة كمان ربنا يرزقنا بها وإياكم*
*( السكينةَ نورٌ وقوةٌ وروح)*

🍃 *نورٌ* يقذفه ربنا في القلب بحيث تميز به بين الصواب والخطا بين الحق والباطل

أما *قوة* بمعنى السكينة تعطيك القوة تقف ادام الضلال والغي
أما *الروح* معناها أن السكينة لما تحل عليك تخليك في حالة يقظة مش غفلة دايما تكون فايق ومتأهب للقاء الله
قلبك بيكون حاضر سريع الاستجابة

ونكمل باقي تعريفات السكينه في المرة القادمة بإذن

1.1k 0 7

ففروا إلى الله 📚📚دروس المسجد

23 Feb, 06:49

🍃1⃣🍃

هكلمكم النهارده عن درس جميل اوي
من اسمه كده قلبك ينشرح
هكلمكم عن حاجه كلنا محتاجينها وبنتمناها من ربنا
عن السكينة
كلنا عايشين هموم وقلق واكتئاب مش بس الفقير بس لا كمان أهل المال والجاه
والصفة الجميلة ديه ربنا بيدها لعباده المؤمنين بس
يعني ربنا بيعطي الصحة والقوة والذكاء والمال والجمال لكثير من خلقه
لكن السكينه لاصفيائه من المؤمنين

علشان كده متقولوش أن لسكينه ديه شرطها وجود مال أو صحة مثلا
ابدا خالص
ديه درجة السكينة ديه فضل من رب العالمين
هبه من الله
بينزلها سبحانه علشان يثبتهم وقت إضطرابهم
وقت خوفهم وقلقهم علشان يطمنهم ويهديهم

لو عندك سكينه هتكون سعيد حتى لو فقدت كل شيئ
ويشقى يفقدها حتى لو ملك كل شيئ

علشان كده لاسعادة بلا سكينة
ولا سكينة بلا إيمان
السكينة عطاء من الله يسكن بها الخايف ويطمن بها القلقان

مفيش نعمة بدون سكينة إلا وتنقلب لنقمة
ومفيش محنة تحفها السكينة إلا وتكون نعمة
لو نمت على شوك ومعاك السكينة تلاقيه حرير
ولو نمت على حرير ومفيش سكينة إلا وأصبح شوك

السكينة ياأحبه وجدها إبراهيم عليه السلام في النار 🍃ووجدها يوسف عليه السلام في الجب
🍃ووجدها يونس عليه السلام في بطن الحوت
🍃ووجدها موسى عليه السلام في اليم
🍃ووجدها أصحاب الكهف في الكهف
🍃 ووجدها نبينا عليه الصلاة والسلام وصاحبه في الغار
ويجدها كل مؤمن آوى إلى ربه
قاصداً بابه وحده من دون كل الأبواب

ونكمل لكم معانيها وامتى بتنزل ? وهل هي هبة ولا مكتسبة في المرة القادمة بإذن الله

1.2k 0 13

ففروا إلى الله 📚📚دروس المسجد

12 Feb, 02:38

https://www.tiktok.com/@drmarwahanafy?_t=ZS-8tcARi6FZ5T&_r=1

د مروه حنفي

drmarwahanafy على TikTok

@drmarwahanafy 30 متابع، تتابع 2، 91 تسجيلات إعجاب - شاهد مقاطع فيديو رائعة تم إنشاؤها بواسطة drmarwahanafy

1.2k 0 0

ففروا إلى الله 📚📚دروس المسجد

12 Feb, 02:38

https://www.tiktok.com/@drmarwahanafy?_t=ZS-8tcARi6FZ5T&_r=1

د مروه حنفي

drmarwahanafy على TikTok

@drmarwahanafy 30 متابع، تتابع 2، 91 تسجيلات إعجاب - شاهد مقاطع فيديو رائعة تم إنشاؤها بواسطة drmarwahanafy

982 0 1

ففروا إلى الله 📚📚دروس المسجد

11 Feb, 01:44

https://www.tiktok.com/@drmarwahanafy?_t=ZS-8tcARi6FZ5T&_r=1

د مروه حنفي

drmarwahanafy على TikTok

@drmarwahanafy 30 متابع، تتابع 2، 91 تسجيلات إعجاب - شاهد مقاطع فيديو رائعة تم إنشاؤها بواسطة drmarwahanafy

1k 0 0

ففروا إلى الله 📚📚دروس المسجد

8 Feb, 05:04

https://www.tiktok.com/@drmarwahanafy?_t=ZS-8tcARi6FZ5T&_r=1

د مروه حنفي