يا حسين:
قصيده حول الامام الكاظم
السجن ما ينحمل ظلمه يبويه وانته حمليته
ولمصاب الذبيح اتنوح وحيلك لأجله هديته
نسيت مصيبتك كلها والحسين البجي والنوح
وعايف روحك بظلمه وما تنسه الكضه مذبوح
تلوج وحالتك حاله وممروده وحزينه الروح
العمتك زينب الدمعه وينزف من ذكرها اجروح
مسبيه العقيله اتكول ودمعك الهه هليته
كضت روحك حزن وهموم وجرحك ماشفهه عليهه
ولا تنسه الكفل يومه وتون والدمعه تجريهه
وجنك عايش وياها عله الذبحو غواليهه
وتعثر بل جثث وتكوم ادور وين اهاليهه
صعبه اتشوفهه الوادم وأخوها تعرف بصيته
يبويه انه الاهل يمي وما ودوني مسبيه
بس عمتك مشت تدري وجنهه الحره مو هيه
هاي ام الخدر زينب جبيره وماهي اشويه
وعافت كل اهاليهه تون والدمعه مجريه
وتكول ابن أمي يا وسفه عله التربان خليته
ولا همك سجن لا سم بس همك ذبح منحر
كلبك بيه دوت نيران من تتذكر المنضر
عالتل عمتك صعدت تريد اتكوم ما تكدر
بل حومه تصيح حسين تمشي شويه بس تعثر
مثل ذاك السهم صابك حجيهه الحره حسيته
السجن اهون عليك اهواي بس كلبك يون الهه
هظيمه مخدرة حيدر سبيه الصوط يوجعهه
وعكب ذاك الكفل راحت أسيره وحيل ماعدهه
تعبانه الكبل جانت اميره وخدم تخدمهه
هسه نفكد من عدهه حسين وكل اهل بيته
لخادمة الزهراء العلويه ام جعفر
غير مبري الذمه من يحذف ألأسم و ويآخذ آلكلام وينسبه له م
https://telegram.me/am_jafar
