زينب ماتت بهاليوم
عليهه الشيعه حزنانه
🔱🔱🔱❤️🔱🔱🔱
حزنانه وتهل العين
ماتت من مرار البين
عافاهه اخوهه حسين
عگبه الدار خليانه
🔱🔱🔱❤️🔱🔱🔱
الدنيه وياهه غداره
ابد مانصفت وياهه
بهضم وبنوح خلاهه
عيوني عليهه جريانه
🔱🔱🔱❤️🔱🔱🔱
ماتت زينب الحره
گلب المحب شيصبره
كل احنه نجر عبره
والعباس ماجانه
🔱🔱🔱❤️🔱🔱🔱
خل يحضر يجيب اجفان
دمع ام الحزن غدران
للضلو بدون اجفان
يجيب حسين خوانه
🔱🔱🔱❤️🔱🔱🔱
گلبها رايده اعزازه
عازات الاهل عازه
نعشها بغربته اتوازه
الروح اهموم مليانه
🔱🔱🔱❤️🔱🔱🔱
حزنانه وتون وتنوح
نصبت جادرچ بالروح
گلبي لبت علي مجروح
روحي عليچ لهفانه
🔱🔱🔱❤️🔱🔱🔱
شگلتي اليوم يم حسين
ماتت من مرار البين
لإخوتهه تهل العين
الدنيا ليش خوانه
🔱🔱🔱❤️🔱🔱🔱
ننصبلچ عزانه اليوم
نلطم والگلب مالوم
عليچ اسود لبسنه اليوم
وفاطم ونت ويانه
🔱🔱🔱❤️🔱🔱🔱

تمت والحمد لله
بقلم الملا والشاعره
زينب الخزاعي

لااجيز حذف الاسماء من القصائد

قناتي عالتلكرام👇🏻👇🏻👇🏻👇🏻
http://T.me/ZAINAB45678


قناتي الثانيه عاليوتيوب ارجو الاشترارك👇🏻👇🏻👇🏻👇🏻ادعموني توصل القناة٦٠٠مشترك انشر قصائد
https://youtube.com/@user-id2fk7hj9f