( احفظ هذا البوست تحتاجة بعدين ) ⚙️💎
هواي من الناس تواجه مشاكل او متعرف شلون تسحب ارباحها من اليوتيوب .. وهواي تجي اسأله عن هذا الشي وخصوصا عن المصرف .. فـ بهذا البوست راح نوضح كلشي وعن تجربة أكيد ..• لازم تفتح حساب مصرفي بعملة اليورو او الدولار من مصرف يقبل استلام الارباح من خلال ادسينس .. لازم تسألون المصرف قبل لتسوون الحساب لان مو كل المصارف تكدر تستلم ارباح من خلالها
• بالنسبة النة جربنة مصرف جديد بس واجهنا مشاكل بالاستلام فحولنا لمصرف ثاني وكدرنا نستلم الارباح بسهولة
#⃣
هسه نبدي نشرح الخطوات #⃣ :
1⃣ اول شي تفتح موقع كوكل ادسينس وتروح تضيف طريقة دفع .. راح يطلعلك خيارين تختار التحويل الالكتروني .. بعدها يطلعلك كم حقل لازم تمليهن ..
2⃣ الحقل الاول هوه معرف المستفيد وتكدر تتركه .. بالحقل البعده تضيف اسم صاحب الحساب المصرفي باللغة الانكليزية ومثل ما مكتوب عندك بالحساب .. وبالحقل البعده تضيف اسم المصرف وهم باللغة الانكليزية .. بعدها تضيف رمز SWIFT الخاص بالمصرف .. وهذا تسأل المصرف عنه هم يعطوه الك او تبحث عن رمز SWIFT الخاص بهذا مصرف بكوكل .. الحقل البعدة هو رقم IBAN الخاص بحسابك المصرفي والموجود بعلومات حسابك .. والحقل البعدة تعيد ادخال نفس الرقم ..
3⃣ اخر شي تضغط على المصرف الوسيط راح يظهر عندك حقلين .. اسم المصرف الوسيط ورمز SWIFT الخاص بالمصرف الوسيط .. هنا لازم تراسل المصرف الي تتعامل وياه وتكلمهم حتى يرسلولك قائمة المصارف الوسيطة الي يتعاملون معاها ( تختلف بكل مصرف ) .. من يدزولك القائمة لازم تنتبه وتدخل معلومات مصرف يتعامل بعملة اليورو او الدولار
4⃣ احفظ كل شي وراح يتم تحويل الدفعة لحسابك .. بس قبل ما تستلمها .. المصرف راح يطلب منك وصل الدفعة حتى يتأكد .. تروح على معلومات الدفع وتدخل على المعاملات وبعدها تدخل على اخر دفعة تم ارسالها .. تنزلة او تاخذ لقطة شاشة للوصل وترسله للمصرف .. وبعدها بكم يوم راح تلكة الفلوس وصلن لحسابك ..
▬▬▬▬▬▬▬▬▬▬▬▬▬▬
telegram : ✅ @YYY33YYY ✅