MEDICIN STUDENTS💉🌡🧪🦠🧬🩺💊

هو ليش يعاند ابني ؟
بنتي من دون الناس ما تسمع كلامي و اني كل الجهال تسمع كلامي ؟
هنا اولا نعرف انه البوست مو للاطفال تحت عمر سنتين
ثانيا اول حل لمشكله العناد نفهم الاسباب
يعني ابني ليش ما تسمع الكلام ؟
اول سبب هو كثر ال لا من عندك او من والد الطفل
ابد ما اكول انه اجيبي كل مطالبه بس فهميه ليش رفضتي
يعني ماما اريد العب ؟ لا
ماما اشتريلي بايسكل؟ لا لان انت وكيح صاير
بابا طلعنا للمول ؟ بعدين
بابا ودينا للزوراء؟ لا مو هسه
و كلها رفض رفض رفض
نقلل الرفض قدر الإمكان و نبين الاسباب
ماما اريد العب ؟ حاره هسه نأجلها فد شويه ؟
بابا طلعنا للمول؟ السياره عطلانه اريد اصلحها
ماما اشتريلي بايسكل؟ ما عندي فلوسه
بين الاسباب و أرفض الطلب
من حقه يعرف ليش رفض طلبه
ثالثا
شونها حياتكم الزوجيه ؟
ضرب و عياط و صياح كدام الجهال؟
اذا شاف هذا المنظر استحاله ما يكون عنيد
هنا وصلتيله فكره انه الخلاف هو سيد الموقف بالبيت لذلك بقت عليه اني هم اعاند دام القدوه اللي هم انتم يعاندون
رابعا
افهمي طلبات طفلك
الطفل ببساطه ما يعرف ليش لازم ياكل خضروات؟
او ليش كافي تلفزيون ؟
او ليش لازم ينام قبل ال ١٠ مساءا !
زين ليش لازم اتريك؟
اي و الله ما يعرف
اصبري و فهميه و عوديه على الروتين حتى لا ينكسر الروتين
السبب الخامس يخص الاب بالعوائل الصغيره و يخص الجد و الجده و العم و العمه و الخال و الخاله بالعوائل الكبيره !
الأم مانعه الحلويات
يجي الاب ينطي حلويات
اوتوماتيكيا انطيت فكره للطفل انه الأم ظالمه و بس هي تمنع اذا لازم اعاندها لان مو كلشي تكوله صح لان الاب عادي انطاني حلويات !!!
الأم مانعه البيبسي
الاب حبيبي شنو جبت اليوم لحبيبي هاك بيبسي
الطفل تكونت عنده صوره نمطيه عن الأم الشريره الظالمه!!!!
لذلك نتفق على التربيه
و لاخواني اللي مثل حالي اللي يشتغلون خارج المنزل كثيرا من الاطباء و الضباط و كل اللي يشتغلون خارج المنزل كثيرا او يسافرون اترك التربيه للأم
لا تخرب اساس البيت اللي صارلها تبني بيه طول فتره غيابك
د. سيف سمير البياتي اخصائي طب الاطفال

كم يكسر خاطري عندما ابدا بتطبيق العقوبات

ليس لأنني انفذ القوانين

وانما يكسر خاطري انهم يخالفوها

كم أتمنى لو يتركون الصراخ

ويتركون الشجار مع بعضهم البعض

وان لايفعلوا تلك الكوارث التي تهدد حياتهم كاللعب بالنار او السكين

كم أتمنى ان يلعبوا بهدوء ويتناقشوا بهدوء

لكن اعلم في داخلي ان ذلك مستحيل وليس من كينونه الاطفال

فيجب ولزاما ان يخطأ وان يعاقب ليتعلم

نحاول نجرد المشاعر من العقوبه ، ولنحاول ان لانصل للطفل خيبتنا لانه هو (يتصرف كطفل)

لنتفق مسبقا هذا الخطا سيتم المعاقبة او العواقب عليه كذا وكذا

وبعدها الزاما يجب تطبيق الاتفاق والا لن يصدق بك اطفالك مطلقا واي كلام واي تهديد هو (كلام بدون فعل)

.

.

.

د.اسماء

من الكنتور المليان هدوم الى :

(((اذا رفض طفلك "مشاركه" العابه
اسحبها منه بالقوه واتركه يبكي

هذا امر مهم

كي لايصبح (اناني) !! )))

صدق او لا تصدق هذا نص من احد كتب التربية

"قليل من المعرفه امر خطير"

#الاستحقاق
تكلمنا في المنشورات السابقه عن موضوع الاستحقاق
ومنها ان كثير منا الان وهو بالغ يعطي استحقاق متدني جدا لنفسه
(وليس ضعف في القدره الماديه)
هو متمكن جدا
لكن لايعطي لنفسه انه يستحق اشياء جيده
بل يعيش بادنى مستويات

وسبب هذا الامر اكيد متبرمج في العقل ال لاواعي
وجدير بالذكر ان الحصار وماخلفه من ظروف كان عامل مساهم جدا
في تكوين عقليات ذات استحقاق متدني بسبب العوز والاهل يعامل الطفل بهاي الطريقه دون ان يكون صادق ويكله
(اني حاليا ماعندي )

وانما ينطي برمجه تخلي يتصور هو مايستحق ويكبر وتكبر الفكره وياه

ناخذ امثله من ارض الواقع
يشتري س من الناس لعابات ويبقيها (بغلافها) ويخليها يم الطفل يصوره ويرجع يضمهن
خايف عليهن لا (تتوسخ) او (تتلف) لان ماكو بذاك الوقت لعابات وصعب تتحصل
فيوصل رساله للطفل ان انت ماتستحق تلعب بيها باوع عليها من بعيد وبس

يكبر الطفل وتبقى هاي العقده وياه ويبقى يشتري اشياء ويبقيهن بعلبتهن وتمشي سنين وهو بس يباوع عليها
مايتجرا يفتحهن ومو فقط العاب
وانما اجهزه منزليه يبقيها بلاصقها
اثاث يبقي بنايلونه

ابواب يركبها ويبقي اللاصق مال حمايه عليها
الى درجه يموت وهنه بعدهن بهذا النايلون!

مثال اخر
نفس ماذكر اول المنشور
الي هو الام من تجبر الطفل يشارك العابه بعمر هو مامستعد يشارك
الطفل يعيش اول سنوات ينطي تقدير رائع لنفسه
يعتبر نفسه هو مركز الكون حرفيا
يتخيل نفسه هو الشمس الي تدور حولها الكواكب
وهذا شي مابي اي مشكله ضمن عمره (اول 7 سنوات تقريبا)
وانما شي مهم واساسي حتى يقدر نفسه وينطيها استحقاق عالي

يجي (س) من الناس ويقرا كتاب بالتربيه وللاسف يكون كتاب مغلوط ويجي يجبر طفله يشارك ويجبر طفله ان ينطي
بحيث يخلي ينزل استحقاقه لادنى شي

ويبدي يشوف نفسه مايستحق شي وكل الاشياء حوله
ينطيها
وكل من يطلب منه مايكله لا
وتزداد المشاكل حسب درجه الضرر
صدق او لا تصدق اكو حتى على حساب عائلته واطفاله يضر بمصلحتهم لانه مايعرف يكول لا ما اكدر وهذا الشي اني احتاجه او اطفالي يحتاجوه

ينطي للرايح والجاي وهو يبقى بعازه واستحقاق متدني

...
شلون نتعامل مع الطفل حتى مانوكع بهاي الاخطاء؟

يتبع

د.اسماء البدري

الكنتور متروس ملابس تجن

بس تلبس فقط بجامه قديمه ومن تنتهي فد نوب تشتري وحده لخ تشبها (بسعر قليل )

وتبقى تلبس بيها

والكنتور خازن ملابس لسنوات

تفتح الكنتور تباوع عليها وتنتظر

(يوما ما)

يجي

حتى

(تستحقها)

وتلبسها

اخرى

تقصر على حياتها سنوات وسنوات وهي تدخر (فلس فوك فلس)

حتى تبني بيت ملك وتخلص من الايجار

والحمد لله بعد صبر طويل يجي هذا اليوم وتبني بيت يجنن

ومطبخ يخبل

بس تسوي

(بالمنور)

مكان

(ضيگ)

(اظلم)

و

(حار يسمط)

تخلي بي الطباخ

وتكضي بهذا المكان اكثر من 5 ساعات يوميا بين اعداد وجبات الريوك والغداء والعشاء والشاي والمعجنات!!!!

وهي خانكه نفسها بهذا المكان

لان

(ماتشوف ان هي تستحق)

ان تطبخ وهي مرتاحه

وقد تبرر الموضوع

ان

(حتى لايتوسخ)

المطبخ

تنطي للماده والاشياء

اهتمام ورعايه

اكثر مما تنطي لنفسها

وهيج كضت 50% من عمرها هي تتحسر على هواي اشياء حتى تحصل الملك

ومن حصلت الملك

كضت اكثر من 30% من وقتها هي

(مخنوكه ومحتصره ومحتره) !

وفي قصه حقيقية

لامرأه تمتلك من المال الوفير

والمنزل الجميل

والاولاد المتفوقين

تعبت عليهم وربتهم وكبرتهم وتزوجوا

وهي كل هاي الفتره تلبس ملابس رثه اقرب للممزقه

وفي يوم من الايام

قررن (چناتها) ان يشترون لها نفس نمط ملابسها لكن بجوده عاليه ونوعيه فاخره وجديده (رغم هي متمكنه ماديا)

وفعلا

اشترن لها الهدايا

وشكرتهن

لكن لم ترتدي اي شئ منها

الى ان شاهدوها وهي تهديها لبناتها

وبقيت ترتدي تلك الملابس الرثه الممزقه!

#الاستحقاق

شكد ننطي استحقاق لنفسنا ؟

وليش اكو ناس تشوف نفسها ماتستحق تلبس شي مرتب ولا تستحق ترتاح ولا تستحق تكون مرتاحه؟

لو كتبت هذه السطور اولا

لكان الجواب مستحيل كلنا نريد احسن شي

لكن لو نقرأ اول مقطعين

نلاحظ تصرفاتنا وقرارات لا اراديه تصدر من البعض تعني فقط

الاستحقاق المتدني

ليش هالشي يصير ؟؟

بالمنشور القادم 🌼

د.اسماء

.

.

.

اصبحنا واصبح الملك لله

صباح الخير

.

والمرء يُصلِحَهُ الجَليسُ الصالِح🤍 .

_
أهم فيتامين للحامل Vit B9
الفيتامين الممنوع عند الحامل Vit A .✨

الحالات الإنتانية الحرجة التي تتطلب إعطاء صادات بشكل سريع والتي يجب علاجها بالإسعاف🩺
1- حمى نقص العدلات
2- التهاب السحايا الجرثومي
3- الإنتان الشديد والصدمة الإنتانية
4- التهاب النسيج الخلوي المنخر.