تَغطيت وبعدني الليّلة بردان
لأن مو يمي انتَ فراشي بارد
وينك يا دُفو يا جَمر الأحزان !
أحس بدمي بالشريان جامد
يا مُهر الصّبر ما كضك أعنان !
نسمع بَس صهيلك وين شارد
كالساعة وتعتني چفوف بطران
وأنا جَلد العليه قماشه بايد
تَعال اوزن همّومي وجيب ميزان
وشوف شكدّ عذاب الروح زايد
أنسحبوا مِن حيَّاتِي هوايَّ خلان
وبقيت بهَالزمان لوحدي أعاند
سَواد الليّل يبقىٰ وتطفه الألوان
واعيّد بذكرياتك والمَشاهد
إذا كُل طير عنده اثنين جنحان
أنا مَكسور وعشت بجناح واحد
لو طاهر حَليبه الدهر ما خان
ولا طگني عَالراسيّ وانا گاعد