🔴 خطوة حجاب وفاءً لرسول الله ◀️ البسيه صح م. علاء حامد

س/ ينفع أقول كل سنة وانتو طيبين في رأس السنة عشان بداية السنة الجديدة بس ؟
***
ج/ لا ماينفعش لأكتر من سبب
👈الأول: إن ده احتفال بعيد ليه أصل في عقيدة ضد عقيدتنا وده عندهم ميلاد الرب اللي احنا بنقول عنه لم يلد ولم يولد فحتى لو ماقصدناش احنا كده بنحتفل على حاجة ضد عقيدتنا

👈والتاني: إن اليوم اللي بيتعاد كل سنة ده كده عملناه عيد والأعياد تشريع ديني ماينفعش احنا نخترع أي عيد بمزاجنا

#عيدك_هويتك
#رسايل_الكريسماس
#رسايل_نهاية_العام

حرم الله عزوجل على اليهود الصيد يوم السبت
فكان ما فعلوه انهم وضعوا شباك الصيد يوم الجمعة وسحبوها يوم الأحد
وقالوا "احنا مش بنصطاد يوم السبت ، احنا بنصطاد يوم الأحد اهو ملناش دعوة بيوم السبت ده"
فمسخهم الله عزوجل إلى قردة وخنازير !
لأنهم تحايلوا على شرع الله وأعرضوا عن أوامره بالاحتيال
- قيس على كدة بقه لما بنتكلم عن شم النسيم وعلاقته بعيد القيامة ، وقيس على كدة رأس السنة - كاحتفال وتهنئة وخروج ولبس زعبوط أحمر - وعلاقته بعيد ميلاد الرب عند غيرنا !!
بلاش تحايل على شرع ربنا
عقيدتك خط أحمر

#عيدك_هويتك
#رسايل_الكريسماس
#رسايل_نهاية_العام

- ها ياترى السنة الجديدة توقعاتها ايه ؟!
=بص بقي دي سنة كلها خير والأرزاق فيها واسعة ، أصل النجم الخزعبلي هيقابل التاتور المغربي🙃
- طب والأبراج أنا برجي مائي
=لا انت حظك في السما .. الأبراج المائية هيتجوزوا ويتخطبوا ويطيروا في السما كمان 🤭
إنما بقى الأبراج الترابية الله يعينهم السنة عليهم كلها ابتلاءات 😁
---
ايه دا ياجماعة ؟! احنا ازاي بنسمع الخزعبلات دي ؟!
كل سنة بيطلعلنا شوية كهنة ومدعين لعلم الغيب على الفضائيات وعلى المواقع ، واحنا ننساق وراهم ونسمعهم ونصدق كلامهم ..
وننسي ديننا بيقولنا ايه !
فقال عز وجل : " قل لا يعلم من في السموات والأرض الغيبَ إلا الله "
أنا بخاطبك انت كمسلم ومسلمة .. الأمور دي من الشركيات حتى لو بتشوفها لمجرد التسلية ، قال النبي صلى الله عليه وسلم : (ليس منا من تَكهن أو تُكهِن له)
وقال : "من أتى كاهناً فصدقه بما يقول، فقد كفر بما أنزل على محمد"
متخيل العقوبة عاملة ازاي ..؟!
طيب هتقولي لا أنا مش بصدق الكلام دا بس ادينا بنتسلى ..
هقولك حديث النبي صلى الله عليه وسلم :
"من أتى عرافاً فسأله عن شيء لم تقبل له صلاة أربعين ليلة"
الحديث مفيهوش لفظ (فصدقه)
- يبقي كده هتسمعهم وتصدقهم .. يبقى العقوبة كفر
- هتسمعهم ومش هتصدقهم .. لن تقبل صلاتك لمدة أربعين يوم
يبقى الصح والواجب إنك ماتسمعش أصلاً .. صح ولا ايه ؟ 👌

#عيدك_هويتك
#رسايل_الكريسماس
#رسايل_نهاية_العام

عندك مطعم🍔 ..
عندك محل بتبيع أي حاجة أي حاجة ...
🔴البوست ده يهمك ..
داخلين طبعًا خلاص على رأس السنة ولزوووم الموسم ده تعمل ديكورات فيها شجرة الكريسماس ولا نويل ...ماينفعش ❌
الحاجات دي رمز لعقيدة بتخالف عقيدتك كمسلم ..
عارف إن مش قصدك ومش في نيتك وبتعمل كدة عشان بس المطعم أو المحل يشتغل شوية ..بس برضو ماينفعش
شَغّل المحل بأي طريقة ماتبقاش ضد عقيدتك ودينك ..
هو انت فاكر مثلاً إن شجرة الكريسماس دي زي أي شجرة عادية؟؟!! ..
دي شجرة معينة ليها شكل مخصوص مرتبط بعقيدة مخصوصة بتكون في الوقت ده ..
والعقيدة دي هي احتفال بميلاد الرب ...
ماتقنعش نفسك بأنهم بيحتفلوا بميلاد الرب في يوم تاني وده مجرد احتفال بسنه جديدة ....لإن الحقيقة إن الفترة دي كلها بيسموها احتفالات أعياد الميلاد واختلاف الأيام ده بسبب اختلاف التقويمات بس مش أكتر والشجرة دي بقى هي رمز عندهم للعقيدة دي ونويل نفس الكلام ..
فمهما كانت نيتك برضو ماينفعش تحط ديكورات المحل شجرة ونويل أبداااا❌..
عشان ده دينك وعقيدتك
🚫ماتعلقش زينة رأس السنة في محلك أو مطعمك ...
خد بكل سبب حلال يوسع رزقك وتأكد من وعد ربنا ليك :
((وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ ۚ))
#عيدك_هويتك
#رسايل_الكريسماس
#رسايل_نهاية_العام