بیر آغیل داشینا یازیلان آلله
اوءنونده هر زامان بوڪولدو آنا
او مریم نفسین ، او مریم سیمان
هانسے واراقلاردا چڪیلدے آنا ؟! . .
دئمهدین حیاتین نه ایدے رنگے
یازییا گلمدے هانسے آهنگے
قصرے ، عمارتے ، قالاسے ، ارڪی
ڪیملَرین خئیرینه تیڪلدے آنا ! . .
نه تویو سسلندے، نه یاسے عشقین
توتمادے ساچیندا حناسے عشقین
ایندیجه، لاپ الان آناسے عشقین
گؤزوموز اؤنوندهن اڪیلدے آنا !...
عؤمرون بال پاییمیش او آجے گونلر
رسام نقشے رنگے عشقییمیش؛ هنر
نماسے ، بیناسے ، سقفے بو سحر
حزین ڪولَک اسدے سؤڪولدو، آنا !
سئل سویا صف به صف باخان قیز گلین
سیرا مزارلاردا یاتمیشلار درین
ندهن بو باغچانین بارے دانیش، دین
ڪاللے یئتیشمیشلے تؤڪولدو آنا ؟!..
یولسوز قوجالیغین پایے زهرے -مار
ڪؤڪسونه قیش چؤڪموش، قارا زُلفه قار
او قیلینج ساچلارین، ڪسگین باخیشلار
نه ڪوتدو،ڪسرسیز،نه ڪیلدےآنا !...
#انصارقاراداغلے
🆔➣
@A_shsuz 🍃
