زينب يحوره .. زينب يحوره
بنت الزچيه .. زينب يحوره
@@@
عالي مقامچ بنت الزچيه
ياللي ورثتي الهادي او وصيه
يعني صفيه وهم حيدريه
وابعرش لملاك اصبحتي دره
@@@
ورثتي ابوحسين طبعه وطباعه
وكلچ يحوراء قدره ومناعه
ولفلك لطفوف صرتي شراعه
يازينة اللي للجنه عطره
@@@
منهو مثيلچ بيه انتباها
وأمها الزچيه وحبدر أباها
وحين الولاده سماها طه
وچنها الوديعه زهره اعله زهره
@@@
يأم الخدر يا حره وعطوف
لعينچ بوفاضل اعيونه ويه شوفه
ولجلچ ولحسين طاحن چفوفه
لغالي مقامچ يرخصله نحره
@@@
انتي العظيمه أبيت الموده
وجاهچ بلطهار محد يرده
وبابچ الى الله ابكبره شيسده
وكل الخلايق بعتابه فقره
@@@
بنت الحميه غالي حماها
ماقصرت يوم سائل اجاها
الله ابجلاله القدره نطاها
وصار ابفناها اتلوذ المجره
@@@
زينة ابوها للعله وصفه 
للي اعتناها وابگلبه لهفه 
يرفع چفوفه ويدمعله طرفه 
ومن عسرته كون يلگه المسره
@@@
علي آحمد الحمود
٣٠-١٠-٢٠٢٣
مولد العقيله ع