🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 151 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌺🍃

بعد خمس أيام؛
بالمستشفى ؛
ملاذ كانت قاعده ع مكتبها و حاسه راسها راح ينفجر من كثر الأفكار يلي مداهمه راسها ،
اندق الباب و دخلت سلوى اول ما شافتها ملاذ ابتسمت : جيتي بالوقت المناسب عاد والله كنت افكر بس اخلص دوامي اطلع انا وياكي
سلوى ابتسمت و جلست فوق الكرسي قدامها : الظاهر في سواليف اثاره هاتي وش عندك ؟
ملاذ اخذت نفس : احس راسي بينفجر و ابيك تساعديني شوي بالتفكير ، بعطيك السالفه بالمختصر سلطان ضرب سحاب بوجهها و سحاب طلبت الطلاق و خالتي قالت ل ذياب يطلقني لكن وقف بوجيههم كلهم وقالهم انه يحبني ومستحيل يطلقني ، و ذياب كسر يد سلطان و امي مقومه الدنيا و سلطان راح لعند سحاب وحاول يرجعها لكن عمي رفض وقاله خليها كم يوم لين تهدا نفوسكم عاد من كلام عمي احس رافض فكرة الطلاق لكن خالتي مُصره ع الطلاق و امي قالبه ع ذياب ، و طبعا الأستاذ ذياب صاير رسمي جدا معاي و انا بصراحه مالي خلق حتى اكلمه و صرت اداوم ساعات اكثر عشان بس لا اقابله ، صراحه مدري شسوي تعبت من الكل والله
سلوى : اوف كل هذا صاير ؟
ملاذ : ايه و لا ادري وش اسوي ، عاد امي اليوم عازمتني كنت متردده اروح لكن بروح عشانها ما ابيها تزعل
سلوى : سلطان و سحاب احس تسرعو بالزواج وبصراحه ما ادري وش أقول ، لكن انتِ و ذياب شي مختلف مالكم علاقه و يلي سواه ذياب أي رجال يخاف على اخته بيسوي نفس الشي ، لكن ام ذياب حلها بسيط جدا جيبي لها حفيد و صدقيني بتعاملك افضل معامله ، ترا أمهات أيام زمان ما يفكرون مثلنا وبعدين اكثر من مره قلتي لي انها تسالك ليش ما حملتي وترا ذياب ولدها البكر وتتمنى تشوف عياله
ملاذ مسحت ع وجهها : ترا انا ما اسوي أي مانع حمل بس ما ادري ليش للحين ما صار حمل كل شهر اسوي تست والنتيجة سلبيه و ذياب اذا فتحت معاه سالفه الحمل يسكرها ويقول مو وقته
سلوى : وشو يلي مو وقته ملاذ انتِ عمرك 36 و ذياب عمره 40 انتو مو صغار عشان تاجلون الحمل كم سنه
ملاذ : ادري ادري لكن وش اسوي ؟
سلوى : راجعي عند دكتورة نساء و ابدأي بخطه الحمل
ملاذ وهي تفكر : و انتِ صادقه بكرا بحجز لي موعد
سلوى : ليه بكرا ؟ الحين دوري عن اقرب حجز ، خيرُ البر عاجله.
.
ليان كانت جالسه و ع الجوال حست انها طفشانه كل الوقت قاعده لحالها ، حتى زياد من امس العصر ما شافته تنهدت و نزلو دموعها وهي تفكر وش ممكن يصير ب ايامها الجايه !
انفتح باب الغرفه و فزت بخوف : زياد
زياد دخل ولا ناظرها حط جواله و بوكه ع التسريحه و دخل الحمام يأخذ له شاور
رن جواله ولفت ليان لمكانه لكن تجاهلت الرنين و رجعت ع جوالها رن جواله اكثر من مره و قامت اخذت الجوال و رجف قلبها وهي تشوف اسم ذياب بلعت ريقها و مسحت دمعتها فزت بخوف وقت انسحب الجوال من يدها رفعت عيونها و ناظرت زياد بهدوء لوهله تخيلته ذياب كان واقف وهو لابس روب الحمام وبعض من خصل شعره المبلوله نازله ع جبينه همست بخوف : بس كنت اشوف مين
زياد استغرب من رجفتها و من دموعها طنشها ولف و رد : هلا والله ذياب .. ايه ايه بالبيت .. طيب شرايك انت تجي .. بالله عليك تعال ترا ما عندي شي .. حياك الله
ليان : هذا ذياب ولد خالتي ؟
زياد ببرود وهو يطلع له ملابس : ايه ، جاي الحين جهزي القهوه والشاي
ليان شدت ع يدها : وش يبي ؟
زياد لف لها : بينا شغل اكيد بيجي ، يلا انزلي بسرعه جهزي القهوة و الشاي و بخري المجلس
ليان طلعت من الجناح ونزلت بسرعه للمطبخ سندت جسمها ع الثلاجه و اخذت نفس عميق وهي تهدي من توترها و خوفها و رجفة قلبها همست بقلبها " اصحي يا ليان انتِ متزوجة " نزلت دموعها و زاد حقدها ع زياد اكثر !
بعد نص ساعه ؛
كانت واقفه وسمعت صوته وقت القي السلام لفت عن الباب وهي تحاول تأخذ نفس حطت يدها ع قلبها وهي تحاول تداري نبضه يلي نبض بطريقه جنونيه وقت سمع صوته ، سماع صوته هيضت احاسيس قلبها بدون رضاها
وقف وراها وهو مصدوم من شكلها و دموعها و رجفة يدينها : وين القهوه والشاي ؟
مسحت دمعتها ع بالها ما انتبه لها لكن هو واقف من وقت حطت يدها ع قلبها : هذي القهوه وهذا الشاي
زياد : ليش الشاي اثنين واحد يكفي
ليان ردت بسرعه : هالشاي بالنعناع والقرنفل لانه ذياب مايشربه الا بالنعناع والقرنفل ويحبه مغلي ع النار .. سكتت شوي وحست انها تورطت اكثر
زياد ناظرها نظرات خلتها تشك بنفسها اكثر اخذ الصينيه و انتبه لرجفة يدها الزايده و صدرها يلي يطلع و ينزل من قوة نبض قلبها !

🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺