♥️قنآة نعي للشعراء♥️

#نعي

يرحولك فدوة اربعتهم
ولدي وعلي وما فاگدتهم
كونك عدل جاي ويالضعون
جا هلهليت بفاتحتهم
،،
يبني ويبعد الولد يحسين
خدام الك ربيتهم زين
جا عاتبيته عتاب جتال
عباس لو ما ذابلك عين
،،،
يمه انعم الله عليك من كون
خليتهم وياك يرحون
كونك خذت وياك عباس
جا شنهي اسوي بجعفر وعون
،،
يابعد طولي المحني بجفاك
ويابعد ذني عيوني الركاك
لو عندي عشرة بلون عباس
يحسين جا گتلك بعد هاك
،،
الولد عند الوالدة اعزاز
وتريد ابنها يروح جناز
وآنه اعلى شانك زلم ربيت
خافن تگول الناس محتاز
،،
مو زيجي گلبي عليك مشگوگ
واعليك لطم الفاجده يلوگ
ما هاضمتني چفوف عباس
الهاضمني زينب طبت السوگ
،،
ياريت يمه حسين ياريت
خوان عشرة بعد ربيت
وانه اعلى هزلة بذيج الدروب
مسبيه وي زينب تمنيت

رائد الناشي

#اللهم_عجل_لوليك_الفرج

639 0 13

♥️قنآة نعي للشعراء♥️

7 Mar, 21:22

نعي ام البنين عليها السلام 2023

اني ام البنين انشده بالي
عله الراحو وظل البيت خالي
حال الضايعه بلا راي حالي
عكب حسين وولادي الغوالي
ابچي بحرگتي والصوت عالي

ابچي بحرگتي وبالروح جمره
وگلبي من البچي خلصان صبره
اتنطّر بقيت بدار قفره
عيني عله الدرب لحسين تبره
طالت غيبته وما بان امره

موش عله البنين الراحو وياه
لجله العين تبچي تريد ملگاه
مو هيّن ابوالسجاد فرگاه
يمته لياوكت بالباب اتناه
ويلي ولن اسمعه الناعي ينعاه
حسين انذبح والراس جبناه
وبالخيل جسمه انداس شفناه

سيد زيد الفحام
____

608 0 11

♥️قنآة نعي للشعراء♥️

7 Mar, 21:22

ابو ذيات لم البنين
علي دنياي يمه بجــور ياريـــت
بگبري والدموع عليچ ياريــــت
ييمه چفوف عندي اليوم ياريت
واشيل جنازتچ بثنين اديــــــــه
،،،،،،،
صحت ريّض يحادي الموت ون ون
تريد بروح امنه تـــــــــروم ون ون
تگابلنه انه وحسيـــــــــــــن ون ون
واجت زينب تنوح عليج اليــــــــــه
،،،،،،
ارتدت ثوب الوفه ام عباس بدله
وگلبها چم هرش لحسيـــــن بدله
لبونه اتگله اسمي ارجـــــوك بدله
لجل ما اجرح اولاد الزچيـــــــــــه
،،،،،،،
قَسم يم الوفه بطولــــــــــچ وفيه
ومصابچ للگلب قـــــــــــــــده وفيه
فلامثلچ مره صــــــــــــــــارت وفيه
تنوح من الصبح لليل اليــــــــــــــــه
،،،،،،،
الحزن يوميه لرض الطـــــف يمرها
تعـوف ارياگها مـــــــــــــــالك يمرها
تنوح وما خمد ليلـــــــــــــــــه يمرها
اعله زينب تحترگ كل مغربيـــــــــه
،،،،،،،،
اضل الياحد اترجـــــــــــاك ونطر
لحد ما بان خيط الفجـــــر ونطر
دليلي نصاب يمه حسيـــــن ونطر
عليك وخايفه ماترد لـــــيـــــــــــــه
،،،،،،،
مصابي شچم ضلع لمــــــــي حنلها
الصخر ناح وجرت عينــــــــه حنلها
اعله باب الدار هسه الگــــــــه حنلها
دمعها المن دمه السايل عليـــــــــــه
،،،،،،
لخادم ام البنين ع
محمد الفهداوي

545 0 13

♥️قنآة نعي للشعراء♥️

6 Mar, 20:37

نعي للسيده ام البنين ع

>>>>>>>>>>>>>>>>>>>>>>>>>
خذاني الليل وانه امعاتبه الاحباب
وتاني ابيا جرح بس دگة الباب

آلي اعزاز   عندي وراحو الأعزاز
تلوج   الروح   ما ترهم بالغياب

ذبحوني الاحبهم بالهجر ياحيف
تظل اعيوني تذرف دمع سچاب

يجيني الليل ابجروحي اشتكيله
***
اريد احسين وانه الگلب ولهان
كتبت من الهجر ابيات الأحزان

يريت حسين لو يرجع بالضعون
تضوي الدار كلها اگبالي الاحنان

ياوسفه الدهر   خلاني لچمات
وعيش انه الغرب بأهات الاوطان

انه   ام البنين اجروح بجروح
يحسين انذرتهم   فدوه قربان

الگلب مكسور بأهاته ودليله
*****
نويت وكون اطب انه .....بلادين
اواسي زينب ابدمعي........بلادين
وصل عباس لخيامه........بلادين

يوصل ماي لسكينه ورقيه

***
تمت بعون الله تعالى الشاعر_يوسف_الفتلاوي

578 0 12

♥️قنآة نعي للشعراء♥️

6 Mar, 20:36

نعي

تتمنى ام البنين (ع) أن ترى الامام الحسين (ع)

                  بحـسـيـن كِـون الـزمـن يـنـعـاد
                  وتـصـدلـه عيني وتـاخـذ امـراد
                  لٱلـبس صـدگ ملبوس الأعـيـاد
                  وفـدوه الـغـوالـي لٱبـو السجـاد

                  احـلـم واخـلـص الليل بـالـكـون
                  سـالـم يـجـيـنـي مـاي الـعـيـون
                  وكـل الـمـشـوا خـلـهـم يـظلـون
                  يلفي الـفـجـر وتخيب الـظـنـون

                  ظـلـيت اتـانـي بـلـون مخطوف
                  ولجـرحـي ماكـو رايـف ايـروف
                  حيلي أنـهـدم ومـوشّـل الشوف
                  مـاعـوف طاري حسين ماعـوف

                  ريـت الـبـواچـي اتـرجـع الـمـات
                  اگـضـي الـعــمــر بـنـوح تـوكـات
                  لاچـــن يـــرد الــراح هــيــهــات
                  وبـروحي ظلت حـسـرتـي اتبات

                       *---------------*---------------*

✍خادم ام البنين ع
الشاعر رعد الجريخي

539 0 11

♥️قنآة نعي للشعراء♥️

3 Mar, 13:53

نعي عند قبر الأم
،،،،،،،،،،،،،،،،،،،،،،،،،،،،
ما تدرين يمه بحالي لو تدرين
اجيتج بس بعد هيهات متگعدين
يم گبرچ أون حد ما يموت الصوت
واصيحن يمه اريدچ واعرف تسمعين
ما تدرين آه يا يمه ما تدرين

من اشتاگلچ يعبرني كل صباي
ياخذني الدمع ويذبني بالخمسين
مو ذاك التعرفيه لفاني الشيب
ابنچ حاله حال الوادم الميتين
اجيتج ما تعرفيني تعبت هواي
تمر بيه الليالي ويمه چنهه سنين
أباوع بالمرايه واصفن واحتار
واسال روحي ياهو گبالي ؟ هذا منين؟
تعب مني طبيبي وما عرف شكواي
ما يدري التروح أمه علاجه اثنين
لو يلحگهه بارض النجف يمهه ينام
لو يمه ترد ويرد ضواهه العين
يمه استاحشت بالدنيا چني أوحيد
هواي الناس يمي وتارسه الصوبين
بس ما بيهم انتي ولا عطر ملگاچ
لا عيناچ يمه ولا دفو الچفين
اباوع عالسمه بلكت ضواچ بليل
يسد وحشة فراغچ لو علي تلفين
مريني بحلم ادري اليموت يموت
بعد ما مقتنع وانتظرچ تعدلين
اجيتچ للمكابر وارش يمه الماي
واتاني بهلبت من المگبره تخضرين
گومي وياي لو بس لحظه خل ارتاح
اشوفن يمه طولچ ساعه وتردين
يلظهرچ حنيته بسهر ذاك الليل
ربيتي وتعبتي وما وفيت الدين
شجازيچ بدمع لا والله ما اوفيچ
داريتي شكثر حد ما لفانه البين
مشيتي ودار ما ظلت يبعد الدار
لا طبهه الفرح متروسه يمه اونين

بخيته المگبره وبيهه امي مدفونه
يا حيدر علي خطارك شلونه
انه ادري امي بحماك تصير مامونه
اليدخل عد علي ما تهمل عيونه

كلمات الخادم / رعد الفريجي

825 0 16

♥️قنآة نعي للشعراء♥️

3 Mar, 13:52

نعي للسيده فاطمة الزهراء [ع]
____
مشيت اتوچه وانه ادموعي متنثره
الفگد روحه يظل نيرانه مستعره

يرك بيه الوكت وجروحي ما تبره
الهضيمه اشلون مني راحت الزهره

عجيبه الحزن ياخذ كلشي بيه
***
ذبح بيه الهجر والحسره والنار
ادير انه الوجه عن گبرج احتار

عجيبه الظلع ليش يجرحه بسمار
واشوف الظلمه چنهه تحيط بالدار

طحت بالعتبه وبابي المنيه
***
رجعت بخطوتي بس جرحي ما بان
خايف زينب اتشوف ام الأحزان

يتيمه ازغيره واعرف بيت الاشجان
تموت الورده خوفي بهجمة افلان

اويلي اعليج شفتيهه الرزيه
***
عجيبه الموت يم بابي .....تره بين
توصي الزهره لا گبري.........تره بين
حفرت انه الحد بيدي.........تره بين

گبرها الزهره والثاني اليه
**

710 0 4

♥️قنآة نعي للشعراء♥️

2 Mar, 09:21

704 0 5

♥️قنآة نعي للشعراء♥️

2 Mar, 09:21

نعی لسیده الزهرا علیهاالسلام توصی زینب سلام الله علیها
➖➖➖➖➖➖➖

اتوصین یمه ازغیرعمری
احیرن بخوًتی لواحیر بامری
اخلافچ ینکسرظهری
➖➖➖➖➖➖
ازغیره ییمه لااتوصین
تحچین ومنچ تهمل العین
اکثر وصایاتچ عله احسین
➖➖➖➖➖➖➖➖➖➖
➖➖➖➖➖➖➖➖➖➖

وعن حال امیرالمومنین عله فقدفاطمه الزهرا علیهاالسلام
➖➖➖➖➖➖➖
اوداعت الله یم الحسین
بعدچ اگضی العمربونین
یالعایفتنی ماشیه وین
➖➖➖➖➖➖
یالماشیه وعفتی بناتچ
بالبیت ظلت ذکریاتچ
ایشمون یالزهراابعباتچ
➖➖➖➖➖➖
رحتی یزهره مووکتهه
دنیای بعدچ ماردتهه
روحی اویه روحچ ادفنتهه
➖➖➖➖➖➖
دفنیتهه ودفنیت روحی

نوحی علیهاکثرنوحی
بفراگهه هاجن اجروحی
➖➖➖➖➖➖
ردنه العمرنگضی سویه
نتشارک ابظیم الدنیه
اشبیدی یزهره اعله المنیه

➖➖➖➖➖➖➖➖➖➖➖➖➖➖➖➖➖➖➖➖➖➖
خادمه الزهراء ام مهدی مطوری

517 0 12

♥️قنآة نعي للشعراء♥️

2 Mar, 09:20

نعي جديد كأني بالامام علي عليه السلام ينعى ولده المحسن

حسبت اتصير وخوانك يفرحون
يالمحسن سوة گبالي تكبرون
عزيز وگلت احطنك بالعيون
يا بوية دليلي اعليك محزون
يهد الحيل يفراكَ الزغيرون
===================
يا اول ولد راح من ادية
صدع گلبي الولد واثر علية
تنشدني اخوتك كل مسية
صعب والله الاخو يفگد اخية
يا وسفة تطشرنة المنية
===================
الرايحلة ولد وزغير بعدة
يفت الروح وگليبي يمردة
ترة فگد الولد يا ناس شدة
صوابك بالگلب بوية شيهودة
اتانيك وچنت كل يوم اعدة
===================
انفجع گلبي يبوية ابعتبة الدار
ابغفلة وصوبك بالباب بسمار
مشيت وخلفت بگلوبنة النار
مصابك ماجرة وبالناس ماصار
====================
أسألكم الدعاء رائد الاسدي

520 0 5

♥️قنآة نعي للشعراء♥️

2 Mar, 09:20

468 0 7

♥️قنآة نعي للشعراء♥️

1 Mar, 09:35

نعي خطاب بين الامام الحسين ع والسيده زينب ع عند سقوط الامام العباس ع .....كاني بالحسين يخاطب العقيله.......

يزينب يخويه بهيده وني
الكافل رحل منج ومني
منه انكطع ياخويه ضني

خلينه نتشارك بالونين
نشوفه بعد ذاك البخت وين
عباس يا زينب حنين

اكعدي وخل نشبع بواجي
لحلو الطبع حلو المحاجي
حنين اخونه ارباه زاجي

نبجي على الكله محنه
ترى عباس يستاهل الونه
يا عشرت الخوان جنه

ابجي يزينب عاونيني
عباس اخوج ونورعيني
مارد بعد لاضن يجيني

وكأني بمولاتنا زينب ع تجاوب الحسين ع

مال الحمل راح اليشيله
واليفكدعضيده يروح حيله
ميغمض بساعات ليله

مكسور ظهرك خويه انه ادريك
يحسين دكعد خلني احاجيك
عباس شال ومايرد ليك

الشايل عضيده الله ايعينه
يصبره على المطفيه عينه
هيهات كافلنه يجينه

696 0 21

♥️قنآة نعي للشعراء♥️

29 Feb, 09:26

(نعـــــي على فقد الاحبه )

**

بسك يا وكت من عندي شــتريـــد
خذت احباب مني وحدي ظليــــت
تحاجيني صورهم علحيـــاطيــــن
واحس من دونهم ظل مكبره البيت
يكاع المكبره شجندوب ويــــــــاج
بيج اجم عزيز وغـالي دفنيــــــــت
يمه شلون بعدك امـك تعيـــــــــش
دفنيــــــتك بديه اوحدي رديــــــــت
يبو روح العزيزه تروح شبـــساع
راد الهوى يـــشمك وانته ما جيت
بعدني بحظني احسك وانته مدفون
شكـــثر غمضت عيني وبيك لوليت
واشتم ريــــــحتك مو بس بالثياب
بمكانك يـــــــــلولد هم عطر شميت
توميــــــــلي اشوفك بس بالاحلام
وافز من نومتي وعلصوره صديت
جنك ما متت يـــــــــا ماي العيون
صوتك باذني بعده ويــــمه سمعيت

اليـموت اخوان كون تصيــــر يماه
ويشيـــــعونه ابواچـــــي وآه يم آه
نسمعه من النعش ويصيــــح يــماه
عليج الزهره لتگطعيـــــــن بيه

يموت ويا الشباب شعندك ارجوك
ويكاع المكبره شجابج عليـهم
عزيزه ارواحهم مو مال تـــابوت
تراب الكبر دنك باس اديـــــهم
اليغسلهم تهل دموعه ويصيـــح
اشم ريحة شهامه وبخــت بيهم
واسمعهم على الدچه يونــــــون
يموت شلون واصل بله ليـــهم
ريحة امهم اشتمهه بالهــــــدوم
لذلك يــــــــا جفن ارحم بجيهم
رادو امهم تغسلهم اليـــــــــــوم
لان متعلمه ما تبطي وتــــجيهم

ولچ يا روح موتي الراحو اعزاز
خسرنه اخوان ما تتعوض بيــوم
بقت بس الصور نحظنهه ونوح
وبقت ريــــحتهم بطيـــات الهدوم
اليفگد صاحبه شتتوقع بيــــــوم
الدمع يــــترك عيونه تعوفه الهموم
گعدتو هنا تشاقيتو ويا صحبان
شفت حتى الدرب من رحتو ملجوم

الله وياك خويــــــــه صار الوداع
انطفت شمعة شبابك گلي شبساع
روح بروح چنت ويــــــاك يا زين
تفرگنــــــه وخذت ضحكاتنه الكاع

بداية ضحكه عمرك ليش ونّيـــــــت
رحت للمكبره اختاريت الغيــــاب
شعجب ماكو حظن تشكليله الهموم
تعال احجيلي هسه شلونه التراب
حرت بيك الطفوله تبيــــن اعليــــك
بعدني لهسه رافض تنحسب شاب
يخويه امك تريدك يا ضوى البــيـت
بعدهه بأمل ترجع لازمه البـــــاب
شلون انطاك كلبك تغفى وتنــــــــام
تعال اسمع بجيهه ومرّ الغيـــــاب
ابوك يريد تقرى الفاتحه عليــــــــه
بجفن شو للمكابر تـــــــالي تنجاب
تعال وشوف اخوتك وانظر الحــال
الشباب من الوداع تصير شيـــــاب
صحبانك اجوك اتاخرت ليــــــــش
يبو روح العزيزه التهوى الاصحاب
عينك غمضتهه بــــــــدار الاموات
نايم وحدك ما يمك احبـــــــــــــــاب
چبيره المگبره بس تزغر ويــــاك
كلهه تلكتك يا طيــــــــب الانساب
بيه ريحة شباب ولا   تضكيـــــــــه
يكاع بعلي محلفج هوّني الحســــاب

وكت ما شفت بعدك   راحه مـــنه
ابو الغيـــــره وتركنه   راح    مــنه
اخونه بعز شبـــــــــابه    راح منه
عمت عين التــــراب ويه المنيه

كلمات الخادم / #رعـــد #الفريـــجي

836 0 31

♥️قنآة نعي للشعراء♥️

29 Feb, 09:26

نعي بحق الزهراء عليها السلام عن الإمام علي عليه السلام وهو يتذكر ايامه مع الزهراء عليها السلام

فگدتچ وانفگد عمري يزهرة
وايامي بعد عيناچ مرة
من اطب للبيت چا گلبي شيصبرة
من كثر البواچي العين حمرة
=====================
چان الهم يروح من انضر اعليچ
هسة انضر مچانچ ما الاگيچ
اصيح بصوت يا زهرة واناديچ
اشتم بالهدوم واگعد ابچيچ
=====================
يالماكو بشر مثلچ يبضعه
على گبرچ لجيم ودوم انعه
رحتي وما الچ للدار رجعه
يالصرتي وسط عيناي دمعه
=====================
يجينا الليل ريتة لا يجي الليل
نخلصة بنوح يم حسين وعويل
اولادچ عليچ ادموعها اتسيل
وليل اليفگد امة يصبح اطويل
======================
(ابوذية)
شريچت روحي عن عيني بعدها
الدهر.. والبيت ما ينطب بعدها
اعــــد ايامــــچ واصفن بعدها
اعدنهن قليل اعوام هية
==================
اسالكم الدعاء رائد الاسدي

674 0 9

♥️قنآة نعي للشعراء♥️

18 Feb, 12:03

⁽✺⃕₎ قصٱئد وٱلحۡٱنۨــہ خۡدٱمۘ ٱلحۡسۜيۧنۨــہ ع ⁽✺⃕₎🎤🗣

قناة قصائد والحان تجدون الحانكم وبصماتكم #ادارة_ملا_علي_الواسطي تواصل مع المدير 👈 @Alizbynewbot @Xfwrtas_bot

⓶.⓻K ✺⃕ قصٱئد وٱلحٱن خدٱم ٱلحسين ع ✺⃕ ⚡

⓶.⓶K ️قناة نعي للشعراء️ ⚡

⓶K مخزن قصائد للشعراء ⚡

⓵.⓽K خواطر الوالهين ⚡

⓵.⓼K ♡حب الحسين يجمعنا♡ ⚡

⓵.⓶K قناة عبق الانتظار 313 ⚡

⓵.⓵K قناة الهوسات الحسينيه ⚡

⓵.⓵K الشاعر رائد الاسدي ⚡

⓽.⓺h طاووس الجنة ⚡

⓼.⓺h لقاء العاشقين ⚡

⓼.⓺h قناة النعي رائد الاسدي ⚡

⓼.⓶h قناة احباب الزهر ⚡

⓼.⓵h مسيرة العشق الحسيني لخادمة الزهراءع أم حوراء البركاوي ⚡

⓺.⓸h قصائد منبريه مكتوبه ⚡

⓹.⓸h نسمات ⚡

⓹.⓵h ️نسمات حسينية ️ ⚡

⓸.⓷h قناة الشاعر قصي القاسمي ⚡

⓷.⓸h الشاعر زيد الحدراوي ⚡

⓷.⓸h ستوريات حسينية باسميه ⚡

⓷.⓵h قناة بنات الزهراء للعلم ⚡

⓷h خدام ام البنين ؏ لنشر القصائد والالحان ⚡

⓶.⓼h ثقافة عامة ⚡

⓶.⓹h الشاعر باقر علاء للقصائد الحسينية ⚡

⓶.⓸h الرادود علي الدلفي‏ ⚡

⓶.⓸h جنون العاشقين ⚡

⓶.⓷h الرادودالملامحمدابوسجادالكعبي ⚡

⓶.⓷h قناة نعي هوسات بحق أهل البيت ع ⚡

⓶.⓶h عشقي فاطمي ⚡

⓶.⓵h قناة ملا مصطفى السعد ⚡

⓶h صدقة جارية لجدتي.. ⚡

⓵.⓻h الشاعر ضرغام الجابري ⚡

⓵.⓻h عباس العبودي الواسطي ⚡

⓵.⓺h اشراقة قدسية ⚡

⓵.⓺h الشاعر عباس حسن العتابي ⚡

⓵.⓹h هيئة ثوار الامام الحسين ع ⚡

⓵.⓸h خواطر حزينة ♡ ⚡

⓵.⓷h الشاعر الحسيني ابو عباس الدراجي ⚡

⓵.⓶h فڪيف بالزهراء دون علي!! وڪيف بالعراق دون الحجه: قال ﷲ لحب كن فكان علي️.. ⚡

⓵.⓶h لنقرأ معا ⚡

⓵.⓶h متجر سندريلا ⚡

⓵.⓶h الناشر مصطفى السعد ⚡

⓵.⓶h محبو أهل البيت رسول الله و لتعجيل الفرح امامنا 2 ⚡

⓼⓻h استوريات جميع الرواديد ⚡

⓼⓶h استوريات حسينيه ⚡

⓻⓺h يا مهدي الروح ³¹³ ⚡

⓻⓸h جوهرة القصائد الحسينية ⚡

⓻⓪h الحاج باسم الکربلائی ⚡

⓺⓹h تلحين القصائد الحسينية .. لبيك يا حسين ⚡

⓺⓵h قناة ملا مصطفى السعد ⚡

⓹⓺h جمال وموضه👰 صور وأشعار. قصص وأذكار ⚡

⓹⓪h الشاعر محمد المنتظر ⚡

قناة عبق الإنتظار 313

قنواتي المفضلة بالتليجرام ✅

1.3k 0 0

♥️قنآة نعي للشعراء♥️

9 Feb, 20:41

نعي السيدة معصومة لأستشهاد الامام موسى ابن جعفر عليه السلام

-------------------------------------------

ما صار وكت املاگه الحنان ؟
يا بويه گلبي اشتعل نيران
من السجن والگيد تعبان
ما كسر گلبك ها يسجان

معصومه بويه تريدك انته
جاوبني لا ما اريد سكته
بالطيف واحچي وياك واحتار
يا ضيم كل هاذ الحملته

جسمك نحيل وحيل متعوب
والبوب ماكو بسجنك البوب
من تسجد يتيهون بالراي
موسى ابن جعفر هذا لو ثوب

متانيتك انه وعيني علباب
ها يلحنين وطال الغياب
تمنيت بويه يلفني التراب
بس طال حيل العمر بيه

شنهي البنيه ابدون ابوهه
لو كل اهلهه يدللوهه
تبقه تدوره بكل الوجوه
وتسأل عليه شيجاوبوهه ؟

راح الابو شيرده كلفه
فوگ الجسر مطروح وسفه
بويه البنيه شلون تغفى
يا ضيمي ياهوه الاكلفه

يا نعش روحي شويه تاني
جناز اني بنيته آني
شنهي الخبر هذا الاجاني
خلاني عدله اوموتاني

خلوني امد طولي اعله طوله
وكل العتب يمه أگوله

خلوني افك الگيد منه
چنهه انتهت بويه المحنه
من عمت عيني شلون ممدود
من روحي خل اگطع الضنه

من كون بنتك گاطعه الصوت
يا ريت انه الجايني الموت

انحب واون ومودره العيون
واركض وره الناس اليشيعون
تانوني چنكم ما تتانون
يم الحزن ولي يروحي

راح الابو وراحت ايامه
وخلاني ليلي ما انامه
هذا الدهر خلص كلامه
بويه انتهت من عمت عيني

كلمات / #رعد الفريجي

الاربعاء 23/2/2022

1.6k 0 9

♥️قنآة نعي للشعراء♥️

1 Feb, 14:18

نعي للامام الكاظم
______
سادات البشر والكون مظلومين
لو سم لو كتل هذا الدرب ماشين
بمصيبة موسى ابن جعفر محزنين
غريب ومحد من اهلة يحظرة
_______
بسجن اظلم وكيد مكيدينة
ريت اهلة بمنيتة حاظرينة
دنت ساعة وفاتة ودار عينة
لا ابن لا اخو ظل وحدة يون
_____
صوب الجسر بي طلعوا ينادون
من السم والسجن متغير اللون
يوم الفرج شيعتكم يتانون
بالتابوت لنة يطلع الهم
_____
اليريد ايموت كون اهلة يحضرون
واخير وداع للغالي يودعون
_______
اليريد ايموت اهلة تلتم عليه
ويكَبلونة وخوتة اتسبل اديه
الكاظم وحدة والالم كاظيه
اتشاهدوا ابوجهة ماتفزعون
---------------------------
اليريد ايموت يمة اولادة تلتم
واخية يفزع ويفزعلة ابن عم
الغريب اشلون من ايموت بالسم
ياهو اليخبر اعيالة يلحكون
_______
اليريد ايموت امة كون يمة
اوداع الموت اتودعة وتشمة
يدير العين ويعالج ابسمة
واهلة بعاد عنة مايسمعون
_____
اليريد ايموت اهلة يشيعونة
وخوتة على الچتاف اليشيلونة
بس موسى ابن جعفر يحملونة
حماميل اربعة للجسر يمشون
_______'

أسالكم الدعاء رائد الاسدي

1.9k 0 22

♥️قنآة نعي للشعراء♥️

1 Feb, 14:18

نعي عن الإمام الرضا عند حظوره لوالده الكاظم عليهما السلام

راح من ادية.. يا ناس الابو راح من ادية
تصعب علية.. عزيز وفركتك تصعب علية
عدي تچية.. خلافك ما بگت عدي تچية
لنصب عزية.. انة طول العمر لنصب عزية
=========================
اعله امتوني اشيلة..نعش الابو اعله امتوني اشيلة
جثة نحيلة.. عظم وجلد جثة نحيلة
ماكو مثيلة.. راح الابد ماكو مثيلة
بسفرة طويلة.. عني مشة بسفرة طويلة
=========================
يا اغلى الاحباب..عني رحت يا اغلى الاحباب
مايرجع اجواب.. واشگد صحت ما يرجع اجواب
متوسد اتراب.. حيف الابو متوسد اتراب
من عيني سچاب.. دمعي يضل من عيني سچاب
========================
بيدي دفنتة.. غسلتة وبعد بيدي دفنتة
مرمية جثتة.. شلون البالغرب مرمية جثتة
مسبية اختة... عالهزل مشت مسبية اختة
ما ودعتة... بالگوة مشت ما ودعتة
==========================
بالغاضرية.. ظل ابلا غسل بالغاضرية
جثة رمية... على التربان ظل جثة رمية
فوكَ الوطية.. ٣ تيام ظل فوكَ الوطية
مامش حمية.. بعدوانك ابد مامش حمية
===========================
أسألكم الدعاء رائد الاسدي

1.6k 0 49

♥️قنآة نعي للشعراء♥️

31 Jan, 19:31

نعي للإمام الكاظم عليه السلام عندما اتت الشيعة تنتظر خروج الإمام

اجينا بشوكَ وبلهفة لولينا
بالجمعة الفرج گالوا يجينا
فرحانين للغالي اعتنينا
ابن سويد بشرنا واجينا
=================
مشيول بنعش ياحيف جابوه
حماميل اربعة اعله الجسر حطوه
اثاري بالسجن ياحيف سموه
غريب لوحدة ما يوم رحموه
===================
فرحانين چنة انشوفك انريد
يغالي شوفتك للناس چن عيد
طالت سيدي اعلينا المواعيد
عليك النوح يا مسموم ميهيد
====================
من شافة الطبيب اختلف لونة
وين اهلة ينادي خل يجونة
يطلبون ثارة وياخــــذونة
ترة مسموم خلهم يلحگونة
=====================
امام الرافضة گاموا ينادون
خلهم للجسر كلهم يحضرون
يشيلونة ويغسلونة ويشيعون
وينصبون المأتم خل ينوحون
====================
اسالكم الدعاء رائد الاسدي

1.5k 0 35

20 ta oxirgi post ko‘rsatilgan.

2 759

obunachilar

Kanal statistikasi

Sayt tili

TGAlertsBot

TGStat Bot

Telegram Analytics

SearcheeBot

♥️قنآة نعي للشعراء♥️

Kanal geosi va tili

Toifa

2 759