قصص💜✨

خَـاص لـشهر رمضان المبارك ٢٠٢٤🌙🕌
ㅤ
أدعِية وتهاني 🩵✨

ستوريات فخمة 🩵✨
ㅤ
صُور  وتصاميم 🩵✨

كل ما يخص رمضان فعاليات وفقرات وتنظيم وقتك 💙👇
https://t.me/addlist/pfe3JNkFAvNiYzkx

كل ما يخص رمضان فعاليات وفقرات وتنظيم وقتك 💙👇
https://t.me/joinchat/D5MqfescpfRhZGQ0

- للاشتراك ✅: @WhsAmk_bot

نورزان: باوعتلي بحقد وكأنما اني الي حجيت عفتهم ورحت للمطبخ طلعت المواد سويتله الشوربه صبيتها وخليت عليها عصرت
حامض تصير طيبه وقدمتها أله...

ضليت كل مايشتهي شي اني اسوي أله موبس امتنان على ألي سوا ويايا وأنما هو فعلا شخص يستاهل اقدمله اي شي وألي اسوي ميجي شي كدام اهتمامه ومساعداته أليه.

مرت الايام والحمد الله تحسن ورجع طبيعي
والقضيه يوميه لغوه من وراها لأن امير وابو موسهلين و ألي ماحسبنه حسابه، الحقاره والدنائه
ألي سواها امير!!!

لفق علينه كلام وكال....

امير: اني على علاقه ويا نورزان واحبها وتحبني..وفجئه لكيتها بوضع مو لائق هي وكرايبها رافي وتخبلت وهجمت عليه...تعاركنا وضربني، وراد يموتني، وحمايتي دافع عني وبالغلط طلعت الطلقه وضربته

_كل كلامه هذا اني ماادري بي كانوا متكتمين
عليه، وماكو احد حجه بي وماعرفت ألا من رحنا لبيت عمو نبيل

سلمت وانتبهت لنضرات عمو نبيل أليه مو الاوليه
رحبوا بأهلي كعدنا وبيت عماتهم وعمهم هم كانو موجودين ضيفونا وأنفتح موضوع القضيه اشوف وسن وأمها يحوسن اخر شي ماتحملت ام وسن فجرت القنبله

ام وسن: عيني ابو رافي اني اكول تنازلو وسدوا القضيه لتكبر وتصير فضايح.الموضوع بي قضية شرف، واللبنيه منا وبينا خلي أنسدها احسن حتى لو غلطت تبقى بتنا ومحسوبه علينه .

ابو رافي: شنو الموضوع وعن يا قضيه تحجين؟

ام وسن: قضيت ابنك شعبالك نايمين على اذنا احنا درينا بكل شي

ام رافي: شبي ابني؟ يافضيحه؟ ياكلام انتي شنو تحجين؟

نورزان: صارت تسرد كل الكلام ألي لفقه امير علينا، وألي اني ماكنت اعرف بي كتت الاول والتالي انصدمت والصدمه الاكبر لأهلي لكن الحمد الله سكتو ،واضح ماصدكوها بسرعه ترخصوا ورجعنا للبيت

توقعت سكتوا لأن عدهم ثقه بيه واكيد ماراح يصدكون كلام وحده حاقده مثل ام وسن ماكنت اعرف هذا السكوت هو هدوء ماقبل العاصفه !!!

يتبع...

نورزان: الحمد الله والشكر ياربي،، عفيه سمر اريد اشوفه

سمر: وين تشوفي، اول شي دشوفي نفسج ضغطج هواي نازل وتعبانه ...ولو حقج من الموقف الصار كدامج هبطتي

نورزان:تذكرت توصيت عمو وأفتهمت من كلامها محد موصل الحقيقه لأن مبين من اسلوبها
واني هم مااطرقت للموضوع

_لا اني زينه شوفيلي الممرضه خلي ترفع المغذي
اريد اكوم

سمر: اهلج برا هم اجوي ضال بالهم عليج

نورزان: اجتي الممرضه ورفعت المغذي
امي هم اجتي وكومني هيه وسمر
احس بعدني دايخه بس اريد اروح اشوفه
طلعت صار الكل امامي ابويه وعمو نبيل
اجوي عليه حضنوني وتحمدولي بالسلامه

ابو زيد:اذا زينه يله نرجعج للبيت

نورزان: اريد اشوف عمو واطمئن عليه وارجع

سمحلي اروح اشوفه كنت متلهفه حتى اطمئن علي كان بداخلي، شعور اول مره احسه
خوف على لهفه مااعرف احس خليط بداخلي
من المشاعر

دخلت للغرفه شفته خاليله اوكسجين ومعلكين سيروم ودم كان وجها اصفر وذابل، غالق عيونه شكله تعبان كلش

گلبي رجف من شفته بهل الوضع .طول عمري اشوفه واكف بطوله وهيبته وبقوته مامتعوده اشوفه بهذا الوضع لاارادي نزلت دموعي بغزاره وشهكت ...على صوت شهكتي فتح عينه

باوع عليه بنضره شفت بيها الحنيه والخوف واللهفه ماتكلم ولاكلمه ضل صافن بوجهي
اني الدموع وحده بعد وحده صارت تنزل

_الحمد الله على سلامتك عمو

شال جهاز الاوكسجين وجاوبني بصوت تعبان...

رافي: الله يسلمج،،،، انتي،،انتي شلون صرتي
كالو متخربطه، ليش هيج تسويين بنفسج؟

نورزان: ليش ألي صار قليل، لو شوفتك بذاك
الوضع خله عقل لو حيل عندي

رافي: لتخافين عليه اني زين، واريدج تضلين
قويه مثل مامعلمج، وكلامي ألي كلته تنفذي
وميطلع مثل مااتفقنا

نورزان: حاضر، بس ليش ؟ يعني ألي صار وياك بسببي وألي مريت بي وفوكاها تحمل نفسك المسؤليه؟

جاوبني بتعب ....

رافي: نورزان لتعبيني بعدين افهمج لأن هسه تعبان ومااكدر اناقشج انتي هسه روحي ويااهلج للبيت ارتاحي وبعدين ألنا حديث اخر

نورزان: شلون اروح واعوفك بهل الحاله

رافي: مابيه شي وانتي هم محتاجه راحه
روحي احسن متضلين كاعده وتبچين وتأذيني بدموعج

نورزان: يعني ضجت مني ؟

رافي: لتصدكين في يوم من الايام اضوج منج بس دموعج اي اضوج منها...مااحب اشوف عيونج بيها دموع اوحزن اذا تعزيني لتبچين

نورزان: هاي هيه راح امسح دموعي واسمع كلامك انت عفيه صير زين لخاطري

ابتسملي بتعب...

رافي:لخاطرج كل شي اسوي لو اعرف اموت
وانتي لخاطري روحي للبيت اكلي ونامي
يله ترا تعبتيني،،، هوايه حجيت من وراج

نورزان:ابتسمت والدموع بعيني،، يله رايحه صارت طرده، هههه

ابتسملي وغمض عيونه طلعت ورجعت ويا اهلي للبيت كنت تعبانه بصعوبه امشي جسمي منهار من الصدمه استقبلتني ريام خايفه اخذتني سبحتني، وجابتلي اكل وجبرتني اكل وبعدها نمت
حسيت ب الليل، فزيت بسرعه مفزوعه لكيت ريام كاعده يمي تقرا سألتها

--ريام بشريني شلون صار عمو تعرفين اخباره؟

ريام: لتخافين مابي شي زين، اتصلنا عليهم والكرايب كلها ألتمت عليهم ويكولون مخبرين على الولد، عمو نبيل عنده معارف كبار بالدوله خلاهم يستلمون الموضوع رايحين قابضين علي وابو الولد متخبل شنو جايين ألقاء قبض على ابني
على متعرفون اني منو؟

نورزان: يستاهل طبه مرض،لو اشوفه هسه اشرب من دمه

ريام: لتدوخين نفسج بهل السوالف همه اهل المشكله وهمه يحلوها وأصلا مو قليلين شر عدهم هواي معارف عمو نبيل ماكو واحد ميعرفه، وكال حتى عشائر هم ادخل بالموضوع ان لزم الامر.

نورزان: الله كريم، متعرفين منو يمه بالمستشفى

ريام: ماكو هواي،،، عمه ام رافي خطيه سمعت بالصار موتت روحها بالبچي اخذوها وبصعوبه قبلت ترجع للبيت وهسه بقى بس احمد وسيف يمه

نورزان: راح اتصل على سيف لعد،، اتصلت لكن ألي جاوبني عمو مو سيف ابتسمت فرحانه واني اسمع صوته وهو بخير،، جاوبته بلهفه ...

_شلونك،؟ شلون صرت بشرني؟

رافي: الحمد الله زين، وانتي شلون صرتي
خليت سمر تتصل على امج سألتها عليج
كالو نايمه

نورزان: لا الحمد الله هسه كلش زينه، ليضل بالك
ادري انته وبهل الحال تسأل عليه ؟

رافي :اكيد،،، لعد شلون

نورزان: ماطولت ويا بالكلام لأن تعبان اطمئنيت علي، ونهيت المكالمه

ثاني يوم طلعو من المستشفى لأن وضع موصعب الحمد الله،،، عمو نبيل حضر الذبايح وسوه عزيمه على سلامته عزم المعارف والاهل ألتمت، واكيد احنا هم...

دخلو للبيت لازم بطنه وكوه يمشي والولد ساندي...

،الكل أهتم بي ناس تسوي شوربه وناس تركض على طلباته وبنات عمه مسويات نفسهن مهتمات كاعدات يمه ويسألن على صحته اني بالمطبخ ضليت اساعد البنات بالشغل سمعت صوته عفت ألي بيدي ورحتله

رافي: نورزان: اريد من ايدج الشوربه ألي احبها
مال دجاج

نورزان: من عيوني هسه شويه وتكون حاضره

وسن: ماكو داعي انتي ايدج كلها ريحة زفره مال لحم وباجه اني اسويله

رافي؛ مشكوره بنت عمي بس اني ماأحب هل شوربه غير من أيد نورزان حتى لوبيها زفر

رافي: كولو تلاسنا اني وامير لأن اني اخو سيف وبينهم مشاكل دائما و لهذا صارت عركه وكبرت او وصلت لهل المواصيل..

حسن :تمام، تمام، اتصلوا بالأسعاف راح يجون هسه مو وقت هل الكلام

رافي: اذا طلع غير هل الكلام، ثنينكم احاسبكم

نورزان: الله يخليك مو وقت هل الكلام، ولتعب نفسك، كافي لأن النزف ديزيد

اجوي الأمن واشخاص على الهوسه بدو يلتمون
واني دموعي مانشفت، واعصابي بدت تنهار
ورافي وجها بده يصير شاحب من النزف
بده يغمض ويفتح بعينه، واني اتكلم ويا حتى يبقى صاحي ...

فتح عينه ألي بدت تذبل وباوع عليه

رافي: لتخافين نونو ماراح اعوفج، واذا صارت
مو تنسيني، واتذكري انتي اعز انسانه بحياتي كلها
اعز حتى من روحي وماندمان لأن حميتج

نورزان: الله يخليك لتحجي هيج قوي روحك لخاطري اذا يصير عليك شي شلون اعيش بس فهمني ...انته ابويه وامي واخويه وصديقي وسندي واماني اذا رحت ألمن اعيش،

حسن: اهدئوا هاي بديت اسمع صوت الأسعاف
بس شويه تحمل وكولو يالله

نورزان:، وصلت الأسعاف، لكن عمو فقد وعيه شالوه بالأسعاف وصعدت ويا اني رجلي صارت ترجف وايدي كلها دم

حسن: روحو واني وراكم وراح اخابر سيف هم

نورزان: انطلقنا للمستشفى واني الطريق كله ابجي وادعي. كل شويه فاتح عينه ويدير وجه يباوع عليه وكأنما هو ألي يطمئن عليه مو اني..نزف هوايه كانت اصابته ببطنه

اول ما وصلنه دخلو طوارىء، وسوله الفحوصات اللازمه ...حسن مافاركني ويايا شويه واجه سيف وعلامة الرعب مرسومه بوجها وقع، ودخلو عمليات، من سمعت بالعمليات توترت وخفت صارت عندي دوخه قويه اريد اوكف بعد مااسيطر مشيت حتى اشوفلي مكان اكعد بي لأن تعبت كلش كان اصعب يوم مريت بي بحياتي كل ألي عشته واللي سوا امير وخوفي بكفه...ومن شفت عمو بهل الوضع كان بكفه ثانيه ...

اصعب شي بالحياة تشوف اقرب انسان ألك بهل الحاله

مشيت خطوتين ماسيطرت وكعت على وجهي غمضت عيني مستسلمه للضلام!!

يتبع.....













...#بارت١٢

****

سيف
__

سيارتي عطلت وديتها للصناعه حتى اشوف شنو بيها اقل الساعه اتصل بيه صديقي حسن
وصدمني بالخبر!!!حاولت اتماسك، وأكول ويا نفسي، يمكن حسن يشاقه، ؟مامعقوله هل شي صار لكن من حلفلي وأكدلي، كل امالي ان ألي سمعته ماأله وجود تبخر....

احس تجمدت بمكاني وتربطت مااعرف شنو اسوي عفت السياره بالتصليح، اخذت تاكسي
وبوجهي لمستشفى........

بلحضتها مابالغ اذا اكول كنت شبه منهار دخلت للمستشفى مثل المجنون مااندل دربي وقعت على العمليه وگلبي مثل النار على اخويه وحتى تكمل نورزان وكعت علينا وفقدت الوعي شلناها طلع ضغطها منخفض من الصدمه كلش تأذت
من اتصل بيه حسن وبلغني حسيت من كلامه رافي عنده تكتم بهل الموضوع اني اعرفه كلش زين لهذا قررت اروح واشوف شكو واتاكد من حسن يله اتصرف واتصل بأهلي بعد مااطمئنيت على وضع نورزان سألت حسن وعرفت الموضوع بالكامل وتأكدت من شكوكي

_باع حسن رافي من كال لتجيبون نورزان بالموضوع اكيد أله غايه لهذا راح انفذ كلامه ومنحجي غير المطلوب ونتفق اني وياك ونورزان على نفس الكلام نحجي للكل

حسن: هاي هيه اني وياكم ، بكيفكم

سيف: خلي هسه اخابر على اهلي

حسن: واجرائات المستشفى بماانو اصابة بطلق ناري لازم يدخلون الشرطه بالموضوع فأكيد هسه يجون ،، شنو نكول؟

سيف: نفس اتفاقنا لانزيد ولانقلل بالكلام نمشي ورا كلام رافي وهل الكلام نعتمده ويا الكل
بعدها اتصلت بأحمد حتى هو يبلغهم ويفهمهم
حتى ليهبطون ...

وبلغتهم بوضع نورزان وفهمتهم هي من شافت ألي صار هبطت واغمى عليهاحتى يبلغون اهلها، لأن اختها كل شويه متصله على موبايلها لأن تأخرت...

كل هل الوقت وأحنا واكفين يم صالة العمليات
ونسأل ألي يطب و يطلع وگلوبنا مثل النار
الى ان طلعت الممرضه تركض وأحنا الرعب تملكنه تريد دم لأن نازف هوايه... رحنا بسرعه تبرعنا، و ضلينا على اعصابنا عايشين....تأخروا بالعمليات والمشكله ماكو شخص يطلع يفهمنا وضعه

اجه احمد والوالد وسمر وغيث يمشون سريع سألني ابويه بلهفه

نبيل: ها يابه بشر شلونه اخوك؟

سيف: بعده للأن ماطلع من العمليات، ومنعرف شي بس احتاجوا دم وأتبرعنا

سمر: فهمونا شنو الصار ومين هذا ألي سوى بي هيج؟

سيف: بعدين نحجي بهل المواضيع خلي بس
يطلع بالسلامه

طلع الدكتور والحمد الله بشرنا هو بخير
وينتضروا يصحى....

خلو بالعنايه الى ان يصحى ويطمئنون على حالته
وأحنا كل هل الوقت على اعصابنا عايشين...

وبهل الاثناء اجه ابو زيد وام زيد والرعب مسيطر عليهم وهم كررنا نفس الكلام ألهم

**

نورزان: صحيت لكيت نفسي على سرير بالمستشفى وخاليلي مغذي احس روحي كلش تعبانه وعيت وتذكرت ألي صار فزيت خايفه

سمر: اسم الله حبيبتي شبيج؟ لتخافين ماكو شي شلون صرتي؟

نورزان: زينه، بس عفيه عمو شلونه، الله يخليج احجي خوما صار بي شي؟

سمر: لتخافين الحمد الله سووله عمليه و زين صحى قبل شويه وسأل عليج، الضاهر ضال باله يمج

نورزان: اكل خ***ه انته منو وتحاسبني لتجاوز حدودك مو انته وامثالك يقيمون اخلاقي وشرفي.انته منو تحدد ويا منو اكعد واحجي، الف مره حذرتك .

امير: اني منو بنت كل**ب اني تاج راسج ...
هسه اشوفج اني منو، الضاهر هوايه احترمتج..
عبالي محترمه بس امثالج ميجن ألا بالعين الحمره

نورزان: جرني بمكان مابي أحد، وسد حلگي واني الرعب دخل گلبي، وعقل ماضل براسي، صارت افكار تودي وتجيب براسي وعقلي يرسم سيناريوهات

دفعني وضل يقرب وجه مني صرت احس نفسه برگبتي بعدها صار يحضن ويتلمس بجسمي اني هنا متت خوف صرت ادفع بي بقوه وأقاوم وهو يزيد بحركاته المقززه اكثر

ضليت بين ألي جاي اعيشه وبين انو تصير معجزه
ويجي شخص يساعدني ضليت اردد( يا الله ساعدني لتعوفني )

قويت نفسي اكثر واكثر دفعت أيده من حلگي صرت اصرخ بأعلى صوت متأمله احد يسمعني
رجع يسد حلگي واني اعظ بأيده

صرت مكافش أني ويا، صار يغلط عليه ويحجي
بطريقه وكلام مقزز.

اخر شي حسيت وضعه مو طبيعي ونفسه عله
تقرب من اذني همس خ*ه بعرضج شگد حلوه، بنت كب،،، اريدج وراح تصيرين ألي

اني سمعت هل الكلام تخبلت عرفت غايته
صرت اضرب وأعيط وحرت شنو سويت...
ومن بين كل هل الشي وفجئه بلمح البصر امير أنسحب مني ماشفت منو هل شخص نام عليه، ركزت بي طلع عمو فرحت وحسيت بالأمان صار يضرب بي بحرگة گلب دمره دمار ماخله لاضرب لافشار عليه شوه معالم وجه

اني واكفه اتفرج وارجف وعيوني كلها دموع عمو فقد عليه گلت راح يموت بيده خفت بس بنفس الوقت گلت يستاهل طبه مرض خلي يربي بس يافرحه ماتمت اجوي واحد من حماية امير رفع سلاحه على عمو

أنفزعت ضليت اعيط واتوسل...

_عمو الله يخليك عوفه كوم خلص خلي نروح

رافي: عوفيني خلي اربي هذا الساقط حتى يتوب يندگ بأعراض الناس

نورزان: بحيلي اليرجف وخوفي، ضليت اجر بي واسحبه حتى يعوف امير

وكف على حيله وألتاف عليه وبحركه سريعه
لفني بحضنه واني ماصدگت انهاريت بالبجي
ضل يمسح على ضهري ويهدئني

رافي: عمري انتي،،، بنيتي ، لتخافين هاي هيه خلصت

نورزان: بهل اثناء أجه حماية امير كومه من الارض
وهو حالته حاله الخشم كله دم والوجه ملعوب بي لعب

وهو عاد هنا صار ارنولد ، استقوى بحمايته ضل يغلط ويهدد، ويتهنتر علينه جاوبه عمي بأستهزاء....

رافي: خلصت كلامك يله ولي منا، ويكون بعلمك ماخلص حسابك...راح اخليك اتوب طول عمرك بعد توصل يمها او حتى يم غيرها

امير: ليش متعرف اني منو وأبن منو بابا روح بلط
الشط

رافي: لا انته ولاابوك تهموني ولاتخوفون چلبي ...
اصلا انت لو رجال مو تستفرد ببنيه غصب عنها
وفوكاها كل ماحجيت تستقوي بأبوك هي بنيه كم مره ردنا ندخل كالتلنا اني احل اموري لأن موعاجزه ولا جبانه ...وماناقصني شي حتى ادافع عن نفسي لأن سبعه ومتخاف ، وانته كل حجايه وجبت اسم ابوك بالنص لأن انت لاشيءبدونه واحد نكره

صار بارود من سمع هل كلام جاوبه بغضب

امير: أني رجال وغصبن عليك وعلى الخلفوك
وهسه اشوفك منو اني

نورزان: هو فعلا شخص جبان بس راد يثبت عكس كلام عمو وألي ماحسبنه حسابه يطلع متهور لهل درجه وميحسب حساب شي ألتاف على الحمايه ألي ويا سحب المسدس من أيده وسحب اقسام ووجها علينه

حسيت بوقتها گلبي راح يطلع من مكانه ورجلي ماعادت تشيلني وكملها عمو من كال....

رافي: يعني صار ساعه ألقي محاضره بالرجوله وهذا ألي افتهمته منها ؟بدال متاخذ حقك بيدك تجر سلاح ولو شنو اترجى من واحد جبان وبلا شرف مثلك

امير: رجال وغصبن عنك وهسه اشوفك الرجوله شلونها،،، وشلون تندك بيه

نورزان: نطق هل كلام وبلمح البصر صدى بالمكان صوت طلقه حسيتها زرفت اذني صرخت مفزوعه و بحركه لااراديه سديت عيوني و خليت ايديه ثنينهن، على اذني!!!!

صار هدوء بالمكان فتحت عيني ببطىء وياريت مافتحتها صار الخفت منه عمو رافي رجله متشيله نزل على الارض وكع صرخت بأعلى صوتي نزلت عليه واني متهستره، ادور بي حتى اعرف شنو ألي صار او وين صارت الرصاصه...شفته متألم ولازم بطنه ألي بدى يغطيها الدم

باوع بوجهي وشاف خوفي ودموعي حاول يطمني

رافي: نورزان لتخافين، اهدأي، مابيه شي

نورزان:تخبلت صرت ابجي واشهك ،،، يامابيك شي، شوف الدم ،،شلون مابيك شي

رفعت راسي شفت امير حمايته يسحب بي حتى
يهزمه واني صرت اعيط عليهم واغلط ..همه ولا عبروا الجبناء طلعو بسرعه ...

بهل الأثناء اجه صديق سيف يركض ومن بعيد على صوت الطلقه اشوف الأمن مال جامعه
واني حيلي أنهد واضغط على مكان الرصاصه حتى شويه اسيطر على الدم واسمع رافي يحجي وهو يضغط على جرحه وعلى ألمه

رافي: نورزان،، حسن،، ثنينكم اسمعوني، ألي صار مااريد احد يدري بي

نورزان: انت شتحجي هو لعب جهال ألي صار
وليش تتستر على امير

رافي: طز بي،،، اااااخ،،،، افهم،،، شتستر افهميني لتكولون امير تحرش بيج وصار ألي صار...مااريد اسمج ينذكر بالموضوع نهائيا وتصير سوالف عليج ....افهمييييني!!! (الكلمه كالها بألم)

حسن: لعد شنسوي؟

١١__١٢


.....#بارت١١

***

نورزان: توترت ليش مااعرف.؟ اسلوب عمو رافي بالكلام كان يدل هو متفاجىء وغاضب والواضح ماكان يعرف احمد طلبني للزواج نضراته متركزه عليه وعلى احمد منتضر جواب

احمد: اي صح قبل فتره تقدمت ألها، والضاهر ماجانت مقتنعه، واني عفتها على راحتها كلت فتره وأرجع اطلبها من جديد...، واحاول اقنعها بوجهة نضري وبطلبي لأن اني شاريها، لبنت خالتي ومتمسك بيها واحق واحد بيها

رافي: اي شكو بيها وأتقدمت وطلبتها وافتهمت
هل شي بس ألي مافهمته شلون يعني احق واحد بيها؟

احمد: احنا تربينا سوا ودم واحد واهل يعني اني افرض من الغريب، ألي متعرفه

نورزان: احمد رجائا اول شي مو وقت هل الكلام
وثاني شي، كان بوقتها جوابي واضح وماكو داعي نعيد ونزيد انته كلتها تربينا سوا يعني مثل الاخوان
لهذا ماوافقت ولاراح اوافق ان شاء الله تلكي الانسانه ألي تستاهلها وتستاهلك

احمد: الله كريم بعدين نحجي بهل الموضوع
لأن فعلا الضاهر مو وقته

نورزان: حجه هل الكلام وعافنا وراح...
بس عمو حسيته ضايج وباله سارح، ورا ثواني
تقرب بصفي وهمس

رافي: اكلج نورزان هذا شوكت خطبج،اني هسه سمعت ماچنت ادري؟

نورزان: من سوينه عزيمة تخرج زيد، بنفس اليوم
خالتي فتحت الموضوع ويا اهلي عمه والبنات كانن موجودات وسمعن وكل ضني كالو وانت تدري بالموضوع .

رافي: لا ماكو احد كال،،،، عالعموم على كولتج رفضتي وأنسد الموضوع واكيد حتى مره ثانيه من يتقدم هم ترفضي موو؟

نورزان: اكيد،،، كلامي واضح بهل الموضوع، ومااغيره

اني كلت هل كلام انرسمت ابتسامه عريضه على شفته

رافي:هو هذا الصح خلصي دراسه

نورزان: عافني وراح ...

كملنا الحفله ورجعنا لبيتنا، ثاني يوم قرروا ميسون حفله بقاعه وهوسه بطلب من العرسان مباشرتا نزفهم للفندق

حضرنا نفسنا ورحنا انطلقت الزفه لبيت العروس
وأخذناها وافترينا بشوارع بغداد وعلى الجادريه نزلنا رغم بساطة العرس لكن كان، الكل فرحان، زفينه العرسان، وكلمن رجع لبيته

بعد ايام بالكليه، خلصت المحاضره،جعت قررت اروح اجيب اكل طلعت تفاجئت من شفت احمد، جاي بأتجاهي

احمد: هلو نورزان شلونج؟

نورزان: الحمد الله، ها اليوم يمنا بالكليه؟

احمد: اجيت اشوفج واحجي وياج، وياريت لو نكعد بمكان ونسولف

نورزان: بس اني عندي بعد شويه محاضره مااكدر
تريد تعال للبيت واحجي ألي عندك

احمد: ترا اني جاي احجي وياج وانتي بنت خالتي
موغريبه، ماكو داعي لهل تصرفات، هنه كلمتين وخلص مااخذ من وقتج

نورزان: قررت اسمعله، واشوف شنو يريد ولو اني اعرف بس يمكن احسن خلي اخلي النقاط على الحروف احسن ميروح لأهلي ويرجعون يضغطون عليه واحتمال يكدر يقنعهم

احمد: خلي اروح اجيب شي نشربه ونسولف

نورزان: ماكو داعي شكرا خلي ندخل بالموضوع لأن بعد شويه عندي محاضره

احمد: تمام،، نورزان، انتي من زمان عاجبتني
من جنا صغار...واني جنت اكول من اكبر اتزوج نورزان جنت منتضرج شوكت تكبرين، وتصيرين ألي ومن طلبتج ورفضتي انقهرت كلش ...خصوصا انو سبب الرفض مو مقنع.

نورزان: يعني من اشوفك اخويه مثل زيد
هذا بنضرك سبب مو مقنع؟

احمد: زين انطيني فرصه نكعد نتقرب ونتعرف على بعضنا اكثر يجوز تتغير نضرتج ألي وتقتنعين

نورزان: شوف احمد انت ابن خالتي وربينا سوا
واخ عزيز، لااكثر،....ولاممكن اي شي يخلي نضرتي
تتغير اتجاهك واشوف بيك زوج الي....كل شي قسمه ونصيب وأحنا نصيبنا مو سوه فياريت تفهمني لأن ماراح اغير قراري

احمد: هذا اخر كلام؟

نورزان: اي

احمد: خلص الله يوفقج

نورزان: ويوفقك ويسعدك ان شاء الله اني مااريد اخسرك...، احنا تربينا سوا، وانت عزيز عليه

احمد: هاي هيه تمام، مثل متحبين يله اني اترخص

نورزان:(بابتسامه) الله وياك ابن خالتي

فرحت انو تفهم كلامي، لأن مااريد مشاكل
ويرجع احد يضغط عليه احمد ميفيدني يريدني ومنتضرني من الصغر ويوميه وياوحده...

، نفضت افكاري وكمت بس من بعيد لمحت امير يباوع عليه لكن هل مره نضرته مختلفه كانت مليانه حقد هز راسه متوعد ألي صراحه خفت منه
رجعت كملت باقي الدوام، لكن قبل لا ينتهي اتصل بيه سيف

سيف: نورزان السياره عطلت راح اجيب سياره اسحبهاوأنتي انتضري راح يجي رافي عليج

نورزان: ياا ليش خابرته؟ زين ليش كلت لعمو كان رجعت ويا وحده من البنات .

سيف: لايمعوده يابنات اهلج مأمنيج يمي
اخليج تروحين ويا البنات شنو...واصلا رافي هم ميرضه لهذا اول ماكتله كلي جاي هسه شويه ويجي انتضري

نورزان: تمام الله وياك

ضليت انتضر والطلاب بدوا يطلعون، ضليت شويه وقررت اطلع انتضر برا

كنت امشي مااحس ألا شخص لزم ايدي بقوه وصار يسحب بيه اخذني على مكان منعزل دفعته وقاومت عطت بي

_وخرررر عني ،،،،شتريد مني شنو هل الجرئه والسخافه

امير: سخافه مو ؟لو هو من يمي اني وشباب الكليه؛ تبيعين شرف؛ وشباب البرا يجون وتكعدين وتسولفين وتضحكين والله واعلم شنو بعد

سيف: اي مو على مزاجك تمرضني، وتصحيني لتخليني هسه اروح لنورزان واطلع خططك

شال المخده ورگعها براسي

رافي: راح اطلع، راح اطلع والله كريم، يله نام يالمريض

*

نورزان: مرت ايام ومشت طبيعي، وبعد فتره قصيره قرروا عرس احمد، وبلشت التحضيرات،

قرروا يسون الحنه بالحديقه لأن حديقتهم كلش كبيره وحلوه، ينجمع بيها الزلم والنسوان بالصاله داخل البيت هم صالتهم مال الضيوف كبيره ومفتوحه على صالة البيت الداخليه شالو القاطع الخشب ألي بينهن و صار عبالك قاعه

رحنا قبل بكم يوم اشترينا ملابس للحنه فساتين قصيره مخصره ومن جوا كلوش، اني وريام نفس فكرة الفستان اني لونه ابيض وبي شغل ذهبي وريام لونه بنفسجي رتبنا روحنا بالبيت وبصعوبه قنعنا امي حتى نخلي مكياج،

شلت شعري نص ونزلت خصلات من الجانبين وبقيته مفتوح على طوله صار حلو خليت مكياج وركزت على رسم العين،وريام فتحت شعرها ولفته صار الطارف مبروم العصر رحنا وامي هم ويانا لبيت عمو نبيل والدي هو وزيد كالوا من نرجع نبدل ونجي لكينا اقربائهم كلهم موجودين، وحتى خالاتي وخالي وبناتهم و ولدهم وجدي وبيبي هم جايين صارت لمه حلوه

بلشت الحفله وشغلو الدي جي، واني وريام وبراء وبنات خالتي استلمناها سوا نركص، تونسنه
وراها تعشينا وب الليل قرروا يروحون يحنون اللبنيه واحناهم وياهم اكيد

طلعنا كلمن بسياره وطبعا اني والبنات خلينه بشت على ملابسنا لأن قصيره احنا رحنا بسيارتنا ويا والدي وكلمن صعد بسيارته وتوجهنا، لبيت العروس دخلنا لبيت العروس كانت طالعه كلش حلوه والاحلى فرحتها هي واحمد

حنو العروس كعدنا شويه قدموا كيك وعصائر وراها طلعنا رجعنا لبيت عمو نبيل نكمل الحفله
والدي وزيد رجعوا لبيتنا اصلا همه لو ما العيب وعلاقتهم القويه ويا عمو نبيل فلايجون عازلين روحهم واكثر وقتهم بالعمل ومبتعدين عن المجاملات

كملنا الحفله والولد علكوها حتى صاروا اصدقاءهم يغنون، ويركصون چوبي

وراها بدو الغربه ينسحبون وضلو بس الاهل
وكملوها اغاني ورگص واحنا كلنا طلعنا نشوفهم
صراحه دائما الولد بالمناسبات وخصوصا الحنه تصير حفلتهم احلى

واني واكفه اجوي خالي او ولد خالاتي يسلمون علينا سلمنا ووكفنا على جه فجئه حسيت شخص يمي ألتفتت شفت احمد ابن خالتي واكف يمي باوع عليه وأبتسم

احمد: شلونج نورزان؟

نورزان: الحمد الله بخير

احمد: شلونه دوامج؟ اكيد دراستج كل مرحله تصير اصعب اذا محتاجه شي او عندج ماده صعبه اني ادرسج تعرفيني خريج علوم بايو

نورزان:شكرا بس البايو اول سنه عندي واني هسه ثاني واني زينه بدراستي ألي يدرس ينجح

بدون مقدمات وبصوره مفاجئه كلي ...

احمد: نورزان ليش رفضتيني؟

نورزان: متصورت راح يفتح هل الموضوع وخصوصا بهل مكان قبل لاارد سمعت صوت غاضب ...

رافي: ليش شوكت خطبتها ؟؟؟؟

يتبع....

سيف: اي مابينهم شي ولاتقنعني ولااقنعك المفروض تكون عندك ثقه بكلامي وبكلامها احنا ثنينه تربيتك وبعدين حتى لو بينهم شي اني وانته شعلينه،،، عدها اهل وهمه يحاسبوها
وهي مو صغيره وتعرف مصلحتها

اني كلت هل كلام حسيته راح يموتني رد عليه بعصبيه ...

رافي: انت تريد تخبلني؟صدك يعني بينهم شي احجيييي ؟

سيف: عفت الكلام كله واهلها وجلبت اكو بينهم شي شجاك رافي؟، ترا اي واحد يعرفك يفهم انت جاي تتصرف بشكل مو طبيعي، وعصبيتك ما ألها مبرر فمن الاخير فهمني شبيك وشتريد؟

رافي: جوز عني وكوم وسد السالفه

سيف: راح اكوم وانته راجع تصرفاتك، لأن راح تخسر نورزان

عفته وردت اروح سمعت صوته وتوقفت من كال ...

رافي: سيف اخر مره راح اسألك عنده شي وياها هذا امير لو لا؟

سيف: الضاهر انت قافل بس راح اكلك صدكني ومتأكد مليون بالميه ماكو شي

رافي: زين وغيره ؟

سيف: ليش تحسسني نورزان وحده فالته ومن واحد لواحد ترا رافي هوايه تجاوزت على نورزان
وشككت بأخلاقها،، انته كلش زين تعرف شنو اخلاقها....وحتى اريحك، نورزان وحده مغروره وشايفه حالهاوضاربه شباب الكليه عرض الحائط

كلت هل الكلام وعفته ومشيت، فعلا حقها نورزان، تستغرب وتضوج من تصرفاته اذا اني اخو مستغرب منه ومصدوم بي ...

وضل بالي يودي ويجيب معقوله ألي جاي افكر بي صح،،،،،،،، ياخوفي؟!!

يتبع....












...#بارت١٠


***

نورزان: بعد الكلام ألي سمعته، والتشكيك، ضليت
ايام مقهوره ...هاي ثاني مره يتصرف بهل الطريقه ويايا....، وحتى سيف حسب كلامه مامفتهم منه شي وعلى شنو بهل طريقه ديتعامل ويايا
بعد اسبوع كعدت الصبح سبحت وصليت حضرت نفسي ضليت انتضر سيف حتى يجيني سمعت صوت الهورن طلعت بس تفاجأت لمن طلعت!!
بالسياره مو سيف عمو رافي، تراجعت خطوتين
صاحني وصبح عليه

رافي: صباح الخير

نورزان: صباح النور

رافي: يله شتنتضرين تداومين اليوم لو، ألا سيف يله تروحين

نورزان: لعد سيف وينه؟

رافي: ميداوم بي فلاونزه، واني راح اوصلج

نورزان: شكرا، ماكو داعي تعطل نفسك وتتاخر على شغلك، اني منا ائجر تكسي واروح

رافي: نورزان صعدي وعوفي هل السوالف والعناد
لأن لتتوقعين اخليج تروحين وحدج

نورزان: صعدت ويا بس كنت كلش متوتره
اخر لقاء بينا كان مشحون واني هم ضايجه منه
فضليت طول الطريق ساكته ودايره وجهي
واباوع على الطريق مااريد افتح اي موضوع ويا

رافي: ها شكلج بعدج ضايجه مني؟

نورزان: على شنو ليش انته مسويلي شي حتى اضوج؟

رافي: ممم، وصايره خوش تبسمرين وتسمعين كلام

نورزان: مثل ماانته صاير تشكك، وتعصب عليه وتتهمني بشي ماأله وجود

رافي: نورزان لتتوقعين في يوم من الأيام اني اريد الأذيه ألج ترا اني من حرصي وخوفي عليج، هيج حجيت اني من شفته لهذا امير سألت وعرفت عنه فد واحد طايح حظ

نورزان: عمو ترا اني اعرف شنو اخلاقه، ولهذا ولامره عبرته أوانطيته مجال ومع ذلك انته حتى لو شفته واكف ويايا انته تعرفني وتعرف شنو اخلاقي،وردت فعلك ماكانت مقبوله ومبالغ بها كنت تكدر مثل قبل تنصحني وتدليني الطريق الصحيح اذا اخطئت

رافي: صح كلامج، لهذا اني اعتذر منج واسف لأن جرحتج بكلامي وزعلتج مني

نورزان: اني مااريد ازعل منك ولا اريدك تطلب السماح بس ارجوك مره ثانيه لتسوي هيج
اسألني بغير طريقه، ولتشكك بيه،لأن انت اخر شخص بهل الدنيا، اتوقع منك فد يوم تجرحني

رافي: اكيد، وصدكيني، انتي هم اخر وحده بهل
الدنياافكر مجرد تفكير أئذيج او اغثج.انتي متعرفين معزتج عندي وخوفي عليج

نورزان: تراضينا بعد عتاب واني هم صراحه مااكدر ازعل منه اكثر لأن هو اقرب انسان ألي..فسامحته وسدينه السالفه،رجعت ويا طبيعي مثل قبل كأنما شيء لم يكن رحت للدوام وبالرجعه هم اجه عليه رجعني ومريت سلمت على سيف وشفت صحته
وهو عبالك قرد كلشي مابي،

**

سيف
_

ها عيني بش مهندس رافي، صالحتها؟
لو كعدتني بالبيت ومرضتني على الخالي بلاش..

رافي: سد حلكك يالنابغه ألي يشوفك يكول بحياته مامفوت لادوام ولامحاضرات،

سيف: هسه المفيد تصالحت وياها لو لا ؟

جاوبني بغرور ورفع ياخته وكال ...

رافي: اكيد ....ليش كان عندك شك راح تضل زعلانه عليه؟

سيف: اووووه ياكزنوفا، ألي يشوفك هسه ويسمع الثقه مالتك...ميشوفك من صارلك اسبوع تلوب والندم ماكلك وتفكر شلون ترضيها

رافي: انته عاد راح تلزمها ألي زله...، تورطت طلبت منك تساعدني، هو يوم غبت على الدوام شسويتها سالفه

سيف: هو هذا هم حضي مثل السمج مأكول لو اسبح بالشط

رافي: هههههه، قصدك مأكول مذموم يالفاهم

سيف: خليت الفهم والمخططات ألك صاير خطير وتخوف كل يوم جاي اشوف بيك تغيير شكل...
، وبديت اتسائل شنو سبب تصرفاتك الجديده

رافي: ماكو شي لتسويها سالفه شنو جديد عليك انته تعرف معزت نورزان عندي وماردت تضل زعلانه لااكثر ولا اقل

سيف: خلص افتهمنا ماكو داعي تعصب ويله اطلع من غرفتي اني مريض واريد انام

رافي: متلاحظ عشت الدور زايد

رافي: نورزان قبل لتروحين اريد احجي وياج

نورزان: اي عمو عادي بس اروح استنسخ واجي قبل ليصير المغرب

رافي: شنو تستنسخين؟

نورزان: هاي الملزمه بسرعه هسه اجي

رافي: ويين رايحه وحدج كل عقلج،؟ بابا شوكت تفتهمين انتي كبرتي، وهذا وجهج يجيج ابو التايه وفوكاها الوضع موزين ادري اهلج ميخافون عليج شنو السالفه؟

نورزان:كل كلامه ويايا كان بغضب بس ماعله صوته

_لا عمو اني مينخاف عليه، واهلي متأكدين من هل الشي

رافي: اي مو هيه، بهل البساطه، عود انتي بروسلي
ومينخاف عليج،،،عوفج من هل السالفه اذا ماكو احد يوديج، اني او سيف موجودين تجين علينه...
وهسه انطي الملزمه لسيف يروح يستنسخ ويجي

نورزان: لاعمو ماكو داعي مااريد اتعب احد المكتبه هنا خطوتين

رافي: نورزان بلا عناد، واسمعي كلام

نورزان: سكتت، بعد احسن، بس بنفس الوقت المتمرده ألي بداخلي ضايجه مااحب احد يتحكم بيه، بس يله اعرفه لمصلحتي

رافي: امشي للحديقه عندي كلام وياج

نورزان: مشيت ويا كعدنا على الكراسي
اول ماكعدنه باوع بوجهي وتكلم بعصبيه

رافي: نورزان اريدج تجاوبيني بدون لف ودوران
شعندج ويا هذا الطالب ألي اسمه امير ؟

نورزان: تفاجأت واستغربت شعرفه بي وبأسمه وشنو يقصد بكلامه ضليت افكر.

رديت عليه...

_شنو قصدك من سؤالك؟

رافي: تعرفين شنو قصدي، شنو علاقتج بي؟

نورزان: ماعندي اي علاقه بي

رافي: وألي ماعدها علاقه بشخص توكف بنص الكليه تسولف ويا،؟ لا وفوكاها خال ايده على كتفج؟ يعني هل شي طبيعي بنضرج

،(رفع تك حاجب، كأنو نضرة اتهام)

نورزان: استغربت طريقة كلامه اكثر من السؤال نفسه

جاوبته...

اولا اسلوب الاتهام مااحبه وثانيا ماعندي شي ويا
نهائيا،،، هو ديحاول يتقربلي، واني صديته...
واصلا سيف يدري بالسالفه كلها تريد اسأله

رافي: بس ألي شفته وكلامكم ميدل انتي صادته؟

نورزان: قبل ليكمل كلامه رديت بعصبيه...

_عمو شنو قصدك يعني، دااكذب عليك وعندي علاقه ويا،؟ اصلا هو اعترفلي بمشاعره واني رفضته وسديت الموضوع، وماكو داعي على هاي نبرت الاتهام ألي عندك،

اني كلت هل كلام لوتحول لبركان وصار يصيح عليه

رافي:يعني هذا ابن ال گل***ب حاط عينه عليج
وواكف بنص الكليه ويعترفلج بحبه وانت تشوفيها عادي، ومكيفه،،، انت صايره فد مره ومتحترمين...لا وفوكاها تعلين صوتج عليه

نورزان: ترا مو قصدي اعلي صوتي عليك
بس انت ماشفت طريقة كلامك ويايا، واتهامك
صاير متتناقش،، اني بأختصار شديد جدا ...
ماعندي شي ويا نهائيا وفهمته هل الشي وهو ابتعد
فماكو داعي تكبر الموضوع، اني هل شخص اساسا مااطيقه

رافي: يعني ماكو شي ويا اكو ويا غيره لو شنو مافهمت؟

نورزان: صفنت بوجهه، لأن فعلا ضاع الكلام ومصدومه بي، وبكلامه، ....اني حاليا دااكتشف شخص مااعرفه بحياتي، لهذا عفته وكمت قررت ارجع للبيت لأن اذا ابقى بعد ثواني معناها بعد ماباوع بوجهه طول عمري بعدمشيت خطوتين وألتفتت

_ اني رايحه، عمو وشكرا لشكك بيه وبتربيتك...

عفته ومشيت واني نار بيه، ضل يصيح بأسمي ورايه بس ماعبرت مشيت ورجعت للبيت
ورا شويه اجه سيف جايب الملزمه، وسألني شبيه لأن اعصابي صايره نار بلغته ب كل ألي صار وهو تفاجىء

سيف: واني اشوفه من فتت للبيت شفته صاير بارود باعي نورزان هو صح كلامه جارح وصراحه مامتوقعه منه هو بالتحديد، ....

بس لتضوجين ترا هو يعزج ويريد مصلحتج ومن خوفه عليج هيج حجه واني هم راح احجي ويا وافهمه وافهم منه سبب هذا تصرفه بس انتي لتنقهرين، وتشيلين بگلبج

*

سيف
___

اني ونورزان صح من كنا صغار منتوالم بس من كبرنه صرنا اخوان واصدقاء وكملت من دخلنه نفس الجامعه، علاقتنا صارت اقوى واعرف عنها كل شي ومتأكد من اخلاقها وتصرفاتها

بس مهما تكون معرفتي وعلاقتي بيها تبقى هي ورافي علاقتهم اقوى، ...لهذا من كلتلي على كلام رافي كلششش تفاجأت!! مو عوايده يتصرف بهل الطريقه ولاعنده اسلوب التشكيك بالكلام ...
وحتى من يشوف خطا ينصح الشخص المقابل، بكل هدوء، واحترام هو شخص طبعه متفاهم ويعرف يتحكم بأعصابه اني ادري بمعزت نورزان عنده بس موهيج يتعامل وياها ...لهذا قررت احجي ويا واشوف شنو سالفته...

دخلت للبيت ولكيته على كعدته كاعد بالحديقه
ويهز برجله بتوتر، ووجهه ميتفسر محتقن وميكصه السيف رحت علي

_ها رافي شبيك؟

رافي: مابيه كله الخير

سيف: لعد شبيك ويا نورزان؟

رافي: لحكت تكلك وتشكيلك؟؟

سيف: شجاك يمعود، انت شلون تحجي وياها بهل الطريقه، اول،، تالي،، انته يطلع منك هل شي
نسيت هاي نونو تربيتك

شفت بعيونه نضرت حزن وندم ردلي ...

رافي: لخاطر الله سد السالفه وعوفني بحالي

سيف: شكلك حجيت وتندمت، بس اكلك ترا الموضوع ميستوجب وهذا امير هو دائما لازكلها وهي تصده

رافي: اي كرت عينك وانته ساكت عنه...
وفوكاها شفته خال ايده على كتفها وديعترف بمشاعره ابن القن****ه

سيف:هوب،،هوب،،هاي شبيك انت متغير حتى لسانك صاير فالت

رافي: تريد تقنعني هذا كلامك صدك لوانته متفق وياها تكول مابينهم شي؟

٩_١٠


....#بارت٩


****

نورزان: بعد الخطوبه وألي صار بديت اتلافى اي مواجهه ويا عمو رافي

بعد ١٠ايام على هل السالفه، بالكليه كاعده اني وسيف من بعيد لمحت رافي جاي بأتجاهنا استغربت بس بعدين اتذكرت هو قبل فتره كال اريد اجيكم، اباوع علي كاشخ كشخه، طالع فد شي،،لفت انضار الموجودين

رافي: السلام عليكم، شلونكم، تستقبلوني، او اعود ادراجي

سيف: هههه مادامها صارت فصحى اكيد نستقبلك
هلا بيك

نورزان: اكتفيت بالسلام، وماجاملته بعدني
ضايجه منه، بس محاولت ابين هل شي
ضلينا كاعدين نص ساعه، وراها كله سيف امشي
نفتر بالجامعه ونشرب شي، وناكل، وافق على كلامه اني اعتذرت منهم

نورزان :اعذروني مااكدر اجي وياكم عندي محاضره، راح اروح وانتو اخذوا راحتكم

رافي: على راحتج، اساسا انتي حتى ما جاي تشاركينا كلامنا،

نورزان: اعذرني تعبانه وعندي محاضره، من رخصتكم

عفتهم ورحت للمحاضره، لأن طبعي من اضوج من شخص مااكدر اجامله او حتى اتكلم ويا، لهذا قررت ابتعد

*

سيف
__

رافي شبيك ليش ضجت ؟

رافي: مابيه بس شفت نورزان شلون تصرفت ويايا
وحتى حسيتها ضايجه مني ومن جيتي وكعدتي يمكم على اعصابها

سيف: شنو السالفه كول ياالله اللبنيه ماحجت اي شي ولاسوت اي تصرف يدل على هذا كلامك..

رافي: اني اعرفها اكثر من نفسي، وعدم كلامها واهتمامها، بوجودي هذا يدل انو بيها شي

سيف: يووو يارافي،،، انته صاير تتحسس من نورزان ،،،،وعلى فكره انت ألي متغير مو هيه..

رافي: بطل سوالفك عود يعني تريد تديرها عليه السالفه،،، خلي ارجع احسن ألي علساس جيت اشوفكم ضوجتوني وعكرتو مزاجي

سيف: على كيفك عيني ترا من جيت لسه واني مكابلك وافر فر بيك واجاملك...تالي طلعت غاثك ومضوجك عيني مهندسنا لو انت مزاجك مربوط بنورزان،؟

رافي: شنو قصدك؟

سيف: مااقصد شي يابه راح اسكت احسن لأن
راح تندار عليه السالفه

**

نورزان: خلصت محاضره وطلعت داامشي وصار امير بوجهي

امير: هلو نورزان شلونج؟

نورزان:تنرفزت من شفته جاوبته بضجر

_هلو، خير امير رايد شي؟

امير: اريدج

نورزان: شتريد مني تفضل كول ألي عندك دااروح

امير: رايدج كلج

نورزان:عصبت من كلامه ورده السخيف كتله ...

_امير جوز عني وهذا اسلوبك مااحبه، شوكت تفهم ياابن الناس اني مومثل ألي تعرفهن افهم عاد

امير: اي ادري مو مثل غيرج، وهذا العاجبني بيج

نورزان: رجائا امير وكفتك ومضايقتك، ألي طول الوقت موحلوه لابحقك ولابحقي....فرجائا ابتعد عني الكليه مليانه بنات، مو بس اني وانته ماشاء الله اساسا مامقصر، كل يوميه وحده بعد ليش جاي عليه

امير: ها تغارين عليه؟ اذا تحبين اطيرهن كلهن
واضل بس ألج، انتي بس كولي واني حاضر

نورزان: انت تحجي صدك يعني، اغار عليك ليش انته منو واغار عليك ؟ افتهم،، دااوصلك فكره يعني عندك غيري ابتعد عندي وخلص، اي جزء من كلامي مافهمته...

ياريت تفتهم وتبتعد احسن مااروح للعميد لو اوصل لأهلي وتكبر السالفه لأن صدك مليت من مضايقاتك

بعدني مامكمله كلامي خله تك ايد على كتفي
وحجه بهيام وبصوت ناصي وهادىء

امير: انتي ألي ما جاي تفهميني... اني كلش معجب بيج...ترا بنات الكليه هنا هنه يركضن ورايا ويطلبن يصادقني،....اما انتي فأول وحده نزلت نفسي، ألها وانتي ماقصرتي ذليتيني....
اني مااريد اتسلى وياج اني فعلا عندي مشاعر اتجاهج

نورزان:جاوبته بهدوء عكس ألي بداخلي

_شوف امير اني لااريد اذلك ولاعندي شي وياك...
ومعاملتي الك بهل الطريقه سببها مضايقاتك...
، بس اريد تعرف اني لااريد اكون علاقه وياك ولاويا غيرك، ...فياريت تقدر هل شي وتبتعد عن طريقي انته انسان والدك معروف والكليه كلها تعرفك ومومال مشاكل، خلينا نكون متحضرين اني مافيدك وانته متفيدني، وخلص وان شاء الله تلكي ألي تريدها، بس بعيد عني ورجائا بعد لتعترض طريقي مااريد احد يطلع علينه حجايه

امير: تمام هذا اخر كلام عندج

نورزان: اي وياريت تاخذه بعين الاعتبار

امير: يصير خير نورزان، يصير خير

نورزان: عافني وراح عود هو ضاج بالخير وماعجبه الكلام،،، كملت، محاضراتي وطلعت، لكيت سيف كالعاده منتضرني حتى نرجع سوا، ضلينا نسولف بالطريق سألت سيف....

اكلك سيف اكو ملزمه مسويها ألنا استاذ علي بس اني ماكنت مدوامه بوقتها، ممكن اخذها منك استنسخها؟

سيف: اي اكيد، بس هي بالبيت من نرجع تعالي ويايا لبيتنا هم نتغدا وهم ادورها ألج

نورزان: لا تسلم مالي خلك والله اريد ارجع انام
انت شوفلياها وحضرها والعصر اجي اخذها
واروح استنسخ

سيف: على راحتج

نورزان: وصلني وراح واني مباشر بوجهي للحمام سبحت وصليت ونمت، من التعب...
كعدت، وبدلت، استأذنت من امي ورحت على سيف سلمت على الكل بعدها سألت سيف

_سيوفي فدوه الملزمه مستعجله قبل لتغورب الدنيا

راح سيف جابها ترخصت وسلمت وطلعت اني وسيف للكراج،...من طلعت صار عمو رافي بوجهي بس حسيته موطبيعي وشكله كلش ضايج
سلمت عليه، ردلي بس نضراته ألي كلها غضب

نورزان: ولي وبله تفاهه صعدي واصعد اني

رافي: شنو السالفه تبسبسن فضني اليوم نروح لو نسوي حفله هنا

براء: اي خالو نورزان ماجاي تصعد وتفضها اني مااكدر اكعد بالنص اختنك تدري بيه ربو

نورزان: اليوم احرگج اني اعلمج

براء:(بصوت عالي ) اصعدي يمعوده فضينا

نورزان: صعدت ليكدام اني وبراء والبنات ورا
بس ماشاء الله بساميرهن وكلامهن بنص اذني
تحركت السياره ومشينا بس طول الطريق اني متضايقه وكاعده على اعصابي وحتى عمو احسه متضايق، وحتى واضح علي متوتر

رافي: ياالله صبرك ربي

نورزان: كلش ضجت وحسيت تورطت بهاي كعدتي
ولهذا حشكت نفسي ببراء

براء: ترا راح اطلع من الجامه تدرين

نورزان:(بهمس) ورطتيني تحملي واذا متسكتين
اني راح اشمرج من الجامه، وحسابي بعدين وياج

الطريق صار سنه، الورايا بس يبسبسن ويسمعني كلام، عمو شغل اغاني طلعت اغنيه ماجد المهندس سحرني حلاها كتله بفرح... عمو عفيه بقيها.. باوع عليه متفاجئ

رافي: شنو تحبين تسمعين لماجد؟

ريام: ياتحب تسمع هي غير خابصتنه خبص بأغانيه
ليل نهار

رافي: حلو،،، عبالي بس اني اسمعله بالعائله

نورزان: انت هم تحب تسمعله؟

رافي: اي صراحه هو وتامر عاشور ورامي صبري اغانيهم راقيه

وسن: اني هم احب ماجد

نورزان: طلع قرص لماجد وخلا ضلينا نسمع
شويه خف التوتر لحد ماوصلنه للقاعه
نزلنا كلنا ولكينا اقرباء امهم وابوهم واقرباء العروس القاعه مليانه، كانت حفله حلوه والعروس هم حلوه سووا فقرت لبس الذهب وقطعو الكيك
بعد العشا والكيك كالت براء...

براء: بنات نروح للحمام نعدل مكياجنا ترا وكع الصبغ وصرنا وحدتنا چنها جويسم ابو اللبلبي

نورزان: هههه ولاتجوزين من سوالفج يله كومن
رحنا للحمام عدلنه المكياج وريام وبراء لطشن بالحمام... يله يمعودات فضنه، ترا راح اروح...
شفت سالفتهن مطوله عفتهن وطلعت من طلعت صار بوجهي ابن خالهم الغثيث ألي اجه بالعزيمه، واحد سخيف وعينه صلفه

ياسين: ياهلا يالحلو دخيل الله على هل الجمال
وهل العيون وفوكاهه الاحمر يضوي ضوي عليج

نورزان: ماعبرته عفته وردت امشي، لكن هو لطش مين مااتوجه يصير بوجهي ويهذري..عصبت منه .

_اكلك وخر من وجهي ولتختبر صبري

ياسين: واذا ماوخر شيسوي الحلو؟

رافي: خييييير!!! ياسين شعندك هنا؟؟

ياسين: ماكو شي جاي للحمام

رافي: حمام الولد هذاك مو هذا وعوف سوالفك
احسن ألك ولتوصل يم النار لتحرگگ

ياسين: شنو السالفه صار نار وحرگ يمعود هو سلام سلمنه خوما كفرنا

رافي: امشي نورزان اذا خلصتي

نورزان: اي يله، جرني من الذراع ومشاني كدامه
حسيته كلش ضاج وكاتم اعصابه حتى خفت
تصير مشكله

رافي: هذا ديربالج منه ترا واحد ساقط لتنطي وجه

نورزان: اي اكيد، وليش انطي وجه

رافي: اي احسن وكعدي على الميز وبعد لتتحركين يكون احسن، لحد مانطلع

نورزان: ضوجني لأن كان يحجي بطريقه عصبيه وميباع بوجهي وكأنما مسويه جريمه هواي بالغ بردت فعله ادري قاعه وناس شيريد يسوي ابن خاله قابل وكلي لتتحركين

،سكتت وكعدت الى ان خلصت الحفله وطلعنه وتوجهنه للسيارات اني قررت ماارجع وياهم لأن بالجيه تضايقت ردت اصعد ويا سيف لهذا ضليت واكفه على جهه انتضر اشوف سيف وينه حتى اكله

رافي: شتسوين واكفه هنا متصعدين بالسياره؟

نورزان: راح اصعد ويا سيف السياره متكفي

اني كلت هل الكلام لو صار بارود عصب عليه

رافي: نورزان لتضوجيني ياسيف ألي تنتضري وهنا واكفه ومنا الشارع والولد واكفين،،، فضيني وصعدي وبله عناد

نورزان: كلش ضجت من اسلوبه بحياته محاجي ويايا بهل الطريقه ، صعدت ويا بس جبرت براء وحتى هددتها نتخارب لهذا كعدت هيه بصفه حتى هو انتبه باوعلي، ودار وجهابعد ماحجه شي طول الطريق، بس ضل ينافخ ويستغفر،الى ان وصلنا واني واهلي رحنا مباشرتا لبيتنا، واخيرا انتهت هاي الليله شكد كنت متحمسه للحفله بس بعدين كرهتها وتمنيت مارحتلها

المشكله مو هنا المشكله ألي غثني وطلعها من عيني اقرب انسان ألي وبهذا تصرفه اخذت موقف وقررت انفذه

يتبع....

رجعت للبيت وطبعا ماوصلت لأهلي بس لريري
لأن اكيد حتى لو مااكول اذاعة مونتكارلو
براء هي توصللها لأن متنضم عدها حجايه
وفعلا ورا يومين اجتنا براء وكتت الاول والتالي

براء: ولج نورزان جدي رزل بيت عمو ابو وسن و
كله فوك سوايت بناتك بدال متطيح حضهن
نوب انت تزعل وتطلع، من شوكت ترضى بالغلط صاير موحقاني لو صاير العكس جان سكتت لو كلبت الدنيا احسن الك راجع حساباتك لأن راح تخسر هوايه بسبب بناتك

ريام: اي عفيه هو المطلوب احسن خلي يتربن

براء: وعندي خبر ألكم هم حلو خبر بمليون كنيه على كولت المصرين ...

خالي احمد خطب البنيه ألي يحبها وصارت الموافقه وعن قريب حفلة الخطبه فمن هسه دااكول حتى تبدن تحضرن امرجن نريد نعلكها، ونحرك الكرايب حرك اني وانتن

نورزان: الف مبروك واخيرا راح تصير مناسبه
ونغير جو

بلشنا تحضير ورحنا اشترينا ملابس احنا وامي ومنال وبراء كلنا سوا، لأن الخطبه بالقاعه وردنا نعلكها على كولت براء

اني اشتريت فستان احمر شيفون، وبصدره كيبور بي شغل نم نم وعلى الخصر هم بي شغل صح بسيط بس فخم وماركه وريام وبراءنفس الموديل اخذن عبالك توأم بس ريام وردي وبراء اوف وايت

يصير كصه سبعه من الصدر والكتف بي شغل والخصر هم كلهن حلوات

بيوم الحفله منال اتصلت على امي طلبت نروح وياهن للصالون امي ترددت بالبدايه بس منال قنعتها

اخذنا سيف ودانا كلنا وكال راح اروح اني للحلاق
ويا احمد وراها ارجع من تخلصن

بلشت ام الصالون بينا شعر ومكياج واني اول وحده خلصت منال وسمر سون تسريحات بما انو هنه كبار ارتب ألهن اني وبراء وريام سرحنا شعرنا وبقينا مفتوح خلينا مكياج المشكله اني من اخلي مكياج شويه طوخ كلش وجهي يبرز ويجذب وابين اكبر من عمري يعني اني بالعشرين صرت عبالك بال٢٥ يكبرني ...صح بالجامعه اخلي بس هو والماكو سوا مجرد ماسكارا ومرطب شفه وردي فاتح جدا من شفت المكياج يجذب قررت اخفف شويه منه

سمر: لانورزان لتخففين طالعه حلوه كلش، حتى لو شويه مكبرج شنو يعني المهم حلو وبعدين انتي طالبة كليه المفروض من زمان تخلين مكياج بس انتي مسويتها فد مره

ريام: غير امي متقبل هي ماسكاره ومرطب ومحمر خد ويوميه تضل تحجي

منال: حقها هي شي بسيط وجها يجذب النضر اذا تخلي هيج توكف الشباب على تك رجل

نورزان: يمعودات سويتني هوليا وماادري ترا راح انغر من وراجن

سمر: انغري عيني يلوكلج، بس ها مو علينه

نورزان: ههههه، لالتخافين

خلصت اول وحده ودك تلفون منال دترد عليه طفى

منال: خ***ه، بالحظ، هذا هسه وكته الولد دك عليه واخاف دينتضر....نورزان انت خلصتي شوفي بره فدوه اذا جاي كوليله فد ربع ساعه بس نبدل

نورزان: تمام بس مو تتأخرن لأن هم ماضل وقت
طلعت من الصالون لمحت سياره عمو رافي من بعيد احنا عبالنه سيف بس مااجه

لكيته واكف ومتكىء على السياره من شافني عدل وكفته وباوع باتجاهي رحت عليه

_هلو عمو شلونك

رافي: الحمد الله

نورزان: البنات فد ربع ساعه ننتضرهن حتى يخلصن...

(انتبهت لعمو ساكت وصافن،احجي، وهو يباوع بس عقله مو ويايا،) ولهذا سالته ...

_عمو دتسمعني؟

رافي:هاا،،، اي، بس،، اشو البنات مااجن؟

نورزان: عمو لعد شنو دااكول اني مو كتلك يتأخرن فد ربع ساعه

رافي: اي تمام، تعالي صعدي بالسياره منا الشارع والناس،

نورزان: صعدت وانتضر، الربع ساعه صارت نص ساعه يله طلعن،

توجهنه لبيت عمو نبيل، لكينا امي هناك

ابو رافي: هاي شنو عيني اليوم، بنياتي هنه العرايس

ام زيد: بنات مو شويه خالات طوخ

ام رافي: يمعوده هي مناسبه حالهن حال الكل شويه فكيها

نورزان: كاعدين شويه واجوي بيت عمهم

براء: كشره، اجوي اللزكه ولا اكو كرامه ينلام سيوفي بيهن من يكول الكرامه زيرو يومين ويرجعون

نورزان: سلمو وكعدوا شويه وقررنا نطلع نتوجه للقاعه، عمو نبيل بسيارته هو وعمه وامي ومنال وسمرسيف اخذ عمه ابو وسن هو وزوجته، وغيث ابن منال ألي كان بيت جده اهل والده بالشمال واجه حتى يحضر الخطوبه،، سيارة رافي اني وبراء وريام، دنصعد اجت وسن وفرح او ورد، وسن مباشرتا اجتي تفتح باب الامام جنب السائق

براء: وين عيني ؟

وسن: هذيج السياره متكفي راح نصعد هنا

براء: اي رجعي ورا

وسن: اشو انت متحترمين، اني اكبر منج اني ألي لازم اكعد بالصدر، هاي الاصول

براء: اذا كان على الأصول فهوايه اصول مامطبقه
مو ضلت على هايه ...وبعدين لازم وحده من خواتج ترجع بسيارت سيف لأن ماراح تكفي

وسن: عادي تكفي بس صفن النيه ويله وخري خلي اصعد

براء: اني ألي اكعد يم خالي، ولتعبين نفسج
لأن مااتراجع عن قراري

نورزان: جبرتها ترجع ورا لأن براء متحلفه بيهن وهنه صلفات واحنا واكفين بعدنا طلع رافي بعد ماقفل البيت وصعد

رافي: يله بنات دنحرك ماضل وقت صعدن

براء: نونو صعدي دااصعد

وسن: وين تصعد السياره متكفي خلى تروح تحول بغير سياره

براء: المفروض انتن ألي تروحن بغير سياره
انتن ألي اجيتن علينا(بهمس) نورزان تصعدين لو اجيب وسن ورجعج ورا ونخليها تحقق مرادها ها شكلتي؟

منال: شباب اهدئوا، سوء تفاهم وينحل
ماكو داعي يكبر الموضوع كلنا اهل

وسن: احنا اهل بس انتو صرتو توكفون ويا الغربه
علينا، ويا الناس المامربايه ولي تمد ايدها على غراض غيرها

نورزان: من حجت هل الكلام مضل عقل براسي
جاوبتها بعصبيه...

باعي لهنا وبس للأن ساكته احترام لأهل البيت كلمه ثانيه اشوفج الغريبات والمامربايات شلون يصيرن... ماكدرت اكمل

( هانت عليه روحي ودمعه طفرت من عيني)

باوع عليه رافي وصار كتله من نار من الغضب

رافي: امسحي دموعج لااحرگ البيت، حرگ
وانتن كلمه ثانيه انسه انتن بنات عمي، واسوي سوايه، بحياتي مطالعه مني وهاي المامربايه تربيتي، يعني تتهمنها، وتعيبن بتربيتي

وسن: لا رافي حشاك مو هذا قصدنا

ابو رافي: شكو شنو الصاير هنا صوتكم واصل لحد يمنا؟

منال: يابه سوء تفاهم واحنا نحله ليضل بالك

فرح: ياسوء تفاهم، عمو تعال شوف ألي ملفيها يمكم شنو دسوي

سمر: لهنا وبس اكول مااحجي بس تسكتين احسلج

منال: شوفن بنات عمي انتن الضاهر جايات ومخططات حاولت اسدها بس انتن تريدنها تكبر

رافي: شحدهن، مخططاتهن على نفسهن،

ابو وسن: شنو السالفه عمي رافي، هاي عود انت الچبير والعاقل،احترم وجودي على الأقل، اول تالي انت يطلع منك هيج كلام

رافي: عمي بناتك طلعنها من ماعونها، مسويات خطه على البنيه، لأن ضايجات ويغارن منها

وسن: منو هاي ألي نغار منها ليش هي بشنو احسن منا؟

ابو رافي: سدو الموضوع، خلص احنا اهل،

ابو وسن: يله بنات امشن نروح، وسدو السالفه

رافي: عمي بناتك يعتذرن يله يروحن، ألي اتهمنها
تربيتي وعلتو بيها وبيه

فرح: ليش يمه،،، هاي فوكاها

ابو وسن: سدوا الموضوع ولتكبروا،،، يله بنات كدامي خلي نروح، واعتبروا مصار شي اساسا

نورزان: اخذ بناته وراد يطلع بس قبل ليطلع عمو رافي، وجه انضاره عليهم،

رافي: عمي انت هسه ماحليتها بالعكس وكفت ويا الغلط ...واما بناتك فأحب اكلهن هذا البيت محترم وألي يدخله لازم يتعامل بأحترام ويا اهله...
ومن كلت اهله اقصد منهم نورزان، يعني لوتحترمن لو تتعلمن الاحترام يله تفوتن

ابو وسن: هيج صار الحجي عمي رافي هاي انت عود الفاهم

ام وسن: يافاهم وهاي الزعطوطه غاسله دماغه

رافي: اني فاهم كلش زين، بس انت ياعمي اكبر وافهم مني، .،، كان المفروض تحط، حد لبناتك من حجن هيج مو تسد الموضوع وتمشي، وتخليهن يتفرعنن ازيد

ابو وسن: وصلت رسالتك، ولتخاف بعد منطب بيتكم،،،،،، ارتاح

ابو رافي: مو هيج السالفه يابه، متنحل الامور بهل الطريقه هذا بيتك،

ابو سن: لااخويه هذا مو بيتي البيت المايحترم بناتي مو بيتي،،،،، يله في امان الله

نورزان: طلعو من البيت وعمو نبيل رزل الولد على تصرفهم ويا عمهم

ابو رافي: ترا اني اعرف بناته هنه سبب المشكله وواثق اكثر من نفسي، بنورزان هاي بنيتي هي ام البيت وأحنا خطاره بس ياابني مو هيج تنحل، الامور شميكون هذا عمك ويعتبر طردته

سيف: لتخاف يابه الكرامه زيرو، يومين ويرجعون يفوتون عادي، كأنما ماصار شي، بس خلي يتأدبن

ام رافي: يطبهن مرض عوفونه منهن خلي يولن

ابو رافي: وانتي يابه نورزان، لتضوجين منهن، هذني
يغارن منج، يروحن فدوه ألج ولندارتج، اليوم اصدقائي تعجبو على الاكل وخاصتا الباجه،
بيضتن وجهي انتي والبنات، الله يبيض وجهجن

براء: اي جدو، والله دعوه تسوه عدالها، فعلا محتاجين هاي الدعوه، بس لازم تدعي لنورزان الله يخفف بياضها، لأن اذا بيضت بعد تصير شفافه

سيف: والله بابنت اختي، انت تخبلين اصلا، طالعه على خالج سيف الصاك

الكل: ههههههه

رافي: هو هذا انته الفالح بي وبنت اختك متشبهك بس طالعه، حشاشه مثلك

نورزان: خلصو سوالفهم واني قررت ارجع لبيتنا لأن تعبت وريام شكلها ماراح ترجع هنا اذا مو ألكيها لافه راسها ونايمه

استأذنت وسلمت بس صراحه ضليت ضايجه
لأن المو ضوع مو سهل حاولت ماابين بس وجهي كاشفني

ابو رافي: نورزان يابه ماوصيج ألي صار ماريده يوصل لأهلج، لان عيب منهم، وانتو عزيزين علينا
ماريد اتخارب وياكم

نورزان: عمو لتوصيني على هل الشي اكيد ماراح اكول

رافي: هي من صغيره ماسوتها هسه تريدها تسويها

ام رافي: بنيتي العاقله مو مثل هذنيج الرعنات
ماوصيج بعد يمه مو تكطعين البيت بيتج غصبن عن اليرضى والمايرضى،

نورزان: الله يسلمج عمه ويخليج، ...

ترخصت وطلعت للكراج اني وبراء وصلت لباب الشارع سمعت صوت عمو رافي وسيف ورايا

رافي: نورزان

نورزان: نعم

رافي: نورزان ألي اعرفها انسانه قويه وعدها ثقه بنفسها ومتوكف حياتها عند موضوع تافه،
موصح لو اني غلطان وصرت مااعرفج؟

نورزان: اكيد صح، وشكرا على وكفتك ويايا

رافي: هذا واجبي وبعدين اني وكفت ويا الحق

سيف: ها هيج الحجي صار هو دافع عنج
واني الصومالي ابن العبده ماحجيت ولا دافعت

نورزان: هههه، لااكيد انت هم ماقصرت، يالصومالي،،،،، شكرا

رافي: اي يالصومالي، اريد اسوي زياره ألكم للجامعه تستقبلوني لو انطرد

نورزان وسيف: لااكيد،،، هله بيك

رد عليه ورد انت حلفتني ولهذا راح اكول الحقيقه كله ....نعم

ولمن سمع قيس اجابته خله ايده اثنينهن على النار وضل الى ان فقد الوعي

نورزان: اوه الله يساعده ليش هيج سوا

سمر: ماكدر يتحمل انو حبيبته صارت بأحضان غيره وحتى يوقف ألم گلبه اذى نفسه

رافي: اني سامع هواي قصص حب ماأكتملت بس خلي نكون واقعيين هو الرجل حتى لو افترضنا حب من حبيبته تصير لغيره تتحرم عليه، فأكيد لازم ينساها مباشرتا

احمد: كلامك صح لأن حرام صارت ذات بعل بس انو ينساها بسرعه فهل الشي هو ألي مو منطقي
لأن الحب مو كبسة زر نشغلها ونطفيها بكيفنا

سيف: اني كل شي ماأفتهمت من هذا درس اللغه العربيه غير شغلتين...

الاولى انو احمد غركان واصل المي لراسه
والثانيه، رافي بعده للان حتى مامنزل رجله وخالها بالمي

احمد: ايا طايح الحظ، اعرفك تافه بس شوكت تكبر مو شوارب عندك مال ذيل مطي وبعدك سفيه وتافه

الكل: هههههههه

نورزان: ضلينا نضحك وهمه واحد يداهر الثاني
ورا شويه وسن طبت وطلعت بيدها سراحية مي وبلشت تقدم، قدمت لسمر ولأحمد وصلت لسيف

سيف: شكرا يابنت عمي النادره

نورزان: عرفنا بسمار، بس غلست هي وأحنا هم وراها قدمت لرافي، ماقبل يشرب تشكر منها

سيف: ليش انتي مو تعرفين رافي ميشرب بنفس الكلاص ويا احد

وسن: ها اسفه نسيت عبالي تغير

نورزان: هاي اول مره اعرف بهل شي

سمر: لا هو من زمان من كان صغير صار ويا موقف ولعبت نفسه وضلت عنده للكبر يعني مسأله نفسيه

نورزان: والله اليوم متفاجأه دا اسمع شغلات اول مره اسمعهن عن عمو

رافي: اني بالنهايه بشرطبيعىي عندي صفات حلوه ومو حلوه

سيف: ادري ليش تحسسيني رافي بشر جاي من غير كوكب ومثالي ومابي عيوب

نورزان: اعرف الكمال لله واعرف اكو بشر نفسه متتقبل اي شي وحتى اني منهم تلعب نفسي من هواي اشياء بس مستغربه من مواقفه اتجاه الحب لأن اعرفه شكد حنين ويحب الناس ويحب مساعدة الاخرين وألي يقدم كل هل الحب اكيد يعرف شنو معناه....

بعدني مامكمله كلامي اجتي منال علينا أنقطع كلامي

منال: يله عيني بنات طولت استراحتجن كومن خلي نخلص

نورزان: كمنا وياها وبلشت اني بالتمن وبعدها ردت اصفي بس اجه رافي يركض

رافي: شدسويين يمعوده هسه يوكع عليج وتنسمطين جان صحتينا احنا نشيله

نورزان: ماراح اشيله هو وبمكانه اشيل واخلي بالمصفي

رافي: حتى لو لتحتركين وخري اني اسوي

نورزان:صفى بالمصفىي وراها رجعه بعد ماصفى وخلاه بالجدر وخلا على النار

كتله،... ادري لعد اني شنو سويت انت كله سويته

رافي: وشنو يعني اهم شي ميصيرلج شي

نورزان: كالعاده اهتمامه،بيه ميتغير وهل شي يفرحني، وطبعا يشعل النار بغيري حسيتهن راح يشيلني ويكعدني بجدر التمن من كد مامدخنات مني بس لااني ولاهو نعبر احد، وراها خلصنا كل شغلنا وجوي خطار عمو نبيل وصبينا غدا وكفينا المطبخ والمواعيين ويا البنات

واخيرا بنات عمهم قرروا يساعدونا شويه
الضاهر بسمار سيف اثر بيهن

ريام توسخت هدومها وراحت للبيت تبدل ملابسها
والخطار ورا الضهر راحو

بقى بس بيت عمهم وأحنا كاعدين بالمطبخ نشرب چاي اجت فرح

فرح: بنات محد شاف سواري الذهب وكع مني واختفى دورت عليه ملكيته

منال: وين راح شوفي خاف من غسلتي ايدج وكع بالحمام

فرح: لا ام غيث دورت بكل مكان ملكيته

سمر: مصار شي كومن بنات كلنا ندور عليه

نورزان: دورنا بكل البيت ماكو فص ملح وذاب
وأحنا ندور وسن جرت كيس ملابسي ألي جبتهن احتياط ويايا،

وكع منها السوار، اني هنا تفاجات وشفت نضرات الصدمه بعيون الكل !!!؟

يتبع.....













..#بارت٨


****

نورزان: من شفت السوار وكع من الكيس تفاجأت
وماعرفت شنو احجي أنربط لساني

بدون نقاش مباشرتاوسن بلشت هجومها ونضرتلي نضرت استحقار

وسن: شنو هاي ليش هيج نورزان، مو أحنا معتبريج اختنا وطول الوقت مأمنين بيج، هاي تاليتها شيسوي سوار اختي يمج؟

نورزان: اني هنا جمدت وأنعقد لساني، واستغربت الموقف، ردت ارد بس سيف سبقني

سيف: الله، الله، شنو هل الفلم الهندي، القديم مال ايام السبعينات، بس للأمانه كان الأداء جدا سيء

وسن: شنو هل الكلام هاي فوكاها

رافي: شكو شنو صاير؟

وسن: هذا ألي صاير (ورفعت السوار بيدها)
سوار اختىي بكيس نورزان بايكته

رافي:جاوب بعصبيه.... سدي حلگج والله لو ما انتي أبيتنا وانتي بنت عمي كان عرفت شنو اسوي، بايكه شنو؟؟، شنو هل الكلام،؟ لا وعليمن، على ألي مأمنين البيت كله بيها، تطب وتطلع وذهب البنات على الكومديات وفلوسنا وغراضنا بكل مكان مايوم نقص منهن شي

، وبعدين هي محتاجه سوار حتى تاخده منجن لو هي بنت فكر وماشايفه

فرح:(ببكاء)... هاي مو حاله يعني توكفون ويا الضالم على المضلوم، هاي فوك متاخذون حقنا، لو منكم ماخليها بعد تعتب عتبة هل البيت

سيف: هنا بيت القصيد، بس ابشرج فلمجن قديم وخايس...، الدنيا تطورت، انصحجن تغيرن، على التركي، الامريكي، يابه حتة لو المصري هم اوجه
لأن الهندي كلش اوڤر ومكشوف