صنعاء فديت روحش🇾🇪❤️

وفي ليلة الجمعة الاخيرة من شعبان🌙.

اللهُم اقضِ حوائجنا واشفي مرضانا وارحم موتانا واغفر ذنوبنا وطّهر قلوبنا ويسّر أمورنا وبارك لنا فيما رزقتنا واغفر لنا ولوالدينا يارب♥.

‏‌🌙جمعتڪم مبارڪة🌙

"
»‏مـش عيـب إنك تتأسـف
وتعتـذر وتقـول انا غلطان •

»‏العيــب إنك تجلــس تكابر
ونافـخ ريشـك ع الفاضـي

🕌حالنا يالنسوان في رمضان غير🧕
النسوان في البيت يفتحين لهن حلقات من حق الراديه
ويتسمعين في الديمه او المطبخ ويحشوشين للمرق ويركبين الرز ويسوين اللحوح ويفعلين باقي العشاء بالدور لان الشوله مافيها الا ثلاث عيون  ويجلسين ذيك بعد العصر. يفتحين التلفزيون  ويبسرين برنامج السماوي. تراحموا ويبكين من البرنامج. والا من البصل والحماء حق المطبخ اهم شي😁
وحين تقع الساع 6 تبسروا الناس يتحركو. يضوو البيوت قده وقت فطور. قد الجوع والعطش زاد عليهم ويضوو ويشلوا الفطور للجامع وكل واحد يزقم له بقعه في صوح الجامع  ويفعلوا حلقه والراديه.تدي الدريس يوم.القريطي بيدرس ويوم.محمد حسين عامر واحنا ذوليك.مسكينات لنا القوى والضياء قد سوينا اللحوح. وشفتنا وسحوقنا وفعلنا الحامضه. والكتلي القهوه وفعلنا السمبوسه وجهزنا العشاء.
والله. ان احنا بنتعب في رمضان قوي صيام وعطش وحماء وشغل ونار وخبوز وعشاء وعاد بعض الرجال يجي يصيح. فوقنا هيا شرق وينتخترو فوقنا واحنا مسكينات شاقيات نعك طول النهار علاسبهم جعلهم بطونهم وعاد الصياح لهم
وعاد احنا نفتجع. لا يطلع العشاء سامج ولا مابش له طعم.
ولا زيدنا او قلينا البهارات ونهم.العشاء.لا ماعيكفيش الضيف وندي عشانا فوق عشاء الرجال. اهم شي يشبع الضيف
وياليت نلقى كلمة شكر حاليه من بعضهم وعادهم يدخلوا يتقارحوا فوقنا لكن مايصلحش هكذا ياابو شنب هذا رمضان وحس بغيرك الكل صايم والكل تاعب مش ضروري تقل للمره مااعجبني العشاء او ماعجبني الفطور.او انه تافل ولا عق
المره محتاجه منك كلمه تشجعها على مجهودها  تحسسها انها  لقيت لتعبها نتيجه عشان اليوم الثاني تجتهتد وتفعل عشاء اطعم من اللي قبله.  لكن سنخبر الله بكل شي😪🥹

شاافعل لقلبي رمز تسعه ارقام
واغلقه واقــول غيــر مسمــوح

راضي بقسمي غصب عاني الزام
الحب بين الناس شي مفضوح

ارغمت نفسي ياجماعه ارغــام
والااعيش هايم بقلب مجروح

ياهايمين هــذه الحياه اقسام
اليوم لك بكــره عليك بتلــوح

#ألشاعرة_صدى_القوافي

°•

#هدار_وداويهة.

اسعد الله اوقاتڪم يااحلى اعضاء. ڪيفنتوا إن شاء الله بخيرين وبصحةه وعافيةه.

موضوعي اليوم هو على #شهر_رمضان
شهر الرحمة والمغفره.. شهر العباده والقيام..  شهر الصيام رڪزوا #الصيام...

اسمعوني باقي ايام قليلةه ويجي شهر رمضان طبعاً اڪثر الناس جالسين يهّموا مصروف رمضان.
#النسوان جالسات يدحسين ازواجهن ويشغّلنهم رمضان قدوا في الابواب وماقد سرناش نتصرف لهة.!
وهاذاك الرجال مسڪين حالتةه حالةه جالس يهُم ڪيف يدبر مصروف رمضان😢.

- ياجماعةه الخير بتهمّوا شهر رمضان ڪأنةه شهر عتأڪلوا فيهة ڪل ما لّذ وطاب... حسستوني انهة شهر للأڪل وبس ومش اي اڪل مابلا اڪل حنّان طنّان..
يعني ضروري اللحم والرز والشفوت والزحاوق والسلطةه والمحششي والسلتةه والفطور تشتوا تمر وزبادي وفول وسنبوسةه وطعميةه  وبعده ضروري شراب ڪرڪدي وقديد والحلّايةه ضروري رواني او شعوبيات و جيلي ومحلبيةه وڪريم ڪراميل وجميع انواع الحلويات😳🤦🏻‍♂😹.

قلدڪم الله هي معده والا شوالةه عتعبي فيها ڪل ماتشتهيةه...!!!

وفي الاخير والله مابتأڪلوا هذا ڪلةه بس تتشهى وتخور وقت ما انت صائم..وفي الاخير تأڪل قليل.

هوّنوها ياجماعةه والله انهة تعب هڪذا يعني خلّوا شهر رمضان هذا يجي برزقةه لاتجلسوش تهمّوا مصروف رمضان مدري ماتشتوا تتصرفوا ومدري ماهو والله إني احس الاڪل فيةه أقّل من الاشهر العاديةه..

شهر رمضان ضيف عزيز يجي بسرعةه ويرحلةه بسرعةه. خلّوه شهر للعباده والصدقةه والصيام...

#والنسوان قلدڪن الله مابش داعي تزيدنّها على ازواجڪن وتدحسنّهم مابلا صرفةه لرمضان ساع الناس.
#مسڪين جالس يهُم مصروف يومةه او إيجار البيت حق هذا الشهر وانتين جالسات حسّڪن ڪيف عيجي رمضان ومابش صرفةه ساع الناس..!

وعاد بعضهن عتحنق وتشل لداتها وتسير بيت اهلها وماعترجع إلا بحق الصرفةه ماشي عتّرمض في بيتهم🥲💔.

#ياغارتاه_بس
ـــــ

( هذا عن موضوع الصرفةه ڪمّلناه ).

- باقي موضوع المسلسلات اڪثرنا في رمضان بيجلس بس عند المسلسلات من مسلسل لمسلسل ومن برنامج لبرنامج وڪأنهن ماعاد عيعيدوهن بعد رمضان.

ياناس ليش هڪذا
مابين اقول لا تبسروش شي.. مــع
نظّم وقتك مابين عباده وقراءة قرآن ووقت مسلسلات وبرامج..

مش تقّرح يومك بس في المسلسلات والبرامج.. ڪثّر من العباده والقرآن لانهةه شهر وعيرحلةه ومايرجع إلا بعد سنـة.. ومدري عيرجع وانت حي او قد مُت.....

لهذا أستغلّوا هذا الشهر🙂.


#وسامحوني_طولت..
.

°•

- ڪل شي مع الوقت بيتعوض وبينتسى.. ڪل شي مع الأيام عيڪون تمام دام الله معانا ودامنا واثقين فيةه..

متضاايقين..؟!
مخذولين..؟!
ضابحين..؟!
› عادي ماعتجلسوش هڪذا وعتنجبروا وعتفرحوا وعيجي يوم تقولوا الحمدلله ي رب الحمدلله لأنك عافيتني وجبرتني وعوضتني بالأحسن..

› صدقوني بتتغير حياتڪم وبتوصلوا لأحلامڪم وعتحسّوا بطعم السعادة والأماان،
وڪّلوا أمرڪم للباري وعتبسروا ڪيف ڪل شي بيتسّهل لڪم..

- ✍🏼 : #غين✨.
.

°•

      "  #مجبر_يرد_الـرووح " 🤤♥️.

- لا تستغربوش من فرحةه وإنشراح الناس بـَ جيّةه #رمضان 🌙 ،
ڪيف مَ نفرح ونهلل ونردد بڪلمات " يا رمضان يابو الحماحم أدي لنا جغثةه دراهم "😍.
ورمضان الخير والبرڪةه..؟!

-لـَ الفقير اللي مايلقاهه طوال السنة يلقاهه بـَ رمضان من #صدقات_وإڪراميات💰.

-لـَ الغني اللي منتظر هذا الشهر علاميد يخّرج #زڪاة_مالةه💵.

-لـَ الاهل بـَ اللمّةه والعزايم والمزاورة بيناتهم البين😍.

-لـَ المغترب يرجع بين أهلةه وعيالةه وأحبابةه اللي أنحرم منهم طوال السنةه 🥺.

-لـَ الجار يسأل عن جارهه..! 
-لـَ الروحانيةه اللي فيةه من عبادة وتراويح اللي تِقّل في الايام العادية🕌 .

-لـَ تطهير القلوب بالحسنات🤍.
-لـَ شرحةه الجهال الصغار بـَ أول يوم رمضاني بخرجتهم يقّرحوا ويونسوا الشوارع في الليل🎉.

› #ڪيف مانفرحش وأحسن الأڪلات نفعلها بـَ رمضان  وما نتخورش ألا فيةه 😋.

رمضان #نعمةه
           #شرحةه
            #رزق.
لـَ الصغير والڪبير ، لـَ الفقير والغني.
 
-فـَ #يارب أجعلةه شهر فيةه تغتفر ڪل ذنوبنا ، وأدخلةهُ علينا لا فاقدين ولا مفقودين💜.

- ✍🏼 : #۾ـڜـ؏ـڣلهہ∞✨.
.

- بلغڪم الله رمضان انتم ومن تحبوا وانتم لا تشڪون هماً ولا حزناً وانتم في اوطانڪم آمنين مُطمئنين ورفع الله عنڪم الوباء والبلاء وسائر بلاد المسلمين وبلّغڪم رمضان بلوغاً يُغير حالڪم لإحسنه.

اللهُم بلّغنا رمضان ونحن في أحسن الأحوال ، اللهُم بلّغنا رمضان وانت راضِ عنّا ، اللهُم بلّغنا رمضان لافاقدين ولا مفقودين يا الله♥️.

رمـضـان قـرّب🌙.

رائحة رمضان تزداد يوماً بعد يوم، لتعلن قُرب مِيعادة♥️.