قالت لي:
اسمه فلان، شاب سوداني كان بحاول يلقى شغل هنا، رغم انه معاه دكتوراة في تخصصه، اجتهد شديد لكن ما اتوفق يوم انا و صحبتي راجعين لاقانا في الباص و نزلنا في نفس المحطة، سلمنا عليهو و فجأة قدامنا طفل سوداني على سكوتر يقع و راسه يتضرب شديد .. و فجأة الدنيا كلها بقت دم .. و في حالات زي دي انت بتتصل بالاسعاف و تقيف بعيد عشان ما تتهم ..
هنا هو الوحيد الاتحرك و جرى على الطفل ده .. و عمل ليهو اسعافات خفيفة و جرى جاب تلج و بخاول يوقف النزيف .. الوقت داك في شخصيات بنعرفها شديد اتجاهله الموقف تماما و خلو الطفل في النزيف ده و مشو .. بعد شويه الشاب اتصل على الاسعاف و جات الشرطة .. و رفض يخلي الطفل و مشى معاه المستشفى و بات معاه و فضل معاه لحدي ما اهله جو .. و اتقرر للطفل عملية مستعجلة لانه الضربة كانت كعبة .. و فضل معاه لحدي بعد العملية ..
قالت لي:
الموقف ده خلانا نتأثر شديد و ندعي ليهو شديد لانه وقف مع الطفل ده و هو ما بعرفه ..
قالت:
بعد فترة رسل لي جاني عقد عمل في السعودية تبع تخصصي و ادوني سكن من اربعة غرف و وضعي اتحسن شديد الحمد لله ..

*الفتوحات و التساهيل و التوفيق من رب العالمين..

و زي ما قالت لي:
الناس تتعامل بأصلها بس ❤️.

#مرام