(2) الموقع لما كان فـ الاول عبارة عن مدونة بشكلها القديم
كانت أريح بكتير بالنسبالنا، لا بنفكر فـ دفع تكاليف سيرفرات
ولا كل شوية تطوير ومبرمجين بتاخد فلوس كتيرة علشان
تعملك الـ انت عايزه، ده غير التجارب الـ كتير كانت هتوقعنا
ولكن الحمد لله لسه ماشيه ونسأل الله انها تكمل.
فـ معلش حاول تتعامل معانا ومع غيرنا اننا والله بشر وكمان
بنقدم خدمة مجانية، بعض منكم بينتقدنا ع الاعلانات !
طيب ما انا بقدملك خدمة مجانية، ادفع انا ازاي ايجار
السيرفرات الـ شايله الموقع ؟ ادفع ازاي للمبرمجين والناس
الـ بتشتغل دي علشان تخرجلك المنظر الـ انت شايفه ده ؟
كان هيبقى ليك الحق لما تكون بتدفع تمن الخدمة دي
ولكن طول ما هي مجانية انا وانت والكل نحمد ربنا انها
متاحة وموجودة، ومعلش لو معترض علينا ومضايق من
المكان فـ تقدر تشترك فـ مليون جروب وصفحة ع الفيس
والتليجرام وتقعد تبحث وقت طويل علشان تنزل ملف
فـ حين مثلًا فـ موقع وتطبيق مذكرات جاهزة للطباعة
انت بتختار المرحلة ثم الصف ثم الترم ثم المادة
وبضغطة زر بتلاقي طلبك بل كمان في فلترة انك تعرض
المذكرة من الكتاب من المراجعة من الامتحان !!
بالله عليك شايف انه ده سهل ؟