القهوه_البيضاء:

طريقتها من أسهل ما يكون.. مقدار صغير مش حيتعبك اديريها بروحك في الحوش المهم تكون عندك مطحنة كويسة

المقادير:
نص كيلو بندق محمص ومقشر
نص كيلو لوز مزلط ومجفف ومحمص في الكوشة بحيث يحتفظ بلونه أبيض
ربع كيلو سمسم محمص
ربع كيلو حمص محمص ومقشر
نص طاسة شاهي كسبر محمص شوي
ملعقة صغيرة حبهان مطحون
تطحني الحمص على دفعات وتغربليه
وتطحني الكسبر وتغربليه
والألواز تطحنيهم وتخليهم من غير تغربيل المهم ما يكونش فيهم حبات كبار هلبا
وخلاص خلطي الحاجات مع بعض كويس وحطيها في حافظة
التطييب ... فنجان النسكافيه ماء وعليه 3 أو 4 ملاعق صغار قهوة والسكر حسب ذوقك وتحركيها عالبارد وبعدين على النار لين تبدا تفوج وطفي عليها وحطيلها شوي زهر .