يـزوار إنـحـبوا وإبچوا عليه ... بنت حسين أنه واسمي رقيه
...
يـزوار  إنحبوا وإبچوا إلحالي ... وذكروا عزتي واخدري ودلالي
أنـه بـنـت النبي من بيت عالي ... جدي المصطفى خير البريه
...
جدي المصطفى سيد الكونين ... اوجدي المرتضى والد السبطين
والـعم  الحسن  والوالد حسين ... اوجدتي فاطمة زهره الزچيه
...
احـنـه  إلـي نـشـأنه وتربينه ... ابمدينة جدنه الهادي نبينه
ويـن الـشام وين ارض المدينه ... عدونه ماعرف حرمت نبينه
...
عـدانـه عن حرم جدنه إبعدونه ... وعن تربت وطنه شردونه
ذبـحـو كل هلي وإحنه سبونه ... هظم مر أعله عماتي وعليه
...
يـوم الـغـاب أبويه حسين عني ... والله كل بچه والنوح فني
مـنـه  اتـيـتمت  من زغر سني ... يسموني العده ياخارجيه
...
وحـيـن النزلونه بالخرايب ... شفت طيف الإبو لن عني غايب
وجـابـوا رأسـه ابطشت النوايب ... اويه رأسه جابولي المنيه
...
ــــــــــــــــــــــــــــــــــــــــــــــ
✍الشاعر المرحوم الخطيب الشيخ هادي الكربلائي

:::


::