الناشر مصطفى المياحي

بمولد الكرار فرحانه اسماي
من عطره الجاي فرحانه اسماي
بنور الاكوان بس نوره اهواي
من عطره الجاي فرحانه اسماي

جدار الكعبه الك ينهد ياااااا علينه
بأذن من واحد الاحد يااااا علينه

من نوره نور يتباهه ويغازل اسمه
نور الكرار ماينضم يامحله رسمه

نور اسمه وياي من عطره الجاي
فرحانه اسماي

تطيب اجروحه اليذكرك يااااا علينه
يبوحسين شعضم قدرك ياااااا علينه

اشكرالاهي ابكل وقت عندي الولايه
العنده حيدر يفتخر بين البرايه

ابطاريه ادواي من عطره الجاي
فرحانه اسماي

المشه ابدربك اله الجنه يااااا علينه
صراط اليعبرك فنه يااااعلينه

كل اليحبك سيدي فاز وتبشر
اخرته والدنيه ربح لا ماتحسر

احروف اسمه الماي من عطره الجاي
فرحانه اسماي

عشگنه اسمك عله الفطره ياااا علينه
يأجمل وحله كل ذكره يااااا علينه

منك عطركل الوردبلونه وجماله
والي يوصفك ماوصل حته بخياله

حبك بدماي من عطره الجاي
فرحانه اسماي

سلام البهادلي

يا موت باريني
لحسين وديني
وينك تعال.... مات الدلال
..............................................................
مو عوايدهم اصيح وما يجون
امنيتي جف حسين اليغمض العيون
العدها اولاد بدفنها منكبين
واني ابني بكربلا دافنته عون

بحصيرة انلمة المطشر...... وضعني بيا بخت ينلم
النار السوط لو الحبال...... ..من ياهنه ارد اسلم

الروح... يمتى تروح..... وانسى جروح... غربتي
كون... هلي يشيعون.... وعلي يبجون.. بدفنتي

ال بطيف ما عفته
بالشام عاف اخته
بضيم الحبال...... مات الدلال
...............................................................
من يذبحون الكصب يردونه في
حجاية التنكال ما مروا علي
من السبي وجهي رسومة تغيرت
شوفوا جا الحبال شمسويه بأدي

اللحكوا يا بني هاشم....... موش ولام الي الديوان
الضلت تاكل بكلبي.... بسوگ يمر خدر عدنان

الفات.... ابد ما مات... شبعت شوغات.. بحياتي
وداع.. الماي انباع... وصنته الكاع.. بمماتي

يخواني لحكولي
شوي ماي جيبولي
كل حملي مال..... مات دلال
..................................................................
انكسر خاطر عيني من ذاك الصباح
اتصابح بوجه الشمر والكة الرماح
اخ يا عازة هلي ما تنحمل
لمن راحو حتى نوم عيوني راح

وصيت لعلي السجاد..... بهونك من تسد جفني
وهنتالله بمتن زينب....... بهيدة من تنزلني

الشام... يبوك احلام... ويضيع ايتام... سبيه
شوك... وكلب محروك.... وتعتنه النوك.. اذيه

يا راي ضل عندي
بالموت هم وحدي
حيرة وسؤال..... مات الدلال
..............................................................
الغربه رحلة وتاخذ دموعي متاع
زينب اسمي وعكب اخوتي اسمي ضاع
الوحشه نار وكلبي يابس بالربيع
بغربه موتي بلا اخوتي بلا وداع

بعين اخواني جنت اكعد..... هسه اكعد ع الترابه
ورمهن متوني السوط...... ما تنفظ هالطلابه

ليل... نار وخيل.. وماضل حيل.. مصيبه
رماح...وضعني راح... وكلبي طاح... غريبه

التهضمني يا موتي
من يشيل تابوتي
عشت بخيال..... مات الدلال
.........................................................
الموت راحة الشام يلجم جنه نار
جبيرة اني وتضحك اكبالي الزغار
فوك ضيم حبال اديه والسياط
مو هلا اتلكوني بالشام بحجار

هلي كافي وعلي كافي...... هجركم ميل اجتافي
هلي شلعان البكلبي...... لحكني حتى بأطيافي

وين... اخوي حسين... وضواها العين... كفيلي
موت.. والتابوت...... بلا زاتوت...... يجيلي

والروح ملجومة
من الشام وهمومة
يا حالي حال.... مات الدلال
................................................................
مرتضى عامر الشمري

لو كلها مجموعه على امحبت علي
چا ما خلق ربنا جحيم وتصطلي

ــــــــــــــــــــــــــــــــــــــــــــــــــــــ


لو ڪــلها چـــانت للأمير اتبــايع علي علي علي علي
چا ما خلق ناره الـقدير الواســع
چان ابجهنم اي بشر ما سـامـع
چا آدم امن الجنه ابد ما طــالع
ارد اسأل واني ابجوابك طــامع
ياهو التصدق خاتم ايده وراكــع
ياهو ابيمينه لحصن خيبر قـــالع
ياهو لرگب مرحب وبن ود گاطع
ياهوه من سيفه عُمرهُم نـــازع
ياهو الـمُـشَـفَّع بالقيامه وشــافع
ياهو النزوره ابڪل غدير انبايـع
ياهو اول ابكلشي وابد مو رابـع
من بت أسد ياهو التغذه وراضع



لو من صدگ گالوها ( بخ ٍ ) يلولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــــــــ

بالڪعبه صار ومنها شع اهلاله علي علي علي علي
وانشگ جدار البيت لـــــ استقباله
وابجيّــــــــته الهادي انشرح دلاله
يشبه محمد بالـــفعل واقواله
( إلّا علياً لَا فَتَى ) تفصاله
يوم الغدير الهادي شنهو الگاله
تاج الخلافه بس علي يحلاله
والرب عليكم تمـمّـاها افضاله
حيدر ذهب والباقي كلها اوشاله
چف الصميده چف محمد شاله
يلـ تنجا رايد بالحشر واهواله
بايع امير الــــــــــمؤمنين وآله


لو بايع الجمع الغفير الأولي
چا ما خلق ربنا جحيم وتصطلي

ـــــــــــــــــــــــــــــــــــــــــــــــــــــ

عِزنه وسندنه ونفتخر والينه علي علي علي علي
ساكن گلبنه وغيره ما حبينه
شاطي المكارم منبعه ابچفينه
بسمه وصفاته آبائنا امسمينه
شيعة علي وطينتنا اطهر طينه
وي اللبن حب حيدر اتغذينه
أمره نطيعه المصطفى اموصينه
يدرينه وفّــــاية عهد يـدرينه
للمرتضى ارخصنه العمر وسنيـنه
وبكيفه وين ايريدنه ايودينه
اسمه الشريف اعله الگلب خطينه
يابا الحسن كل دگه تنبض بينه



لوله الثلاثه الحاقدين الجُهَّل ِ
چا ما خلق ربنا جحيم وتصطلي
ــــــــــــــــــــــــــــــــــــــــــــــــــــ


يوم الغدير انبايعك مولانه علي علي علي علي
ننصب محافل وام حسن فرحانه
كل شيعي يثبت عن وجوده اهنانه
مو بن حلال الما فرح ويانه
هليله دين الله تتم ارڪانه
شيعة علي ابضحكه وفرح سهرانه
واهل السقيفه اتهل دمع حزنانه
عطله الغدير ابرغم من عادانه
مسك الختام وخاتمة دعوانه
عجل يرب للمُــــنتظر رجوانه
واجعلنه من انصاره من اعوانه



للمُنتظر لو بايعت چف عاذلي
چا ما خلق ربنا جحيم وتصطلي
ــــــــــــــــــــــــــــــــــــــــــــــــــ

سيد علي عبدالزهره الناجي

(هوسات لمولد الأمام علي.ع.)

الليلة للصميدة انشقت الجدران
وفرحانه الملائك والأنس والجان
بمولد حيدرا انهني النبي العدنان
  ( اوضواها الدنية ابمولودة)


داحي الباب حيدر تاج فوك الراس
ابوحسين اوحسن ياوالد العباس
تشهدله الشمس لو ما تقر الناس
     (  أشر بيده الهه اورداها)

احچي بهل عباره والخلگ تسمع
لاصوم وصلاة ولاعمل ينفع
اذا مو بالحشر حب حيدر اليشفع
(اوحب حيدر هوه اينجينه)


كل هوسه ابد لا ماتريح البال
لومايذكر العباس كل مهوال
مايوفي الكلام شما اله ينگال
(وعباس اسمه يحلي الهوسه)


من گلبي اجيت اودعي بلساني
للجيش اوحشد ولعلي السستاني
لولا اوجودهم ما انوجد اني
( والرايه ابچفهم علوها)
بقلم✍️
خادم أمير المؤمنين
الشاعر
ابو عبد الله الشمري



@HxzEU1

#قناه_نشر_القصائد_المنبريه

يعود الله ٠٠ علينه تنعاد الزياره
يعود الله ٠٠ نبچي ونشوف المناره
بالصحن من ننجمع
يمچ نهل الدمع
يعود الله يعود الله
٠٠٠٠ ٠٠ ٠٠٠٠
شلونچ بهاي السنه يل مالچ احباب
مشبوحه عينچ عالدرب والدگت الباب
الشام يوميه بجرح يلچمنه وصواب
يايوم نوصل حضرتچ ونشم بالتراب

الماوصل يم حضرتچ ماعاش عمره
يخلص ايامه قهر حسره عله حسره
كون خاطر ينكسر
بحضرتچ يلكه الجبر

يعود الله ٠٠ بابچ تنوح الغياره
يعود الله ٠٠علينه تنعاد الزياره
٠٠٠٠ ٠٠ ٠٠٠٠
انتي الغريبه ومن هلچ محد الفالچ
عباس مايرجع بعد هذا سوالچ
مولاتي مابين الغرب وشلونه حالچ
وينه الخدر راح الخدر ذبحو دلالچ

  تجاسروا اهل الحقد والي يكرهون
ماكو خدم هاي السنه عذرينه يم عون
مسدود مولاتي الدرب
بس يمچ يطوف الگلب

يعود الله الصحن يرجع خضاره
يعود الله علينه تنعاد الزياره
٠٠٠٠ ٠٠ ٠٠٠٠
لا موكب اليمچ وصل لازاير يطوف
الشباچ خالي ولاعلك انشد بالجفوف
خالي الصحن  وبياوكت ماترسته ضيوف
الحضرتچ يم الخدر كل شيعي ملهوف

يمته المواكب تنصب وتغرك الشام
انتي الحنينه ام البخت يا ام الأيتام
جندوب مولاتي الصبر
يوميه طالعلچ شمر

يعود الله منچ نحصل بشاره
يعود الله علينه تنعاد الزياره
٠٠٠٠ ٠٠ ٠٠٠٠
تشيع ماكو بهل السنه وماكو رواديد
تكرر عليچ السبي وبشامهم عيد
ردت اميه تفتخر وتمجد يزيد
ياسالفتنه ويل حزن ماراضيه تبيد

هاي الغريبه بلايه اهل نسمعه كل يوم
الشباج وگلبچ صبح من عده ملجوم
ياظيمچ الماينتهي
كل يوم ينعاد السبي

يعود الله يظهرانه البنتظاره
يعود الله علينه تنعاد الزياره
٠٠٠٠ ٠٠ ٠٠٠٠
عذرينه يم عون السنه مومثل السنين
يل گاعده باب الصحن منتضر تبچين
الخدام من هذا الوضع جنهم مجانين
عله مصيبتچ يم الحزن ميتين ميتين

عشنه بصورنه والحلم نتذكر العام
الاف زوار عتنت ورعبت الشام
يعود الله وهم نجي
ويمچ يصير البچي

يعود الله ينجبر گلبي انكساره
يعود الله علينه تنعاد الزياره
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي



@HxzEU1

#قناه_نشر_القصائد_المنبريه

وجنازة زينب شيعوها
.............
عباس ماكو وحيله
يشيع ام عون الليله
نعش الخدر بالغربه
لازم الساده اتشيله

الخوتها الماتت ودوها
وجنازة زينب شيعوها
،،،،،،،،،،،،،،،،،،،،،،،،،،،،،
وين اليشد حزامه
ويلطم اليوم الهامه
ام عون ماتت حايره
واسوها  يالطامه

بالطمه اموتون اطيحوها
وجنازة زينب شيعوها
،،،،،،،،،،،،،،،،،،،،،،،،،،،،،،
بمصابج اتبجينه
يادمعه ضلت بينه
يابت علي اعله الجيه
هاي السنه اتعذرينه

شباج حسين اتزوروها
وجنازة زينب شيعوها
،،،،،،،،،،،،،،،،،،،،،،،،،،،،
ماگضت بيها احزانها
تموت وتريد اخوانها
ابيوت الحزن هل لليله
متفطره كل حيطانها

بريشات الكافل غطوها
وجنازة زينب شيعوها
،،،،،،،،،،،،،،،،،،،،،،،،،،،،
زينب تره اتعرفوها
وبكل سنه تزوروها
بس هل سنه الطامه
ما گدرو  ايزوروها

بيادمعه شلون تواسوها
وجنازة زينب شيعوها

ابوفايز الرافضي

ابد ما تنحمل يخواني فركتكم
وجوه خدودي الدمع وعيوني رادتكم
****
انه امدللتكم ليش عفتوني
اكعدو يخوتي ووياكم اخذوني
ليش اصياطهم تلعب عله امتوني
ولتني دنيتي ومحتاجه فزعتكم
***
انه بت علي ومحد لمح اخيال
وتاليت الوكت متجتفه بحبال
ضيم الشفته بالدنيه يهد اجبال
عفتوني بوكت محتاجه شوفتكم
***
اجتني كربله واشكال راوتني
وما بين الزلم مسبيه خلتني
وبطرف العبايه ايتامي لزمتني
وتراني اتيسرت من بعد هيبتكم
****
صحت عباس وينك يابو المروه
نايم عالنهر يالنومتك حلوه
عنك لليسر راح امشي بالكوه
اون وسمع وراي اتزيد ونتكم
****
بعد عالناگه جا ياهو اليرجبني
وحجي الشمات يا عباس تعبني
ابد ما حسبيت الفرگه تنكبني
شفت حته الصخر ناح المصيبتكم
**
دخلت الشام خويه ودمعتي اتلالي
وراس حسين اشوفه اعله الرمح عالي
نمت وسط الخرابه بفركة الغالي
وطاحت دمعتي وفززت دمعتكم
**
تمت
تحسين الخفاجي



@HxzEU1

#قناه_نشر_القصائد_المنبريه

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،



@HxzEU1

#قناه_نشر_القصائد_المنبريه

نعي مفجع

بـلـواي مـاكـو مــثــل بـلـواي

الـمـن ابـث يـا نـاس شكواي

ضني انگطع وانگطع رجواي

فـوگ الـهـزل والـشـمـر وياي

هـذا الهضمني ومـرّد اچـلاي

صـار الغريب الضعني حداي

ويــم الـنـهـر خـلـيـت ولياي

كـلـهـم ضحايـه نـور عينـاي

بجنب الشريعة وما روو ماي

بـحـر الضهاري وشـح الفياي



*------------------------*--------------------*

ابوذيه

عـگـبـهـم مـا بـعــد لـيـه   .. يضل لون
هلي الچانو على أخيالي  ..  يضلون
بـدمـه يـا حيف بالحومه  ..   يضلون

وانـه بـتـالـي الـعـمـر يـنـعـال بـيـه

*----------------------*-------------------*
✍خـادم زينب ع
الشاعر رعد الجريخي



@HxzEU1

#قناه_نشر_القصائد_المنبريه

انت علي.. سبب تكويني
انت علي.. كملت ديني
موجود قبل آدم.. يا سيد العالم
انت علي
............
يا سيد أركان الأرض والعالم العلوي
من نور وجهك سيدي شمس وگمر تضوي
بگلب اليحبك يا علي ما أدري شمسوي
بسمك مثل دوي النحل صبح وعصر يدوي

انت علي.. سيد الرحمه
انت علي..  أكرم الأمه
عابر كرم حاتم .. يا سيد العالم 
انت علي

.............
عنك يبن عم النبي شنجاوب اليسأل
بكل المناقب والرتب ترتيبك الأول
لو اكو مرسل چا صرت بعد النبي مرسل
طرق السمه وطرق الأرض لو غمضت تندل

انت علي.. صاحب المحشر
انت علي.. بيدك الكوثر
محد الك قاسَم .. يا سيد العالم
انت علي

..............
يامن هدوئك ينسمع بالضجه والهوسه
وترابك اغلى من الذهب هنياله اليبوسه
ياهوه  مثلك سيدي كتبو بقاموسه
منزلته من المصطفى هارون من موسى

انت علي.. بيعتك واجب
انت علي.. جم نبي كاتب
سلم لمن سالم .. يا سيد العالم
انت علي

...............
ياهوه مثلك عالفلك وأهل الفلك سيطر
وبكيفه بصبع يمنته يرد الشمس يگدر
خيبر ثگيله والخلگ عن هزها تتعذر
چا ليش بيدك يا علي ريشه أصبحت خيبر

انت علي.. بكل علم تدري
انت علي.. إسمك الدري
ويّه النبي تلازم.. يا سيد العالم
انت علي

.............
تفصال الك هذا الگلب ياسيدي تفصل
عن غير حبك يا علي بيبانه تتقفل
ومن يمر طاريك عليه يندهلك تفضل
لو ما وجودك يا علي دين الله ما يكمل

انت علي.. بالوصف كامل
انت علي.. رافض الباطل
ويه الذل متتوالم.. يا سيد العالم 
انت علي


الشاعر #مصطفى_الشافعي

ابوذيات لولادة امير المؤمنين ع

(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه

(( نصلاه ))

▪فكر حيدر مته يا يوم نصلاه
▪المكارم نصها للمختار نصلاه
▪تدري اشنزل بالقرآن نصلاه
▪صراط وتهتدي ليه البريه


(( من بيه ))

▪بس حيدر خليفه وغيره منبيه
▪عـالإســلام رب العــرش من بيه
▪گلب الهادي افتحه وشوف من بيه
▪إبنص گلب النبي حامي الحميه



(( مرّسائل ))

▪علي راكع وصدفه مرّسائل
▪تزكه وعلي شيحمل مرّسائل
▪يسامع مره شايف مرّسائل؟
▪التصدُق والصلا صارن سويه


الشاعر #مصطفى_الشافعي

زارت رقيــة للــــــــــــگبر
عمتها من بعــــد الدفن
و تشابگن جـــــرح ابجرح
حد مـــا نزف دم المتن
حسين. صاحن اثنيناتهن
حسين. صاحن اثنيناتهن
ــــــــــــــــــــــــــــــــــــــــ ــــــــ
خلصت مراسيم الــــدفن
بس الدمـــــع بعده يهل
مَوَّتها عاشــــــــــــر كربله
و الشــــام كاتلــها كتـل

متــعوبة مـن ذاكه الظُهر
و هوواية رگضت عالجمر
عالناگة چانــــــت باليسر
تنــــــــام
إلعند اخوها امـــــــدللة
اكلت اديــها السلــــسلة
و اعليها حرگــت كربــله
خيـــــــام

من شدوا اعليها الچِــــفَن
ذكرت الـــم شــــــــد الحبل
حتى بگبرها ام الخـــــــدر
تشعر بعـــــــدها اعله الهزل
كــــلام. سولفن بيناتهن
حسين. صاحن اثنيناتهن
ــــــــــــــــــــــــــــــــــــــــــــــــ
هالوا عله الحرة التُرب
و اذَّكرت يوم السبي
بنيات اخـوها المنذبح
كلهن متربات العبي

من سدوا اعليها الگــــــبر
حضرت رقية ام الخــــــدر
و نادتها ياخــــت المنكسر
ســــــــــــلام
يا عمة مــــا طخلي جفن
و هواية لجلچ چنت احن
خليــني هـــسه بالحـضن
انــــــــــــام
سئلتها و المدمع يصب
ميتة و تســــائل مَيَّتة
يا عمة ليش اتســـــلبن
محبس ابويه و صايته
جروح. فتحن ابچلماتهن
حسين. صاحن اثنينــاتهن
ــــــــــــــــــــــــــــــــــــــــــــــــ
نامت عله تراب اللـــــحد
و امتــــــونها مــتـــــورمة
متعلمة تغفه ابلا غـــــطه
من الخــــــــرابة امعلمة

بدمع المحاجر ســـــــولفن
و اذَّكرن ســـــبي الضــــعن
سئلت رقية اعله الـــــوطن
ســــــــــــؤال
گليلي شخبــار الحـــــمه
شلون العــــليلة فاطــمة
هم درت بيـــدي الناعمة
حــــــــــــبال

ادريها تــــــــدري بالجره
و اعرف يحس گلب الاخت
شفت ابطشت راس الابو
و طحت اعله شيباته و متت
خضيب. صرخن ابحسراتهن
حسـين صاحــن اثنيناتهن
ــــــــــــــــــــــــــــــــــــــــــــــــ
عالعاشر إندار الحچي
و زينب حچت متكدِّره
دوَّرته يا عمة شكـــثر
بس ما لگيته الخنصره

خيل و عســاكر سحكته
مجهـــولة صـارت جثته
عين اختـــه گوة عـرفته
حســــــــــــين
اضلـــاع ابــوچ امـــوزعة
كل ضـــلع صــــاير اربعة
و من عنده هـم متگطعة
الاديــــــــــــن

هذا الذي بسيفه يحد
ذاكه اليجَّرب خَنجره
واحد فتح صدره برمح
و الثاني شَگ الخاصرة
سليب. تسمـــع ابوناتهن
حسين. صاحـــن ثنيناتهن
ــــــــــــــــــــــــــــــــــــــــــــــــ
فوگه صفت تمشي الزلم
و اسهام كل جسمه انترَس
ما ظل على الوالد عظم
ما طحنـــــته رجل الفرَس

اهنا چبد و اهنا ضــــــــــلع
و اهنانه يا عمة صــــــــــبع
عالگاع طبعَّــنه طـــــــــــبع
خيــــــــــــول
چـــــم مرة حزوا منــــحره
و ناصيته عمة امكـــــــسره
شحچي و شسولف عالجره
شگــــــــــــول

من اثنعش طبرة انطبر
روحه غـــــــــدت متلوعة
طلعت بعد ما بالذبح
گطعــــــــوله أوداج اربعة
ذبيـــح. نشـــغن ابعبراتهن
حسين. صـــاحن اثنيناتهن
ــــــــــــــــــــــــــــــــــــــــــــــــ
فوگ الرمح راسه انرفع
و الشمس حرگت مَبسَمه
وجــهه ذبل من العطش
و شفايفه يجــــــرَّن دمه

ازرگ جبينه امن الحــــــجر
و اعليه عصي هواية انشمر
خده صبــــــــــــح آه يالقهر
تــــــــــــريب
بيده الشمر كــــــــض لحيَّته
و سلبوها منه اعمـــــــــامّّته
موضع سجـــــــوده و جبهته
خضــــــــيب

ذبلت اعيونه امن القهر
كد ما بچه اعله الـــــــعايلة
مو سهلة عنــده ننسبي
صعبة و چبيــــــرة المسئلة
عـــذاب. وشلَّن دمعاتهن
حسين. صاحن ثنيناتهن
ــــــــــــــــــــــــــــــــــــــــــــــــ
الحمدلله
#علي_حسين_الكناني

#للعقيلة_زينب

دمعها امن الهضم يجري   
حتّى مطـــــــلعِ الفجـري             
و حته لَمّــــــن تنام
تصرخ ويلي يالشام
ــــــــــــــــــــــــــــــــــــــــــــــــــــــــ
عليها الليالي  بچت  من بچيها
تنام  و  يظلّن   يلطمن    اديها

تريد امـــــــن البچي تعمه
ضواها حسين چان اسمه
عدها شتفـــــــرق الظلـمة
                  من عگب الاحسين
تنام و يحـــــلم الناظر
حلم يكسر الف خاطر
اخوها مـــن بعد حافر
                  سحــــــگنّه رجلين

و حلم ثاني عله التلة   
تعاين ذبحـــــوا القبلة
لِذَلك بيــن الاحلام
تصرخ ويلي يالشام
ــــــــــــــــــــــــــــــــــــــــــــــــــــــــ
لطمها  غِذَها و دمعــها   شُربها
اويلاه حسيناه يدگ ظل گلبها

مَقتــل تقـــــــره ليلية
بصوت و طور مسبية
مثـــــــل هلال محنية
                    مكسورة  الحيل 
ما تخلـــص نواعيها
تلطــــم بيها مـا بيها
برزخ ينچفي اعليها
                    لمن  يجي الليل

بين حسين و الكــــافل     
دمعها بالجـــــــفن ياكل
و ياكل بالـوجه گام
تصرخ ويلي يالشام
ــــــــــــــــــــــــــــــــــــــــــــــــــــــــ
تباري سماها و اديها بخصرها
بعدها   تتاني   يعاود   گمرها

اية امن الخدر تقره
قل يا كافــل الحرة
زينب لِسة منتظرة
                 و امتـــــــانية تعود
تدعي ربّها كل شهگة
يابو خيــــــمة الزرگة
عالعبـــــاس مختنگة
                 و عالراية و الجود

اللهـــــــــــمَ يـــــــا ربّي    
تَقّبّل ونّتـــــــي و نحبي
تدعي و تلطم الهام
تصرخ ويلي يالشام
ــــــــــــــــــــــــــــــــــــــــــــــــــــــــ
تگضي الليالي   تماشي. ضعنها
تروف بجرحها.  و تضمد متنها

كثر ما تچوية عبرتها
شابت حتى شيلتــها
و احترگت عبايتـــها
                    بدموع العيــون
لچمة بالگلـــــب تكتل
بسمار بضـــــلع تدخل
سوط و عالعظم تنزل
                   صفنات الضنون

تهيد و تذكر الحـــــــافر  
و ترد اردود للعـــــــاشر
و تلمّ اتــــرد بالايتام
تصرخ ويــلي يالشام
ــــــــــــــــــــــــــــــــــــــــــــــــــــــــ
طلع شيب رمشها  و حزنها بشبابه
خذَّت نص عمرها  نواعي  الخرابة

رقية بنص گلب زينب
جرحها ياكل و يشرب
طفلة ابدال مـا تنحب (تنحب اي تنباس)
                       راموها باحجار
العند حسين محبــوبة
ترچيتـــــــها منهــــوبة
و ابدم راسه مخضوبة
                     و مشّوها عالنار

راس احسيـــــــن ماشاها  
و زينـــــــب مــاتت وياها
ابصدرها جمر الاخيام
تصــــرخ ويلي يالشام
ــــــــــــــــــــــــــــــــــــــــــــــــــــــــ
ابهضيمة سَبيها و دخول الدواوين
الف مرة ماتت على راس الحسين

يعزريـــل المَلَك عجَّل
و اعله ام الخدر انزل
خطية ما بعـــد تحمل 
                       نيـــــــران الفراگ
اخذها الروح من عدها
و اجروح الهضم شدها
لاخوتـها و اهـــل ودّها
                      كل لحظة تشتاگ

ماتـــــــت و الگلـب يلهب    
ســـــــلام الله على زينب
عمرها ينــــزف الآم
تصرخ ويلي يالشام
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

هويناك وعشكناك نموت ونحيى وياك
علي ياقبلة الحب بخيت الكلبه يهواك
00000000
ياعشكنه وشوكنه علي يامعشوكنه
دم سره بعروكنه علي علي علي

يالملكت اكلوبنه وصبحت محبوبنه
ضوه مضوي ادروبنه علي علي علي

علي يا اجمل عشك مر بينه
انموت لو غيرك شخص حبينه

ابطفولتنه وهويناك نموت ونحيى وياك
علي ياقبلة الحب بخيت الكلبه يهواك
00000000
المافهمنه انفهمه حب علي اعظم نعمه
هوه باب الرحمه علي علي علي

غيره ابد مانهوه علي بس اليسوه
حبنه لا مو نزوه علي علي علي

علي اسمك مانسيناه مره
ادخيل بختك ياحبيب الزهرة

علي بكلشي فديناك نموت ونحيى وياك
علي ياقبلة الحب بخيت الكلبه يهواك
00000000
يلي ماخذ بالنه بيك الف هنيالنه
يمك انت اعمالنه علي علي علي

علي واجب حبك يل شلتنه ابكلبك
مانزل عن دربك علي علي علي

ناقشين اسمك نقش بكلوبنه
علي وبس انت تضل محبوبنه

علي ابدمنه الكيناك نموت ونحيى وياك
علي ياقبلة الحب بخيت الكلبه يهواك
00000000
لا وحك الكافل ابحبنه ابد منجامل
الغيرك الحب باطل علي علي علي

من الله عشكك بينه وبالعشك جنينه
انت بس حبينه علي علي علي

الله سوه الحب تره العيونك
والف هنياله الصبح مجنونك

يسبحانه اللي سواك نموت ونحيى وياك
علي ياقبلة الحب بخيت الكلبه يهواك
000000000
الحجر بسمك هايم ياجبير الوادم
احسبني عدك خادم علي علي علي

ياقسيم المحشر اكتبني خادم قنبر
ابعينك انه ارد اكبر علي علي علي

انه من اذنوبي داخل يمك
حاشه تنسه الكضه عمره يخدمك

اخذني العالمك ذاك نموت ونحيى وياك
علي ياقبلة الحب بخيت الكلبه يهواك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

مباركين بولادة اميرالمؤمنين .وقائدالغر المحجلين .
........................

احس گلبي انزاح همه .وهجر حزنه واستقر.

ولمس جف الفرح بابه .والنبض فرحه انغمر.

گلت شنهو الهز دليلي الجان اقسه من الحجر.

جان كل اسنينه حسره ومافتح بابه البشر.

هسه ليش ازداد فرحه وبوجه دمه ابتشر.

ياعشگ حرّك شعوره شلون من بابه عبر.

مو بشر جن عطر جنه بكل احاسيسي انتشر.

كَلت هـــاي الليله لاشك ليلة الثالث عشر.

ليلة الشهر المرجب.البيهه نور الله ازدهر..

ليلة العدل الاهي القسم بي جنه وسقر.

ليلة اسرار الولايه .الما أومن بيها خسر.

والعرف معناهه لاشك جاز للجنه وعبر.

ليله عندالله عظيمه والشهاده من الخبر .

فتح للمولود بيته .ونزلت بحقه السور.

وشعشع الكون بوجوده .وامتله باجمل صور.

يعني عنوان الامـامه انولد .والهــادي ابتشر.

ونفتح جنح السعاده وخجل من نوره الگمر.

زاهيه الــــــدنيه بقدومـه.تضوي ياقـوت ودرر.

علي ..وحامي الجار اسمه .بكل كَلب شيعي انحفر.

..................
يرج بي الـزمان وصعب رج باه..

وانـه الهم البگلبي بــحر رجباه.

نـخيت الباري بثلثطعش رجباه.

يعيش بروحي. حب حامي الحميه..
.......................................

✍️ أبو منتظر الحجامي.

مولد الامام الجواد عليه السلام.
ــــــــــــــــــــــــــــــــــــــ


مولدك نور اليقين
ياجواد...الطيبين
...........................

بتاسع انوار الحجج.
العرش هليله ابتهج.
والله فرحانه المهج.

بيك احنه امعيدين
ياجواد.. الطيبين..

...............................

بصحن موسى والجواد.
اليوم فرحانه العباد.
گاصده الباب المراد.

تبوسه وتعفرالجبين
ياجواد.. الطيبين..
..............................

للرضا نبعث سلام..
احنه من هذا المقام
نرسله بجنح الحمام

ورد بيه امحملين
ياجواد الطيبين.
..............................

اليوم بينه اجمل شعور.
لجل ابو الهادي السرور.
نترس. المحفل.. زهور.

بالولاده .امهللين.
ياجواد . الطيبين.
................................

نور بالمعموره ..لاح.
عطر جنه الليله فاح.
كل حزن منعدنه راح.

تضوي من نوره السنين.
ياجــــــــواد.. الطيبين.
.... ......................

المحب غازل فرحته.
اجه.. وشايل وردته.
يشكر الله .ابحجته

بالولاده امباركين.
ياجواد الطيبين.
...............................

✍️ أبو منتظر الحجامي

هسه زينب هم وحدهه... ولازمه الباب وتصيح
ماكفاهم من سبوني... هسه اجوني علضريح

هسه الصحن غده خالي..... يذكرني بخلوة الهيمه
رادوني اذكر ايامه........ذاك السبي الردي وضيمه
بفاتحتي ماكو زواري.... وكلبي حترك مثل خيمه
هاي السنه علي صعبه... هالغربه ياهلي ليمه

تموت احلامي.. وي خدامي.. الجنت منهم اشم عطر الحسين
ليمه الغربه... كلش صعبه.... هالسنه ابابي فلاتبجيلي عين

====================================
العام جان ابابي مجلس.... والخدم تبجي بجروح
هسه فارغ حته بابي.... علخدم محني وينوح

هاي السنه انه لوحدي...... لادمعه ولا عزه بسدي
ذيج السنه الخدم كلهه..... يم بابي واللطم يبدي
يبجوني وانه لبجاهم..... دمعاتي يحفرن خدي
حته الصحن صبح ضلمه.....ذكرني من ضعت لوحدي

بليل وضلمه... وادعي بهضمه... من هلي بلجن يجي نغار اريد
وهسه الكبه.... ضلمه وغربه....والي قفلو مرقدي اولاد العبيد
====================================
هسه وحدي ابين اجانب..... والغرب بيه تحوط
وذكرت من ماكو اخوتي.... والعدو لازملي سوط

بكل لحضه اذكر العاشر... وذكره هذيجه ايامه
كلشي يوحي الي الهيمه.... وشابجه العشره عله الهامه
كل عام وعطر اخوي حسين.... يزور كبري ويه خدامه
وهاي السنه علي صعبه..... كلبي ويه الخدم احلامه

تجري دموعي... ونار اضلوعي... وجرت بدليلي وظهري يميل
وتبدي جروحي... وحيرة روحي.... ابابي ماكو لادموع ولاعويل
====================================
ذبل جفني من دموعي..... وتنزل وي الدمع عين
وخلصت عمري بونيني..... وصار اسمي ام الونين

كل عمري بنوحي كضيته.... وكل يوم الي صفت كسره
واول كسر بده لروحي......مني ايدي راحت الزهره
ومني مشه الولي حيدر....وتنزف روحي وي الطبره
وراح الحسن سله روحي..... وروح الزجيه بالكفره

طايح عاري... وعلخد ذاري... وعلارض روح الزجيه اوذبيح
وهسه الغربه... الشام ودربه...وهسه علخدام ضل يبجي الضريح

خادم الزهراء عليها السلام
الشاعر حسين فائز السعد

@HxzEU1

#للعقيلة_زينب

لمـــــوطن سبيها الأوَلي
ردت غصب ضنوة علي
مرتيـن لارض الشـــــــام اخذوها
و امن البچي اعله خوتها منعوها
آ يا الغريبة آ يا الغريبة
ـــــــــــــــــــــــــــــــــــــــــ ـــــــ
مــــا خَـــلّه أي أمان     درب السبي الطويل
ليهـــــسه بالاديــــن.    حز الحبـــــــل يسيل
عاشت ورة الطفوق.    سنتين مستــــــحيل
ماتـــــت قهـــــر لَما.    ركبـــــت على الهزيل

اباب الساعات وگفت موت وگفتها
متعوبة اهواي و الشـــــمّات لاگتها
نسوان الشام گوم احــــجار رامتها. 

لچمة بگلب زينـــب تِرَك
كل شامت اعليها ضِحَك
تتمنه تلـــــــگه المـــــــوت خلـوها
و امن البچي اعله اخوتها منعوها
آيا الغريبة. آيا الغريبة
ـــــــــــــــــــــــــــــــــــــــــ
من عاشر الجروح.    من بَطِّلَت نحيـــب
نظرتها للحُسيــــن     عالتلة ما تغــــــيب
نايم عله التـــراب.    متخضـب و سليب
الحگ عله البـنات.    صاحتلها يالغــريب

معمية اعيـــــون لاكن زين شافتّه
مليان اسهام مدري شلــون عرفتّه
عطشان ايصيح يا هالناس سمعتّه. 

چف يمنته ناقـص صبع
و ابصدره ما باقي ضلع
بالحافر اويه احسين سحــــگوها
و امن البچي اعله خوتها منعوها
آ يالغريبة  آ يالغريبة
ـــــــــــــــــــــــــــــــــــــــــ
ليلـــــية بالدمــــوع.    جرح ابجــرح تروف
يا حسرة الكـــــفيل.    من طاحت الچفوف
فوگ اخته عالرماح.    راسه ابرمح يطوف
بس الســــــهم عماه     و اعيونه ما تشوف

فوگاها ايحوم مثل الطــــير ظل راسه
ما عنده اعيون بس ايشوف باحساسه
اخته و چانـــــــت تتنفـــــــس بانفاسه.  

شما زينب اتحـس بالالم
يثگل وسط عينه السهم
بين الغُـــــــرب يـــا وسفة مَشّوها
و امن البچي اعله اخوتها منعوها
آيا الغريبة.  آيا الغريبة
ـــــــــــــــــــــــــــــــــــــــــ
كلما غُفَــــت دُخـــان.     يخنگــــها بالمـــــنام
لسه ابگلــــبها خوف.     من لـــــــوعة الخيام
ذاگه الضوه العجيب.    فجئة و صُبــح ظلام
مچتـوفة الاديـــــــن.    محـــــــروگة الجدام

ام عون تلـــــــوج بالميـــــدان وَحَدّها
تأخذها الخيل صوب احسين و تردها
لا ظل صيوان لا خيــــمات ظل عدها.   

مــــن الضـــــرب آ يالقهر
فوگاها چم سوط انكسر
و احبال خشنة اعليــــــها شدوها
و امن البچي اعله خوتها منعوها
آيا الغريبة.  آيا الغريبة
ـــــــــــــــــــــــــــــــــــــــــ
تاليـــــــها يا زمـــان.   بالغُـــــــربة تنـــــــدفن
بنت القلـــــــعه باب.   ما غمضـــــــت الجفن
و التندفن تريـــــــد.   شيّالة عالمـــــــتـــــــن
تتحزم و تنـــــــوح.    و تأخذها بالحــــــضن

تتشيع ليش من اجــــناب يا دنيه
ما رادت غير بس تحسينها شويه
و رادت عباسها ايـــــــشربها اميه.   

تبچي و تعايـــن عالدرُب
و ما شاهدت بس الغُرب
ليش ابتــــراب الغُـــــــربة دفنوها
و امن البچي اعله اخوتها منعوها
آيا الغريبة. آيا الغريبة
ـــــــــــــــــــــــــــــــــــــــــ
الحمدلله
#علي_حسين_الكناني