قصيده للامام علي عليه السلام
وحشة رمضان
=======


رمضان اعلى الأبواب

وانه شلون بيه

حزينه وفاگده احباب

شيردهم عليه

=======

شيرد المشو شيردهم اردود

ماينفتح باب الگبر مسدود

ضل بس الدموع وخرط الخدود

راحت ذيچ گعدتنه الهنيه

شيردهم عليه

📀📀📀

شيردها يوالي الگعده وياي

اغص بعبرتي من اشرب الماي

مامنها يبويه مصيبتي هاي

من فراگهم شفت المنيه

شيردهم عليه

📀📀📀

شهر الصوم گلي شلون اگضيه

شطوله يصير بويه ونته مابيه

چنت وياك بلقرأن نحييه

گبلي ابد مايشرب أميه

شيردهم عليه

📀📀📀

شحلات الگعده يمك وكت الاذان

ونبرة صوتك ايرتل القرأن

وهسه البيت من الصوت خلوان

يبچي وياي وبدمعه جريه

شيردهم عليه

📀📀📀

شلون العيد هسه لو يجينه

نعايدمن بعد ونبوس ادينه

تالي بلمگابر عيدينه

برض النجف خل ننصب عزيه

شيردهم عليه

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام اضغط على رابط القناة يأتيك كل جديد 👇
https://t.me/ahzan2018