نخوه ل ام البنين عليها السلام
=========

دگ  باب  ام البنين

وحلفها  بلحسين

تگضي الحاجه بلحال
كرامه  ل ام  العيال

وحلفها  بلحسين

=========

دگ باب النجيبه وطلب مراد

متخيبك تراهي بنت الاجواد

تنطيك العطيه تبرد الافاد

وذكّرها  بلعيال
تطي الحاجه بلحال

وحلفها  بلحسين

☢️☢️☢️☢️

دگ الباب صيح بجاه الاسباع

وبجاه البگه مطروح بلگاع

تره شفت المصايب والعمر ضاع

اريدچ دوم  وياي
من ظيمي وبلواي

وحلفها  بلحسين

☢️☢️☢️☢️

بيط الكل يمولاتي يزمطون

متردين اي حاجه يگولون

بيچ الگلب يامولاتي مامون

بردي گلوبنه بساع
بجاه الراحن اضياع

وحلفها  بلحسين

☢️☢️☢️☢️

دد باب النجيبه ام الابطال

بيها وبفعلها الراس ينشال

لجل حسين ربت نعم الارجال

وگفو خوش وگفات
بساحات الكرامات

وحلفها  بلحسين

☢️☢️☢️☢️

انخه الربت ازلام الشياهين

نعم ارجال وسباع الميادين

كلهم كبرتهم لجل الحسين

والله ونعم منها
مايبطل   حزنها

وحلفها  بلحسين

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018