قصيده للزهراء عليها السلام
تقرأ ثقيله مربوعه شده
( المستهل بلرؤيا  )

===========


انه  ام الدمع  يلمانشف يوم

انه  ام الحزن  انه  ام الهموم

زماني  شيّب  الراس
بچيت ادموم ياناس

انه  ام الدمع  يلمانشف يوم

😭😭😭😭

نامت عين ابوي وهجمو الدار

على بابي اجوني وشبو النار

حرمه ومارعوني گوم الاشرار

صدري انعصر بلباب
مارحموني  الاصحاب

دمعي من الألم ضل يجري ادموم
انه ام الدمع يلمانشف يوم

😭😭😭😭

راواني  زماني  شگد  مصايب

من كسرت ظلوعي للخرايب

شگد احباب راحو بلترايب

ظيم  وهم حويته
دمعي  دم  جريته

ذبايح راحو اولادي وبلسموم
انه ام الدمع يلمانشف يوم

😭😭😭😭

بسموم الحسن ذابت چبدته

جيت من السما انوح وندبته

ونينه عذباني من سمعته

شفته ادمومه تجري
ودگيت اعلى صدري

وبطشت المصيبه ينزف ادموم
انه ام الدمع يلمانشف يوم

😭😭😭😭

الأشد  والأصعب بأرضچ يلطفوف

على حسين العده  سلتها لسيوف

مذبوح ويون وبصفه لچفوف

فوگ الثرى مطروح
اخته ويلعدو تروح

حسين على الثره عطشان مظلوم
انه ام الدمع يلمانشف يوم

😭😭😭😭

دهري مانصح وياي ياناس

اولادي طشروهم گوم الانجاس

معصومين ماتو بيد الارجاس

اتاني البقه  منهم
ياخذ  ثاري  الهم

خلصو ياحسافه ١٢ معصوم
انه ام الدمع يلمانشف يوم


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018