قناة الحجية أم علي البصرة🏴أحزان وافراح العترة الطاهرة

رباط هوسات للرايه الزينبيه المقدسه
========

ماينزلوها . ماينزلوها
الرايه تضل علامه

لابد يرفعوها . لابد يرفعوها
شيعة حيدرا

بلعالي خلوها .
بلعالي خلوها
ماطاحت ابد

🏴🏴🏴🏴

يغتاض كافلها .
يغتاض كافلها
لو طاح العلم

🚩

ايطشر جحافلها .
ايطشر جحافلها
لو مسه الهظم

🚩

الدنيه يگلبها .
الدنيه يگلبها
اذا أخته بچت
اذا أخته بچت

🏴🏴🏴🏴

ماتضل متروكه .
ماتضل متروكه
بلعالي ترف

🚩

ماينطي احگوگه .
ماينطي احگوگه
عباس الوفي

🚩

الرايه تضل شوكه .
الرايه تضل شوكه
بعيون العده

🏴🏴🏴🏴

منصوره بلعالي
منصوره بلعالي
راية بت علي

🚩

محفوضه بلوالي
محفوضه بلوالي
الراية ماتذل

🚩

عيشي ميهنالي
عيشي ميهنالي
لمن ترتفع

🏴🏴🏴🏴

ارواح نفديها
ارواح نفديها
لازم للعقيله

🚩

لامانخليها
لامانخليها
الگبه بلا علم

🚩

والوعد منطيها
الوعد منطيها
فدائيه نضل

🏴🏴🏴🏴

الحمره رايتها
الحمره رايتها
تضل بلعالي دوم

🚩

ماننسه ثورتها
ماننسه ثورتها
على مر الدهر

🚩

شوكه حچايتها
شوكه حچايتها
بحلگ الناصبي


==========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

فزاعيه لراية السيده زينب عليها السلام
========


شلون ترضه

اعداكم ينزلونها

رايتي راية نصر يدرونها

========

گوم ياعباس ارفع رايتي

نزلوها بلغصب من گبتي

شلون ترضه بيها يفرح شامتي

اختك اردود العده يسبونها

🚩🚩🚩🚩

رايتي حق امتداد الكربله

شاهد اتضل للدماء السايله

ولليتامه وللنساء الثاكله

لابد الشيعه تجي يرفعونها

🚩🚩🚩🚩

رايتي شوكه تضل بعيونهم

تذكرهم بلجره من جدودهم

تجاوزو ذوله الطغاة حدودهم

اخذ حگك يلولي من عيونها

🚩🚩🚩🚩

يجي يوم وترتفع ويه السمه

وحق حيدر علي حماي الحمه

الشيعه تفدي الرايه هايه بلدمه

بلايه رايه الگبه ميخلونها

🚩🚩🚩🚩

حيل كيدو كيدكم  ياناصبه

مايموت الوحي ضل بينه صفه

ابد ماتمحون ذكر الرافضه

ذكره بيت الوحي ماتمحونها


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

ابوذيات للامام الصادق ع
========

العمر ماشاف امامي راحه منه

ولا ايام وكته راحمنه

مثل هليوم صادق راح منه

قيموه العزه يلجعفريه

...........😭

كفر ماصادقوه و صادَق الهم

ولو هلناس ماكو صادِق الهم

الوادم چان بلحق صادق الهم

جازوه بلغدر سم ومنيه

========

خادمة ال البيت الحجيه ام علي البصره

بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

نعي للامام الصادق عليه السلام
=======

اصبح اليوم الگلب مالوم

كاثر ونيني وشايله هموم

صادقنه رحل ياشيعه هليوم

.........😭

بحر العلم ياصادق القول

وياه امقصره شمااگول

اعذرني يغاتي بن البتول

..........😭

هليوم ركن الدين  مهدوم

ودين الاسلام اليوم مثلوم

عليك الاسف ياسيد الگوم

..........😭

حزنانه روحي  ولابسه اسود

گلبي على  الصادق   تمرد

علينه الحزن  مولاي عاود

.........😭

عاد الحزن  وذكرنه الحسين

بيوم الذي  مطروح  علطين

وتهوس  براسه  الملاعين

.........😭

مصايب  كربلا  هاجت  علينه

ذكرنه العايله وذبحت ولينه

يومك  سيدي  لامانسينه

احا ياظيم العلينه


=======
خادمة ال البيت وخادمتكم الحجيه ام علي البصره  نسألكم الدعاء

أحزان العترة الطاهرة
قصائد الحاجة أم علي /البصرة
https://t.me/ahzan2018

قصيده ثقيله للإمام جعفر الصادق عليه السلام

عندما حرقو داره بلنار
تذكر جده الحسين عليه السلام وماجره عليه وعلى عمته زينب عليها السلام عند حرق الخيام
ولسان الحال يقول
========


داري حرگوها
ودمع سال.......

تذكْرِت زينب
والعيال...........

تذكرتهم ........ تذكرتهم ........

========

تذكرت يوم الحسين وحرگ الخدور

وعمتي محتاره بعليل وخيمته اتفور

وبلبراري اتطشرن عماتي الحور

لاذن من الخوف ويلي بسد النحور

عليتامه الدمع همال..............
تذكرت زينب
والعيال...........

تذكرتهم ........
تذكرتهم ........

🔥🔥🔥

يوم شبت نار داري اذكرت زينب

شلون تركض بلخيم والجمر يلهب

صاحت الحگ يلولي خدري تسلب

من هظمها على اخوتها حگها تعتب

والعليل معذب
الحال.............
تذكرت زينب
والعيال...........

تذكرتهم ........
تذكرتهم ........

🔥🔥🔥

نفس ذاك الحقد مر بينه يشيعه

يوم حرگو دارها الزهره الوديعه

ونفس عملة كربلا وذيچ الفجيعه

سمموني والعمر بعده بربيعه

يوم هجمو ذوله
الانذال............
تذكرت زينب
والعيال...........

تذكرتهم.........
تذكرتهم.........

🔥🔥🔥🔥

من ازل حقد النواصب صب علينه

من زمن ماغصبو الحق من ولينه

غير سم والذبح منهم مالگينه

بلصبر والطاعه للباري رضينه

الم مايخطر
على البال.........
تذكرت زينب
والعيال..........

تذكرتهم..........
تذكرتهم..........

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

هوسات لتهديم قبور البقيع
========

عجّل يابو صالح كلها منتضره

شوكت تحضر يوالي وتبني الحضره

تره الشيعه بحزن وگلوب منكسره

متانينك / احضر يلمهدي

////////////////

يمته للبقيع اتعلي بنيانه

ونروح نزور اهلك ونته ويانه

متانينك يمهدي شوكت يحمانه

وتبنيها / گبور الساده

////////////////

ظلمه وموحشه الگبور تدروها

وذوله الناصبه العدوان هدومها

تزور الشيعه حتما مايخلوها

ماخلونه// يلمهدي احضر

////////////////

الف لعنه على ذوله الوهابيه

مايرضون نتعنه البقيعيه

ونلطم علحسن لطمه جماعيه

ونسويها// چن يوم الطف

========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده ثقيله ل ائمة البقيع عليهم السلام
========


گبور ابلا مناير

بيهم گلبي حاير

حسافه اهل الرسالات
مراقدهم ترابات

گبور ابلا مناير

========

لا گبه ولاحضره ومناره

ولادمعه تصب يوم الزياره

بيد الطاغي ايمتنه خساره

لاقبه ومنارات
مراقدهم ترابات

گبور ابلا مناير

🌃🌃🌃🌃

البقيع تنوح وتريد اليجيها

يواسي اسيادها وينحب عليها

وينه المنتضر ماحضر ليها

يجي يرفع الرايات
مراقدهم ترابات

گبور ابلا مناير

🌃🌃🌃🌃

زيارتهم يوسفه صارت احلام

يمته تعود بينه ذيچ الايام

المهدي ويضهر يحطم الاصنام

يگص روس العصابات
مراقدهم ترابات

گبور ابلا مناير

🌃🌃🌃🌃

گبور مهدمه يمنعونه عنها

تهدم الروح ياونها وحزنها

سياچ محوطه من وصل يمها

حسافه اهل الرسالات
مراقدهم ترابات

گبور أبلا مناير

🌃🌃🌃🌃

گلبي حاير بجيتك يمعود

يمته تضهر وتوفيها العهود

تره الون والبچي اثر بلخدود

على جدك صلاوات
مراقدهم ترابات

گبور ابلا مناير

========
خادمة ال البيت الحجيه ام علي البصره

بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

📚بسم الله الرحمن الرحيم📚

مجلس ليلة الجمعة الخاص للسيدة فاطمة العليلة عليها السلام
👇🏻📚📚📚📚📚👇🏻
مجلس السيدة فاطمة العليلة

المقدمة /

صلى الله عليك يا سيدي ومولاي يا رسول الله....
صلى الله عليك يا سيدي ومولاي يا ابا عبد الله...

ياليتنا كنا معكم سادتي فنفوز فوزاً عظيما...

(القريض)

ايقتل ظمنا حسين بكربلا

وفي كل عضو من انامله بحر

ووالده الساقي على الحوض في غد

وفاطمة ماء الفرات لها مهر

فوالهف نفسي للحسين وما جنى

عليه غداة الطف في حربه الشمر

رماه بجيش كالظلام قسيه ال

اهلة والخرصان انجمه الزهر
👆🏻
(القصيدة للابن العرندس)



ابوذية ونعي مجاريد
=========


بطگاته الدهر خذ ثارَ مني

ثرم سنين دهري ثارمني

كل همي وقهري ثاري مني

لأن مارحت من راحو سويه

......................

وياك بويه حسين  اخذني

محمل افراگك لاتذبني

خلافك تره محد فگدني

حملتو سوه وانه عفتني

اشتردين شو محد نشدني


............

ياعيني صبي ولاتملين

راحو هلچ المن تتانين

يردّون الچ  لا  لاتضنين

ماضن يردّون المرحلين

ايسي يروحي ولا تنطرين

..............

حمّلني يبويه وي خواتي

هدومي محضرتها وعباتي

انه خلافكم شلي بحياتي

....................

ياوالدي وياكم خذوني

ولوحدي لاتخلوني

فدوه لعمايمكم عيوني

...................

حملني يبويه ويه العيال

عليله تراني ودمعي همال

افراگ النوده شلون ينشال

....................

وياچ اريدن يارقيه

تدرين اربينه سويه

محمل فرگتچ مو بديه

..................

وياچ عمه حمليني

ويه خواتي صعديني

فراكچ صعب يعميها عيني

...................

بويه افرش مصلاتك بديه

ومن تعطش اشربنك اميه

ما احمل الفرگه تدري بيه

....................

عليه خافنكم تتطولون

يزيد المرض وتعمه العيون

گلولي چايمته تردون

...................

اضل متانيه وحسب ليالي

وبفرگتك بلظيم حالي

عگبك تره ضايع دلالي

.....................

ام البنين تمر عليه

نگعد ونذكركم سويه

ونصيح چايمته الجيه

..........
(الحاجة أم علي البصرة)

:::::_:__

(الكوريز)

لاحول ولا قوة الا بالله العلي العظيم....

عندما افترقا الإمام الحسين والسيدةفاطمة العليلة
( عليهم السلام) وكانت دموعها تجري لفراق ابيها الحسين(عليه السلام) وهكذا افترقا وكلٌ منهُما دموعه تترقرق في عينيه وكانت كل يوم تأتي إلى دار أبيها الحسين(عليه السلام) وتجلس خلف الباب علّها تسمع شيئا عن أبيها وأهلها ولما طال الفراق ولم يصل إليها خبر من أهلها قيل انها كتبت كتابا ضمنته همومها وأحزانها وآلام الفراق

ااااااااااااه يامولاتي يافاطمة.....
ساعد الله قلبك مولاتي عندما رحل الإمام الحسين عليه السلام

ااااااااااااه ياأباعبد الله ياحسين.....
======

ضعنك يبويه يوم شفته

ابعد عليه ومالحگته

يحملني وي الضعن ردته

من يوم المشو مالوم گلبي

...........

ياطارش المريت بيهم

مر بيهم وسلم عليهم

كلهم اون ومتانيتهم

شيعود جيتكم يلحباب

...........

طال السفر يمته يجوني

وصيح وين الدللوني

من البچي راحن عيوني

عميه بعد ماشوف دربي

...........

انشدك يطارشهم المريت

گلهم عليله بعد بلبيت

زاد المرض من وحدي ضليت

ضل بلحزن خايب يگلبي

..........

زاد المرض والروح راحت

يوم المشيتو العين ناحت

ياريت ميته وستراحيت

راحو اعزازك ون يگلبي

...........(الحاجة أم علي البصرة)

هذا ولله الحمد

تنظيم المجلس (فريق الإنتظار بقاؤنا)

الرثاء الحاجة أم علي البصرة

https://t.me/ffhuqq

لطميه ل  الأمام علي  عليه السلام
تقرأ  بعدة اطوار
===========


العيد  اقبل  على  الاسلام

 واهل  البيت  حزنانه

============

حزنانه   على   الوالي

البيت من  الزلم  خالي

حزني   دوم    لتالي

(  عليهم  روحي  خلصانه  )

واهل  البيت  حزنانه

🏴🏴🏴🏴

الناس   معيده   بلعيد

وانه   فاگده   الصنديد

راح  الفرح  مني  بعيد

  (  يوم  المشه  وخلانه  )

واهل  البيت  حزنانه

🏴🏴🏴🏴

حزنانه  وتون  الروح

خلوه  الگلب  مجروح

يلماشي  لوين  تروح

(  ضل  يابويه   ويانه  )

واهل البيت حزنانه

🏴🏴🏴🏴

حزني  شلون  احملنه

من  راح   الولي   منه

لصوب  المگبره  اتعنه

   (  اگله  رد  يلملفانه  )

واهل البيت حزنانه

🏴🏴🏴🏴

احلف  ما اذب  حزني

ولابطل    ابد    وني

علراح  ومشه   عني

(  وخله  روحي  عدمانه  )

واهل  البيت  حزنانه

🏴🏴🏴🏴

خلافك  ياابونه  ايتام

ياليل   اليمر    مانام

كل  الشيعه  والاسلام

( عليك  اليوم  حزنانه  )


===========
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

فزاعيه للامام علي عليه السلام
العيد الحزين
=========

ياعيد گابلني بحزن

ولطم على ولياني

=========

وياك نتگابل سوه

راحو الچانولي هوه

مطفي من البيت الضوه

راح  الولي وخلاني

≍❊⸽⸽(💚)⸽⸽❊≍

ياعيد راحت روحي

وهيجت بيه اجروحي

مصباح يكثر نوحي

وتكثر عليه احزاني

≍❊⸽⸽(💚)⸽⸽❊≍

ياعيد هديت حيلي

انحب نهاري وليلي

راحو هلي ياويلي

عليهم عميت عيوني

≍❊⸽⸽(💚)⸽⸽❊≍

راحت العشره وماترد

شيرجع الراحو بعد

ذبلت مثل ذبل الورد

ماچنت اضن ينسوني

≍❊⸽⸽(💚)⸽⸽❊≍

جيتك يعيد شگد صعب

البيت موحش  من اطب

تنقبض روحي والگلب

خلاني ادگ امتوني

≍❊⸽⸽(💚)⸽⸽❊≍

دمعي عليهم هالي

والعيد منهم خالي

يصعب افراگ الوالي

راحو هلي وخلوني

=========
خادمة ال اابيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده للامام علي عليه السلام
العيد
=======


العيد هاي السنه يم المگبره

نعايد المطروح حدر المرمره

=======

العيد هاي السنه كلش يختلف

من وصل حسيت گلبي يرتجف

راح گلبي بعيد صوب اهل النجف

نارهم بلگلب حيل اموجره

🪬🪬🪬

العيد هاي السنه نگضيه علگبر

نحچي وياهم لحد طر للفجر

نصطبر گوه ولو ماكو صبر

الگلب يهلي خلافكم شيصبره

🪬🪬🪬

بس اسم علمرمره ضل من هلي

غير دمعات الجفن ماضل الي

من ونيني عيوني راحن ياعلي

وعيني ضلت شابحه  ومناطره

🪬🪬🪬

نروح ونعايدهم ابدمع الحزن

ويم گبرهم نبچي ادموم ونون

بلكي ابونه المات يسمعنه ويحن

واگعد احچيله على الظيم الجره

🪬🪬🪬

نروح ونعايد النامو بلتراب

هناك ونسوي قرايه للاحباب

نوزع اعلى ارواحهم ماي وثواب

على افراگ المشو گوه صابره

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده ثقيله للامام علي عليه السلام
لسان حال ام البنين عليها السلام
=======


مبارك عيدكم يهل المگابر

من غصبن تره علفرگه صابر

يگلبي صابر شلون
الراحو نور العيون

ادري بيك بلگوه تكابر

مبارك عيدكم يهل المگابر

=======

يلرحت ابعجل مستعجل الموت

وعفت الگلب يابو البيت مفتوت

ماخلوني اروح وياك زاتوت

كون الموت اخذنه ابفرد تابوت

الراحو مايعودون
يگلبي صابر شلون

عمت من يومكم هاي النواضر

مبارك عيدكم يهل المگابر

🩶🖤🩶

كل ليله اذكرك وگعد انعاك

وحشه الليل يلغالي بلياك

شلون اتعوف بيتك گلبك أنطاك

اگطع ضنتي لو اگعد اتناك

شيرد  اليموتون
يگلبي صابر شلون

لاانته ابسفر واگعد اناطر
مبارك عيدكم يهل المگابر

🩶🖤🩶

نستقبل العيد الجاينه شلون

راح البي محنه لاتعيدون

بعد عيد المبارك لاتگولون

لو گلتوها للجروحي تلچمون

خلّص ماي العيون
يكلبي صابر شلون

يحسّب بينه ياكونه اليغادر
مبارك عيدكم يهل المگابر

🩶🖤🩶

ماني الغاليه ليش ارخصتني

وعفتني وي يتامه وعذبتني

نار افراگك ابگلبي چوتني

الحرگه نزلت بعيني وعمتني

عليه الفرگه متهون
يگلبي صابر شلون

من بعدك صرت مكسوره خاطر
مبارك عيدكم يهل المگابر

=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018

قصيده للامام علي عليه السلام
على طور : ياعيد الفطر
للرادود محمد الجنامي
=========

المن جاينه ياعيد رمضان

تدريني حزينه وفاگده احنان

حدر الگاع نامت ذيچ الفحول
بعد عيد المبارك المن انگول

=========

يهلال بالك لاتهل
علفاكد أهله اتمهل

والعيد لو هل علخلك
عينه ابدمع تتكحل

عيد المبارك لو سمع
هلكلمه  مايتقبل

يذكر العشره الي مضت
وشلون چان مدلل


حيدر ودعانه وللگبر شال
وثياب الحزن فصلها تفصال


راح من النزل شيال الحمول
بعد عيد المبارك المن نگول

🕋🖤💧🕋🖤

فگد الابو كلش كلف
ياهو اليعوض امچانه

هلسنه خلانه ومشه
البلعيد چان ويانه

روحي على احبابي المشو
من القهر خلصانه

ظلمه ومحزنه ومتربه
دار الولي وخلوانه


ويين الچانو ويانه يعيدون
مبارك عيدكم  لالا تگولون


الحزن يسحگ بگلبي مطارد خيول
بعد عيد المبارك المن انگول

🖤🕋💧🕋🖤

ياعيد لاتلفي بعد
احنه الحزن غاطينه

العيد راح اويه المشو
مفگود  ياوالينه

علباب لاتوگف بعد
ماكو فرح تدرينه

هدّم اجبال الراسيه
ياعيد حزن البينه


اذكروو مصاب حيدر يلتعيدون
ابوي الغالي حدر الگاع مدفون


من يوم المشو والگلب معلول
بعد عيد المبارك المن انگول

🖤🕋💧🕋🖤

خالي النزل من الاهل
عميه عليهم لعيون

تحت الثرى نامو رغد
الچانو ويانه يعيدون

خطار لو جينه الأهل
منبعيد بينه ايفرون

مية هله وكل الهله
بأجمل كلام يرحبون


يتراب النجف رجعلي الاحباب
سهم افراگهم صايبني صواب


من يوم المشو ودموعي اسيول
بعد عيد المبارك المن انگول

🕋🖤💧🕋🖤

وشلون اعيدك يلابو
يلنايم ابوسط لحود

ايست من شم الهوى
شيردك اعليه اردود

چنت ادعي كل صبح ومسه
عمرك يبو الحمله يزود

رحت من اديه للابد
ماضن بعد ليه اتعود


چنت بزود ابوي الراس عالي
راح وخرب الوالي دلالي


على الايتام بويه منهو مسؤل
بعد عيدك مبارك المن نگول

=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد 👇
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد 👇
https://t.me/ahzan2018