حمزة الجابري

ً

ندرج لكم أدناه الملفات المستخدمة في شرح المحاضرة (3) والأخيرة من أسلوب الاستفهام - المراجعة المركزة

المحاضرة الأخيرة من المراجعة المركزة للاستفهام بعد قليل ..

https://www.instagram.com/reel/DI8rkcdqkhc/?igsh=ZzVrbWFkcmJqdmtt

تبقى من الإستفهام محاضرة واحدة ويخلص بعون الله،. حالياً جاي أصور بيها،

بعد الاستفهام أبدي تقديم، نداء، توكيد ثم النفي

النفي خليته نهاية الجزء الأول
لأن صراحة أريد أذب كل جهدي عليه ويحتاج شغل خاص باختيار الأمثلة والتلخيص والشرح عن بقية الاساليب

ندرج لكم أدناه الملفات المستخدمة في شرح المحاضرة (2)

المراجعة المركزة

أسلوب الإستفهام

محاضرة (1)

الملفات المستخدمة في شرح المحاضرة

• محاضرة (2) .. قريباً

ملخص إسلوب الإستفهام لأحد طلابنا الأبطال

لا تنسون تابعوا الحساب ، لأن رح ينشر الكم هواي شغلات تفيدكم 🌼🌺

https://vt.tiktok.com/ZSrcNfVEy/

الصراحة من الساعة ( 12) بالاستديو
وإلى الان،. واحتاج بعد نصف ساعة حتى اكمل المحاضرة لأن أعيد اي سؤال ما مقتنع بيه

تعب، نعاس، ملل، حنجرتي تأذيني
الليل خلص كهوة وجاي...

شنو اللي يجبرني؟
اللي يجبرني هو واجبي
هذي واجبي لازم أأديه
سواء عندي مزاج أو لا
مرتاح أو تعبان...


النتيجة تريد توصل لازم تتعب
ما ممكن تحصل اللي تريده وأنت
تنام بشكل عشوائي غير منظم
وتنام أكثر من الحد الطبيعي
وتلزم التليفون بأي وقت تحب...
بهيج وضع ما توصل
لا لهدف دنيوي ولا أخروي

(إنكم لن تنالوا ما تريدون إلا بترك ما تشتهون، ولن تظفروا بما تأملون إلا بالصبر على ما تكرهون).

السيد المسيح ( عليه السلام)

ندرج لكم أدناه الملفات المستخدمة في شرح المحاضرة (1)

من الأمور اللي عرفتها
بسبب تجارب الحياة والتقدم بالعمر .
دير بالك تنجح من أجل الناس
أو تحقق شيء معين من أجل كلام الناس
إذا سيطر هذا التفكير على عقليتك
راح تكون مجرد أداة لتحقيق
أحلام الناس لا أحلامك
راح تحاول تحقق الأشياء
اللي تخليهم يحترموك، يقدروك .
أو حتى تتخلص من كلامهم السلبي .
اللي يكلك أنت فاشل
كله إييييي آني فاشل ونص
وروح عيش حياتك من أجل الله
ومن أجل نفسك
من أجل أحلامك
وإن كانت أحلامك بسيطة متواضعة
مو شرط تطلع طب حتى ترضي الناس
وتبقى #تعيد بالسادس ٣ أو ٤ سنوات
وأنت ما تكدر تحقق هذا الشيء
لأن ذهنيتك أو نفسيتك ما تسمح بتحقيق هذا الهدف .
وعايش حياتك توتر ، إكتئاب ..

تريد طب ؟؟
طلع طب . لأن أنت تريد مو لأن الناس تريد
لا تفكر تطلع كلية معينة من أجل الإحترام ،
وتشتري سيارة فخمة ،
أو تجذب على زملائك بالجامعة
تكول بيتنا بفلان منطقة وأنت ساكن بالعشوائيات .
بالعكس كول بيتنا بالعشوايات
ولا تتحرج من واقعك مهما كان بسيط
لأن اللي يحبك بسبب واقعك الروحي
ما تفرق عنده الماديات .
واللي عنده علاقه بيك
بسبب اللي تملكه راح يصادق غيرك
اللي يملك أكثر منك .
عيش حياتك لأجل الله
ولأجل نفسك فقط
واللي يكلك أنت فاشل
كله : نعم آني فاشل وروح استمتع بحياتك
حقق أحلامك مو أحلامهم
طموحاتك مو طموحاتهم

روح للمكان اللي تترك بيه بصمة
اللي تكدر تقدم بيه خدمة للناس
روح للمكان اللي يخلد إبداعك

من تكبر بالعمر راح تكتشف
أنه من البداية محد بحالك
وإنما كل المسألة لقلقة لسان من قبلهم .
وما راح يفرق عند أقاربك وأصدقاء والدك ووو
كونك طبيب أو رجل يشتغل بأعمال حرة .
وآني واحد من الناس
ما أعرف معدل إخواني اللي أصغر مني بالسادس
فلا ترهق نفسك بنظرة الناس إلك
لأن من تكبر بالعمر
راح تكتشف الحقيقة
محد بحال أحد .
محد يعيش حياة الثاني
ومحد ينام بكبر الثاني

(تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُم مَّا كَسَبْتُمْ وَلَا تُسْأَلُونَ عَمَّا كَانُوا يَعْمَلُونَ )

طلابي وطالباتي الأعزاء أريد الفديو يوصل لكل طالب من زملائكم يعاني من العربي


لأن جاي اشرح بشكل مفصل
والطالب حتى لو ما قاري العربي سابقاً
يكدر يبدي ويانا

توضيح من طلابنا الاعزاء إشتقه من الفيديو الاول بخصوص هالموضوع
ما أعرف شبسرعه 😅😅

https://vt.tiktok.com/ZSr762kCT/

تابعوا رح يفيدكم جداً بالأيام القادمة بخصوص الملخصات 🌺🌼